ان قلت احبك

[محمدالعتيبي]

ان قلت احبك قلت عطني علامه=وش عاد باقي ماظهر من علامات
انا الذي اعطاك وافي اهتمامه=وزرعت لك من صادق الود واحات
وانا الذي غاية مناه ومرامه=مشاهد عيونك ولو بس لحظات
ان غبت غاب النور واقبل ظلامه=واستقبلت عيني سهرها بحسرات
يابو عيون(ن)في طرفها ابتسامه=حبي لك اكبر من جبال السروات
حبك بوسط القلب باني خيامه=وماحولك من الغيد يازين جارات
مالك علي حلفان يابو اللثامه=ماحد(ن)سكن به قبل عهدك ولابات
هذي علامات الغلا وازدحامه=وش عاد تبغى فوق هذي امارات

[عازف الشوق]

صح لسانك ي محمد
شاعر مبدع تحياااتي الك

[الشامخه]

الله الله ي محمد ابيات رائعه
راقت لي صح بوحگ ب انتظار جديد المشوق
تقبل مروري المتواضع لسموك،

[محمد الغنامي]

محمد العتيبي
صح لسانك مليون ولا يسدون
نص فاخر وعذب وسلس
سجل اعجابي ومروري
ولك اجمل تحيه

[غنجَ]

صح السانك ياسيد القافيه
ولاهنت ايها العملاق .."

[ملكة الرواسي]

صح لسااانك
ما اجمل قلمك وما اروع حروفك
دااام نبضك محمد

[عايض العتيبي]

صح لسااااانك يامحمد العتيبي
قصيده رااائعه لاهنت

[شاعرة نجد]

صح لسانك
ولاهنت على هـ العذبه

تقديري,’’

[محمدالعتيبي]

صحت ابدانكم جميعا ياغالين
اشكر مروركم وتعليقاتكم الطيبه

[هزاع محمدالعاصمي]

رائع شاعرنا واكثر
ابيات قمة في الابداع والجمال اسعدني المرور من خلالها
دام نبضك

[سحاب]

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه