رمــح الـهـوى

[خيال مطير]

الزلامـي كيـف رمــح الـهـوى صـابـه
والهـوى مـا صابنـا مـن عـلـى أولـنـا

ياهـل البـيـت الحـجـر سـكـروا بـابـه
ســكــروا بيـبـانـكـم يــاعــرب عــنــا

وامسكو ورع الهوى اللي بلشنا بـه
كـلـمـا جـيـنـا مـــن الــــزام قـابـلـنـا

هـز رمــش العـيـن وإلا ضـحـك نـابـه
ضـحـكـةٍ مـنـهــا الـنـجــوم يـتـهـاونـا

إمـسـكـوه ببـيـتـكـم قــبــل نـبـلا بــه
وإن طـلـع لا تـامـنـون الـعـتـب مـنــا

لا يكـلـمـنـي ولا يـطــلــع الـجــابــه
لـــو صــبــاح الـخـيــر كــنــه يـلـعـنـا

مــا يـخـاف الله ولا يـرحـم أصـحـابـه
جــاهــلاً بـعـيـونـه الــســود يـفـتـنـا

أتمـنـى حـــرب مـدفــع و دبـااااااابــه
و الـعـيـون الـســود عــنــي يـصـدنــا

بس يأهل الطفل متنـا مـن أسبابـه
مــا يــرد الـمـوت لا أنـتــم ولا حـنــا

ورعــكــم يـلـعــب ودنــيــاه لـعــابــه
مـــا درى إنـــا قـــد لـعـبـنـا وهــونــا

مـا لقينـا فـي طـريـق الـهـوى ثـابـه
زتـنـا فــي بـحـر الأهــوال وأهمـلـنـا

الـهــوى عـلــه ولا تـوجــد أطـبـابــه
دايــمــاً راعــيــه مـفـتــون ومـعـنــا

ودنــا بـيـت الـهـوى نقـطـع أطـنـابـه
ونطلب الوالي عسى العفو يشملنا



للشاعر الجزل: رشيد الزلامي
رحمه الله

[ملكة الرواسي]

صح لسان الشاعر ولا هنت خيال
يعطيك العافية على نقلك

[طير حوران]

رحم الله شاعرها وصح نقلك ي الامير

[الجووهره]

الله يرحمه

ويعطيك العافيه خيال

على الاختيار والنقل المميز

[خيال مطير]

يعطيكم ألعافيةة
مشكورين ~

[محمد الغنامي]

خيال مطير
صح لسانك يامبدع
ورحمة الله على شاعرها . رشيد الزلامي
انتقاء جميل
لاهنت

[النجلاء]

خيال
يسلم ذوقك الراقي ياذوقل ومميز
انتقاء جمي
شاكره لك وجودك ومجهودك
تقديري لك
النجلاء

[خيال مطير]

مشكورين لاهنـــتم ,,