عايض العتيبي
24-04-2016, 04:34 PM
هذه القصيده وجها احد الاخوان على سبكة الطائف (ايام اجهزة النداء اللآسلكي *الكنودــ الآيكوم)
كان نداه على الشبكه (صعوط المجانين ) للاخوان المتواجدين ايامها على الشسبكه وسماهم بنداءتهم فالقصيده
واسمائهم المستعاره هي الموجوده بين الاقواس فالقصيده .وردوا علاها وكنت انا من ضمنهم
يقول في احد ابيات القصيد0(نحيت ابو جزاء وابا اثني لـ ابوهيف =لحيث فالرجلين بعد الهقاوي)
(ابوهيف ) هو نداء عبد الرحمن العبيكان) الله يذكره بالخير هو وجميع اصحاب النداءآت المذكوره بالقصيده
كان ذالك في عام :1421 هـ
هذي قصيدة :صعوط المجانين
فزيت من نومي دموعي ذواريف=فزة صويبٍ ما لقاله مداوي
اسباب من تل الضلوع المهاديف =تل الرشا من فوق عد الشواوي
صيفٍ جمعنا يم رجم المواليف=رجمٍ تعلق في شعيب المحاوي
اخذت انا وياه فتره على الكيف=غروٍ سبا عقلي نحيفٍ سهاوي
قفا وانا قفيت بحكم التصاريف=الزين سنّد والمتيم نحاوي
يرسل على قلبي سهومٍ مطاريف=واركى على كبدي مسامير واوي
حبه مغلّف مسشة الزور تغليف=والريم ما يعطف ويرحم وياوي
لاحط عنوانه ولا فيه تعريف=وانا على قربه شفوقٍ شفاوي
نخيت ( ابو جزاء )وأبا اثني لـ (ابو هيف )=لحيث فالرجلين بعد الهقاوي
و(القرم) و(الطالب) و(ذيب المشاريف)=و(الشبل )و(الفائز) و(طير النداوي)
وانخاك با(المتعب) و(داب الهفاهيف)=والا (السعد) ذيبٍ يبت العراوي
وابا اذكر (الغازي) لقطع المساعيف=و(سنجار) و(الوافي )رجال النخاوي
و(عبيد) و(الواثق) رجال المواقيف=و(ابو سعود) مزبنٍ للجلاوي
وان كان جاني علم مابه تخاليف=وان كان خاب الظن فانا عماوي
ضليت مثل اللي يدوج على السيف=والا جرالي ما جرى لـ(المهاوي)
اللي قضى نحبه سهيف السراجيف=اللي رمنه في شراك البلاوي
اخذ ثلاث سنين هجنه مهاريف=لاهوب لا قانع ولاهو رجاوي
انخا رجالٍ تكرم الجار والضيف=عسى من المجمول ياتي براوي
وصلاة ربي عد نبت الغطاريف=على نبيٍ جاب دينٍ سماوي
الشاعر / صعوط المجانين
وهذا ردي علاه
البارحه نومي حلوم وتخاريف=وهواجسٍ مابين سارح وضاوي
ليلٍ جرالي م أعرف له تواصيف=لا اشوف سهر ولاش نومٍ هناوي
من جور عجفات السنين المزاليف=ومصادمي لمبيحات الخفاوي
بغبّة بحرٍ من غدا فيه ماشيف=الموت جوفه والحياه متساوي
جرّبت والدنيا دروس ومواقيف=لاجاهلٍ فيها ولاني بغاوي
سود الليال تنشّف الريق تنشيف=ترمي شقاها فوق راس الشقاوي
كم واحدٍ عقب الطمع صدّر معيف=وأيّس عقب مهوب فيها رهاوي
وراع الهوى دايم ترى قلبه صخيف=يومٍ مريض ويوم منه متشاوي
يهل دمعه فوق خدّه ذواريف=لاسمع له ورقٍ تلج الغناوي
من ذاق حب مكثّرات التشاويف=لاشابعٍ منهن ولاهوب راوي
هذا(صعوط) موجهٍ لي محاريف=ويقول عن فزعتك ماني غناوي
يزهم وينخا كاسبين المعاريف=طاويه من فرقا المضانين طاوي
يشكي فراق اللي ثمانه مراهيف=اللي علاه من الغزيّل تهاوي
يقول حبه شلّف القلب تشليف=مغار اويّق فالزرايب خلاوي
ومن يوم قفى لاذكر لي ولاشيف=وانا على فرقاه ماني بقاوي
مار أفزعوا لي يالرجال العواريف=الصبر عندي ما بقي له شلاوي
ونويت انا أفزع لو لحقني تكاليف=وأدوره معاد فيها تراوي
بمشي مع البدوان والحضر وأضيف=فالديره اللي اله فيها حراوي
من جفرة الصاقب الى مركز شنيف=وماكفت الطائف لعبلة ملاوي
وكان التعب أثمر وجاله مخاليف=هاذي هي اللي ماتجي بالمناوي
وان عاضبت ولاعرضها صواديف=أصبر ويبا الله يحل الدعاوي
لا بدله من عقب الاقفا مناكيف=تجيبه الدنّه و وارد عراوي
لامن برق الصيف جاله رفاريف=وأصبح غثا سيله بروس النزاوي
