يا امرؤ القيس والله مالها داعي

[غنجَ]

http://www.qqq4.com/u/731805161463581195381.gif (http://www.qqq4.com/)

يا امرؤ القيس والله مالها داعي
وشو له توقف على الأطلال تبكيها؟!

لاتقول ذكرى الحبيب بحجة اقناعي
وش تنفعك ذكريات راح ماضيها؟!

من صد عني حرام ان جيت له ساعي
دام المحاني تقوم وجرحها فيها..!!

القلب غبة بحر والفضل لشراعي
مايلتفت للحدود اللي يعديها

بالمركب اللي صنعته بس لأبداعي
قبطان .. من وين ما ودي اوديها

ويامرؤ القيس كان السر باوجاعي
بعض السوالف تموت بفم راعيها

الفكر عزفي ونبض القلب ايقاعي
والشعر ونسة عمر والناس ترويها

وان كان صدت كذا عن روض مرباعي
لاتحلم اني اجيب العذر وارضيها

والله لو ان الجفا يلوي لي ذراعي
لأقطع ذراعي لها والويه بيديها

اهل النفوس العزيزه عشقها واعي
ماتنحني للغرام اللي يوطيها..!!!

ياامرؤ القيس .. ماتخفاك الأفاعي
تموت والسم باقي في علابيها

لابارك الله بعذر جرح اسماعي
ولابارك الله بمن هو جاب طاريها..!!



مما راااااق لي

[الجووهره]

رآئعه كروعة حضورك غنوووجه

يعطيك العافيه وتسلم يمينك

ويسلم ذوقك على اختيارها ونقلها

[الشامخه]

تسلمييين غنوجه رائعه ..
راقت لي الله يسعدك ويعافيك..
دُمتي بخير.

[ملكة الرواسي]

راقيه غنوجه ابدعت غلاي

يعطيك العافية

[النجلاء]

الله الله
روعه ياغنوجه
يسلم ذوقك الراقي ياذوق
انتقاء جميل ومميز
تقديري لك
النجلاء

[خيال مطير]

يعطيكِ العافيه

[محمد الغنامي]

غنج
طرح جميل وراقي
كرقي حضورك وتواجدك الفاخر
سلمت يداك ودام عطاك
مروي يسبقه تقديري
واعجابي

[مهرة يام]

صح لسانك ولسان شاعرها
ذوق جميل وانتقاء اجمل
يعطيك العافيه
احترامي