أنا حبيبك و انت لي اصدق انسان

[الملكية]

,،
احتاج لك حاجة غريبٍ للأوطان
ضاعت حياته بين ديره وديره
:
اشتاق لك أحيان، وأحيان، وأحيان
والفكر يمك كل يومٍ أديره
:
ولهان اشوفك، صدق ولهان ولهان
وأفز لا جابوا لك الناس سيره
:
أقوم واقعد والتفت واسهر أحزان
وجروح قلبي من غيابك خطيره
:
احبك بصمتي واحبك بالاعلان
وماهمني كثر الكلام وقصيره
:
انت المهم و انت الأهم وين ماكان
و أشياء لك في وسط قلبي كبيره
:
ياكثرهم حولي من فلان وفلان
وماغيرك اللي له عيوني سهيره
:
شافوك في عيني وحبك لهم بان
شافوك وماتوا بين حيره و غيره
:
غنيت لك أحلى كلامي والألحان
وغنيت لك شعري وغنيت غيره
:
من كثر ما احبك ترى الكل زعلان
هم كيفهم كلٍ يحكم ضميره
:
حبك في دمي باقيٍ كل الأزمان
كل ماذكرتك نبض قلبي يثيره
:
أنا حبيبك و انت لي اصدق انسان
بيني وبينك حب واشياء كثيره
,،

[ملكة الرواسي]

ابداع كعادتك غلاي
يعطيك العافية على جلبك

[خيال مطير]

انت المهم و انت الأهم وين ماكان
و أشياء لك في وسط قلبي كبيره
يعطيكِ العافيه
تسلم هـ ألانامل
تقييمي

[نبض قلب خالد]

سلمت آناملك آلمتألقه لروعة طرحهآ..
ودي لك ولروحك ,,~

[محمد الغنامي]

ياكثرهم حولي من فلان وفلان
وماغيرك اللي له عيوني سهيره


الله الله

الملكيه
انتقاء ذوق وجميل جداً
صح لسانك ولسان شاعرها
مروري وتقديري
لاهنتي

[محمد العواد]

الملكية

انتقاء ذوق يا ذوق

قصيدة راااائعه جداً
.
.
.
تحياتي لك