انتـم هـل الطـولات يابـن قـريعه

[مساعد الجليدي]

هذه الأبيات المتواضعه اهدا

للشيخ عوض ابن قريعه اليامي
،،،،،

ماجوبكم مفروض سـلم وشريعه

مـافــيه والله ياجـمـاعـه نــقـاشي
،،،،،

انتـم هـل الطـولات يابـن قـريعه

زيـزوم ربـعٍ يـبعـدون الـمعـاشي
،،،،،

وافـيـن بالمـكـيال سـاس وطبـيعه

حقوق غـيثٍ من صدوق النواشي
،،،،،

ويام العـريـقه ماتعـرف الهـزيعه

يثـنون خلـف الجاذي بالـمهـاشي
،،،،،

يذري ذراهـم بالحصون المـنيعه

وقـفـاتـهـم بالـدم مـاهـي بــلاشي
،،،،،

عـقـيـدهـم مـن فـوق قـبّا طـلـيعه

له هـدتٍ تـبهـج اكـبودٍ اعـطاشي
،،،،،

عـدوّهـم لـوهـو بـراس الـرفـيعه

لاشـافهـم بـاالعـيـن جاه رتعـاشي
،،،،،

ينزل ونفـسه لـوتعالت خـضيـعه

ونعاش ماكـنّه مـع الناس عـاشي
،،،،،

الله وهـبهـم صـيـت كـلٍ يـذيـعـه

تاريخ من عصرالنبي والنجاشي
،،،،،

مساعد الجليدي

[محمد الغنامي]

الله الله
صح لسانك يالجليدي
نص فاخر وجزل
المادح كفو والممدوح يستاهل
مرور وتقدير

[النجلاء]

صح الله لسانك يامساعد
كفيت وفيت وبيض الله وجهك
يستاهل اليامي المدح والابيات الجزله
دمت ودام مداد قلمك ورقي حرفك الفاخر
تقديري لك
النجلاء

[مهرة يام]

الجليدي
صح لسانك ملايين
واعتلا شانك
ابيات جزله وكلها فخامه
يستاهل المدح ابن قريعه
رجال معروف بالكرم والفزعه
يعطيك العافيه يامساعد
لاهنت على الابيات
تقبل مروري واحترامي لسموك
دمت بخير وسعاده

[مساعد الجليدي]

الله الله
صح لسانك يالجليدي
نص فاخر وجزل
المادح كفو والممدوح يستاهل
مرور وتقدير
كل الشكر والتقدير لك على مرورك
الجميل دمت كما تحب

[ابوفارس]

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
ويستاهل الممدوح
دمت بود وتقدير

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

[سامي احمد]

مساعد الجليدي

صح الله السانك واعلى شانك
تقبل الورد

ابو احمد

[حمد اليامي]

مساعد الجليدي
صح لسانك وسلم احساسك
ابيات جزله
من شاعر جزل
تحياتي اروحك
حمد اليامي

[سحاب]

صح لسانك وسلم منطوقك الشاعر مساعد الجليدي
استمتعت بتواجدي بمتصفحك
دمت بخير وسعاده دائمه