لبيك يارعي الصوت الطروب

[ناصر الهواوي]

صدي لبن روق لااتدققون بالحيل
سامعك لبيك ياراعي الصوت الطروب=ليه تومي لي اببشتك وتركظ وتعدي
قمت اصيَّح للنواصر وانادي للركوب=وابذل المجهود لجل العطاوي واجهدي
نوب اقول البوش ماخوذ وانكر ذاك نوب=اعرف ان المطرقين اتحدا عنها حدي
وعقب انا اطعمت الخبر قلت ياربي تتوب=وقلت يادقات قلبي على الوضع اشهدي
مرحبا مافز قلبي لضحكات اللعوب=وعد طيبٍ يبذله صاحب الكف الندي
اثر قلب العود من لذعة الرمش امعطوب=وطافحٍ شبله بحلو الرفارف والبدي
مخطرٍ لا لدت بعينها يمه يذوب=وعن طريقه كلما شاف سنحتها يغدي
لاتقول الحظ بي بار والصاحب كذوب=والزمن واهل الحسد والعذول المعتدي
كلما تخشاه في عارضي عنك امحجوب=بس عطني للسبب خيط للدرب اهتدي
كانها بالجاه في روق فكاكة كروب=وفي حجا برقا ذرا بالزمان السرمدي
وكانها بالمال كفك عن البذل امعصوب=ربعنا لك ذخر ماهوب انا بس وحدي
وعن سوى هذا معاذي بغفار الذنوب=في سواليف المهايط هجوسي يزهدي
وكان علمك صوب والصوت مني راح صوب=ادمح الزله وسامح رفيقك يا بعدي

[محمد الغنامي]

الله الله يابوعبيد
صح لسااانك مليووون ولا يسدون
انا اشهد انك وفيت وكفيت وبيض الله وجهك على الصدى الرائع
جزل ومبدع يالعود وشهادتي فيك مجروحه للابد
مروري يسبقه اعجابي وختم التميز
دمت بخير وسعاده

[مهرة يام]

الهواوي
صح لسانك ملايين
ابيات فخمه وكلها جزاله
موغريب عليك الابداع والجزاله
يعطيك الف عافيه
تقبل مروري واحترامي
دمت بخير وسعاده

[غزلان]

الله الله ي الهواوي ~
صح لسانك واعتلا شانك ابيات في قمة الروعه والجزاله ~
ودي وتقديري لبووحك العذب وقلمك الفاخرررر ~

[النجلاء]

آلله آلله
ياسلام عليك يابو عبيد
وصح الله لسانك مدد بلاعدد
صدى كايف وغير مستغرب من شاعرنا الابداع والامتاع والحضور الملكي
دمت ودام مداد قلمك ورقي حرفك الشامخ
تقديري لسموك
النجلاء

[محمد الروقي]

ابو عبيد كان لي الشرف
ان اوجها لك ولي الشرف ان اقف لك الان احترام وتقدير
وصح كلك ونت بعيد عن الزله يابو عبيد سجل اعجابي وتقديري وشكري لك ولكل حرف ياجزل

[هزاع محمدالعاصمي]

صصح اللسانك ابوعبيد حد رضاك
ابيات لاتصدر الامن شاعر متمكن وانت كذالك
مميز ابوعبيد فيما تطرحة اسعدني المرور من خلال متصفحك الجميل
دام نبضك وكل الشكر

[سحاب]

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

[ابوفارس]

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[حمد اليامي]

الله الله
يا ابو عبيد
شاعر جزل مو غريبه عليك
تقبل مروري وتحياتي لك
اخوك
حمد اليامي

[حمد الخالدي]

الله الله
صح الله لسانك يا ابو عبيد على هالصدى وتراني دققت بالحيل(:

[عبدالله بن طلال]

صح لسانك يابو عبيد

صدى رائع لصوت رائع

جزلين الله يحفظكم

تقبل تحياتي

[* رؤى *]

قصيده في غااية الجمال والروعه
وراقت لي جميع ابياتها
صح منطوقك وتسلم يمينك
و بأنتظاار كل جديد لك بشوق

اطيب واسما التحاايا لسيادتك .
`

[طير حوران]

مبدع يالهواوي امد الله في حياتك

تحية اعجاب

[عايض العتيبي]

الله الله
ياسلام عليك
صح لسانك يابو عبيد وبيض الله وجهك
على هالقصيده الشامخه اللي مابعدها
تقبل مروري وتحياتي