مجرد اقتراح

[الصارم]

http://www.qqq4.com/u/0c2204161461338458752.gifhttp://www.qqq4.com/u/0c2204161461338458752.gifhttp://www.qqq4.com/u/0c2204161461338458752.gifhttp://www.qqq4.com/u/0c2204161461338458752.gif

بسم الله الرحمن الرحيم
اخواني واخواتي اعضاء واداريين منتديات الرواسي
السلام عليكم ورحمة الله بركاته
اخوكم مايعرف للمقدمات يبي يدخل في الموضع على طول
منتديات الرواسي تتميز عن غيرها من المواقع الاخر ى
بتعدد الشعار والشاعرات واغلبهم يجيد بحوره المتعارف عليها
ولكن الجماهير في الجزيره العربيه والخليج العربي
يحبون شعر القلطه والمحاورات حتى ان اكثر المواقع وجدت فيه
افضل وسيله للدعايه لمواقعها
واول ماتبتدي المحاوره يضعون الرابط على مواقع التواصل من فيس بوك
وتويتر ويحضون باعضاء جدد من شعار او محبين لهذا النوع من الشعر
وعندي اقتراح وانتم بالتاكيد محين لمنتداكم واعرف مني
في مصلحته
بودي نخصص يومين في الاسبوع يتم الاتفاق عليها بعد التشاور مع الشعار
تقام فيها محاوره بين اثنين من الشعار ومنتداكم واعضاءه اولى بكم من
غيره
يخصص اداري او شاعر بالتنسيق بين الشعار وتسجيلهم في جدول
مع تحديد اليوم والوقت لكل شاعر
انا ابي اسدكم في الصفوف والاخوان والاخوات ماراح يقصرون
اتمنى من كل شاعر يوافقني ويحب ان ياخذ دوره مع الشعار ان
يذكر الشي هذا من خلال رده على الموضوع
ويعمل تصويت للمسؤول الذي يتولى الاشراف عليها
والختام سلام
ملحوظه
هذا مجرد اقتراح ولااعلم اذا احد سبقني عليه
اذا راق لكم والا حولوه على المحذوفات

[السيد زيني]

اقتراح جميل
واكيد سيعزز من موقع المنتدى
ماشاء الله مجوعة الشعراء فيهم الخير والبركة

[عايض العتيبي]

كلامك صحيح يالصارم وانا اوافقك عليه
بس حنا اول شيء نبي مشرف للقسم
يكون صاحب خبره فالمحاوره علشان يتولى القسم
ويقوم بتنشيط القسم وتشغيله ومنع حدوث المخالفات
من خلال احتاك الشعراء ببعضهم البعض حتى ماتصير النتائج عكسيه
ومن ثم يقوم بجدولة الشعراء والتنسيق معهم .. اذا كان عندك استعداد للشيء هذا
بنكلم الاداره ونطلب منهم يحطونك مشرف للقسم وعساك على القوه شف شغلك وحنا معك

[عايض العتيبي]

ليه ماترد يالصارم على سؤالي هههههه

[الصارم]

الاستاذ زيني
وشاعرنا عائض
ارحبو ثم ارحبو
الشاعر عائض العتيبي
خدمتكم انت واخويانا شرف لي ولغيري وماراح اتوانا عن خدمتكم
لكن الاشراف والمسؤليات شارد عنها من قبل واخاف من زعل ناس
احترمهم واقدرهم وسبق وعرضوها علي وتوجهو علي بشرواك ورفضتها
والقسم صراحه مهمل وهو من افضل اعمدت المنتدى وركائزه
ويحتاج الى عدد 2 مشرفين يكون واحد مسؤول عن التنسيق بين
الشعار والاخر مسؤول عن الصفوف وانا راح اقف بجانبهم بكل
ما املك من قوه ومعرفه
والتنسيق بين الشعار يحتاج لشخص له قابليه عند الجميع ويحضى باحترام زائد
انا عندي خبره في تدريب الصفوف على ايام حبيب العازمي الله يذكرك
ويذكره بالخير والصفوف ابي اشعللها
ومن كلام تبين لي اذا لم اكن غلطان انك اخشى من حدوث زعل بين الشعار
لكن شعارنا غير عن كل الشعار والله لايجيب الزعل
والمشرف على القسم نبي الشعار كل واحد يختار اسمين ويرسلها سريه
على الاداره والاعلى منهم في رغبة الشعار والجمهور يتم اختياره
واحنا عصاهم اللي ماتعصاهم

[الصارم]

اسف على التاخير اخوي عائض كنت فالصلاه

[عايض العتيبي]

معذور يالصارم ماحصل شيء يوجب الاعتذار جعلك تسلم
بس انا ودي لو توافق تستلم القسم وتولى موضوعه والزعل وش يجيبه
المشرف عنده انظمه يطبقها على القسم اللي هو مشرف عليه
واللي بيزعل يزعل على النظام لايزعل على المشرف هههههههه

[الصارم]

خل نشوف ردود البقيه وننسق مع محمد ونبي نحصل واحد يخدمنا

[محمد الغنامي]

السلام عليكم ورحمة الله وبركاته
اسعد الله مساكم جميعاً بكل خير جميعاً
اخي الصارم ولا يهونون الجميع
اقتراحك هذا جميل جداً وواقعي وفي محله
وانا قبل فتره ارسلت للجميع خاص واعتقد انك من ضمن الناس اللي ارسلت لهم
وشاورتهم في المحاوره ونبي نسوي جدول وكذا
اغلب الشعراء موافق ومتحمس للفكره
انا ما ابي اطيل عليكم في الموضوع
ابيك تستلم اشراف على قسم المحاوره لحاله ولا لك شغل غير في القسم
حط الجدول اللي تبي ونسق البيوت واختر الوقت اللي تبيه يقام فيه محاوره
بس اهم شي يكون بعد التنسيق مع الشعراء
وابد انا مع اخوي عايض استلم القسم
وبالتوفيق وجميع الطاقم الاداري بيكون معك قلباً وقالباً واي شي تبيه

[الصارم]

ماعمر احد كلمني يامحمد في هذا الموضوع
يمكن انك ناسي
لحظه يامحمد خليني اشوف عائض ع الخاص

[نهر]

إقتراح جميل ومميز

وابشرو بالتفاعل



مير شد حزامك الليله ي الصارم
جاتك مزنه يسبق برقها رعدها :)

[مهرة يام]

اقتراح جميل ورائع
ياليت ينفذ هالااقتراح
وتكون المشرف الصارم
يعطيك العافيه

[محمد الغنامي]

يمكن يالصارم اني ما ارسلت لك صادق
لانك قبل فتره انت غبت وانا ارسلت لك على تويتر
بس انا ارسلت للجميع وانت اخو للجميع ولافيك قصور
ابد شوف وانت ان شاء الله انك توافق على القسم
لانك اول شي تقدر تصرف بحكمه
وفاهم في التنسيق ولا راح تتعب
ولاعندك غير هالقسم

[سهيل بن رداد]

فكره رائعه

لاهنت يالصارم والله يقويك

[خيال مطير]

أقتراح جميل لاينتظر ألتاخير
واتمنى
يكون ألمشرف ع هذا الاقتراح
هو ألمستشار
عايض جزاء
لاهنت يالصارم وبيض الله وجهك أقتراح , كنا في أنتظارهه ..~

[ملكة الرواسي]

لا هنت اقتراح جميل
يعطيك العافية
.
.

[الصارم]

صراحه انا اشوف عائض جزاء هو الشخص المناسب
ان شاء الله يوافق ويبشر بفزعتنا معاه