هنا .. سجن القوافي !!

[ناصر الهواوي]

اهلا يالجوهره والله يرحم بن جدلان والمسلمين
نصيحته من الوزن الثقيل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
ليه يامن صمته من الحكمه الليله تغيب
وامس مع قبل امس غايب عسى مابه سبب
كل غايب معه عذره ولا في ذاك ريب
وانت توك جيتنا والعذر ما ينحسب

[رحيل]

صباح الخيرات واليرات والبركات (:
صححت السنتكم جميعا ودام هالابداع



جوج. تعرفين ذوقي ماش ):

[رحيل]

إن كانني مزعلك بـ ارضيك باللي تبين
تدللي يـ حياتي .. و آمري و اطلبي

زعلك ذنب و عسى ماني من المذنبين
و ارضاك واجب على ملة و هدي النبي

و شلون بقوى زعلك و بتركك ترحلين ؟
ما يزعل عيونك إلا شخص جداً .. غبي

يزين وجه الليال إن شافتك تضحكين
يا جنة العمر .. يا زادي و يا مشربي



تسالي (؛

[الجووهره]

مسآء الخير والحرررر هههههه
وهلا بك زود شآعرنا
وصح لسآنك ودآم حضورك وابدآعك

وهلا بك رحووله منووره بعد الغيبه
وانتي منبع الذووق وعنوانه
وتسلمين ع التسليه الجميله

[شاعرة نجد]

الله يصح بدنك يـ الهواوي ويصح لسانك
ولاهنت على الابدااع المميز ولاعدمنا حضور الجميع

وسلمتم ودمتم,’’

[شاعرة نجد]

يـ حمامٍ على سور الحديقه يغني
وان طردته تعلا فوق خضر الجريد

قام يجذب لْحونه لين سجعه شحني
حرك الهجس والهمني جديد القصيد

هيه يامن خذيت القلب والروح مني
خل ورد الموده ينتعش من جديد

ياهوى من هوى وان كان واخلفت ظني
بس لوّح بكفك وافهمك من بعيد

ترجم القاف والسجه مع السجع عني
لاتضيّع عْلومك بين اريد ومـ اريد..!

[خيال مطير]

واشيب عيني مابقى بالجسم حيل = ولا بـقـى بالعــيـن دمـعٍ تـهــلـــه

ولا بقى عزمٍ يساعد على الشيــل = عـزمي تردى والخـفـايف تـفـلــه

ولا بقى وقـتٍ نعــدل به الـمـيــــل = والـنـفـس صارت كل شيٍ تـمـلـه

صارت تمل من السهر والتعـاليـل = وتمل من شوف الرموش المظله

ولا عاد تبغى لابسات الخـلاخـيــل = ولاعاد له خـلقٍ على شوف خـله

ولا عاد له خلقٍ على القال والقيـل = مـلـت سواليف الـمـخـالـيـق كـلــه

ولا عاد له كيفٍ على البن والهيـل = ولا تشتهي قرصٍ على جـال ملـه

ولا عاد يعجبها السفر والتراحـيـل = امن الوهـن صارت تحـب الأظـلـه

ومن اولٍ تسري على النجم بالليل = ومـافـيـه دربٍ بالـخــلا مـاتـدلـــه

واليوم ماتشفق على شوفة السـيل = لو سالت الوديـان في كـل حـلــــه

لولا الأمـل في مابـقى من مقـابـيـل = مـلـت مـن الـدنيـا بـدقــه وجــلـــه

ولولا صلاة الفجـر بين الرجاجـيـل = تصير دنيـا النفـس سـودا مـمـلــه

مالـوم نفـسٍ عـذبـتـهـا الغـرابــيـل = دنيـاً تـقـلـبـهــا عـلى كــل مــلــــه

تلـوعـهـا الـدنـيـا بكـثـر البهـاذيــل = والنفس ماتقـوى على الظـيم لـلـه

يارب صبرها على الـظـلم والـويـل = يالله طـلـبـتـك كـل عـقــدٍ تـحـــلــه

ويارب وفـقـنا لـدرب الـتـسـاهـيــل = يارب خـل نـفـوسـنـا مـسـفـهـلـــه

ويالله بحسن الخـاتمه لاوفى الكيـل = يامحـصي احساب الفـلـك والاهـله

ألا بـذكــر الله وكـثـر الـتهـالـيــــــل = تـسلى النفـوس وتـنجـلي كل عـله

شعر(نديم المجره)

[الجووهره]

يسعد مسآكم جميعاا
هلا بك شآعرتنا المبدعه
وصح لسآنك ودآم ابدآعك

هلا بك مستشآرنااا
ويسلم ذووقك ودآم ابدآاعك

[الجووهره]

‏يامساء الـود والـورد وشـذاه
‏للجمـيع بدون ما اسمـي أحـد

‏كل شخصٍ مره الحرف وقراه
‏ياعسى يومه تباشــير وســعد

[ناصر الهواوي]

هلا بكم واسعد الله اوقاتكم جميعا
شاعرتنا صح الله لسانك ولا فض فوك
اهلا يارحيل الا ذوقك ما بعده ذوق هههه
ارحبي يالجوهره ودام حضورك وصح ذوقك
ارحب يالخيال ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
يقولون هالايام ماهي كما ما فات=حتى طعم مافيها كما الحبحب الفايت
عليها لاباهيم الملقف ظهر بصمات=حتى حلوها زادوه ماء وانقلب دايت
هل ترجع كما كانت؟وجا ردها هيهات=طابة لعبتك يالمحترف شاتها شايت
الا لدةٍ تسعفك من راعي الفزعات=تغني طلته لا اظلمك ليلك عن اللايت
تجبر بحزم وناوح الورق بالونات=على ضيعتك مع دربك البارحه بايت
باقي نبض بعروق الأمل يعتبر ما مات=ولا زال نجمه ما بعد قال قودنايت

[ناصر الهواوي]

ياقاف الغزل مالك بعد صاحبك مزه=لو يحبّْرك شاعرك ويرققك ترقيق
سرٍ تحتفظ به لاتعلم به ووزه=انا اقول بوحك فيه ما عاد بك يليق
كيانٍ محطم صاحبك بالجفا هزه=لصكات بقعا ما اهقى خافقه يطيق
لكن خل في نفسك عن الشامته عزه=لايفرح عليك وياجد لغايته تحقيق
خيالك ليامنه عرض باهي الرزه= غيِّر بوصلة فكرك من ام القرى لبقيق
كز الشوق عنك بكل ما تقدره كزه=لو العاطفه غابت عن الوعي يوم اتفيق

[ناصر الهواوي]

صباح الخير ياسجن القصيد وملتقى من جاك
وصباح النور ما ناحت حمامه فوق شرفاتك
وصباح الفُل كثر اللي يجيك وكثر من خلاك
ونسمات الهبوب اللي تخفف من معاناتك
انا البارح حلومي ساريه مابين هات وهاك
ليا قفى المقفي قال دوك الباقيه جاتك
يقول اللي خبيرٍ بالسراير يالغلا وش جاك
طبيعي تستعيد الشر بالحلم ومسراتك
وانا لو مر بي في بعض ما شاهده محياك
لقول احسنت ياليلي عسى هالوضع عاداتك

[الجووهره]

وصباح الفُل كثر اللي يجيك وكثر من خلاك

وكثررر من خلااك
الييييييمه

صح لسانك شآعرنااا
ودام حضورك وابداعك

ويعطيك العافيه خيال
ودام حضورك وابدآعك

[عبدالله الدّنّيش]

السلام عليكم ويا سلاااام عليكم كلكم
ما قصرتم ويعطكم العافية وصحت السنتكم
والمعذرة في طول الغياب .. وجية مستعجلة عشان الهواوي ههههه
والعتاب للإحباب .. وصح قولك .. وأستمتع لمجاراتك .....

