عبدالله الدّنّيش
22-09-2015, 10:57 AM
السلام عليكم واسعد الله أوقاتكم بالخير والمسرات
هذه القصيدة سبق وأن نشرتها في منتدى السلاطين من يومين تقريبا
موجهه للاخ ناصر الهواوي
من أسمك خذيت القسم يا ناصر أبو عبيد = ملقب هواوي والهوى فيك تغريده
زعيم الهوى والنثر والشعر والتغريد = وشِعرك ليا سجيت تقرب شواريده
تصوغ المثل في البيت كنّك تصوغ حْديد = وكنّي مع داوود لانت له حْديده
عليك الله أقوى.. مير يسّر لك التحديد = حديد البصر والبُصر ما تعرف الحيْده
ليا قلت بيت الشعر نقراه بالترديد = ونتذوّقه مثل العنب من عناقيده
معلم من أعلام الشعر والصياغة ( ميد)= صناعة هواوي يبدع الشعر ويْجيده
لو انثر شعورك يالهواوي تهيم البيد = وتسكر على معناه نجدٍ معَ بيده
وترقص على مغناه كل البنات الغيد = وحتى جبال طويق تهوي جلاميده
ألا يالهواوي سمّ واسمح لنا بالقيد = نحاول نصيدك مير حنا لك الصيده
ومن حقنا نحكم ونصدر لك التأبيد = وفي سجن الإبداعات نعطيك تأبيده
**
محبكم / عبدالله الدنيش
( الهاجس )
وهذا رد الشاعر / ناصر الهواوي
هلا مرحبا ترحيبةٍ وافيه واتزيد=على ما يكنه خاطر العود وايريده
تحيه لمن هو صايرٍ للمعاني سيد=اكرر له الترحيب تقدير واعيده
(لكلٍ من اسمه قسم)راي ويبي توكيد=على من لديهم معرفه فيه توكيده
(هواوي)لقب يطلق مجازف على عديد=من اومور..ابا احاول لك اليوم تفنيده
(هواوي)جهاز ايبث الارسال من بعيد=من عبر الاثير ويحكم البث وايزيده
(هواوي)معلق تعصف الريح به واتهيد=مثل (دلو )في هداج تومي على حيده
يوصف على قلب الفتى الواهي الرعديد=وانا عارفٍ من قال ماكان ذا ميده
(وهواوي)لقب من قلبه مولعٍ بالغيد=يلاعي حمام الورق نوحه وتغريده
عن دربٍ يودي يمهن مستحيل ايحيد=لو انه وعر بالحيل ويكيد تعبيده
من ايمر به حاشاه يسلم من التنكيد=لاشك ايتحلوى مُرْ غبنه وتنكيده
صبورٍ على مافيه من بهذله. وايشيد=بماحققه.لو ما طلع فايده بيده
ولا يرعوي للصاحب الناصح الرشيد=يعده عدو.وكل ما قال من كيده
هذه القصيدة سبق وأن نشرتها في منتدى السلاطين من يومين تقريبا
موجهه للاخ ناصر الهواوي
من أسمك خذيت القسم يا ناصر أبو عبيد = ملقب هواوي والهوى فيك تغريده
زعيم الهوى والنثر والشعر والتغريد = وشِعرك ليا سجيت تقرب شواريده
تصوغ المثل في البيت كنّك تصوغ حْديد = وكنّي مع داوود لانت له حْديده
عليك الله أقوى.. مير يسّر لك التحديد = حديد البصر والبُصر ما تعرف الحيْده
ليا قلت بيت الشعر نقراه بالترديد = ونتذوّقه مثل العنب من عناقيده
معلم من أعلام الشعر والصياغة ( ميد)= صناعة هواوي يبدع الشعر ويْجيده
لو انثر شعورك يالهواوي تهيم البيد = وتسكر على معناه نجدٍ معَ بيده
وترقص على مغناه كل البنات الغيد = وحتى جبال طويق تهوي جلاميده
ألا يالهواوي سمّ واسمح لنا بالقيد = نحاول نصيدك مير حنا لك الصيده
ومن حقنا نحكم ونصدر لك التأبيد = وفي سجن الإبداعات نعطيك تأبيده
**
محبكم / عبدالله الدنيش
( الهاجس )
وهذا رد الشاعر / ناصر الهواوي
هلا مرحبا ترحيبةٍ وافيه واتزيد=على ما يكنه خاطر العود وايريده
تحيه لمن هو صايرٍ للمعاني سيد=اكرر له الترحيب تقدير واعيده
(لكلٍ من اسمه قسم)راي ويبي توكيد=على من لديهم معرفه فيه توكيده
(هواوي)لقب يطلق مجازف على عديد=من اومور..ابا احاول لك اليوم تفنيده
(هواوي)جهاز ايبث الارسال من بعيد=من عبر الاثير ويحكم البث وايزيده
(هواوي)معلق تعصف الريح به واتهيد=مثل (دلو )في هداج تومي على حيده
يوصف على قلب الفتى الواهي الرعديد=وانا عارفٍ من قال ماكان ذا ميده
(وهواوي)لقب من قلبه مولعٍ بالغيد=يلاعي حمام الورق نوحه وتغريده
عن دربٍ يودي يمهن مستحيل ايحيد=لو انه وعر بالحيل ويكيد تعبيده
من ايمر به حاشاه يسلم من التنكيد=لاشك ايتحلوى مُرْ غبنه وتنكيده
صبورٍ على مافيه من بهذله. وايشيد=بماحققه.لو ما طلع فايده بيده
ولا يرعوي للصاحب الناصح الرشيد=يعده عدو.وكل ما قال من كيده