وش لي بحبك

[سامي احمد]

السلام عليكم ورحمة الله وبركاته


+

http://dc20.arabsh.com/uploads/image/2015/12/12/0c3e4c4d65fb0c.jpg




لا تبتكر لي يـا حبيبـي تعابيـر=ما عاد قلبي والهـوى يفهمونـك
قلبي تعذب في هـواك ومقاديـر=لا شفتني غرّقت دمعـه عيونـك
كتبت رفيع الشّان مالـي تدابيـر=كنت أنتظر تمطر سحابة شجونك
كنت أنتظر والشوق بأقصى معايير=وخيبت ظني يوم بانـت مزونـك
يا كبر حظك لك بقلبي غلا غيـر=والناس من كثر الغلا يحسدونـك
مقدر على دمعك وكثـر التفاكيـر=ياخذني الهاجوس داخل سجونـك
أهديت لك قلبي ولك كـل تقديـر=وأسقيتني من كاس صافي مهونك
مع الأسف لجـاك منـي معاذيـر=وش لي بحبك دام الأحزان كونـك
ما جاك مني يا غـلا أي تقصيـر=يومك بكيت العين والحزن لونـك
صدي وبعدي مالهن غير تفسيـر=ملّيت أكذّب كل مـا فـي ظنونـك
أنت الذي حبـك دواي وتصابيـر=قلبي على فرقـاك ملتـاع هونـك
ودي على محيّاك بسمة تباشيـر=مهما يطول البعد قلبـي يصونـك
يا قلب كانك ما هنيـت القواريـر=والله عذاب لصار بس يشغلونـك
تجري وراهم ما ينوبك رجا ميـر=غير الشقا في عشقهم ما يبونـك
ما همّهم ليلك وتصبح على خيـر=ما ودهم ترتاح لو فـي سكونـك
تصبر وكم في الحب ناسٍ مكاسير=والله يكون بعوننـا ثـم عونـك

سامي احمد الدحيلان

[النجلاء]

الله الله
ياسلام عليك وصح الله لسانك ياسامي
ابدعت وامتعت ولانستغرب على شاعرنا الابداع والامتعاع وفخامة الحضور
دمت ودام مداد قلمك ورقي حرفك الشامخ
تقديري لسموك
النجلاء

[محمد الغنامي]

الدحيلان
صح لسانك مليون ولا يسدون
نص فخم وراقي وجزل ياجزل يستحق ختم التميز
سجل مروري وتقديري
ولك اجمل تحيه

[سحاب]

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

[ابوفارس]

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

[محمد الروقي]

صح لساانك وعتلا شانك
ويسعدلي قلبك يابو احمد

[فارس مطير]

ابواحمد
كلام جميل ومفرده عذبه
لله درك
ابدعت وامتعت ولانستغرب على شاعرنا الابداع

[مهرة يام]

سامي احمد
صح لسانك وسلم احساسك العذب
ابيات كلها فخامه وجمال
لاهنت ياخوي
دمت بخير

[عبدالله بن طلال]

صح لسانك ودام ابداعك يابو احمد

تحياتي لك

[ابراهيم القربي]

الغالي / سامي احمد

صح نبضك الفاااااخر

حضور بهي الشعر

راااااقي الاحساس عذب المعاني

دمت بخير

مودتي,, وتحياتي

[الشامخه]

دائما بين حروفك اجد روحا تتمزج بما بنا من وجدان
وشعور يخرج لنا بروعه البيان
ولكن تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بكل تميز وابداع.

[عايض العتيبي]

صح لسانك يا سامي
على هالقصيده الراائعه لاهنت
تقبل مروري وتحياتي

[هزاع محمدالعاصمي]

صح اللسانك
ابيات اعجبتني في بنائها ومعانيها
دام نبضك

[حمد اليامي]

صح لسانك واعتلا شانك
ابيات رائعه وجميله
فيها من الابداع والجمال الكثير
احترامي لك

[* رؤى *]

قصيده في غااية الجمال والروعه
وراقت لي جميع ابياتها
صح منطوقك وتسلم يمينك
و بأنتظاار كل جديد لك بشوق

اطيب واسما التحاايا لسيادتك .
`