طير حوران
30-07-2016, 06:43 PM
هذه القصيده مهداه مني لأحد ابنا عمومتي / الشيخ مشعل بن ناصر الخراص
عسى ان تنال اعجابكم.
يامرحباترحيب وافي وصفطان =بالربع واللي جا من ابعيد عاني
في محتفل ملفا طويلين الايمان=مالي عذر عن ماقفي يابن ثاني
الوقفه اللي ماتقدر بالاثمان =ماني بعنها يالنشامامتواني
ميقافنا واحد على الطاله اخوان=واللي بقلبي تسمعه من لساني
شيخٍ شجيع ومدهل الكل شجعان=تجارب الايام منها الضماني
نجمٍ على صدر السماء للعرب بان=واللي وزان الجدي اخوه اليماني
خطو الكريم اللي من الوالي معان.=قلّط مفاريدٍ وحيلٍ سماني
يباشرك بالعود ودلال رسلان=الطيبه يحريبها في ثواني
صميدعٍ لامن وجه الزمن شان=مثل المنيف اللي للانظار باني
يارد لجم الطيب بحبالٍ امتان =ماهو من اللي طيبهم قلباني
ابوطلال ال وافي الطيب عنوان =المدح من طيبه لطيبه دعاني
عدٍ قراح ويروي الكل ضميان =جيناه بطوال الحبال المتاني
اقول شيٍ فيه وافي ومليان=والحق يظهر فالخفا والبياني
هرجة شباب اعقولها عقول شيبان =منها استفاد الناس قاصي وداني
الصمت للرجال في بعض الاحيان=تناظر العقال فيه المعاني
يجي على كبارالمواقيف سلطان=لاضاع فيها فلان والاّ فلاني
الشور يرجع يمه ارباع واثمان=يطلع برايٍ مايمر الطماني
احصان فالشده وفاللازم حصان=عوق الخصوم اللي يسر العواني
راسٍ رفع معزته فوق الامتان=من روس ربعٍ حطت الها مكاني
قبيلةٍ فيها من الماضي اركان=ولازال حاضرها عريب المجاني
امجادها فالماضي سنان وعنان =وكسب المراجل في هذاه الزماني
طلع بها شيخٍ على الطيب عجلان=مطلاع حرٍ في علو البياني
يعيش فخراً للقبيله كحيلان=شيخٍ يحط من الشحم فالصياني
نبذه بسيطه عنك ياطير حوران=واللي بقى من افعالكم ماخفاني
لو اختصرت السالفه مثل ركان=ماقل دل وعن كثيره كفاني
فالطيبين اقول والصدق برهان =قول النعم تستاهله يابن ثاني
عسى ان تنال اعجابكم.
يامرحباترحيب وافي وصفطان =بالربع واللي جا من ابعيد عاني
في محتفل ملفا طويلين الايمان=مالي عذر عن ماقفي يابن ثاني
الوقفه اللي ماتقدر بالاثمان =ماني بعنها يالنشامامتواني
ميقافنا واحد على الطاله اخوان=واللي بقلبي تسمعه من لساني
شيخٍ شجيع ومدهل الكل شجعان=تجارب الايام منها الضماني
نجمٍ على صدر السماء للعرب بان=واللي وزان الجدي اخوه اليماني
خطو الكريم اللي من الوالي معان.=قلّط مفاريدٍ وحيلٍ سماني
يباشرك بالعود ودلال رسلان=الطيبه يحريبها في ثواني
صميدعٍ لامن وجه الزمن شان=مثل المنيف اللي للانظار باني
يارد لجم الطيب بحبالٍ امتان =ماهو من اللي طيبهم قلباني
ابوطلال ال وافي الطيب عنوان =المدح من طيبه لطيبه دعاني
عدٍ قراح ويروي الكل ضميان =جيناه بطوال الحبال المتاني
اقول شيٍ فيه وافي ومليان=والحق يظهر فالخفا والبياني
هرجة شباب اعقولها عقول شيبان =منها استفاد الناس قاصي وداني
الصمت للرجال في بعض الاحيان=تناظر العقال فيه المعاني
يجي على كبارالمواقيف سلطان=لاضاع فيها فلان والاّ فلاني
الشور يرجع يمه ارباع واثمان=يطلع برايٍ مايمر الطماني
احصان فالشده وفاللازم حصان=عوق الخصوم اللي يسر العواني
راسٍ رفع معزته فوق الامتان=من روس ربعٍ حطت الها مكاني
قبيلةٍ فيها من الماضي اركان=ولازال حاضرها عريب المجاني
امجادها فالماضي سنان وعنان =وكسب المراجل في هذاه الزماني
طلع بها شيخٍ على الطيب عجلان=مطلاع حرٍ في علو البياني
يعيش فخراً للقبيله كحيلان=شيخٍ يحط من الشحم فالصياني
نبذه بسيطه عنك ياطير حوران=واللي بقى من افعالكم ماخفاني
لو اختصرت السالفه مثل ركان=ماقل دل وعن كثيره كفاني
فالطيبين اقول والصدق برهان =قول النعم تستاهله يابن ثاني