فضفضه وأشيآء أخرى ...

[الجووهره]

وسلاااااااااااااااااام


و

‏فيني بداية وقت ونهاية أزمان
أشتاق باكر وأعطي أمسي حنيني ..

[الجووهره]

‎حاول يكون لذاتك بنظرتـك صيـت
‎لأن الثقة بالنفس فضـل وفضيلـة

‎وإطلع من الدنيا ولك بالعـلا بيـت
‎بالوجه الأبيض والصفـات النبيلـة

‎وجامل وعامل بالمثل خلك إن جيت
‎جية مطر وإن غبت غيبـة قبيلـة

[الجووهره]

أسهر و أفكر في سنيني و الأيــام ..
.. وشلون مرّت من يديني .. مساريع

وأشوف ناس أتباعدت مثل الأحلام ..
.. مثل الورق لآ طار في هبـّة الريــع

وضاعت وجيه أشبه بضحكات الأفلام
.. واللي خلقنا ( ماطرى لحظة تضيع )

وأمشي و نظراتي على طول قدّام ..
.. وأنا أدري لآ يمكن لما فات ترجيع

وأقفـّـل الصفحة على الحلم و أنام ..
.. ماكنــّـي قبل انام .. ( باني مشاريع )


حلوه المشآريع

هههههههههه

[الجووهره]

يالله فـي رجاك تكـتب لنا الخـير
وآعـــوذ بك شر آلنفوسَ وجهلها

ياكافل رزق الـبشر مشبع الطيـر
اغفــر لنفس قصرت فـي عملها

[الجووهره]

أحيان ودي : ألتهي مثل الأطفال ,
‏اضحك بدون اسباب ، وانام فجأة

[رحيل]

جوج وينتس (:

[الجووهره]

هلاااوغلااا
بكل الحلااا
هذا أنا جيت
ههههههههه

[رحيل]

هلابتس زود

[الجووهره]

السلام عليكم مسآء الخير
ركني الجميل وزوآري الغآلين
أهنئكم بقدوم شهر رمضآن المبآرك
تقبل الله منا ومنكم صآلح الأعمآل
وجعلنا وإيآكم من العتقآء من النآر
وكل عآم وأنتم بخير

استودعكم الله الذي لا تضيع ودآئعه
ولنا لقآء بعد رمضآن باذن الله تعآلى

[الجووهره]

هلا ركني الغآلي
هلا زوآري الغآلين
وكل عآم وانتم بخير
وعسآكم من عوآده

[الجووهره]

https://3.top4top.net/p_1254bl79n0.jpeg (https://up.top4top.net/)

[الجووهره]

‏‎عقب الصيام وعقب شهر العبادة
جيت ومعي باقة ورود ورياحين

واحساس متفرد ونكهة سعادة
تنعش قلوب وتضحك عيون غالين​



صبآح الورد والريحآن
والفل واليآسمين

[رحيل]

جوج كل عام وإنتي وانتي بخير (:

من نور وجهك.. تنشرين السعاده
ياطاغيه.. منتي بـ حاجه لـ تمجيد

متسيده بالزين يـ أم السياده
كل عام وإنتي دايم أجمل من العيد

[الجووهره]

أهلا هلا ياشوق ترحيبة الشوق
ترحيبة الغآلي ليا جاه غآليّه
ياقمة الاحسآس يا منبع الذوق
يا مبتدآ حب. جوجو وتآليّه



هلااا بتس رحووله فديتك منووره المدونه
وتسلمين ع الأبيآت الجميله يا أجمل جميله
وكل عآم وانتي بخير وصحه وسلآمه

[الجووهره]

ذآئقة صبآحيه

https://www.youtube.com/watch?v=JlYonI7WOHU

[الجووهره]

عدناااااااااا

وعودا حميدا لي ههههه
يا مساء ويا صبآح الوررررد
مدونتي الجمييله
من زمان عنك ومن زمآن
عن الفضفضه

[الجووهره]

ليه المساء يزيد في وجھه الشوق
ويكشف شعور اللي للاحباب مشتاق
في جيته سھم الوله يرتفع فوووووووق
يموت دونه شوق وتحيا به اشووواق


ومسآآآآء وصبآآآح
الشووووووق

[الجووهره]

لا بيوح الورد باحتيآجه للمآء
إما أن يسقى أو يموت بهدوء

[الجووهره]

قد نختلف كثيرا ..
ولكن ھذا لا یعني أننا نكره بعض
فـ.. اختلاف الزھور یعطي الباقة
شكل جمیــل

[الجووهره]

نغيبَ لكنَ قدر الآحبآبَ مآغآبَ
بقلوبنآ مآهو بَيطفيَ سرآجه

لو نقطعَ منَ سبةَ ظروفَ وآسبآبَ
لآبد لو طآللَ ( الغيآبَ ) نتوآآجه

[رحيل]

يسعد صباحتس جوج
كتبت لتس كلام واجد ويوم اعتمدت
المشاركة

لا يمكن الوصول إلى موقع الويب هذا

أغلق www.r111n.com الاتصال على نحو غير متوقع.
يمكنك محاولة:
التحقق من الاتصال
>>>>>> فيس يبكي ):

[الجووهره]

ههههههههههه
ولا يهمك رحوووله
طلتك تكفي يابعدهم
نوووورتيني حبيبتي

[هزاع محمدالعاصمي]

مررت من هنا من ضمن من عبروا من خلال هذا المكان الجميل
وجدت مايثلج الصدر مدونه تحمل ماهو جميل ورائع كل الشكر مع تمنياتي
لك بدوام التوفيق بس لو مانتي بحزب الرعد كان احسن هههههههههه
ترى امزح دمتي بخير

[الجووهره]

ياهلا بك شآعرناا هزآع
شرفت ونورت المدونه
بحضورك الجميل ومرورك العذب

وحزب الرعد هههههه
هم وينهم حزب الرعد
الله يردهم بالسلامه
وأدري تمزح هههههههه
نوورتني شآعرنااا
الله يحفظك ويسعدك

[الجووهره]

أهلين وسهلين
فيني ههههه
من شهرين عن ركني الغآلي
ومدونتي الجميله


ياركني الهادي ولو غبت لايام

انا ، انا !لكن الأيام غبرى

اغيب وارجع عندي احلآم واحلآم

اهمها : يالله عسى الجرح يبرى .



والحمد لله ما كو أيآم غبرى ولا جرح ولا شي
بس الشآعر عآوز كداا
ههههههههههههههه


وعدناااا للفضفضه

هههههه

[الجووهره]

يقول ابن القيم رحمه الله:
( إذا تقاربت القلوب فلا يضر تباعد الأبدان )

[الجووهره]

يا ربّ لي ولكم شعور هذه الآية :
‏( فَرِحِينَ بِمَا آتَاهُمُ اللُّه مِنْ فَضْلِهِ)

[الجووهره]

أفتـح قفص قلبك تغـادرك الأسراب
و احفـــر للأيــام القديمـة مقابــــــر
خل أمس يسري لا تعلّق بمن غاب
جرحك كريم ٍ .. ما يطببّه عابر !

