قصيدة ياضيقه الصدر -

[خيال مطير]

يا ضيقة الصدر وش باقي على بكره
يا طول الساعتين وطول غربالي

الليل كله وانا فكره وراء فكره
ومن دلة الهم ماهزيت فنجالي

ما كنت اضن الحبيب اليا عشق يكره
الين جربت فرقا اللي شغل بالي

اثر الجفا موت مثل الموت له سكره
يالله لاتقطع الغالي من الغالي

من يوم قفا وانا للموت ابفتكره
والله ليبطي بقلبي منزله خالي

الطير لامن غدا ما عاض به وكره
يقضي وفعله مع المده يورالي

لا صار فعل وغلا بالقلب محتكره
في ضيقته يااخذ الاول مع التالي

كد قالوا الطير يا وفيه يانكره
واقول نكاره العشره بروا حالي

ارجع لموضوعنا السابق على فكره
ماني بانا اللي مفارق بس بلحالي

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي


حمد السعيد

[ملكة الرواسي]

صح لسانك
ولا هنت خيال على نقلك
يعطيك العافية

[محمد الغنامي]

الله الله
صح لسان شاعرها
وصح لسان من نقلها
ذائقه جميله
سلمت يداك
ياخيال مطير

[الجووهره]

قصيده رآئعه

وابيات جميله

يعطيك العافيه خيال

وتسلم يمينك ويسلم ذوقك

[خيال مطير]

ألله يسلمكم
مشكورين
يالغواالي
لاخلى ولاعدمم ..

[غنجَ]

ذأىقه من الوزن الثقيل
سلمت اخي نقل ممتع .."

[خيال مطير]

ذأىقه من الوزن الثقيل
سلمت اخي نقل ممتع .."

الله يسلمكِ
مشكورهه ياالغاليةة
احترامي لسَموك ..