وسلامتكم

[عبدالله الدّنّيش]

صباح الخير ياسجن القصيد وملتقى من جاك
وصباح النور ما ناحت حمامه فوق شرفاتك
وصباح الفُل كثر اللي يجيك وكثر من خلاك
ونسمات الهبوب اللي تخفف من معاناتك
انا البارح حلومي ساريه مابين هات وهاك
ليا قفى المقفي قال دوك الباقيه جاتك
يقول اللي خبيرٍ بالسراير يالغلا وش جاك
طبيعي تستعيد الشر بالحلم ومسراتك
وانا لو مر بي في بعض ما شاهده محياك
لقول احسنت ياليلي عسى هالوضع عاداتك


&&&

مساء الخير يا شيخ القصيد وشعرنا حيّاك = وحياك الحيا وإلك البقى في كل وقفاتك
ولك حق العتب يا بو عتب والعلم ما يخفاك = وحنا نعترف والعذر نتمناه من ذاتك
تزوّد من حلوم الليل وأتخيّل هذاك وذاك = وسولف مع قوافي الشعر وأنظمها لمشهاتك
وردد ماأطولك ياليل لا غابت نجوم أفلاك = ولا تيأس ونجم الصبح يتعقبك بأوقاتك
وأنا يا صاحبي جربت مثلك ،والمثل شرواك = تصبّر والزمن يكفل ، ويتكفّل بما فاتك
زمان الصمت يتحوّل وينطق بالحكم وإياك = ولكن الجواهر تخطف الأبصار وآهاتك
بنيت البيت يا شيخ القصايد والشعر ينصاك = ترى حلم الليالي لو تحقق باح لوعاتك
وأنا جيت أكتب الأشعار وأرصدها على مبناك = وهيضني معاناتك وشرفني مجاراتك
^^
وسلاااام عليكم

[عبدالله الدّنّيش]

https://www.youtube.com/watch?v=USgOgFEoj3A

[ناصر الهواوي]

‏

اكتب وابو عامر ليا امسا يجاري=والجوهره تقول لي صح منطقك
وخيالنا ماهو عن السجن داري=يقول مضمون الاماني مفارقك
ورحيل عن طول المغيبه تواري=مرورها يعني هذانا نرافقك
والشاعره حضورها اصبح طواري=تقول اخاف بغبة الشعر نغرقك
والصمت حكمه يرمي إعظيم ساري=يقول عنه ابحث عسى الله يوفقك
وانا اعتبر سجن التماثيل داري=يالسجن لو شدوا حشاني ما افارقك

‏
‏

[خيال مطير]

صــــــــــــــــــح لسانك يابوعبيد
وصح لســــــــــــــانك يابو عامر
وصح لســــــــــــــانك ياجهير وذوقك الراقي

[خيال مطير]

ويقول الشاعر سعيد الرفاعي

غامد الهيلا هل الردات وافين الشبور
عزوتي ولباس جنبي بالكبار وفالصغار
التهم والبادية والحضر مافيهم قصور
كل قيفٍ له مقام وكل رجلٍ له وقار
اهل مجد وأهل مسند وأهل مذهب وأهل شور
وأهل قاله وأهل طاله وأهل منصب وأهل كار
والدخيل مزبنينه والخوي عن كل جور
وبالوفا والمعزه يستهل لهم ضيفٍ وجار
وفي مداخيل الحروب اللي على فج النحور
ماتقول الا شياطينٍ على قب المهار
الفعول الها ايمان والحمول الها ظهور
عودهم فتال شور وغمرهمشباب نار
ارتكزنا في ربا الباحة وشيدنا القصور
من تربه ليا البحر نارد جهار من النهار
بالسيوف وبالصفوف وقوف والقصر معمور
في ذرى الله ثم في هيبة طويلين العمار
مجدنا وامجادنا تفنى الليالي والدهور
ما تغيب وفعلنا يؤخذ بعين الاعتبار
غامد الهيلا هل الردات وافين الشبور
عزوتي ولباس جنبي فالكبار والصغار

[خيال مطير]

https://www.youtube.com/watch?v=nC89q_x-Iuk&ab_channel

[خيال مطير]

ياهل الونيت اللي يبي مشتل البيب
مادق صدره بالخطوط الغزيره

يوم يتخثع مع محير الأداعيب
يشدي تخثع جادل في حريره

لاتجربونه مايبي الفرت تجريب
قد جربه بالبيت الأبيض خبيره

عدوه لابن حزام سيد اللواعيب
لعاب زينات البيوت العسيره

ثم قل لقاعد مانبي منه تدريب
الوقت دربنا على كل سيره

https://www.alsh3r.com/files/imgs/200x225/poets/32-c1f907d2-c139-46ec-bf59-ff6bacff92a1.png

لو كل من قاد السبب يعلم الغيب
ياما كرهت النفس من باب خيره

ان قفت الأيام ماها مغاريب
واليا اقبلت يازين صافي غديره

قل له رميت الكيس بين الشواريب
واليوم ادوج مالقيت اتعميره

[خيال مطير]

https://www.youtube.com/watch?v=A0KjY9FNHWs&ab_channel

[رحيل]

اسعد الله صباحكم بكل الخير
صحت السنتكم جميعا

[رحيل]

‏

اكتب وابو عامر ليا امسا يجاري=والجوهره تقول لي صح منطقك
وخيالنا ماهو عن السجن داري=يقول مضمون الاماني مفارقك
ورحيل عن طول المغيبه تواري=مرورها يعني هذانا نرافقك
والشاعره حضورها اصبح طواري=تقول اخاف بغبة الشعر نغرقك
والصمت حكمه يرمي إعظيم ساري=يقول عنه ابحث عسى الله يوفقك
وانا اعتبر سجن التماثيل داري=يالسجن لو شدوا حشاني ما افارقك

‏
‏

صحح لسانك يابو عبيد
اعتذر منكم والله جد غيابي كثير بس مو بيدي ):

[ناصر الهواوي]

ياصباح الخيرات والمسرات ع الجميع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
يالصدر وحد خالقك لا تنهت=ما عالجك من عام كثر التنهات
الضيق هت العوج حين ارتكى هت=هت المطر لجدار مبني بلبنات
يالصدر كان آمالك اليوم تاهت=ابشر بيسرٍ بعد عسر الزمان آت
لا احلولكت ظلمى الليال وتناهت=لعين الرجا للنور يبدي علامات
وجيه الشوامت معه ذلت وشاهت=لو كثروا من قول شيٍ مضى مات

[ناصر الهواوي]

تشره وانا اللي عندكم ضاع لي شرهات
ولي حق العتب وش بك مصبح تعاتبني
من اول تقول ان قلت امر ابرك الحزات
وهالحين اراسل واسألك ما تجاوبني
انا ما اقبل السفهان من حضرتك بالذات
ومهما حصل من غيركم ما عليه ابني

[خيال مطير]

ما يلحق الطيب من الطيب لوام
ولا يلحقه لا زاد طيبه تشره

يبقى الكفو عند المهمات مقدام
عز الخوي اللي بعلمه مسره

حنا هقينا والهقاوي كما احلام
دون الرفيق اللي وجبنا نبره

وجبنا علينا نحشمه لجل الاسلام
ولا يشوف في عادتنا ما يحره

عاداتنا ورثً من سنين الفطام
على والوفاء والطيب عينه تقره

ما نحسب الخوه على حساب الايام
ياللي صداقتكم علوم ومغره

عديتك من الطيب بحساب الاكرام
وبانت مواري صحبتك والمضره

تبيع ولا تصخي على البيع من سام
تتبع ورى درب الردى دون جره

ما تنقبل حجتك لو تلبس احرام
دينك ضغيفً لو تعدى المجره

يا صاحبي خذها ولو هي كما احسام
من لا عطاك الخير ما اكفاك شره

[خيال مطير]

https://i.pinimg.com/originals/be/3e/ab/be3eab7b16f5ec6b39ba1932b73cd4a4.jpg





https://i.pinimg.com/originals/ab/92/3a/ab923a688fcb260f36c0374ae6a59e36.jpg







https://i.pinimg.com/originals/d2/90/6b/d2906b9db55d2a7de7cc46af34354ef8.jpg





https://i.pinimg.com/originals/60/ae/cd/60aecdc8258b51239dceca5705332cb1.jpg


https://pbs.twimg.com/media/Ev-NBeDXAAIKJT9?format=jpg&name=large


https://7loo.net/wp-content/uploads/2019/10/2439-2.jpg

https://7loo.net/wp-content/uploads/2019/10/2439-4.jpg



https://7loo.net/wp-content/uploads/2019/10/2439-5.jpg




https://7loo.net/wp-content/uploads/2019/10/2439.jpeg



https://www.youtube.com/watch?v=F-DNzLPph-k&ab_channel

[ناصر الهواوي]

وليت ياعلمٍ طرا اليوم وليت
واللي لفا بالعلم جعله يولي
يامعلنه ياليتك اليوم ما جيت
والا جحدته قبل ما بك نهلي
فينا توثمت ارهقتك العفاريت
من خبث قصدك جا هدفك امتجلي

[خيال مطير]

ليت العمر مسجد والايام ركعات
وياليتني لاتبت ماعيد ذنبي

مهما تجرب شعور الملذات
مافيه اجمل من شعور المصلي

[ناصر الهواوي]