[الجووهره]

أنآ و" آلقلب "و آلحلم آلغريب ونقطة إستفهآم
وبآقي " ذكريآت"ن" مآ " بقآلي " غير , مآضيهآ
أخلق " آلمستحيل آلصعب وأقول أن آلأمل قدآم
جروح " أزيدهآ " هم و قهر و جروح , أدآويهآ
وإذآ صآرت حيآتي نصفهآ وآقع ونصفهآ أحلآم
أقول آلصفحة آللي مآ تنآسب " ذوقي " آطويهآ

[الجووهره]

هز السّما يمكِن تطيح السحآبه
على كفوُف مصافح الوصل يَا ديمْ
تنبتْ على الأرض الهشاش الكِتابه
تنتِج زهر بين إختلاف المفاهيمْ
ما عافت الشّمس القُمر فيْ غيابه
لكنّها صدّت ، ( عن اللّيل والغيمْ )

[الجووهره]

ل زوآري الغآلين

جعل ﺎلسعادھ يا متابع ، لك غيوم
تمطر على ﺎرض ﺎلمشاعر وترويك
وﺎن كان في صدرك تعاليل وهموم
تغسل مجاري خافقك لين ، ترضيك

[هزاع محمدالعاصمي]

مررت من هنا لارتشف شيئاً من الجمال
وأحببت ان اشكرك لجمال هذى المكان وجمال مايحوي
من الأعماق كل الشكر

[الجووهره]

ياهلا بك شآعرنا هزآع
والشكر لك شآعرنا
على حضورك الجميل
ومرورك العذب
شرفت ونورت المدونه
الله يحفظك ويسعدك

[عبدالله الصقري]

مررت من هنا و استوقفني الجمال الكامن بطيَّاته

تقبلي مروري المتوآضع

دمتي بكل خير و محبَّه

لك جل ودي و فآئق تقديري و احترآمي

[رحيل]

طق طق طق احم احم
صباح الخير جوج شلونتس
اشتقت لتس من اعماق اعماااااااااااااق قلبي (:

[خيال مطير]

طق طق طقني الجوع ومريت من هنا

[الجووهره]

مررت من هنا و استوقفني الجمال الكامن بطيَّاته

تقبلي مروري المتوآضع

دمتي بكل خير و محبَّه

لك جل ودي و فآئق تقديري و احترآمي

هلا بك الصقري
والجمآل اكتمل ب مروركم العذب
وحضوركم الجميل شآعرناااا
أسعدني مرورك وشرفني حضورك
ودمت بخير وسعآده

[الجووهره]

طق طق طق احم احم
صباح الخير جوج شلونتس
اشتقت لتس من اعماق اعماااااااااااااق قلبي (:

هلاااا وغلااا
ومليووووون مرحبااااا
وصبآح الورررررد والبررررد ههههه
وأنا اشتقت لك أكثرر من أعماااق كلي هههه
يا مجرمه وين الغيبه
<<<< فيس معصب
من طول الغيبات جاب الغنااايم
وش جبتي لي ههههههههه
جيتك أحلى هديه والله
هاا اعقلي ولا تعوديهااا
هههههههه

[الجووهره]

طق طق طقني الجوع ومريت من هنا

هههههههههه
حيآك الله يالاقشر
ربي يسعدك

[نور]

النفسية زفت وين منتجعكم بريح فيه

[رحيل]

هلاااا وغلااا
ومليووووون مرحبااااا
وصبآح الورررررد والبررررد ههههه
وأنا اشتقت لك أكثرر من أعماااق كلي هههه
يا مجرمه وين الغيبه
<<<< فيس معصب
من طول الغيبات جاب الغنااايم
وش جبتي لي ههههههههه
جيتك أحلى هديه والله
هاا اعقلي ولا تعوديهااا
هههههههه

البقى ياقلبها
يالبى الناس الحلوين اللي يشتاقون
تعالي احب رآستس
والله انتس وحشتيني وحشتيني وحشتيييييني
اي جبت لتس بخنق وحنا هههههههه هههههههههههه
وطقم ذهب (؛

[الجووهره]

النفسية زفت وين منتجعكم بريح فيه

هلا بك نووور
منووره حبيبتي
وسلامة نفسيتك

وهذا هو المنتجع

https://www.r111n.com/t29193-3542.html

هههههههه

[الجووهره]

البقى ياقلبها
يالبى الناس الحلوين اللي يشتاقون
تعالي احب رآستس
والله انتس وحشتيني وحشتيني وحشتيييييني
اي جبت لتس بخنق وحنا هههههههه هههههههههههه
وطقم ذهب (؛

هلا هلا وغلااا
وتخمها وتحب راسها ههههه
وانتي أكثررر والله
ويازينتس وماجبتي
<<< تلبس البخنق والذهب
والحناا والله ما احبه بس باحطه لعيوونتس
وأسير عليتس في مدونتس ههههههه

[رحيل]

لك حبيتي الكعبه يا تؤبريني (:
الحنا حطيه على راستس ولفيه بكيس ولا بسفرةههههههههههههههههههههههههههههههههههههههههههههه هههههه

[الجووهره]

هلا هلا
وصينية حلااا
ياختي وينتس لتس وحشششه والله
نوورتيني ياقمر. ودوووم الضحكه يآاارب


‏لك وحشة ماهي لغيرك من الناس
‏لو هي غيوم ؟ هزت الدنيا برعدها

[الجووهره]

قل للمسا اللي على طلتك طلّ
‏يـأخذ من الليل الجميل ابتسامه
‏ '
‏دامك مساء الشعر والعطر والفل
‏هاك الخفووق اللي مساءك غرامه


عدنااا ركني الهادي
عودا حمييدا
هههههههههه

ومسآء الفل ركني الجميل

[هزاع محمدالعاصمي]

أناجيت اسلم وطبتي وطاب المكان بوجودك

[الجووهره]

هلا بك شآعرنااا
والله يسلمك من كل شر
نورت المكان ب حضورك
الله يحفظك ويسعدك

[الجووهره]

تمَّ القضاء على فايروس كورونا
‏والجميع في صحةٍ وعافية
‏اخرجوا من بيوتكم
‏و صلّوا في المساجد
‏وأكملوا حياتكم الطبيعية"

‏- اللهمَّ هذا اليوم عاجلاً غير آجل


يآآآرب
يأتي اليوم الذي
يصبح ماحدث ذكريآت
نحكيها للجيل القادم
ونعلمهم ان مملكتنا وحكومتنا
باعت كل شيء واشترتنااا

١٣ شعبآن ١٤٤١

[هزاع محمدالعاصمي]

اللهم امين دعاء يرد الروح
وإن شاء الله يكون الفرج قريب وعام على بلاد المسلمين
دمت بخير

[رحيل]

صباحتس ورد جوجي
جبته لتس بصحن مافيه محلات تغليف (:
هههههههههههههه

[الجووهره]

هلا بك
هزآع نورت
وان شاء الله يآرب

[الجووهره]

