من يجهلك مايثمنك

[خيال مطير]

من يجهلك مايثمنك

اعز نفسي والعن الوقت واطعنك
ولا اذل نفسي دام للعزه اقدار
يابنت شوفي للسماء كان عاونك
وارقي سماء سابع وشوفي لك اعذار
ويابنت حبي راس كوعك من الضنك
يمكن تلاقي لك من الناس دوار
وشوفي نجوم الليل لاقربن منك
حبي سهيل وعودي تلقي اخبار
يمكن يجيك اللي تعلا معادنك
يرضخ بعذره لاجل فمك والانظار
واقول انا ليه الذهب مامعه زنك
لان الذهب غالي عقب عز الاحرار
واليوم لاترجين عذري انا منك
نفسي عزيزه ماالحق الزله اعذار
هذي علوم الشاعر اللي مراهنك
والعذر قالوا للمره عندنا عار
حنا بدو وسلومنا شالها بنك
بنك المراجل من هل العز الابرار
يابنت شوفي من من الناس يحسنك
اذا زعلتي جاب حائل للانبار
وارقى على متن الردي لاقرب منك
تلقين فيه من الخصايل والاسرار
وقد قيل من لا يعرفك مايثمنك
ومن يجهلك حطك مع البوم بالغار
وهذي قصيده قد رواها الزمن عنك
اعز نفسي والعن الحظ وان جار

الشاعر نواف الدحام

~
ًًًًًًًًًًًًًًًًًً

[عايض العتيبي]

الله الله
صح لسان شاعرها
وتسلم يمينك ياخيال على النقل الرائع والمميز لاهنت
صحيح انك ملكي ومواضيعك كلها ملكيه هههههههههههههه
تقبل مروري وتحياتي

[ملكة الرواسي]

صح لسان شاعرها
ولا هنت ع نقلك خيال
.

[خيال مطير]

الله الله
صح لسان شاعرها
وتسلم يمينك ياخيال على النقل الرائع والمميز لاهنت
صحيح انك ملكي ومواضيعك كلها ملكيه هههههههههههههه
تقبل مروري وتحياتي

هذاآآ من طيب أصًلك
لاهنت يالامير ~

[محمد الغنامي]

خيال مطير
صح لسانك ولسان شاعرها
سلمت ولاهنت

[غنجَ]

صح السانه وصح نقلك
ولاهنت.. هكذا انت
تتجاذب الذائقه الجميله وذات الوزن الثقيل
نحو اناملك لتلتقطها وتاتي بها هنا..

[خيال مطير]

ألله يسعَدكم
مشكورين ع مروركم ألعطر
احترامي للجميععَ ~