ارحب ياخيالووووووووووووووووووه ارحب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
الصاحب اللي غلاه موسعٍ صدري=من قبل والا منه هالحين به ضيقه
المشكل انه بماله يضمره يدري=ومن كثر ماهو يعاتِب ناشفٍ ريقه
اصبح على الشوق له وبشوقي إله اسري=من شان احقق هدف ويعز تحقيقه

[رحيل]

مساكم ورد وفل (:

صح لسانك يابو عبيد مدد بلا عدد

صح ذوقك خيال واختيارك

[رحيل]

فداك العمر وايام الشباب ولمّة الاقراب
‏وسنينٍ تجي وتروح قبلك ماهيب محسوبه

‏وفداك القلب وراعي القلب وربوعه الاجناب
‏ياوجهٍ من عرفته صارت الايام مرغوبه



(:

[ناصر الهواوي]

اهلا بالخيال
ومرحبا يارحيل وصح ذوقك
وحيالله الجوهره

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مساء الورد وفقد البرد مع طلعة نجوم القيض
وتغريد الطيور ءمع الزهور الصفر بالفيضه

لعل المقبلات من اليالي عندها تعويض
لمن هو قال ماقد فات مات يصير تعويضه

الا يامن لراسٍ يابسٍ ما فاد به ترويض
بعد ما فارق اللي ناجحٍ في حسن ترويضه

[ناصر الهواوي]

ماكنت اصدق بذا يجري لكن الحين صدقت
ان العلاقه تغير والصله تصبح قطاعه
عاندت الايام لين الوقت طوعني ووافقت
وبدلت عن رغم الانف معاند الدنيا بطاعه
صحصحت من نومتي والا ايقظتني منه و أفقت
ياوجد قلبٍ تمادا لين كف الهجر لاعه
هذا خبر مقتضب عن بعض مالي صار وارفقت
معه انسحابي بتوقيعي عن اصرار وقناعه

[الجووهره]

يسعد مسآكم
وصحت الالسن والاذوآق
ودآم الحضور والابدآع


يقول



‏تاخذني الذكرى ومر المداهيل
‏يم المكان اللي ذكرته وجيته

‏جيته غروب وتو ماابتدا الليل
‏وشربت من نهر الحزن ورتويته

‏شفت المكان وهل دمعي هماليل
‏ياليتني صديت ماكان جييته

‏ذكرني الماضي وحلو اتعاليل
‏وقتٍ طبع بالذاكره مانسيته

عوآلي طويق
صح لسانه

وهذا الحال مع آل رواسي
صارت أيامنا هنا ذكريات
الله يسعد الجميع ويوفقهم

[ناصر الهواوي]

نعم يالجوهره هذا الواقع وصح نقلك ودام تواجدك
ماعليش على ما يقولون يصير مدونه او ملتقى لنا على الاقل
ندري اننا عائشون هههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
يامن لقلبٍ ما يهود حنينه=وعينٍ لحلو النوم فيها مجافاه
لولا الضلوع اللي تحيطه حصينه=عطا مقره قبل مده مقفاه
والعين من مده تتوق وحزينه=تزل الازرق من على الموق واحفاه
شي ومضى ياقلب وينك ووينه=وياعين عن مابه فعلتي محافاه
لكن تجاهل كل زينه وشينه=لو كان شق الصبر ماشي يرفاه
زاور شهر مكه وشهر المدينه=اسلك سلوك اهل القلوب المعافاه

[الجووهره]

هلا بك شآعرنا
ويسعد صبآحك
وصح لسآنك ودام ابدآعك وتواجدك
وانت فيك الخير والبركه شاعرنااا
والله يرد الغايبين بالسلاااامه

[الجووهره]

https://r111n.com/t41521.html

[ناصر الهواوي]

مرحبابك تراحيب المطر يابو منصور وعودا حميدا وصح الله لسانك مدد بلا عدد
قريتها هالحين وانا عندي عمال /شوي ترميمات بالاستراحه
والرد ماهو على مستوى هالدرر لكن احسن من عدمه كما يقولون ولي عوده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
يامرحبا بالنجوم المرسله مثل القناديل
وفي من نضمهن بسلسال الذهب وبكل قاري
ترحيبةٍ ريحها عنبر ومسك وخالطه هيل
بالاسحم اللي هجد مهجاد لو ماله محاري
بحنا وصحنا ونادينا ولا نلنا محاصيل
حتى اصبح اسمي مصيح في متاهات البراري
ولاغاب من هو حضر علمٍ يردد بالتماثيل
لو بعض الاعذار بالعاده من الصحه عواري
فينا ضرم للقصيد اللي يهز الهجس بالحيل
كما يهز السباق العالمي صوت الفراري
وسط لنا شوكة الميزان لايحصل بها ميل
لاهيك ترجح ولا هيك تعدلنا وانت داري

[كديميس السيحاني]

،
،،
،،،
الجوهره
اشكرك على على هذا التقديم
لكِ من اسمك نصيب
تقبلي تقديري واحترامي لكِ

،
،،
،

[كديميس السيحاني]

مرحبابك تراحيب المطر يابو منصور وعودا حميدا وصح الله لسانك مدد بلا عدد
قريتها هالحين وانا عندي عمال /شوي ترميمات بالاستراحه
والرد ماهو على مستوى هالدرر لكن احسن من عدمه كما يقولون ولي عوده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
يامرحبا بالنجوم المرسله مثل القناديل
وفي من نضمهن بسلسال الذهب وبكل قاري
ترحيبةٍ ريحها عنبر ومسك وخالطه هيل
بالاسحم اللي هجد مهجاد لو ماله محاري
بحنا وصحنا ونادينا ولا نلنا محاصيل
حتى اصبح اسمي مصيح في متاهات البراري
ولاغاب من هو حضر علمٍ يردد بالتماثيل
لو بعض الاعذار بالعاده من الصحه عواري
فينا ضرم للقصيد اللي يهز الهجس بالحيل
كما يهز السباق العالمي صوت الفراري
وسط لنا شوكة الميزان لايحصل بها ميل
لاهيك ترجح ولا هيك تعدلنا وانت داري



،
،،
،،،
اخي الغالي ابو عبيد
صح لسانك و جاد بيانك
شرفتني بهذا الترحيب و هذه المجاراة
تقبل تقديري و احترامي
،
،،
،

[كديميس السيحاني]

،
،،
،،،
،،
،
فنجال قهوة مع الصباح للسجين
،
،،
،


يسلم عليكم يالرواسي بعد ما غاب = عضو منتدى معذور لو طوّل غيابه

يتوق الخفوق لوصلكم و الظروف اسباب = غيابه ولا يُسأل عن الظرف و اسبابه

و يا سجن القوافي عرّف الضيف بالاحزاب = لو إنه محايد يا هل السجن و احزابه

و اعرف السجين اللي يقفّل عليه الباب = يلاحي حمام الورق لو من ورى بابه

،
،،
،

[ناصر الهواوي]

عليك السلام ورحمة الرازق الوهاب =وتراحيب همال المطر ساقه الباري
ياشيخ القصيد اللي يجيب البيوت عذاب=ويامن يشوش الشعر لاجالهم طاري
حذوا حذوك اكثر ربعنا واصبحوا غياب=وثلاث وثلاثه من معارفك حضاري
مع الجوهره رحيل والشاعره بالباب=تمره مرور كرام وتبين وتواري
وشايبك والخيال ونفتل الاشناب=وابن دنيِّش اللي نفتخر فيه ونماري
وصمتي حكمه اللي بعد ما غاب فيه ارتاب=بداري درا وبداره اظنني داري
كل حر نفسه دبرة مسبب الاسباب=اللي بس في حرفين ما قدره جاري
عسى عودتك تكون دعوه لولي الالباب=كرر دعوتك في عودتك واسر ياساري

[شاعرة نجد]

السلام عليكم ورحمة الله

كيفكم رواسينا,داام الحضور الممتع
,وصحت السنتكم شعراؤنا المبدعين على هـ الدرر
وصح لسانك يـ الهواوي مجاريات كايفه ونايفه
بس الاخيره نص مجاراة,خذت الصدر وخليت العجز:smile:
لاعدمنا ابداعك على رواقه والا على عجله

ومرحبا الف يـ ابومنصور,نورت الرواسي
ودام الحضور للجميع,’’

[شاعرة نجد]

عليك السلام ورحمة الرازق الوهاب =وتراحيب همال المطر ساقه الباري
ياشيخ القصيد اللي يجيب البيوت عذاب=ويامن يشوش الشعر لاجالهم طاري
حذوا حذوك اكثر ربعنا واصبحوا غياب=وثلاث وثلاثه من معارفك حضاري
مع الجوهره رحيل والشاعره بالباب=تمره مرور كرام وتبين وتواري
وشايبك والخيال ونفتل الاشناب=وابن دنيِّش اللي نفتخر فيه ونماري
وصمتي حكمه اللي بعد ما غاب فيه ارتاب=بداري درا وبداره اظنني داري
كل حر نفسه دبرة مسبب الاسباب=اللي بس في حرفين ما قدره جاري
عسى عودتك تكون دعوه لولي الالباب=كرر دعوتك في عودتك واسر ياساري