رحوووله
هلا بك ووردك وصحنك وكلك
هههههههههه
نورتي يا الغاليه
كل ما دخلت المدونات
تذكرت أيامنا الجميله
ومشاكساتنا الحلوه




ألا ليت الزمن يرجع ورى
وإلا اليالي تدور...
ويرجع وقتنا الأول وننعم في بساطتنا
زمان أول أحس إنه زمان
فيه صدق شعور
نحب ونخلص النيه وتجمعنا
محبتنا

[رحيل]

تقرا كلام جوجو وتبتسي
> وتمسح دموعها بطرف قميصها الروز هههههههههه
حبيبتي انتي عسى الله لا يفرقنا

[الجووهره]

جعلك ما تبتسين غالي رحووله
ويازينك وقميصك الرووز

وآمين يآرب

وعسا الزمآن اللي جمعنا على الطيب
يبقى على طيبه ونبقى حبآيب
يا أغلى الحبآيب

[الجووهره]

باقي بكره وبعدوو
ويهل علينا شهر رمضآن
شهر الخير والبركآت
جعلنا الله وايآكم من صوآمه وقوآمه
وتقبل منا ومنكم صآلح الأعمآل
وكل عآم وانتم بخير.
ونشوفكم على خير
بعد العيد ان شآء الله

[الجووهره]

ونفضفض شوي
من زمآن عن الفضفضه


‏رافق أصيلٍ في زمانك يصافيّك
‏لا شاف زلّاتك عن الناس غطّاك

[الجووهره]

‏ليت الزمن يرجع و ليت الليّالي تعود
‏مـا كانت الذكريـات تعذّب أصحابها

[الجووهره]

‏ننوي ننام .. وروسنا حزة النوم..
‏تبدا بسرد .. علومها لـ الوسايد

[خيال مطير]

طااااب ليــ ألمكوث :/., هنا
مشاعر وأحساس جميل من سموك
كلكلكلك ذووق أميرهه
حفظك الرحمن

[الجووهره]

وطآب لي حضورك مستشارنا
تسلم والذوق منك وفيك
شرفت ونورت المدونه
الله يحفظك ويسعدك

[الجووهره]

ركني اللجميل
زوآري الغآلين
يمكن يتقفل رواسي بأي لحظه
كل عآم وانتم بخير
أشوفكم على خير ان شاء الله
استودعكم الله الذي لا تضيع ودآئعه

[الجووهره]

عدنااااا
بعد رمضآن والنص من شوآل
هههههههههه

و

يسعد مساء كل المخاليق بالخير
‏اللي ورا الشاشات تقرا كلامي
‏
‏مسائكم حشمة و قيمه و تقدير
‏ياللي لكم عندي غلا و احترامي

[الجووهره]

مساء الخيرات
ركني الجميل


https://youtu.be/EykuT7-JTOo

جآزت لي

[هزاع محمدالعاصمي]

مساء الخير
مدونه عامرة بوجودك وبها من الجمال مايوحي
بجمال حروك وذوقك الرفيع دمتي بخير وبالتوفيق

[الجووهره]

مساء النور والسرور
هلا بك شآعرنا شرفت ونورت المدونه
وتسلم ماعليك زود طآل عمرك
الله يحفظك ويسعدك

[رحيل]

كل عام وانتي بخير جوجتي
عيدك مبارك ياغالية

[رحيل]

<< ترسم قلب على الغباااااااااااااااااااار ):
♡

[الجووهره]

سلااااام نظر ههههه
ركني الغالي
وزوآري الغآليين
وهلا وغلاا رحوله
نورتيني يا القآطعه
هههههههه
وكل عآم وانتي بخير وصحه وسلامه

تعالي زوريني ولا تنسين الكيكه والورد ههه
مع اني ما اتذوق ولا أشم
ف خليهاا بعدين ههههههههه

والحمد لله على شفآئي
والله يشفي كل مريض يآرب

[رحيل]

<<< تخمها نست كرونا ههههههههههههههههههههه
هههههههههههههههههههههههههههههههههههه
سلامتس جوج جعله بعدوينتس ولا فيتس
اجر وعافية حبيبتي

[الجووهره]

ههههههههه
خمي ولاا يهمك
الكورونا راحت الحمد لله
الله لا يردهاا ويكفينا شرها
والله يسلمك ويعافيك من الشر يالغاليه

[رحيل]

ياعمري انتي آمين يارب
وجعلك دووم بخير وعافية
ياعين ابوي وخلاني
وجاراتي وجيراني < وش رايتس بس في الكلام الحلوووو ههههههههههههههههههههههههههههههههه

[الجووهره]

تدوووم اياامك وسعاادتك
والكلام الحلووو حلووو على صاحبته
شكلك صرتي شاعره من ورانااا
ههههههههههه

[الجووهره]

ههههههه
جربت تنزيل صوره
ماضبطت
نحاول مره أخرى

[الشامخه]

الحمدلله ع سلامتك جوج عيني..
خارجه من الشر يارب..
ابحثي في قوقل شرح كيفية تنزيل الصور في المنتدى_
ادخلي ثاني موضوع مدري اول موضوع ع منتدى عالم حواء_
بيفيدك م اقدر انزل رابط يمكن ممنوع هنا.

[الجووهره]

الله يسلمك يا الغآليه
مايجيك الشر.حبيبتي
نورتيني فديتك
ان شاء الله بابحث عنها
تسلمين ماقصرتي
الله يسعدك ويحفظ لك أحبآبك

[الجووهره]

https://l.top4top.io/p_1689kv6q30.png (https://top4top.io/)

[الجووهره]

ونجحت المحاوله والحمد لله
وحياكم الله على قهوتي الملطووشه
ههههههههههههه

[الجووهره]

كيف الصوره طالعه عندكم
ما ادري كيف اصغرهااا
عاد انا تخبرون زووله
اهم شي نزلت . كبيره صغيره مايهم
ههههههههههه

[الشامخه]

جايه اركض من الخاص..
احسبها خلصت اشوى محد سبقني..
>>~تتذوق القهوه وتخم جوج..
عزالله انها قهوتن تسوى ..
بكيف راسي واسولف معاك..
ثم بروح للسجن ننزل من هاللقصيد:)..
هاتي علومك ي جوج:)

[الجووهره]

ياهلا مليووووون شمووخه
تستاهلين أحلى قهوه وأحلى حلا
يا كل الحلااا. والذوووق انتي.
علومي تماام الحمد لله
بس اشتقت للطلعات
ول فساتيني ههههههه

[رحيل]

ليش ماناديتوني
اتقهوى معتسن يالربايع
ماأحبتسن قلب >> مكسور ): ههههههههههههههه
هههههههههههههههههههه

مبرووك جوج يالله ننتظر الغداء بالسجن هههههههههههه

[الجووهره]

هههههههههه
لبى قلبك ماعاش من يكسر قلبك الطيب
وابشري با العوض كم عندنا من رحووله

[الجووهره]

https://d.top4top.io/p_1692ptyr90.jpeg (https://top4top.io/)

[الجووهره]

https://b.top4top.io/p_1692mchji0.jpeg (https://top4top.io/)

[الجووهره]

‏1442/1/1

اللهم اجعلها سنة خير علينا وعليكم
و المسلمين اجمعين

[الجووهره]

عام جديد وحبه اكثر من العام
وعام مضى واستقبل العام حبه

ماهو بيوم بس في كل الايام
حبه بقلبي كل يوم احتفل به

لان الحشام كبار بعيون الحشام
ولان الوفا ما ننثني دون دربه

قلبي يبادله المحبه ولو نام
يصحى يحبه دون حاجت منبه

والله لاحبه دامني حي مادام
حلفت له بيمين ربي وربه

صرحن بقلبي ع الوفا ثابتن قام
ما ينثني للعاصفه لو تهبه

[الجووهره]

‏وتمر الايام وتمر السنوات
‏بنفس الاحساس مع فرق الملامح

‏احيان ماودنا نسامح بحاجات
‏وقلوبنا ماتعرف الا تسامح !

