قرناس الحرار
12-09-2015, 11:47 PM
بسم الله ابداء متكل بالله وماغيره نويت=الخالق الي في يده روحي وعلا شانها
ومادامني عنزتها بالله ماطحت وهويت=والراس مرفوعه على متني وربي صانها
أبا أحمد الله واشكره إن نمت ولا قدصحيت=ماهزني كثر الحمول ولو تزيد اوزانها
قرناس لا ضاقت عليك وضك صدرك مشكيت=تشلع جناحك معتلي وسط السماء عقبانها
الحر لا طال النهار يبين فعله وارتويت=واطفيت جمره في خفوقن تلتهب نيرانها
تمشي على وضح النقاء وروس الطويلات اعتليت=والنفس من جور السنين الله كريم وعانها
غنيت واغني وارددها عليكم بيت بيت=ياريحة الجنه ويا ذخري تطيب الحانها
الماكر الي فيه ياقرناس وبوسطه ربيت=ماكر حرارن نادره وقويتن سيسانها
أعيش وامشي قدم خلق الله طناخه مابكيت=ولارف جفن العين ياذخري ولحدن هانها
يفداكم الي في محبتكم يموت ويستميت=ويرخص لكم روحه لو ان الشعب كله دانها
ولو سال دمي وانتثر واحرقت نفسي وارتميت=مااوفيتكم يانور عيني ولا رجح ميزانها
الجنه الي من تحت رجلينكم والها سعيت=لعيونكم لو شابت عيوني ودمعي خانها
يالله يارحمن يالي تخرج من الحي ميت=يالله دخيلك لا يسيل الدمع فوق اوجانها
الروح خذها ياكريمن له سجدت ولا اكتفيت=وعطهم ضياء روحي يعيشون بكنف بستانها
من دونهم يالله يارحمن للروح احتويت=واستغفرك يالله من ذنبي اذا قفلك يابيبانها
ومادامني عنزتها بالله ماطحت وهويت=والراس مرفوعه على متني وربي صانها
أبا أحمد الله واشكره إن نمت ولا قدصحيت=ماهزني كثر الحمول ولو تزيد اوزانها
قرناس لا ضاقت عليك وضك صدرك مشكيت=تشلع جناحك معتلي وسط السماء عقبانها
الحر لا طال النهار يبين فعله وارتويت=واطفيت جمره في خفوقن تلتهب نيرانها
تمشي على وضح النقاء وروس الطويلات اعتليت=والنفس من جور السنين الله كريم وعانها
غنيت واغني وارددها عليكم بيت بيت=ياريحة الجنه ويا ذخري تطيب الحانها
الماكر الي فيه ياقرناس وبوسطه ربيت=ماكر حرارن نادره وقويتن سيسانها
أعيش وامشي قدم خلق الله طناخه مابكيت=ولارف جفن العين ياذخري ولحدن هانها
يفداكم الي في محبتكم يموت ويستميت=ويرخص لكم روحه لو ان الشعب كله دانها
ولو سال دمي وانتثر واحرقت نفسي وارتميت=مااوفيتكم يانور عيني ولا رجح ميزانها
الجنه الي من تحت رجلينكم والها سعيت=لعيونكم لو شابت عيوني ودمعي خانها
يالله يارحمن يالي تخرج من الحي ميت=يالله دخيلك لا يسيل الدمع فوق اوجانها
الروح خذها ياكريمن له سجدت ولا اكتفيت=وعطهم ضياء روحي يعيشون بكنف بستانها
من دونهم يالله يارحمن للروح احتويت=واستغفرك يالله من ذنبي اذا قفلك يابيبانها