حذوا حذوك اكثر ربعنا واصبحوا غياب=وثلاث وثلاثه من معارفك حضاري
مع الجوهره رحيل والشاعره بالباب=تمره مرور كرام وتبين وتواري

رووعه,صح لسانك :smile:

[شاعرة نجد]

تسليه

لاتوجع اوتار قلبي يابعد قلبي
دقاته لْياسمع صوتك تقطعها

والشوق والبعد جاد وزاد من غلبي
وروحي فراقك ورب البيت موجعها

لا لاحشاا ماهقيت الشوق يوصل بي
لـ افكار توشك جنوني مـ اتوقعها

على غزير الغلا تقفي وتقبل بي
تقطع ورود الامل والود وازرعها

[خيال مطير]

السلام عليكم ورحمة الله وبركاته

[الجووهره]

مساء الابدآع والجزاله
شاعرنا الهواوي
صح لسانك ودام ابدآعك
شآعرنا كديميس
هلا بك نورت السجن
وتسلم كلك ذووق
وصح لسانك ودآم حضورك وابدآعك

وهلا بك شاعرتنا المبدعه
وصح لسآنك ودآم ابدآعك


وعليكم السلام خيآل
وهلا بك ودآم حضورك وابدآعك

[الجووهره]

تسآلي من الذآئقه


‏لابد من بعد المطاريش معواد
‏و لابد من بعد المواجع عوافي

‏و لابد من عقب السهر لذّة ارقاد
‏و لابد من عقب الكدر جوً صافي !

،،،

- نسري مع الليّل ونسامر مواجعنا
‏ونهيم في لحظة الذكرى وطاريها

...

‏- نشفق لـ بكره والمواعيد بالذات
‏ونسهر إلين الصبح مافيه ممسى

‏مهما غرقنا بالحزن .. والمتاهات
‏أشيائنا الحلوه من الصعب تنسى

....

‏ما يذبح الخافق ويجرح شعوره
‏الا الغياب اللي قتل حلو الاحلام

‏تري الغياب اللي بلا عذر جوره
‏اشد من جور ،، الليالي والايام

[خيال مطير]

تكفى يابو عبيد أبي فزعتك , فكني من ولد عمي , الاسبوع اللي راح كنت في ابو ظبي
وهو شاعر . قال خذني معك . قلت انت منت محصن .. ارسل هذهـَ الابيات ’ يقول ,,

يامن على صكات بقعا حدونا
والي حداهم حزم فينا تنادو
ماجا الردي منا هم اللي بلونا
والى بغيناشى صالو وكادو
لا جاءالغناء مما بلاهم عطونا
ولا بغيناهم عن الحق حادو
ناسن الي منهم بغونا لقونا
نجي لهم نمشي على ماأرادو
والي طلبناهم وكادا نسونا
نسو مواقفنا تقل مستفادو

أنا رديت عليه لو اني ماني شاعر بس مدري كيف طلعت ؛، قلت


ياما تجملنا وياما سفهونا
كل مابدينا الزين ردو ترادو
كنت احسبن فرعون على الناس عونا
واثر موسى وقومه مااا مستفادو

[خيال مطير]

ادري جاء وقت الصلاه
ابي منك
مجاراة لهذه الابيات

[خيال مطير]

ياجهير صبرت عليك كثيرانا .. خيال وليس

خيآل

https://www.r111n.com/helm/mms/31.gif

[خيال مطير]

https://www.youtube.com/watch?v=kP4p9H7XMyE&ab_channel

[خيال مطير]

ـ’’’’’’’’’’’’’’’’

[ناصر الهواوي]

ابـ تكفى بمالا نشتهي حملونا=بي تنتخي خيالنا وانت رادو
بالشعر ابن عمك كما ماردونا=باللعب والا بالتقا عنه زادو
قل له بمعياد السفر علمونا=قبل دقايق للمناديب نادو
ولا امداني انادي بعد عجلونا=عقب اعلنوها بالاذاعه وافادو
اخطيت وانت الشيخ تحملونا=خلك جمل لو بالمزاود تعادوا

[ناصر الهواوي]

اهلا بشاعرتنا المبدعه انتي خابرتني حزات اسهي ولا انتبهت فالمعذره
صح لسانك بهذي ذكرتيني بالتصالي لكن هذ وافقت صلوا الجوزاء ههههههه
ارحبي يالجوهره وصح بدنك ونقلك ولانعدمش هالحضور الفاخر
اهلا يارحيل ما ادري شفتك هنا اولا لاني اهوجس اليوم داكةٍ الطواري
وحيالله الجميع وصباحكم سعيد والشر عنكم بعيد

[ناصر الهواوي]

هل يوجد فراقٍ حلو حتى يقال اليوم=لمن يشكي الهجران هذا الفراق المر
كله شر أمَّر من الشري يحرق البلعوم=ذقت الصِبِر والحلتيت ماهيب منه أمر
سعى بالنمايم بين عيني وبين النوم=وحمي الوطيس وجفنها من سهرها احمَّر
لقاف الغزل ياهاجسي لا تزيد السوم=بحفل السمر لوطعتني معه الا تسمر
كفاني غرابيل وكثر بهذله وهموم=حتى صار وجه الشعر بعد البياض اسمر

[رحيل]

يالله مساء الخير والود والنور
مخصووص للغالين مليوون مره

الله يمسيكم بالانفال والطوور
ويسعد مساكم بالهناء والمسره


الله يمسيكم باالخيرات
(:

[رحيل]

أبو عبيد صح لسانك مدد شاعرنا

شاعرنا كديميس حيا الله وبياك
نورت الرواسي و السجن وصح لسانك


نجد صح لسانتس مدد شاعرتنا

جوج دام هالتواجد الجميل يا جميلة

صح ذوقك واختيارك خيال

[ناصر الهواوي]

اهلا يارحيل والله يمسيتس بالخير والسعاده وصح بدنك وسلم ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
قلبي ليا قلنا تشاوت جروحه=حام القوافي جت تجدد مكاويه
بسوط ياوجداه قامت تلوحه=وتجدد اوجاعه بدل ما تداويه
لو ذاك له لوحه وله غير لوحه=ووادي جرى سيله معه غير واديه
شارك بوجدانه من البوح بوحه=وهجس الشعر ملقوف تبت اياديه
عذب القوافي منه جابه ملوحه=ولاعاد لرجوعه لما فات يمديه

[ناصر الهواوي]

على طموم الشايب ههههههههههههههههه
وشلون يسكت على مابه ولا به يبوح
ودقات قلبه تزيد ودمعته طايحه
والراعبيه على خضر الجرايد تنوح
ما انشق نور الصباح الا وهي صايحه
هي ما تعرف ان ونتها تنقض جروح
وان جارها ينهبل لاناحت النايحه
ياويحها كم لها شيد بصدره صروح
وبغرورها هدمتها ما بقى لايحه
وبقيت رسوم الغلا لو كل شيٍ يروح
وانسام ريحة وروده بالنفَس فايحه

[خيال مطير]

اتعب علي الطيب تري رفقته عز
وإلا الردي مافاد نفسه يفيدك

الصاحب اللي لا لمح جيتك فز
هذا الذي لازم تعده عضيدك

[خيال مطير]

ياراعي العذروب انا عنك مشغول
ماني في حاجة رايك بغيري ابده

والله لاعيش العمر بالعرض والطول
دامي مصلي واعبد الله وحده

ماكل نقد ٍ من هل النقد مقبول
البعض حاقد وده يبث حقده

لو نستمع في راي حاقد ومبدول
اظننا نمشي على رجل وحده

[رحيل]

هلابك اكثر يا ابو عبيد
وصح لسانك مدد شاعرنا

[رحيل]

صح ذوقك خيال

[رحيل]

لا وصلنا فالدروب الأخيره .. نفترق
يعتمد على اختيار القلوب شلون جاي

في نهاية درب الأيام .. مفترق طرق
اختر .. تكمل لحالك أو تكمّل معاي ؟

[ناصر الهواوي]

ياهلا بالجميع
رحيل صح ذوقتس ودام تواجدتس
اهلا يالخيال وسلم نقلك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
ياشيب عيني من اقفاية كديميس=اقفا كما ذيبٍ سمع رمي واقفا
عنا حدا شاعر هجر حادي العيس=وفارق كما فارق فليحان وطفا
بعد طمعنا منه في مثل لاميس=عذبه كما هامي من المزن واصفا