سلطآن بن بتلاء

[الجووهره]

‏أدبح الليل وأقبل فجر عامٍ جديد
‏ياكريم إجعله عام السعد والأمان

‏عبدك يريد وأنت الفاعل لماتريد
‏نلتجي فيك وأنت القادر المُستعان

‏الحميدي الحربي

[الجووهره]

‏ان كان قلبك من عنا البعد مضغوط
‏قلبي (عليكم) من عنا الشوق مندي!!

شكل شآعرها جوعآن
هههههههههههههه

[حمد الخالدي]

والله معجبك ذا البيت شكلك انتي اللي جوعانه خخخخخخ

[الجووهره]

هههههههههههه
هلا بك شاعرنا
نورت المدونه
بعذري جوعانه هههههه
اليوم منسيه بالسجن لا غدا ولا عشا
طلعوني بس هههههه
اعطوني حريتي ههههههه

[حمد الخالدي]

ههههههههههه

تراك طالعه بس الجوع يحكم والمطلوبه شاعرة نجد جاري البحث عنها :)

منورةٍ باهلها

[الجووهره]

الحمد لله
طلعت قبل الويكند
مع ان الايام صايره
كلها ويكند لنا يالمعلمات
الحمد لله
ههههههههه

وادلع ياكايدهم
خليهم يشوفونك

[الجووهره]

ذعذعي لي يا هبايب نجد جعل الحظ قايم
والله اني عشت ما احب الكبر والعنصريه

مير لي قلبٍ ولو جار الزمن في نجد هايم
حبها يملا العروق وزينها ما شفت زيه

صح لسآن شآعرنا
حمد الخآلدي

[حمد الخالدي]

الحمد لله
طلعت قبل الويكند
مع ان الايام صايره
كلها ويكند لنا يالمعلمات
الحمد لله
ههههههههه

وادلع ياكايدهم
خليهم يشوفونك

ههههههههه

الجوهرة بحضورها ميزة ولا ادري شالسبب
يمكن على شان اسمها هو نفسه اسم الوالده

والا على شان الزماله فالمدارس والكتب
في مهنةٍ وإن جارت الأيام تبقى خالده

[الجووهره]

يا هلا بك شآعرنا
نورت المدونه وصح لسآنك
وتسلم ماعليك زود طآل عمرك
وأتشرف باسم الوآلده الله يحفظها
ويخليها لك ويطول بعمرها

أجل صرنا زملاء مهنه

هالكورونا حاستناا حووس
حطت وزارة التعليم في موقف لا تحسد عليه
الله يعين ويفرجها على الجميع عاجلا غير آجل

[حمد الخالدي]

اللهم آمين.. تبقين جعلك تسلمين..هالسنه ما مسك التعليم الا الكورونا.. الكورونا درستنا (:

امين والله يقبل ما دعيتي..ولك.بالمثل

[الجووهره]

الله يجزاك خير شآعرنا

[الجووهره]

في زحام الأعوام ..
يمضي عام تلو عام ..
وفي كل عام حقائق وأحلام ..
وحلمي أن أراكم بخير في كل عام

[الجووهره]

اقبل علينا عآم ثنين وأربعين

يالله عسآه من السنين السعيده


فاتت سنين العمر والنآس لاهييين

والعمر يطوى مثل طي الجريده


سود الليالي غيبت نآس غآليين

قفت بهم غصب علينا فقيده


وكم من خطآيا سجلت بالدواوين

في عآمنا الفآيت ذنوب عديده


يارب عفوك مالنا غيرك معين

واكتب لنا يآرب عيشه سعيده

[الجووهره]

للأمانه غيرت في الشطر الاول
كان
أقبل علينا عام ثمآن وثلاثين

[حمد الخالدي]

ما شاء الله تبارك الله عندك ملطوشات وتحريفات والمصداقيه فالملطوش اهم شي خخخخخخ

[الجووهره]

ههههههه
ايه أهم شي المصدآقيه
في كل شي

[حمد الخالدي]

والله بغيت اشارك ببيتين بس ما تهيا تعبري بهذا خخخخ

https://m.youtube.com/watch?v=_0a998z_G4g

[الجووهره]

هههههههههههه
الله يسعدك شآعرنا

[الجووهره]

هلا بك ركني الهآدي
وهلا بالزآئر اللي منور تحت
لحظه بشوف انا وين انا فيه
لايكون في قسم وموضوع ثاني
هههههههههه

[الجووهره]

ومسآء السهر


‏نسهر وتسهرنا مقادير الأعوام
‏و دروبنآا / متفرقه ، و معزوله

‏يا صاحبي ما فادنا كثر الأحلام
‏واللي بخاآطرنا .. عجزنا نقوله

[الجووهره]

الهلال

‏ما ينام، إلا وهو يحضن لقب
‏وما يثور، إلا لأجل يحسم نزال ..

‏وما يشيل من الكؤوس، إلا الذهب
‏..البطولة «بنت»، وتحب الهلآل ،،،



مجآرآة

البطل دايم هلال طرق ولا بالأدب
‏بينه وبين البطولات حب ولا يزال

‏كل عام يقول هل من منافس ياعرب ؟!
‏اللي يعرف يتفضل يجاوب عالسؤال

[الجووهره]

‏حلفت بـ الي طلّع الشمس منّاك
‏والصبح بـ امره تطلع الشمس منا

‏ان اسعد الايام شوفك ولقياك
‏وان اقشر الايام غيبتك عنا


البيتين ذكرتني حبيبتنا النجلاء
اللي طال غيابها واشتقناا لهاا
أهديهاا لهااا

[الجووهره]

https://youtu.be/ElSMsRFIIE8

[الجووهره]

هلا وغلا رحووله
سكري الباب وراك وقفليه
بطول ع الصوت
نتنكس عالشيله الحلوه
احتفال بالتتويج
ومبروووووووووك
لكل الزعمآآآء

[حمد الخالدي]

مبروك وهذا شي محسوم مباراة تتويج كانت
بس يبدو إني دخلت في وأت غير مناسب الباب مردود وتنكس ههههه
عض شليلة وحط رجله (:

