محد تجي دنياه دايم علـى الكيـف

[خيال مطير]

محد تجي دنياه دايم علـى الكيـف
يوم محل واليـوم الاخـر مريفـه
لا تلتفت تكثر عليـك التحاسيـف
مافات منها...مات...خلـه بكيفـه
ترقى بصيتك فوق روس المشاريف
وتمشي معك مثل الهبوب اللطيفـه
اليا اقبلت لمت شتـات المواليـف
واليا ابعدت ينسـى وليـف وليفـه
مادام انـا ويـاك دايـم ملاهيـف
ومتقاسميـن حبـنـا بالنصيـفـه
انا خوي للسهر والسهـر ضيـف
ومن عادتي لا حل ضيف استضيفه
حبك نزل بين الضلوع المهاديـف
الصـدق بيـن والنوايـا شريفـه
مع غيرك انتي ماتطيب السواليـف
ياللي على قلبي .. مزوحك خفيفـه
قصه غلاك تشرف العشق تشريف
سيرة غلا .. بين القلوب النظيفـه
انتي اليا وصفت فوق التواصيـف
ياللي لزينك كـل زينـه وصيفـه
مامرني زينك ولا بالنظـر شيـف
الزين في غيـرك مغطيـه زيفـه
وان قيل به للزين والحسن تعريف
انتي عن اجمل مايوصـف منيفـه
الناس تفـرح بالمرابـع وبالريـف
وقربك لقلبي هو ربيعه وهو ريفـه


مما راق لي
خيال ~~

[محمد العواد]

خيال مطير حمران النواظر والله ونعم

كلمات رائعة واختيار ولا أروع

للشاعر : محمد الاحمد السديري

تقبل مروري

[النجلاء]

صح الله لسان شاعرها وتسلم يمينك ع نقلها لنا
انتقاء جميل ومميز كماعهدناك
دمت ودام عطائك ووجودك الفاخر
تقديري لسموك
النجلاء

[ملكة الرواسي]

ماراق لك راق لي
يعطيك العافية ع جمال ذائقتك
.

[خيال مطير]

الله يعطيكم العافيه
مشكورين ~

[نبض ظامي]

خياال إختيار موفق

أبيات جميله

شكري وتقديري

[ريوف]

تسلم ياخيال
على الإنتقااء الجميل

قصيدة جميلة
راقت لنا
كما راااقت لك

[خيال مطير]

مشكورين ~