[عبدالله الصقري]

يا جد كم حولك عزيز ٍ نسآنا
كم حولك من اللي جفوك و نسونا ؟

إنت الهوآوي و ما هويته هوآنا
يا ليتهم بالحب ما أحرجونـــــا





أولا
صحَّت ألسنة الجمييييييييع


ثانيا آآآآآآسف عن هـ الانقطآع
مهما كانت اسبابه
آآآآآآآآآآآآآآآآآآآآآسف


ثالثا

هههههههههههه
صار محضر شرطه هههههههه
و سلامتكم جميييييييييييييييييييييييعا

[عبدالله الصقري]

جيت السَّهَـر مستلهـم ٍ هبـّـة الـنُّــود
شفـت الـسَّـنــا ما بين الافـلآك دآمي

يرسم جناحه بالشّفق وصل و جحود
كـنّــه يمَنّـي فـي حـيــاتـي عـــدآمـي

يا ذا السنــا للشوف وش حدّك تعـود
خآبـرك لـ اوقـآت المحبّــه حــرآمــي

عَـلّقْـتنـي يا مـوجـع الظلمــه وعــود
دون الـيـمـن سَـرّيـتـنـي يــمّ شـآمـي

شفت الأمـآنـي في تـواصيـفــك قيـود
يـوم الغــرق للحــرّ في شــطّ ظـآمـي

و اقبلت لك مفقـــود أو شبه مـولــود
قلب ٍ يحـلّ دمــآه تِــسـعِــيـــن رآمــي

ليه الّليـالي تسـدل رموشهــا السُّـــود
فيني و انا الّلي كُحلَهــا هــو عـلآمـي

دآمي , سِهِير . ودمعتي ريشة العـود
خـذ منظــر ٍ يغـنيـك عـن هـالـكـلامـي

[ناصر الهواوي]

والله يابو محمد فاقدينك وفاقدين ربعنا وربايعنا لكن كلما سألنا عن احد كأننا نستجدي به للحضور
حتى استحيينا من كثر ما نشدنا
صح لسانك على هالفاخره مدد ولا فض فوك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
عزي لقلبٍ لا ذكر سادته ون=وقت الضحى والليل يقلق حنينه
تزيد حتى اقول هالمضغه انجن=من قو ضغط الدم ربه يعينه
صار السلام وقولة الووه به من=والجيم من مده تحراه سينه
من الغيض منه عض الابهام بالسن=من هانه بلومه عسى الله يهينه

[ناصر الهواوي]

من تجرر ذكرياتٍ مضت وش تستفيد=للمقابيل انظر بعين فال وخلها
خاطره فقط
ــــــــــــــــــــــــــــــ
طيع شور الناصح المشفق ولا تستعيد=ملها في سوق ماعاد ابيها ملها
لو تسام بربع درهم مزيف لا تزيد=لو من الحسره دموع العيون تهلها
لا تضيعف خل باسك على الشده شديد=لو سيوف اللوم كلٍ عليك يسلها
الزمن يومين يومٍ شقي وآخر سعيد=هكذا تاتي ولاهيب شومٍ كلها

[رحيل]

الله يسعدكم
صح لسانك يابو عبيد ودام ابداعك

منور. يالصقري عودا حميدا
وصح لسانك

صح ذوقك خيال

[ناصر الهواوي]

يالله باللي فيه خير وخيره
اهلا يارحيل وصح بدنتس
ــــــــــــــــــــــــــــــــــــــــــــــــــ ــــــــــــــــــــــــ
لاتعاتبني وانا اللي لي العتبا عليك
لاتزيد الطين بله بميلاتك علي
انفلت حبل الوصل من يدي واصبح بديك
يوم تليته بكثر التغلي من يدي
كان يوجد بالهوى شيك انا لك كنت شيك
كل ما تحتاج دفعة غلا فيه تعدي
كان ما تدري ترا المصرف افلاسه وشيك
باح ما عندي من ايداع وايداعك ردي
افهمك من وقت واليوم انا محتار فيك
آتحادا لك وعني علامك تحتدي

[ناصر الهواوي]

اووووووووووووووووووف= اوووووووووووووووووووووف
ما مر السجن من وقت رجلي ولاخيال
الا الجوهره والعود حاضر ورحوله
ويافزعة الله وش طرا هالضحى بالبال
خذا بي بلا رغبه على ما مضى جوله
ابو بكر سالم كان يبكي على الاطلال
وانا اضحك قبل ما اصير مثله على قوله
نعم كل شيٍ ما عدا الله للزوال
ماهول الديار اتصير ماهي بماهوله

[شاعرة نجد]

السلام عليكم ورحمة الله

وطابت اوقاتكم وصحت ابدانكم والسنتكم
ودام تواجدكم ولاعدمنا سطوركم الممتعه وحضوركم الفاخر

وصح لسانك يـ الهواوي على هـ الدرر العذبه
وسلمتم ودمتم,’’

[شاعرة نجد]

يالله باللي فيه خير وخيره
اهلا يارحيل وصح بدنتس
ــــــــــــــــــــــــــــــــــــــــــــــــــ ــــــــــــــــــــــــ
لاتعاتبني وانا اللي لي العتبا عليك
لاتزيد الطين بله بميلاتك علي
انفلت حبل الوصل من يدي واصبح بديك
يوم تليته بكثر التغلي من يدي
كان يوجد بالهوى شيك انا لك كنت شيك
كل ما تحتاج دفعة غلا فيه تعدي
كان ما تدري ترا المصرف افلاسه وشيك
باح ما عندي من ايداع وايداعك ردي
افهمك من وقت واليوم انا محتار فيك
آتحادا لك وعني علامك تحتدي


الله
الله الله
صح لسانك شاعرنا
على هـ المقطوعه العذبه,’’

[شاعرة نجد]

أبيات عـ الطاير..
:smile:
ياليت ابوعبيد ماغنى
قيّل ولانزل ابياته

خذت ولاقصّرت منا
يوم اشتكَى من معاناته

يلعب على موده وحنا
نلعب وكلٍ ومأساته

يهيض الانس والجنا
لـ عام حرفه بغباته

شاعر وهيمان ومعنّى
عدّى على قيس بـ آهاته

[خيال مطير]

يا صاحبي ماني بتـارك موانيـك
ارسيت في بحرك وخليت الإبحار

ماعاد لي قوة افـارق اراضيـك
ولا عاد لي عن داركم يا الغلا دار

[خيال مطير]

أبيات عـ الطاير..
:smile:
ياليت ابوعبيد ماغنى
قيّل ولانزل ابياته

خذت ولاقصّرت منا
يوم اشتكَى من معاناته

يلعب على موده وحنا
نلعب وكلٍ ومأساته

يهيض الانس والجنا
لـ عام حرفه بغباته

شاعر وهيمان ومعنّى
عدّى على قيس بـ آهاته


صح لســــــــــــــــــانك شاعرتنا

[رحيل]

صباحكم ورد

صح لسانك شاعرنا ابو عبيد

ارحبي شاعرتنا نجد و صح لسانك

صح ذوقك خيال

[ناصر الهواوي]

اهلا بكم وسهلا
مرحبا يارحيل وصح بدنتس ودام حضورتس
ارحب يالخيال ودمت وسلمت
هلا بشاعرتنا وصح لسانتس وسلم بنانتس وجنانتس على راي عادل امام آهي تسالي هههه
فاقدين الجوهره من كم يوم وصمتي حكمه خرج ولم يعد
الصقري قام يتغلى
وابو عامر ما صدق على الله يفك السفر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
يانجد الشاعره والا يانجد اللي تضم جبال=شموخك بالشعر عانق روابي نجد وجباله
انا اجمِّع كلام لفضفضة ضيق وسموحة بال=حشاه بضيق في مالا يطيق ولا على باله
نسي والا تناسا مرهقه في صدته ما قال=ورغم اني سمعته منه/نوب اقول ماقاله
صقيع البرد لي يطريه وانصت له بحمو اللال= وفي فصل الخريف وبالربيع الحلو ولياله
على نغمات صوته غنت طيور الخلا موال=قبل يحيا الحنين بخافقي وايموت مواله

[ناصر الهواوي]