تبا تشوفه حول رجم المواليف=في خايعٍ هو والادآم متخاوي
الشاعر/عايض العتيبي
كان نداه على الشبكه (صعوط المجانين ) للاخوان المتواجدين ايامها على الشسبكه وسماهم بنداءتهم فالقصيده
واسمائهم المستعاره هي الموجوده بين الاقواس فالقصيده .وردوا علاها وكنت انا من ضمنهم
يقول في احد ابيات القصيد0(نحيت ابو جزاء وابا اثني لـ ابوهيف =لحيث فالرجلين بعد الهقاوي)
(ابوهيف ) هو نداء عبد الرحمن العبيكان) الله يذكره بالخير هو وجميع اصحاب النداءآت المذكوره بالقصيده
كان ذالك في عام :1421 هـ
هذي قصيدة :صعوط المجانين
فزيت من نومي دموعي ذواريف=فزة صويبٍ ما لقاله مداوي
اسباب من تل الضلوع المهاديف =تل الرشا من فوق عد الشواوي
صيفٍ جمعنا يم رجم المواليف=رجمٍ تعلق في شعيب المحاوي
اخذت انا وياه فتره على الكيف=غروٍ سبا عقلي نحيفٍ سهاوي
قفا وانا قفيت بحكم التصاريف=الزين سنّد والمتيم نحاوي
يرسل على قلبي سهومٍ مطاريف=واركى على كبدي مسامير واوي
حبه مغلّف مسشة الزور تغليف=والريم ما يعطف ويرحم وياوي
لاحط عنوانه ولا فيه تعريف=وانا على قربه شفوقٍ شفاوي
نخيت ( ابو جزاء )وأبا اثني لـ (ابو هيف )=لحيث فالرجلين بعد الهقاوي
و(القرم) و(الطالب) و(ذيب المشاريف)=و(الشبل )و(الفائز) و(طير النداوي)
وانخاك با(المتعب) و(داب الهفاهيف)=والا (السعد) ذيبٍ يبت العراوي
وابا اذكر (الغازي) لقطع المساعيف=و(سنجار) و(الوافي )رجال النخاوي
و(عبيد) و(الواثق) رجال المواقيف=و(ابو سعود) مزبنٍ للجلاوي
وان كان جاني علم مابه تخاليف=وان كان خاب الظن فانا عماوي
ضليت مثل اللي يدوج على السيف=والا جرالي ما جرى لـ(المهاوي)
اللي قضى نحبه سهيف السراجيف=اللي رمنه في شراك البلاوي
اخذ ثلاث سنين هجنه مهاريف=لاهوب لا قانع ولاهو رجاوي
انخا رجالٍ تكرم الجار والضيف=عسى من المجمول ياتي براوي
وصلاة ربي عد نبت الغطاريف=على نبيٍ جاب دينٍ سماوي
الشاعر / صعوط المجانين
وهذا ردي علاه
البارحه نومي حلوم وتخاريف=وهواجسٍ مابين سارح وضاوي
ليلٍ جرالي م أعرف له تواصيف=لا اشوف سهر ولاش نومٍ هناوي
من جور عجفات السنين المزاليف=ومصادمي لمبيحات الخفاوي
بغبّة بحرٍ من غدا فيه ماشيف=الموت جوفه والحياه متساوي
جرّبت والدنيا دروس ومواقيف=لاجاهلٍ فيها ولاني بغاوي
سود الليال تنشّف الريق تنشيف=ترمي شقاها فوق راس الشقاوي
كم واحدٍ عقب الطمع صدّر معيف=وأيّس عقب مهوب فيها رهاوي
وراع الهوى دايم ترى قلبه صخيف=يومٍ مريض ويوم منه متشاوي
يهل دمعه فوق خدّه ذواريف=لاسمع له ورقٍ تلج الغناوي
من ذاق حب مكثّرات التشاويف=لاشابعٍ منهن ولاهوب راوي
هذا(صعوط) موجهٍ لي محاريف=ويقول عن فزعتك ماني غناوي
يزهم وينخا كاسبين المعاريف=طاويه من فرقا المضانين طاوي
يشكي فراق اللي ثمانه مراهيف=اللي علاه من الغزيّل تهاوي
يقول حبه شلّف القلب تشليف=مغار اويّق فالزرايب خلاوي
ومن يوم قفى لاذكر لي ولاشيف=وانا على فرقاه ماني بقاوي
مار أفزعوا لي يالرجال العواريف=الصبر عندي ما بقي له شلاوي
ونويت انا أفزع لو لحقني تكاليف=وأدوره معاد فيها تراوي
بمشي مع البدوان والحضر وأضيف=فالديره اللي اله فيها حراوي
من جفرة الصاقب الى مركز شنيف=وماكفت الطائف لعبلة ملاوي
وكان التعب أثمر وجاله مخاليف=هاذي هي اللي ماتجي بالمناوي
وان عاضبت ولاعرضها صواديف=أصبر ويبا الله يحل الدعاوي
لا بدله من عقب الاقفا مناكيف=تجيبه الدنّه و وارد عراوي
لامن برق الصيف جاله رفاريف=وأصبح غثا سيله بروس النزاوي
تبا تشوفه حول رجم المواليف=في خايعٍ هو والادآم متخاوي
الشاعر/عايض العتيبي