سلامات يا نادي الرواسي

[عبدالله الدّنّيش]

السلام عليكم وأسعد الله أوقاتكم
وسلامات يا نادي الرواسي .. وسلامتكم ،،



سلامات يا نادي الرواسي وش اللي جاك = نجيلك وبعض أحيان تتغلق أبوابك
عسى ما يُكنْ صابتْك عدْوَاك من شرواك = وعسى الحال يتعدل ولا تفقد أحبابك
هنا ملتقى الأحباب في بحرك وْمرساك = وهنا يا رواسي نجد تتجمع أصحابك
قضينا ليالي العيد ما بين هذا وْذاك = ولكنّ فرق الطيب بايِن في أطيابك
ولو غاب عني صاحبي قلت أنا أتحراك= وفيها (رواسي نجد) شعري تغنى بك
نسجّ القوافي والمعاني على معناك = ونرسل حروف الشوق تسهر على أهدابك
على الذوق منسوجه على ذوق من يهواك = عسى تاصل المطلوب وتحقق إعجابك
وهذي مشاعر خاطرة علها تفداك = مزاج الهوى حتّم وهيضي من أسبابك



^^
ودمتم بسلام

[النجلاء]

ياهلا والله يالدنيش
صح الله لسانك ملايين
كل عام وانت بخير وعيدك مبارك ان شاء الله
واعذرونا على العطل والمشكله اللي صايره من الشركه
المستضيفه وان شاء الله انها انتهت وحيااك الله في منتاداك يالغالي
تقديري لسموك
النجلاء

[كديميس السيحاني]

السلام عليكم وأسعد الله أوقاتكم


وسلامات يا نادي الرواسي .. وسلامتكم ،،





سلامات يا نادي الرواسي وش اللي جاك = نجيلك وبعض أحيان تتغلق أبوابك


عسى ما يُكنْ صابتْك عدْوَاك من شرواك = وعسى الحال يتعدل ولا تفقد أحبابك

هنا ملتقى الأحباب في بحرك وْمرساك = وهنا يا رواسي نجد تتجمع أصحابك
قضينا ليالي العيد ما بين هذا وْذاك = ولكنّ فرق الطيب بايِن في أطيابك
ولو غاب عني صاحبي قلت أنا أتحراك= وفيها (رواسي نجد) شعري تغنى بك
نسجّ القوافي والمعاني على معناك = ونرسل حروف الشوق تسهر على أهدابك
على الذوق منسوجه على ذوق من يهواك = عسى تاصل المطلوب وتحقق إعجابك
وهذي مشاعر خاطرة علها تفداك = مزاج الهوى حتّم وهيضي من أسبابك




^^


ودمتم بسلام




الهاجس

اولا :_ كل عام وانت بخير

ثانيا :_
لا فض فوك ولا انلجم لسانك
ابدعت وامتعت ولا نستغرب منك

دمت بخير

,
,,
,

[غزلان]

الله الله عليك صح لسانك واعتلا شانك ابيات في قمه الروعه والجزاله ؛ ودي وتقديري لك ،،

[شاعرة نجد]

تسلم يـ الدنيش
وصح الله لسانك على هـ الرائعه
وكل عام وانت والجميع بخير

تقديري,’’

[ناصر الهواوي]

تسلم يابو عامر ولاهنت وصح لسانك ولا فض فوك

على نهج ابو عامر ونضمه هجوسي حاك=بيوت الدنيش ان كانها حازت اعجابك
الاول حذفك ابعيد واليوم ذا وداك=هذا مؤصدٍ بابه وذا قافلٍ بابه
نعم وضع دعم المنتدا خابره يخفاك=لذاك انغلاق اثنينهم داعم اعصابك
لكن هالمسا عل وعسى كلهم كمباك=على هونك ابهامي قطع مفصله نابك
فرِّغ بالقوافي حرتك والردي يفداك=قل للي مولعها سبب ناري اهدابك
حرامٍ عليك اتبط كبد الذي يهواك=لو بس الذي نابه من الشوق لك .نابك
اخفض له جناح العطف وارفق بمن يهواك=عسى جنة الفردوس ماوى لمن جابك

[النجلاء]

ياهلا والله يابو عبيد
وصح الله لسانك
والله يابو يابو عبيد انه ضايقتن صدورنا عشانكم اكثر منها على المنتدى
ونعتذر منكم على العطل اللي صار خارج عن ارادتنا وان شاء الله انه انتهت المشكله
تقديري لوجودك المشرف
النجلاء

[مـهـا]

الله الله هالابيات اهداء مننا كلنا للرواسي بلسان شاعرنا الجزل عبدالله الدنيش .. سلمك ربي من عذابه

[ابوفارس]

صح لسانك الشاعر عبدالله الدنيش
وصح لسان الشاعر ناصر الهواوي
شعراءمبدعين وتستاهل رواسي نجد الجزاله والابداع
دمتو بود وتقدير
تحياتي لكم

[سحاب]

صح لسانك شاعرنا عبدالله
وصح لسانك الشاعر ناصر الهواوي
وكل عام وانتم بخير
دمتو بخير وسعاده دائمه

[محمد الغنامي]

الله الله
صح لسانك يالدنيش
وصح لسانك يابو عبيد
مبدعين ياشعرائنا الكرام
ابداع وجزاله الله لايظركم
ونعتذر على الخلل اللي خارج عن الصيطره
وان شاء الله انتهت المشكله
وحياكم الله

[مهرة يام]

عبدالله الدنيش
ناصر الهواوي
صح لسانكم واعتلاشانكم
ابيات روعه وكلها فخامه
يستاهل رواسي نجد
وكل عام وانتم بخير وصحه
يعطيكم العافيه
تقبلوا مروري واعجابي
دمتم بخير

[سامي احمد]

القدير

عبدالله الدنيش

صح الله السانك واعلى شانك
تقبل الورد
ابو احمد

[سحاب]

عبدالله الدنيش صح لسانك وسلم منطوقك
متصفح ثري بالجمال والمتعه
دمت بخير وسعاده دائمه
ننتظر جديدك بشوق

[حمد اليامي]

عبدالله الدنيش
ناصر الهواوي
صح لسانكم واعتلاشانكم
ابيات روعه وكلها فخامه
يستاهل رواسي نجد
وكل عام وانتم بخير وصحه
يعطيكم العافيه
تقبلوا مروري واعجابي
دمتم بخير

[هزاع محمدالعاصمي]

صح السانك شاعر على هذه المشاعر الجميلة
والتتنم عن طيب طالعك كما اسعدني المرور من خلال متصفحك الجميل
طبت وطاب الشعر بوجودك