اهلا بكم وسهلا
مرحبا يارحيل وصح بدنتس ودام حضورتس
ارحب يالخيال ودمت وسلمت
هلا بشاعرتنا وصح لسانتس وسلم بنانتس وجنانتس على راي عادل امام آهي تسالي هههه
فاقدين الجوهره من كم يوم وصمتي حكمه خرج ولم يعد
الصقري قام يتغلى
وابو عامر ما صدق على الله يفك السفر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
يانجد الشاعره والا يانجد اللي تضم جبال=شموخك بالشعر عانق روابي نجد وجباله
انا اجمِّع كلام لفضفضة ضيق وسموحة بال=حشاه بضيق في مالا يطيق ولا على باله
نسي والا تناسا مرهقه في صدته ما قال=ورغم اني سمعته منه/نوب اقول ماقاله
صقيع البرد لي يطريه وانصت له بحمو اللال= وفي فصل الخريف وبالربيع الحلو ولياله
على نغمات صوته غنت طيور الخلا موال=قبل يحيا الحنين بخافقي وايموت مواله

[خيال مطير]

https://www.youtube.com/watch?v=PZTjlIScGto&ab_channel

[ناصر الهواوي]

ليته ما غنى
ــــــــــــــــــــــــــــــــــــــــــــــ
من الجوع والا من مفارق قنيب الذيب
على صوت واطي يا احمر العين عاويته

ليا جا البراد عصير دقيت سلف الجيب
بليا رويه لصفر الدار تليته

ومريت حيٍ عهدي بساكنه قريب
ياليته على خبري بهالحي ياليته

إي والله ظلام البيت عقب المغيب امريب
ويا خيبتاه من ادراجي على بيته

كيف آصف شعوري؟موقفي محزن ورهيب
لو اني حظيظ ان كان ممرح ولا جيته

[خيال مطير]

ليته ما غنى
ــــــــــــــــــــــــــــــــــــــــــــــ
من الجوع والا من مفارق قنيب الذيب
على صوت واطي يا احمر العين عاويته

ليا جا البراد عصير دقيت سلف الجيب
بليا رويه لصفر الدار تليته

ومريت حيٍ عهدي بساكنه قريب
ياليته على خبري بهالحي ياليته

إي والله ظلام البيت عقب المغيب امريب
ويا خيبتاه من ادراجي على بيته

كيف آصف شعوري؟موقفي محزن ورهيب
لو اني حظيظ ان كان ممرح ولا جيته

صح لسانك .

[خيال مطير]

البارحه ساهرن والليل طال
اخيل بدر الدجى لين احتجب
دكرني الى مضالي من ليال
والين مالي على الدنيائ عتب
سيرت فيها وشديت الرحال
من سار مثلي لقى فهيا العجب
ان كان طاف الجنوب مع الشمال
لشرق شرق وفالغرب اغترب
ياناصر اوصيك في بعض الخصال
لاتاخد السالفه لعب وطرب
يالي تجودة في عم وخال
ان طحت مايرفعك زين النسب
بالدين ربك رفع عبدة بلال
يوم النسب ماشفع لبو لهب
بلال مثواه جنات وضلال
ابو لهب منزله دار الهب
لاتعتدر فالقدر في كل حال
الله جعل كل شي وله سبب
احدر مماشات اهل قيل وقال
من جاور الجرب يبلا بالجرب
اهل الشجاعة تبينها الفعال
انشد هل العلم وقراء فالكتب
قوم تعقل عداها بالعقال
تثني يدين الاعادي والركب
وناس عليهم يعيلون العيال
عيدانهم مثل عيدان القصب
وناس تجي مثل راسية الجبال
الي قممها مناطحت السحب
وناس تجي مثل كوز من الرمال
ان هبت الريح ميل ونقلب
لاتنخدع بالحديد الى ثقال
شيخ المعادن يسمونه دهب
والحر زايد على باقي الجمال
والعود زايد على باقي الخشب
والخيل عند اهلها مال وجمال
ماهي كما الي تحمل بالقرب
من كل شي يجي واطي وعال
وفي كل شي يجي راس ودنب
وراس الر جاله صلاح وطيب فال
ترفعك فوق المناصب والرتب
والجود بين ولو من غير مال
نور من الله ليامنه وهب
مبداه يغنيك عن صفر الدلال
وشب النار تغني عن شبب

[خيال مطير]

https://www.youtube.com/watch?v=K5DiV7g7UA8&ab_channel
__________________________________

[ناصر الهواوي]

وشلون مريته وانا خاطري ضيق=وشفته وزود ضيقة الصدر ضيقه
بيتٍ لقيت اقفال بابه مغاليق=على العتب رمل السوافي مويقه
منها عرفت انه خلا من مخاليق=وجلست عند الباب كم من دقيقه
قلبي تقول اتجز منه المعاليق=حتى الوقوف ازرت رجولي تطيقه
يبس اللسان يلف يبحث عن الريق=من لهفته من صدمته نشف ريقه
بيت لذكره يدوي الفكر وايفيق=حوى شذا ورد الزهور ورحيقه
ياما نضم في ساكنه من طواريق=وياما على شوفه بذل من طريقه
وبسسسسسسسسسسسس
وصح بدنك يالخيال

[شاعرة نجد]

السلام عليكم ورحمة الله

صحت الالسن وطابت الذوائق
وصحت ابدانكم,خيال ورحيل ولاعدمت الحضور
وصح بدنك شاعرنا المبدع وصح لسانك على هـ الكايفه النايفه
والدرر العذبه
ولاعدمنا تواجد الجميع,’’

[شاعرة نجد]

تسليه

لـ ضاق صدري وصب الشعر فنجاله
مدّ وتقهويت عذبه,طيّر عْماسي

والا سحب ناصر السيحانِ(ي) مواله
في شيلةٍ لامست شكواي واحساسي

والشوق فرّغ قفص صدري من اقفاله
واظهر غزيره وسطّرته بكراسي

وجريت قافٍ يصوّر حالي وحاله
من صادق الروح حتى يقطع انفاسي

أبحر بسطح البحر مدري على جاله
مركب غرامي يعوم ويوم غطاسي

ياغيمة الود شوفي نجد رحاله
مع هاجس الشعر حتى لو وسط ناسي

هيَّا امطري من وبل عذبك وهماله
لين ارتوي من ضمايه يابعد راسي,

[شاعرة نجد]

دعوهـ بتال الليل ياساهر الليل
في سجدةٍ لله بينك وبينه

تتوب,تستغفر عن القال والقيل
تطلب رضى ربك ومدة يدينه

وترتل القرآن عـ الفجر ترتيل
خلوه مع الرحمن فرصه ثمينه

[الجووهره]

صباح الخيرات والمسرات
وصحت الالسن والاذواق
ودام حضوركم وابدآعكم


شآعرنا الهواوي
تسلم وما تفقد غالي يآرب
والمعذره ع الغياب. ظروف
ولخبطة نوم. الله يعين

[مهرة يام]

السلام عليكم ورحمه الله وبركاته
كيفكم واخباركم يالرواسي
وربي لكم وحشه الله يسعدكم
صحت الالسن والاذواق
دام الحضور والابداع

[خيال مطير]

صحــــــــــــ لســـــــــــــــــااانك أبوعبيد وصح لســــــــــــانكــ

شاعرتنا

[خيال مطير]

منورهـ ياجهير

ومنورهـ يالمهره

بعد طول غياب

[خيال مطير]

https://www.alriyadh.com/media/thumb/ad/ef/330_a6f71c364a.jpg

عسفت المهرة بصبري وقلبي يا قوي صبره

أشد عنانها وأرخيه ولا تجفل وأنا أقربها

لفت أنظار عاشقها ولا فكّرت في بكره

أصير السالفة للناس ولا يضحك معاقبها

قلت اليوم غير الأمس ترى المُهرة لها نظره

تحب وتكره الخيّال وصعب اليوم تعجبها

أنا أطلقها وأراقبها والمُهرة مع المُهره

وياما ليل ما نمته أصدّقها وأكذّبها

حتى شفت بعيوني فوزٍ كنت منتظره

عطتني عمرها كله وأنا من فوقها أضربها

وجيت بكل ما عندي شوق وحب يا كثره

أدربها وأراعيها وأشوف اللي يناسبها

أصيلة مهرتي عندي ولو ضاق العدو صدره

دليل اللي يسابقها تعب يقدر ويكسبها

بندر الرشود

[خيال مطير]

https://www.alriyadh.com/media/thumb/e0/6b/330_ddedae39b8.jpg

يا زين ترف القدم واللي يباريه

من بيته لَبيت جيرانه يسجبها

سجه بوقت الضحا والا عصاريه

رعّبوبة ٍمن قدمها لين حاجبها

فيها الحيا والستر فيها مواريه

بيت ٍربها شريف وصار ناجبها

يعز من يدهله والطيّب طاريه

فارجاله الدين وقايمّة ٍ بواجبها

ما يقتفي هم ملامه او مشاريه

والزين دايم له الذكرى نوجَّبها

بوقت ٍجميل انتحا والقلب باريه

الود وعلوم في صدري يعجبها

مغّلَق عليها عن هروج المكاريه

سود المهرج عن الاجواد نحّجبها

عن قيل والقال مع ناس ٍتجاريه

اللي بيوت العرب بالكذب تشجبها

كم واحد ٍبينهم محّفي سماريه

يجيب ويّودي والاخرى يلجبها

[ناصر الهواوي]