[رحيل]

احمد الله اني هلالي
عالمي وانتم تعرفووووووووونه
>>>> تلفح بشعرهاااااااااا

عاشوا هههههههههههههه عاشوا
وتقول كللوووويشش هههههههههههههههههههههههههههههه

[رحيل]

هههههه يافضحنا فضحاه ماشفنا حمدد
الله وكيلك من الحماس واتنكس ههههههههههههه

[الجووهره]

ههههههههههه
ياحلوك رحوله وشعرك ورقصك وكلك
اهم شي لا يجينا خيال النصرآوي
مرتفع ضغطه وقولونه هههههههههههه
ثم يحوسنااا حووس هههههههههه
ويكسر سماعتنا ويخرب جونااااا

[الجووهره]

وهلا بك الخالدي والله يبارك فيك
والمكان مراقب بالكاميرات
وممنوع دخول الرجال
ههههههههههه

[رحيل]

أنتي الحلى والزين كله
ملح المنتدى وحلاه لبى قلبتس بسس

لا تجيب طاري الفقراويين
بذات خيالوه هههههههههههههههههههههه

[الجووهره]

هههههههههههه
هلا بك رحوووله
وياويلك من الاقشر
ههههههههه

[الجووهره]

‏ياصبـاح الخـيـر يانجــد العـذيه
‏يابعــد بيروت والغيــم بسمــاها

‏ان بغــوها عشـق والا عنصـريـة
‏لآيمــي في نجـد مايسـوى ثـراها


صبآح الخير ل نجد
وأهل نجد

قالها شاعرها عآيد بن ضلعآن

عنصررريه

وصبآح العنصررريه
هههههههههه

[الجووهره]

طلال الرشيد لما حب قال

على سور قلبي لا تغرك جموع النآس
ترا ما ورى بيبآنه الا ... مدآهيلك

[الجووهره]

‏لاجيت في خاطري تعشوشب البسمة
‏على شفاهـــي وتـــزهر روضة الخاطر

‏انسى جفاف الزمن واشـــوفك النسمة
‏اللــي تحــدد عـــناق الارض بالمــاطر
‏ِ

[رحيل]

‏ياصبـاح الخـيـر يانجــد العـذيه
‏يابعــد بيروت والغيــم بسمــاها

‏ان بغــوها عشـق والا عنصـريـة
‏لآيمــي في نجـد مايسـوى ثـراها


صبآح الخير ل نجد
وأهل نجد

قالها شاعرها عآيد بن ضلعآن

عنصررريه

وصبآح العنصررريه
هههههههههه

عنصريه عند جوجو
لا ماصدز ههههههههههههههههههههههههه
هههههههههههههههههههههههههههههههههه ههههههههه يابعد قلبي تعنصري عسى مايتعنصر غيرتس (:


لا ابشرتس تعلمت السواقه
بسوق شاص وامرتس ههههههههههههههههه
راعي الشاص عبه عبه عب الاول وعب الثاني
ههههههههههههههههههههههههه

[الجووهره]

هههههههههههه
هلا بتس نورتيني
ايه من عآشر القوم صار منهم
صار عندي عنصريه هههههههههه
ومبرووك السواقه او القياده
الله يعطيك خيرها ويكفيك شرها
ويعمي عنتس سآهر. ههههههههه
بس عاد شآص صعبه قوويه
هههههههههه
هاتي معك كرسي اطلع عليه
هههههههههههههههههه

[الجووهره]

هلا ركني الهادي والجميل
والحمد لله على السلامه رواسينااا
اهم شي باقي موجود ركني الغالي
وما ضاع تعب السنين
ههههههههههه

[رحيل]

مساتس ورد جوري
جوجووو (:

[الجووهره]

مسآك فل وياسمين وكآدي
هلا بك رحووله نورتيني
خلينا نرتب لليوم الوطني بكره
جهزي الاعلام والحلويات والشيلات

[الجووهره]

إهدآء جميل من شآعرنا الهوآوي

ليا قيل شمعة سجننا ياترا مين
قل ما تبي تخمين ذي جوهرتنا

بنت الرجال الطيبين الميامين
في ذوقها وحضورها مبهرتنا

شرف وادب ينم عن حاظنة دين
على احترام المحترم مجبرتنا


صح لسآن شآعرنا القدير
شهآده وأبيآت أعتز بهاا من أمثاله
الله يحفظه ويسعده ويطول بعمره

[الجووهره]

يازين اللي نآيمين تحت
نوم العوآفي رحووله
>>> تغطيها وتسمي عليها
وتطلع بهدوء لا تزعجها

[الجووهره]

أبيآت وطنيه


‏ما دام آل سعود فينا حاكمين
‏يا دار فوق السحايب عيدي

،،،

‏اليـوم للمملكـــه يـــومٍ ماهو عادي
‏يومٍ به الحق قام وشعشــــع بنوره

بدر العدوآن
،،،

‏تسعين عام ٍ والبلد بأمن وامان
‏والحكم لله ثم لاخوان نوره

‏حمو ّ بلاد العز من كل عدوان
‏بالسيف الاجرب ما اخذو به مشوره

‏واليوم في عهد الرغد عهد سلمان
‏الحمد لله ماعلينا خطوره

‏ولي عهده خطته شانها شان
‏كل الوطن في مارسم به فخوره

منيف بن نقيه الغنآمي

،،،،

‏افخري يادارنا ب عيادك
‏وغني بصوتٍ يزيح الغمه

‏ماتغيب الشمس في ميلادك
‏دام شمسك شارقه للأمه
‏
‏انتي المأمن وحنا احفادك
‏مكملين الصرح لين نتمه

،،،

‏مــع احترامي للكنـانه والاهـرام
‏واسـوار بـابل والنـهـر والــمثـنى

‏واطلال صنعاء والنواعير بالشام
‏والبلبل اللــي في اغــادير غـنى

‏مهد العروبه والحضارة والاسلام
‏والكـون كـله قبلتــه في وطنـا

عآيد بن ضلعآن

[الجووهره]

أبيآت غزليه
ههههههههه


‏يقولون اللي تحبّه تضمه بالعين
‏أنا بأي عين أضمك وأنت عيني
،،،

‏مايخفف وحشة الليل الرهيب
‏غير صوت ٍ نبـرته فيها حـنـان

‏ان تكلم يمسح الجرح ويطيب
‏وان تبسم يبتسم وجـه الزمان

،،،،

‏فيك فن وفيك بوح وفيك ذوق
‏ وفيك كل اللي من الدنيا بغيت
‏..
‏كل ما فيني عليك يموت شوق !
‏والمشاعر و الخفوق الي خذيت

[الجووهره]

‏من جمال اللغة العربية :

‏- أهلاً و سهلاً "

‏أهلاً تعني أنك صادفت أهلا و ليس غرباء ..

‏و سهلاً تعني أنك و صلت لمكانً سهل لن يمسّك السوء فيه ،

‏لذلك يُقال حَللت أهلاً ووطِئت سهلاً ..

