اقرب شاعر 😊

[بوح شاعر]

بعد ماغبت لي مدّه نويت اسري على الشعار
ابطقطق عليهم لين رب الكون يفرجها
اخذنا في البلد سجه واخذنا في الزمن مشوار
وقبل نفذ الخطه عرفنا وش نتايجها

[النجلاء]

صح الله لسانك ياولد روق
وفي انتضار شعراء رواسي

[عايض العتيبي]

صح لسانك ياولد روق
وفي انتظار الشاعر الثاني

[غنجَ]

صح السااانك ياولد ولاهنت
وبأنتظار شعار رواسي .."

[عايض العتيبي]

والله ان ودي اطقطق علاك شوي بس مشغول ماني بفاضي هههههههههههههه

[محمد الغنامي]

الله الله
صح لسانك ياولد روق
بدايه جميله جداً
وفي انتظار احد شعراء القلطه

[جوري]

كلنا بالانتظار .....

[ملكة الرواسي]

صح الله لسانك ياولد روق

[بوح شاعر]

صح بدنك
نجلاء/ عايض/غنج/محمد/جوري/ الملكه
وبعدين وش هالشغل ي عايض ودي اني اطقطق عليك صدق هههه

[ريوف]

اسعد الله مساكم..... وصح لسانك ي ولد روق وهذي محاولة مني لتعلم القلطااات...




عسى ربي يسلمكم تعال نقلب الافكار
علام الناس تظلمنا وطارت مع عجايجها

ماتدري إن الزمن لو هو ترفق بالبشر دوار !
وأن الظلم لاغيم على الارواح يسرجها !؛
ريوف

[النجلاء]

الله الله صح لسانك ياريوف
وانا بصفك ياريوف
شدي حيلك

[طير حوران]

ماشاء الله عليك ي ريوف

صحت السنتكم جميع

[عايض العتيبي]

صح لسان ياريووف
بيض الله وجهك عندك ولد روق فسحيه ... وانا ترا في صفك ههههههههههه

[طير حوران]

����������������

الليل الليل

ماسك صف ريوف

����������������

[حمد اليامي]

الله الله
يا ريوف
ابيات مميزة
شدي حيلك
يعطيك العافيه
حمد اليامي

[طير حوران]

عطيه القاز هذا مجرم يبى ياخذ الناس طقطقه

[عايض العتيبي]

انحاش ولد روق
الخيل تعرف اذناب الركبه ..على ما قالوا البدو هههههههههههههه

[طير حوران]

هههههههههههههه مايصبح عليه الصبح الاّ في نجران

[ريوف]

ههههههههه
ي ويلي منكم....وش مدريني السالفه حرب...
الله يخارجني....لا تهيضونه علي!! ي ولد روق شوي شوي تراني اول مره اقلط هههههه

[عايض العتيبي]

ريوف الرجال انحاش معاد هو بجاي وراك جالسه هنا
تعالي للصندوق هههههههههههههه

[عايض العتيبي]

لاوالله جاء ياحافظ ياعقايل الله ههههههههههههه

[بوح شاعر]

ههههههههه صح بدنك وصح لسانك هذي مهب محاوله الا غطيتي على الشعار منتي بسهله ي ريوف

على اللي ودكم ياريوف قولي وش حصل وش صار
ماترضى الناس لو انك على اكتافك تحججها

اعرف ان الظللايم في القلوب البيض شبت نار
ياكم من ناس تضحك قدمكم والهم ساهجها

[عايض العتيبي]

صح لسانك ياولد روق
بس انت وين رحت ليلك كله ههههههههههههه

[بوح شاعر]

صح بدنك ههههههههه من الراعه علق النت هههههه

[عايض العتيبي]

ههههههههههههههههه انا داري

[مهرة يام]

ولد روق
ريوف
صح السنتكم يا مبدعين
بانتظاركم

[بوح شاعر]

صح بدنك ي المهره

[طير حوران]

اشغلت البنت عن بيتها ورعانها ي ولد روق😂

[بوح شاعر]

معطلين الناس ي الطير هههههههههههههههه

[عازف الشوق]

الله الله
صح لسانك ي ولد روق
وصح لسانك ي ريووف
انتي ورا ماخليتي عايض نبي ولد روق يشلوطه ههههههههه

[بوح شاعر]

صح بدنك ابن سهل هههههههههههه عايض انحاش

[النجلاء]

ههههههههه صح بدنك وصح لسانك هذي مهب محاوله الا غطيتي على الشعار منتي بسهله ي ريوف

على اللي ودكم ياريوف قولي وش حصل وش صار
ماترضى الناس لو انك على اكتافك تحججها

اعرف ان الظللايم في القلوب البيض شبت نار
ياكم من ناس تضحك قدمكم والهم ساهجها


صح الله لسانك ياولد روق
مبدعين شعرائنا

[بوح شاعر]

صح بدنك والابداع بوجودك ي النجلاء

[عايض العتيبي]

عجلوا علانا الليل سرا

[غنجَ]

صح السانك ي ولد رووق لاهنت
وعز الله صدقت ياولد سلمت ولاهنت

[بوح شاعر]

صح بدنك غنج

[ريوف]

للأسف ..النت عندي تعبان حتى الوضع المطور مايحمله..هو اللي مأخرني..اعرف انكم نمتم..هههه... ي الله تجربه..ذي المره





يــقـال انــي مـسـويت هـوايـل والـذنـوب كـبـار
على الله والجروح اللي بقلبي من يعالجها

انا جيت الرواسي والحزن في الجوف كنه طار
ولـكن بـعد شوفتكم .. همومي صرت ادحرجها
؛
ريوف

[بوح شاعر]

هههههههههه صح لسانك والله يعينك على النت ونكمل بكره على خير

كلام الناس لايهمك ولو الوقت فوقك جار
ترا طرد العلوم يتعّب لنفسك ويزعجها

رواسي نجد اهلها من هل الطالات واهل الكار
على وضح النقا والطيب مبداها ومنهجها

[عايض العتيبي]

صح لسااانك ياريوف

وصح لسانك ياولد روق

جميعكم مبدعين...
واصلوا وحنا معكم

[ريوف]

تسلم ي عايض الله لا يهينك...صح كلك ي خوي
ههههه المفروض انك بدالي.. بس خلني ذي المره اقلط مع من قلط هههههه عاجبني الاسم


صح لسانك ملااايين يا ولد روق...ابدعت
؛
؛

آاابشرك إني مبسوطه..علاكم.. دايمة مسيار
احاسيسي على صدر القصايد صرت اهرجها

معاكم دنيتي تبدا... وقلبي بايحن لسرار
ولوجيت انتخي ... بلقى لروحي من يفججها
؛
ريوف

[طير حوران]

مبدعين صحت السنتكم

[محمد الغنامي]

الله الله
صحت الالسن جميع
ولد روق صح لسانك يالمبدع
ريوف هائله يابنت واصلي الله يوفقك
وصح لسانك

[النجلاء]

ولد روق
بعد ماغبت لي مدّه نويت اسري على الشعار
ابــطــقــطــق عــلــيــهــم لــــيــــن رب الــــكــــون يــفــرجــهـــا
اخذنا في البلد سجه واخذنا فـي الزمـن مشـوار
وقـــــبــــــل نـــــفــــــذ الـــخــــطــــه عـــرفــــنــــا وش نــتــايــجــهـــا


ريوف


عــســـى ربـــــي يـسـلـمـكــم تـــعـــال نــقــلــب الافـــكـــار
عـــلام الـنــاس تظلـمـنـا وطـــارت مـــع عجـايـجـهـا
ماتدري إن الزمن لو هو ترفق بالبشر دوار
!وأن الـظــلــم لاغــيـــم عـــلـــى الارواح يـسـرجــهــا !


ولد روق


على اللي ودكم ياريوف قولي وش حصل وش صار
مـاتــرضــى الــنـــاس لـــــو انـــــك عــلـــى اكــتــافــك تـحـجـجـهــا
اعـــرف ان الظـلـلايـم فـــي الـقـلـوب الـبـيــض شــبــت نــــار
يـــاكـــم مــــــن نــــــاس تــضــحـــك قــدمــكـــم والـــهــــم سـاهــجــهــا


ريوف


يـــقــــال انـــــــي مــســويـــت هـــوايــــل والـــذنــــوب كـــبــــار
عــلــى الله والــجــروح الــلـــي بـقـلـبــي مـــــن يـعـالـجـهـا
انا جيت الرواسي والحزن في الجوف كنه طار
ولكـن بعـد شوفتكـم .. همومـي صـرت ادحرجهـا


ولدروق
كــــلام الــنــاس لايـهـمــك ولــــو الــوقــت فــوقــك جــــار
تــــــــرا طـــــــــرد الـــعـــلـــوم يـــتـــعّـــب لــنــفــســـك ويــزعــجــهـــا
رواسي نجد اهلها من هل الطالات واهل الكار
عــلـــى وضـــــح الـنــقــا والـطــيــب مـبــداهــا ومـنـهـجـهــا




ريوف
آاابشرك إني مبسوطه..علاكم.. دايمة مسيـار
احاسيسي على صدر القصايد صرت اهرجها
مـعــاكــم دنـيــتــي تــبـــدا... وقـلبـي بـايــحــن لــســـرار
ولوجيت انتخـي ... بلقـى لروحـي مـن يفججهـا

[النجلاء]

ولد روق
صح الله لسانك ملايين

الشاعره ريوف
صح الله لسانك ملايين

شعراء مبدعين ومتميزين بحضوركم
والشكر لكل الحضور على تفاعلهم وتواجدهم وتشجيعم لشعرائنا
تقديري وتقييمي لكم
النجلاء

[هزاع محمدالعاصمي]

هلا وهلين يالشعار هلا ياشاعر السمار.. ... هلا ترحيبتن حلوه من الاعماق مخرجها
مع القيفان ناخذها وتبقا في الزمان تذكار.. على مر الزمن تبقا يبين سلوب هارجها

صح السانك ولد روق

[هزاع محمدالعاصمي]

صح السانك ريوف وصح السانك ولد روق حقيقة مبدعين

[ناصر الهواوي]

ماشاء الله علاكم مبدعين الله لايضركم
ولد روق صح الله لسانك ولاهنت
ريوف صح الله لسانك ولاهنتي

[الشامخه]

ماشاءالله عليكم ابدعتم حبايبي..
صح لسانك ولد روق واهلاً بعودتك..
صح لسانك ريوف ابدعتي غاليتي:)

[بوح شاعر]

صح لسانك ريوف مبدعه

صح بدنك المهره
صح بدنك الطير
صح بدنك محمد
صح بدنك النجلاء
صح بدنك ابو عبيد
صح بدنك هزاع
صح بدنك الشامخه

[عايض العتيبي]

صح لسانك ياولد روق
وصح لسااانك ياريوف
ابدعتوا الله يعطيكم العافيه

[بوح شاعر]

صح بدنك ابو جزاء

[برق الوسم]

ياسلام عليكم

صح الله لسانك ولد روق لاهنت
وصح الله لسانك ياريوف لاهنتِ


الله يعطيكم العافيه

[بوح شاعر]

صح بدنك ولاهنت برق الوسم