ابحر بسطح البحر ما ادري على جاله= مركب غرامي يعوم ونوب غطاسي
لله درك شاعرتنا ماودي اقول مبدعه لانها من سنين متجاوزينها
وجزاك الله خير على الثاني اللي جت بمثابة كفاره هههههههههههه
اهلا يالجوهره ومرحبا بالمهره وينك يابت غيبتك طويله بالحيل والمرور ما يستغرق 5دقايق
اهلا يالخيال وصح بدنك ودام حضورك

[ناصر الهواوي]

رفرف وخذ هذا معك لا تعليت=بالجو/اشوفه مل صحبة ضلوعي
برفوق وان زاد خفقانه على بيت=حطه ومره لانويت الرجوعي
ما هذي الاولى لي بدونه ابيت=مرات عانقهم على غير طوعي
عنيد ياما له نصحت وترجيت=وش حلها؟ ميلاف عانق قطوعي
لو المنى قد شيف نفعه تمنيت=ما شفته ولا اصغت لهمسه سموعي

[خيال مطير]

صحــــــــــــ لســـــــــــــــــااانك أبوعبيد

[ناصر الهواوي]

تصبح بوناتك على بعد ولفك وامس
وقل لي بعد يومين وش نفع وناتك

كما كنت ابا احصلك ضايق وراسك عمس
تصفق بالكفوف وتلحق آهاتك آهاتك

وضع امس ونهار اليوم ماهو كما قبل امس
استدرك غدك خل النهار الذي فاتك

[خيال مطير]

صح لسانك ابو عبيد


https://www.alriyadh.com/media/thumb/37/a8/330_65cdab619b.jpg


عَمار يانَخلٍ عْذُوقه مدابيح

الله يعَمْره ويْتكَفّل بْسُوقه

تَمره ِ يُوَزّع للوجيه المفاليح

وخُلو الخراف مَن النواجح عْذُوقه

حتى ظْلاله فيه من نفحة الرّيح

جلسة نفاهٍ بالبراد مْعشوقه

يلقى به الداني حَشِيّه وتفريح

وْرِطَب الخراف مْن المذانيب فوقه

هذا النخل نخل الرِّجال الزحازيح

اللّي بوقت القيظ تظهَر حْقُوقه

ما هوب نخلٍ صاحبه نذل وشْحِيح

محدٍ من اللّي يستحقه يذُوقه
.............................................
شعر: عبدالله حمير الدوسري

[خيال مطير]

https://www.alriyadh.com/media/thumb/db/24/330_ba374c210a.jpg


العيد في كل وقتٍ هو العيد

إظهار فرحتك مِعْ وصلك للأحباب

ويا زين عيدٍ بأهلِه فات يا عيد

بساطته.. ملبسه.. عادات وآداب

شوف الأهل والقرايب حزّة العيد

وحلواك يا عيد هِيَّه راس الاكساب

وِانْ بِه تعذَّر مِصَافح إيد في إيد

باق التواصل متاح ولا بِه اِعتاب

يالله علينا تديم الأمن وتعيد

عيدك وكل الذي نشكيه قد ذاب

سعود عائش الحربي - جدة

.............................................
ياما حلاة العيد في ماضيٍ راح

لاجا التحلوى دايم الطفل مسرور

وجتنا كرونا ولا به اليوم مرتاح

العيد وسط الدار غصبٍ ومعذور

ومن هالمرض خلا التجمّع والأفراح

وشفنا علاجه وافر ولا به قصور

محمد عبدالعزيز الخنيفر - أشيقر
.................................................. ..

العيد له بقلوب الأطفال تذكار

لا جاء نهار العيد لبسوا جديده

بعيونهم فرحه ما تقدر بمليار

بالصوره اللي وضحتها الجريده

اللبس زاهي والجدايل لها أسرار

ونفوسهم بشوف الحوايم سعيده

خالد ناصر المخيمر - روضة سدير
...........................................


سـلام منّي يـالثلاث الفتايـات

يـا لابسيـن من التراث القديمي

الله يحفـظـكم بنـاتٍ عفيفـات

في دار عز ابن السعود الكريمي

وتراثنا محفوظ بيدي حصيفات

مثل الذي قالوا قديمي نديمـي

محمد عبدالله الشهري - جبل اثرب
.................................................. ...


لبسً من الماروث غايب له سنين

من نص قرن كانت الناس تشريه

وقت البساطه قبل حل الفساتين

ضافي عليهن واصل حد كعبيه

مخيوط بالإبره روز بتفانين

موضه زمان فات محداً بناسيه

سعود بن عبدالعزيز الهزاع - نعام
.................................................. .

شوفوا السعاده بيّنه عند الأطفال

واللي يحلويهم به الطيب معروف

بأعيادنا حب التكاتف هو أمثال

وأيضا التواضع للطفل دوم موصوف

وأطفالنا من الفرح روح وإقبال

ومن السعاده تمشي صفوف وصفوف

ريان محمد الخنيفر
....................................

للعيد فرحه دايمٍ وقت الأعياد

وله في قلوب الناس ودٍّ وقيمه

وأهل الشّعر دايم يقولون الأنشاد

لا من ذكر كلٍ نديمٍ .. نديمه

سطام المسردي - الرياض

[خيال مطير]

https://www.alriyadh.com/media/thumb/73/a9/330_ef773f052c.jpg


لا ترم ظنونك ببحر التفاتيش

يغشاك من سو التفاكير غاشي

ولا تقتل لوقت اللقا بْكثرة الليش

بين الأحبه ما يجوز النقاشي

كثر الحكي مصدر تعاسه وتشويش

لا تصغ الآذان للسان واشي

اللي على الفرقة يسوق البخاشيش

والله لعن من كان مرشي وراشي

بيديهم لورد المحبّة حواشيش

وكم طيّروا من ساكنين العشاشي

ماني من أهل الكذب والزيف والطيش

ولا وطت رجلي بشين المماشي

يصعب عليّه دونما شوفك العيش

يامنوتي من لابسات المغاشي

تبعث لروحي بين همسه وترميش

هواك للقلب المشقى انتعاشي

عرشك عن المخلوق مخفي ولانيش

على سويدا القلب صعبٍ يناشي

لو عرّضنّ البيض ما قلت أنا بيش

لك شمت لوهن عرّضن لي بلاشي..

[خيال مطير]

https://www.alriyadh.com/media/thumb/78/8a/330_3a838a6081.jpg

غيبتك عندي تعتبر غيبة النور

أشد من غدراً تحدّر قمرها

ليل المواجع ما يراعي لي أشعور

أقصى منام العين وأدنا سهرها

جفني حزين، وتحته الدمع منثور

كن السحابه فيه نسيت مطرها

ايه الصبابه في حياتي لها دور

من ذكريات ما بقاء غير أثرها

شجرة هوانا اللي بها الشوق عصفور

أوراقها الخضراء تساقط زهرها

وأنا على نفسي مثل شاهد الزور

أضحك وحالي عند ربي خبرها

وإن شفت زولٍ يشبهك جيت مجبور

مع دربه أعيوني تعلّق نظرها

والّا الغلاء مابيه لو طفلة الحور

أستوفت الكحله وفلّت شعرها

حن اليراع ودفترٍ كان مسرور

كل القوافي فيه يبكي بحرها

مسامحك صادق صادق وبالخير مذكور

لو رحت واجروحك عطتني نحرها

الصدمه اللي خلّت القلب مكسور

لو أنت عنها غبت طيفك حضرها

[خيال مطير]

https://www.alriyadh.com/media/thumb/f9/ee/330_a9c0efcc0e.jpg


لا جزا الله حمامه فوق الأبراج ناحت

أشغلتني ولا أدري وش بلاها تنوحي

سامره ليلها في بِرجها ما أستراحت

لو هي تندب لها حيٍ لزومٍ بيُوحي

ذكّرتني ليالٍ بأول العمر راحت

قبل تظهر مغاتيرٍ بوجهي تلوحي

أه يافرصتي ضيّعتها يوم ناحت

أحسب إن الليالي الممتعة ماتروحي

كبدي اللّي تشادي دلّةٍ يوم فاحت

سَج عنها المقهوي فوق جَمرٍ تفُوحي
.................................................. ............