‏- أهلاً و سهلاً بكل روح جميلة مرّت من هُنا

[الجووهره]

اقلطوو زوآري
حيآآآكم

يقول


‏اقلطي ماغير ودك وشوقك في حشاي
‏واقدعي من نخلة الحب .واركي جالها

‏كيفك .. العهد الموثق ومختومه وفاي
‏والمشاعر .. لاقيه في كنفك .. ظلالها

‏خلي احساسك يسولف ويروي لي ضماي
‏اشهد انه .. من مناهيل ... عذب زلالها

[الجووهره]

‏اللي شبيه الورد ،، لا يهدي الورد
‏يهدي على وجه المساء إبتسامة

مسآء و صبآح
الورد والابتسآمه

[الجووهره]

صبآح الخير
ل ركني بس
ههههههههه
هلاا بك ركني الغآلي
ادري تقول لي
من طول الغيبآت جآب الغنآيم
هههههه
وابشر بالغنآيم هههههههه

[الجووهره]

‏أول الغنآيم


هنا تلاقينا وجيت اسلّم.. و رد السلام
‏وهنا ابتسم لي بسمة الشوق الخجول الأوله
‏.
‏وهنا مشينا مع بعض أول مشاوير الغرام
‏وهناك كنت اختار من ورد المواعيد اجمله
‏.
‏واليوم امر اللي يبيع الورد و ما القي بالسلام
‏اخاف يسالني وانا ماني بـ ناقص اسئله

للعذب فهد المسآعد

[الجووهره]

https://k.top4top.io/p_1787bf7l20.jpeg (https://top4top.io/)



الله يرحمه

[الجووهره]

هلا بك مديرنا
منووور تحت
هههههههه

[الجووهره]

وصبآح الخير
لمديرناااا

[الجووهره]

‏أربع دعوات تجمع لك الخير كله

‏قال ﷺ :《اللهم إني أسألك الهدى، والتقى، والعفاف ،والغنى 》

[الجووهره]

‏" اجعل خطواتك في الحياة كمن يمشي ع الرمل .. لايُسمعُ صوته لكنّ أثره واضح " .

[الجووهره]

و


‏ما فات خله ولا تهتم من باكر ...
‏ واغنم من اليوم ما ساقت توافيقه ...

[هزاع محمدالعاصمي]

مررت من هنا ووجدت ماهو جميل من الاعماق كل الشكر
بالتوفيق

[الجووهره]

هلا بك شآعرنااا
أسعدني حضورك
وشرفني مرووورك
نورت المدونه
الله يحفظك ويسعدك

[الجووهره]

مسآء الخير والمطر
وابدآع البدر


https://youtu.be/TY93q3VAh6Y

https://www.youtube.com/watch?v=TY93q3VAh6Y&feature=youtu.be&ab_channel

[عبدالله الصقري]

رووووووووعه
و
أحلى ذآئقه

متميِّزه
نقش ٍ و لطش


يا هي غزآله رآيقه
ما همها في أي طحش

هههههههه

هي في الروآسي سآيقه
و اتبيسها في الخط وحش

عذبه .. و قمَّه فآيقه
و اخلاقها بـ مليون عرش


،،،

تقبلي مروري المتوآضع
مع أرق واجمل تحيه

[الجووهره]

هلا بك شآعرنا الصقري
حضورك الاروع وأحلى مرور
صح لسآنك شرفت ونورت
وماعليك زود طآل عمرك
الله يسعدك

[الجووهره]

ودآعا 2020

‏اللهم إنّا نستودعك عام مضى من عمرنا
وبارك لنا في عامنا الجديد ،
اللهم اجعل ما بقى خير من ما مضى



‏على مشـارف عـام واحـد وعشـرين
‏نـرقب قــدوم ايــام ونـودع ايـــام

‏بكــره نحط اللي مضى بين قوسين
‏في صفحة الذكرى بعد كانت احلام

،،،،،،
‏كل عامٍ نرجي الحلم من عامٍ يليه
‏وكل يوم من العمر لاتعدا نخسره
‏لكن الآمال باللي لاخاب نرتجيه
‏العظيم اللي نعزه ونجله ونشكره

،،،،

عام جديد وحبه اكثر من العام
وعام مضى واستقبل العام حبه
ماهو بيوم بس في كل الايام
حبه بقلبي كل يوم احتفل به

[رحيل]

الله يسعد مساتس جوجو

يازين ذوقتس يالاميرة
وياحلوتس وحلو مدونتس

[الجووهره]

يسعد أيآمك وحيآتك رحووله
أحلى مرور وأحلى طله
وما عليتس زود حبيبتي
نورتيني يا الغآليه

[خيال مطير]

جهير

كنت هنيا

[الجووهره]

خيالوووووه
حيآك الله
نووورت

[حمد الخالدي]

الله يصبح راعي دار بالخير
ومبَشرٍ بالخير ياللي تزوره

ما الله عطاني بالذرابه تدابير
لكن شاعر مَر وسجل مروره

[الجووهره]

ياهلا بك شآعرنا الخآلدي
والله يصبحك بالنور
والسرور والوورد المنثووور.
وأحلى مرور والله
حيآآآك الله
شرفت ونورت المدونه

[رحيل]

اسعد الله مساتس
يالمزيونة (:
تسيف الحال عساتس طيبه

[الجووهره]

يسعد أيآمك ياجميله
الحمد لله بخير الله يسلمك
نورتيني ياالغآليه

[الجووهره]

باسم الله أبدأ

هنآ أنا

وأنا هنآ

فضفضه

خربشآت

ومآ يروق لي

من شعر وخواطر

وأشيآء أخرى ...



الثلاثاء / 6 / 6 / 1437


اليوم الثلاثاء 6 / 6 /1442

حدث في مثل هذا اليوم الجميل
قبل خمس سنوآت. سجلت هنااا
العمر كلووو. جوجو ههههههه
والعمر كلووو. رآسينااا
هههههههههه

[الجووهره]

سجلت قبل التآريخ ب شهر تقريبا
وافتتحت المدونه بهذا اليوم والتاريخ
وبس والله. هههههه

[الجووهره]

رحوله تعالي عازمتس بالمناسبه
جيبي معتس كيكه وخمس شمعات
وخمس وردات وخمس هدآيا
ههههههههههه

[عبدالله الصقري]

انتي الورود و ضيا الشمعه
و اجمل هدآيـا هـ السنين

يتبع
.
.
.

كل سنه و انتي أجمل و اعذب نور و حضور

لك أرق تحياتي

[الجووهره]

تسلم تسلم شآعرنااا
وصح لسآنك ومشكور
على الحضور الجميل
وكل عآم وروآسينا تجمعناا
ونعم الاخوآن والأخوآت.
الله يحفظك ويسعدك
والجمييييييع

[رحيل]

ماشاء الله بالمبارك بالمبارك كلللووووووش
مباركين عرس الاثنين ليلة ربيعين وقمره ههههههههههههههههههه
> فاهمة غلط ههههههههههه


يآلبيييييييييييييييييييه
الله لا يفرقنا لين نروح شيبان وعجايز ههههههههههههه

[الجووهره]

هههههههههههههههه
ولوووو رحووووله
انتي أم المفهووميه
ههههههه
نورتي يا الغلااا

[عبدالله الصقري]

ماشاء الله بالمبارك بالمبارك كلللووووووش
مباركين عرس الاثنين ليلة ربيعين وقمره ههههههههههههههههههه
> فاهمة غلط ههههههههههه


يآلبيييييييييييييييييييه
الله لا يفرقنا لين نروح شيبان وعجايز ههههههههههههه


آمين يا رب
و تسلمين و الله و كل ٍ على قد عقله
ههههههههههههههههههه


يا ما حلا هذي الجَمعه
أهل و حبايب غاليين

في العين لنجومكم لمعه
و الروح معكم تستكين

مع أرق و اجمل تحيه

[الجووهره]

هلا بك شآعرنااا
نورت المدونه

[الجووهره]

ومسآء الخيرآت
والشيلآت
هههههههه

https://youtu.be/CQ4dvLtVsQw

أعجبتني بس أعيدهاا
خاصه الأدآء رووووعه
أبدعوو المسردي والبقمي
أحب شيلاتهم.

[الجووهره]

https://youtu.be/5_609AkAerw


الله يرحمه ويغفر له وأموآت المسلمين

رحل مساعد ورحل طيره الحزين ورحل الشتاء الذي عاشوا برده و غربته ..
‏اعادت أحلام ذلك المشهد :
‏ مساعد يخاطب طيره من خلف نافذة الغربة والحزن شعرا ��
‏جددت شوقنا لـ ⁧‫#مساعد_الرشيدي‬⁩ فجددنا له الدعاء بالرحمه والمغفره


قريبا بصوت أحلام والحان سهم
سمعتها ب تويتر
رووووووووووعه


<<<<<< ياويلها من رحووله
بتقول. أغاني وموسيقى
ههههههههه

[الجووهره]

حزين من الشتاء والاحزين من الظما ياطير

دخيل الريشتين اللي تضفك حل عن عيني

دخيل الما وملح الما وحزن الما قبل ماتطير

تهيا للهبوب اللي تصافق في شراييني

دخيل الغصن والظل والهزيل وهفهفات إعصير

دخيلك لاتشح بنجمتي والليل ممسيني

ترفرف يافقير الريش ضيقه والنهار قصير

علامك كل ماليلً جناحك جيت ساريني

انا ماني بخير وجيت يمي وانت مانت بخير

وانا ياطير في من الهجاد اللي مكفيني

ترى لو شفت لي ظل ومهابه في عيون الغير

ترى كل الزهاب اللي معي جرحي وسكيني


الله ع الابدآع
الله يرحمه

[رحيل]

احم احم تسوي نفسهاا ماقرت شي فوق ههههههههههههه



يازين المدونة وراعيتها (:

الله يرحمه ويغفرله

[الجووهره]

ههههههههه
يازينك انتي
نورتي والله

[الجووهره]

مسآء السعآده

وصح لسآن شآعرنااا القدير
واخوناا الغآلي الهوآوي
على الابيات الجميله
الله يسعده ويحفظه
ويديم وجوده وابداعه


ورا صفحتك يالجوهره ما بها توقيع
انا يافتة تعليقه اليوم ابا الغيها

من الروضه الغنا ابا اقطف زهر ربيع
وارصع بها عذبات الابيات واهديها

لبنتٍ لها التقدير وافي من الجميع
لأدبها الرفيع ودمث الاخلاق نغليها

[عبدالله الصقري]

صح لسان جدي و تستاهلين اكثر يا جوهرتنا

مع أرق و اجمل تحيه

[الجووهره]

هلا شآعرنااا
نورت المدونه
تسلم وتستآهل الطيب طآل عمرك

[رحيل]

تستاهلين يابعدي كل خيييييير
وصح لسان ابو عبيد

[الجووهره]

تستآهلين الطيب يابعدهم كلهم
نوررتيني يالغااااليه

[الجووهره]

‏مالنا بالعمر والوقت والدنيا ضمان
‏والزمن دوار يمشي على بطن وظهر

‏مابقى الا ايام ويزورنا شهر رمضان
‏ياكريم الوجه والجاه بلغنا الشهر .


اللهم بلغنا رمضآن
والجميع في أحسن حآل

[الجووهره]

يقوول

‏ماكل مـن غابـوا عـن العين ينسون
‏البعــد مايرخـص مـن الناس غالي
‏،
‏ولو إلتــهينا .. .. احـبابنا مايهــونون
‏يبقى .. الغــــلا لو فرقتنا .. اللــيالي

[الجووهره]

صبآح الخير
بكره او بعده
يهل علينا شهر الخير والبركآت
جعلنا الله وايآكم من صوآمه وقوآمه
وعتقآئه من النآر. وتقبل الله منا ومنكم صآلح الأعمآل
وكل عآم وانتم بخير

[خيال مطير]

تقبل الله صيامكم وقيامكم وصالح اعمالكم.. جعل الله أيام صومكم رحمة ومغفرة وعتقاً من النار. رمضان مبارك

[الجووهره]

اللهم آمييين
نورت المدونه خيال
والمعذره ع التأخير
الله يحفظك ويسعدك

[كديميس السيحاني]

كانت زيارتي عابرة
ولكن وجدت زهور الذائقة عابقة فواحة
ستكرر الزيارة بإذن الله
✋🏻

[الجووهره]

ياهلا بك شآعرناا
ومشكور على المرور الجميل
والزياره العآبره ههههه
تشرف وتنور طآل عمرك
الله يحفظك ويسعدك

[الجووهره]

عدنااااا

معقووووول ؟!
ما دخلت ولا كتبت من رمضآن
ياسرع الأيآم تمر ما ندري عنهاا

[الجووهره]

وبهده المناسبه
أهديهاا لنفسي
ههههههههه


https://youtu.be/0CzwUde7CfA

[رحيل]

مرحبا فيتس جوجي
منورة مدونتس فديتس

اي والله انتس قمر المنتدى

[رحيل]

اهدا لتس يابعدي (:
https://m.youtube.com/watch?v=hPQso1ujlN4

[الجووهره]

<<<< دخلت وهي ترقص على الشيله
ههههههههه
ارحبي على قولتكم ههه
والنور نورتس يابعدهم
وتسلمين على الشيله والاهداء
ماعليك زوود والله
ذكرتيني بالذي مضى
هنا في المدونات وسوالفنا
واستهبالنااا. ههههههههه

[رحيل]

هههههههههههههههههههههههههه يازينتس زيناه بس

[الجووهره]

هلا بتس ياكل الحلا والزين
نورررتي. ياقمرررر نص الشهررر
ههههه

[الجووهره]

صبآح الخير يآوطني




وطنيآت

عيدي ...يادارنا .. والعيد لايق
‏في ذرى حكامنا ... يااعز ديرة

‏من يضرك لوه من اغلى الخلايق
‏صارصدري درع ويديني ذخيره

‏ياوطن لوك على .. صدري توايق
‏شفت لك عشق كتب اطهر مسيره

‏نُفود
،،،،،،،

‏في عيوننا زرع وبساتين .. وانهار
‏وفي قلوبنا غلاك .. ربي .. وهبنا

‏انتي لنا ما غير ارضك .. لنا دار
‏عشنا شباب العمر فوقك وشبنا

جحآن زيد

،،،،،

‏تخفق بيارقنا ويكفخ سعدنا
‏وهيباتنا تضفي على الدار والجار

‏ومكة وطيبة دامهن في بلدنا
‏نفخر بهن والمملكة هي لنا دآر

مشعل بن عبد الله بن عون

،،،،،
‏يـادارنـا دار الـمـعـزه والاحـسـان
‏مهد الرسالـه والوحي والعقـيـده

‏ديـرة هـل العوجا طولين الايمان
‏آل الـسعود اهل الفعول المجيده

‏اللي حموها مـن عبث كل خـوان
‏من عهد ابو تركي ليا آخر حفيده

شريف العضيآني

،،،،،،

‏يا موطني في يوم واحد وتسعين
‏شف كم فيك من المحبين غنا

‏عشنا شموخك .. ياوطنا عزيزين
‏ولا تشبه الأعلام .. علم وطنا

جحآن زيد

،،،،


ودآم عزك يآوطن

[رحيل]

الله الله على الذوق الجميل والرائع

صح ذوقك جوجتي دوم مبدعة (:

[كديميس السيحاني]

صبآح الخير يآوطني




وطنيآت

عيدي ...يادارنا .. والعيد لايق
‏في ذرى حكامنا ... يااعز ديرة

‏من يضرك لوه من اغلى الخلايق
‏صارصدري درع ويديني ذخيره

‏ياوطن لوك على .. صدري توايق
‏شفت لك عشق كتب اطهر مسيره

‏نُفود
،،،،،،،

‏في عيوننا زرع وبساتين .. وانهار
‏وفي قلوبنا غلاك .. ربي .. وهبنا

‏انتي لنا ما غير ارضك .. لنا دار
‏عشنا شباب العمر فوقك وشبنا

جحآن زيد

،،،،،

‏تخفق بيارقنا ويكفخ سعدنا
‏وهيباتنا تضفي على الدار والجار

‏ومكة وطيبة دامهن في بلدنا
‏نفخر بهن والمملكة هي لنا دآر

مشعل بن عبد الله بن عون

،،،،،
‏يـادارنـا دار الـمـعـزه والاحـسـان
‏مهد الرسالـه والوحي والعقـيـده

‏ديـرة هـل العوجا طولين الايمان
‏آل الـسعود اهل الفعول المجيده

‏اللي حموها مـن عبث كل خـوان
‏من عهد ابو تركي ليا آخر حفيده

شريف العضيآني

،،،،،،

‏يا موطني في يوم واحد وتسعين
‏شف كم فيك من المحبين غنا

‏عشنا شموخك .. ياوطنا عزيزين
‏ولا تشبه الأعلام .. علم وطنا

جحآن زيد

،،،،


ودآم عزك يآوطن

اختيارات موفقه يسلم ذوقك

[الجووهره]

مرحبا الف وهلا مليوووون
باللي شرفوني ونورو مدونتي
شاآعرنا كديميس
وجميلتنا رحوووله
تسلموون وماعليكم زود
الله يحفظكم ويسعدكم

[هزاع محمدالعاصمي]

من جمال المدونة احببت المشاركة وكل الشكر على جمال المكان بالتوفيق

انا معك والله مانيب ضدك=لجلك جفيت القرب من كل الاصحاب
حبل الوصل لايقطعة زودصدك=انا دخيلك في حمى سود الاهداب

ظني لقافة حلوه هههه

[خيال مطير]

ابشر بقلب مايبي غير طرياك
وابشر بعين ماتبي غير شوفك
وابشر بحب لوقسى الوقت يرعاك
وابشر بروح من غلاها تحوفك
ابشر وكل اللي تبي يالغلاء جاك
أمر عسى درب المنايا يعوفك
ياصاحبي يشين وقتي بليك
لاصار ماينطق لساني حروفك
ان غبت عني يذبح القلب فرقاك
وان جيت يمي عانقتني طيوفك
امشي على كيفك على شان دنياك
واساير أيامك واقدر ظروفك
من كثر ماخوفي على قلب ينساك
سلمت لك قلب الغلا في كفوفك
مديت قلبي يوم مديت يمناك
ولعبت لك عرضة ورقصت سيوفك
لأجلك ازعل باقي الناس لرضاك
وان مت تكفى يدفنوني بجوفك
لوتجرح قليبي وتكثر خطاياك
أرقد وآمن أمن الله خوفك
اليا قسى وقتك وشانت نواياك
قلي واموت برغبتك ومعروفك
قد قلت لك ياصاحبي ماقدر أنساك
حلف على روحي أبد ماتعوفك
خاصة لشاعرنا
هزاع العاصمي

[خيال مطير]

كنت هنا

[الجووهره]

من جمال المدونة احببت المشاركة وكل الشكر على جمال المكان بالتوفيق

انا معك والله مانيب ضدك=لجلك جفيت القرب من كل الاصحاب
حبل الوصل لايقطعة زودصدك=انا دخيلك في حمى سود الاهداب

ظني لقافة حلوه هههه

ياهلا بك وتسلم شآعرنااا
وجودك ومرورك الأجمل
وصح لسآنك ع الأبيآت الرآئعه
وزي ماقلت لقآفه جمييله ههههه
لا أبدا بالعكس المحل محلك
تشرفني وتنورني
الله يحفظك ويسعدك


والمعذره على التأخير
لاني طولت ما دخلت هناا

[الجووهره]

وهلاا بك خيآل
نورت المدونه
ويسلم ذوقك
ويستآهل شآعرناا

أقشششر من يومك
ههههههههه
الله يسسعدك

[الجووهره]

2022

2023


ﺂللـබـρّ ﺂجعلها نهايہ لڪــل ﺂلـﻤ وحزڼ وضيق
‏ۄﺂسأل ﺂللہ ﺂڼ يجعـل العــاﻤ ﺂلجديد عــام فرح
‏ۄسعادھ ۄتفـاؤل ۄتحقيق كـــل الأﻤـانــي ..

[الجووهره]

العآم الجديد


عام جديد وحبه اكثر من العام
وعام مضى واستقبل العام حبه

ماهو بيوم بس في كل الايام
حبه بقلبي كل يوم احتفل به

لان الحشام كبار بعيون الحشام
ولان الوفا ما ننثني دون دربه

قلبي يبادله المحبه ولو نام
يصحى يحبه دون حاجت منبه

والله لاحبه دامني حي مادام
حلفت له بيمين ربي وربه

صرحن بقلبي ع الوفا ثابتن قام
ما ينثني للعاصفه لو تهبه

[الجووهره]

سلام
بس اجرب لان كان مغلق
وفتح معي فجأه
وش العلم ؟!

[الجووهره]

……..