شعر: سليمان بن صالح الهويدي

«رحمه الله»

[مهرة يام]

السلام عليكم
مساكم ورد وسرور
تسلم ياابوعبيد هلابك زوود والله ظرووف واشغال هالدنيا الهتنا ههههههههههه
هلا خيال وتسلم يالنشمي وصح ذووقك

[مهرة يام]

https://www.youtube.com/watch?v=yJ3MGIVNK10



حمام قلي متى بتتوب
عن جر عذبات الالحاني
بالله قلي وش المطلوب
يومك تغني وتشعاني
تلعب طرب والا انا منكوب
بين التوجد والاحزاني
يالورق ماني خلي ذنوب
شاعر ومغرم وهيماني
لي صاحب مابه العذروب
كامل وللزين عنواني
مال المزايين معه درووب
يفرق بهم قاصي وداني
لقفى وماصار لي مكتوب
حكم الليالي والازماني
لك في ذمتي مااتوب
عن حبه بسر واعلاني
الين يبني علي الطوب
مانيب للعهد خواني
يرده الواحد المطلوب
رب على العرش رحماني
الي عقل يوسف ليعقوب
ارجيه في ختم قيفاني

[عبدالله الدّنّيش]

السلام عليكم ويا سلاااام عليكم
مبدعين ورائعين .. صحت السنتكم وطابت ذوائقكم
لكم أجمل الترحاب والإعجاب ،،
وشكرا خاص للأمير خيال لإختياراته المتنوعة
وما عليكم زود يا حمران النواظر ..
أبو عبيد والله ما نلحق مداك صح- لسانك وسامحنا
ولاعاد ندري وش نقرأ وألا وش نجاري .. كلها عسل
وبالمناسبة تراني هالسنة ما غادرت . كرونا كروتتنا
والدنيا كما تشوف حر .. وحريق الآن في جبل على بالقرب من دبي
والله يستر .. أنا في منتجعي الشتوي اللي أنت خابر ومرة فوق ومرت تحت هه
شاعرتنا تغيب وتجيب ما شاء الله .. أعجبتني الأخيرة وقاعد أهوجس بالمجاراه .
..
الجميع لكم أجمل التحايا ويا هلا يالمهرة وما جبت .. كنها من هواجيسي هه
طبتم وطابت أحوالكم وأوقاتكم ،،

[عبدالله الدّنّيش]

تسليه

لـ ضاق صدري وصب الشعر فنجاله
مدّ وتقهويت عذبه,طيّر عْماسي

والا سحب ناصر السيحانِ(ي) مواله
في شيلةٍ لامست شكواي واحساسي

والشوق فرّغ قفص صدري من اقفاله
واظهر غزيره وسطّرته بكراسي

وجريت قافٍ يصوّر حالي وحاله
من صادق الروح حتى يقطع انفاسي

أبحر بسطح البحر مدري على جاله
مركب غرامي يعوم ويوم غطاسي

ياغيمة الود شوفي نجد رحاله
مع هاجس الشعر حتى لو وسط ناسي

هيَّا امطري من وبل عذبك وهماله
لين ارتوي من ضمايه يابعد راسي,

&&
صح لسانك شاعرتنا على روائعك ودام تواجدك
::
يا حيهلا يا نجود الشعر وأقواله = قافك يهيّض طواريقي وهوجاسي
موالك أغلى من السيحاني وأمواله = ومعدن الحرف فاق اللول والماسي
والجو لا غيّمت تتبدّل أحواله = والشمس من فرحها ترسم بالاقواسي
والرعد دندن وشبّ البرق بإشعاله = يقول هذا الفضاء نجري ومحماسي
أصب للضيف ما يطري على باله = وأروي صحاري الضمأ واليّن القاسي
قافي توكل .. وعني شد مرساله = جارا قوافي وفيها شدة البأسي
يا ليت للصوت نبرة عبر جواله = ويفجّر الصمت بالنغمة والأجراسي

:::

[عبدالله الدّنّيش]

https://www.youtube.com/watch?v=Pjz3v-0oDl0

[الجووهره]

ياهلا بالجميع
منوووورين
وصحت الالسن على الابدآع والجزاله
وصحت الاذوآق الجميله
وياهلا بك مهووره منووره
بعد الغيبه الطويله
ويسلم ذوقك ياجميله

[الجووهره]

‏نطوي مع الأيام عـام ٍ ورا عـام
‏ وتمر ساعات الفـرح فـي دقايـق
‏
‏أيام راحت بالعمر مثـل الأحـلام
‏يوم ٍ بهـا زعـلان وأيـام رايـق
‏
‏درست من دنياي وأتعبت الأقـدام
‏ وبدلت عن بعض الطرايق طرايـق

‏مطلق الثبيتي

،،،،

‏متى ذكرتيني على شان تنسين!
‏خليك مره صادقه وانصفيني!

‏ في وقت واحد تكرهين وتحبين!
‏ انا تعبت استحملك واعذريني!

‏حبٍ سرق من عمري ايام وسنين!
‏مثل الهوى مايقضبنه يديني!


‏متعب التركي

...

‏تموت بداخلي خيبة مشاريّهي على الأحباب
‏ولا شافوا سوى الوجّة السمُوح وبسمة محيّا

،،،،

‏بينك وبين اللي تعزه وتغليه
‏اترك مساحة تقبل الجزر والمد

‏حبل الوصل لاتقطعه بالمشاريه
‏ترى العتب يثر على صافي الود

‏⁧‫#عايد_بن_ضلعان‬⁩
،

[خيال مطير]

صح لســـــــــــــــانك يابو عامر
مجاراة تستحق الاعجاب
وصح ذوقك مهره
وصح ذوقك ياجهير

[ناصر الهواوي]

اهلا بالجميع
صح لسانك يابو عامر وهلابك
وصح نقلك يالجوهره وحييتي
ودام تواجدك يا خيالنا
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
بغالي شريت وزدت بالسوم يالخيال=وتغافلت عن عينٍ تلد وتبخصني
دقايق وساعات ادرجت بالزمن وليال=تغلغل ملل في داخل القلب وارخصني
ارهي للغلا كيلي وهوطفف المكيال=وهو اللي عن التطفيف دايم يحرصني

[خيال مطير]

من الارشيف

ياصاحبي جيتك ولي عندك امرين
حــســب الـمـخــوه والــغـــلا والـصــداقــه
ونتـه تعـرف الزيـن والخـافـي الشـيـن
وعــنـــدك عــلــومــي جــلــهــا والــدقــاقــه
علم{ن} تعرفه مـادرو عنـه الادنيـن
حطيـتـك اقــرب مـــن قـريــب الـرفـاقـه
ويـالـيـتـنــي خـلـيـتـهــا عـــنـــك بــعــديـــن
يـامـنـكـرن مــعــروف جــــزل الـعــلاقــه
حـتــى قـدوعــك راح عـنــد الـوراعـيــن
مــاذقــت مــــن تـمـرتــك حــتــى ذواقــــه
الله هــو الـديـان هــو قـاضـي الـديــن
يـقـولـهـا الــــي يــمــك الــحــض ســاقـــه
والله لــــو انــــي داريــــن قــبـــل ثـنـتـيــن
ان الـــخـــوي وخـــوتـــه لــــــي عــشــاقــه
ماتلتـفـت مــن نـاظــري يـمــك الـعـيـن
وسـمــك لـحـطــه بـالـحــروف الـرقـاقــه

[رحيل]

مساكم سعيد والشر عندكم بعيد

صح لسانك يابو عبيد دائما وابدا

صح لسانك يابو عامر وتسلم على الشيلة الرائعة

شاعرتنا الراااااااااائعة
صح لسانتس نجد ودام ابداعتس


صح ذوقك خيال ودام حضورك

جيجي
صح لسانتس يا وخيتي وذوقتس الجميل

منورة يالمهرة وصح لسانتس

[رحيل]

عسى المقبله فيها من الجود هبة ريّح
وعسى الماضيه تغفر من الله خطاياها

[ناصر الهواوي]

مرحبا بك يا رحيل وصح بدنتس ونقلتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
على الربابه ما يدي جرت القوس=ولوهي تعزف بعودهم دندنت به
ينحاس خاطر من فقد درته حوس=والذاكره ماراح من هَمْ جت به
غطا على يوم السعد يوم منحوس=ما اشأمك يايومٍ ***فارقت به
ردي على من لاحظ الوضع مظروس=والفكر يصغي للمنى ولعبت به
تسطي على رمانة الكبد بالموس=هشيم غرسٍ بالجفا ولعت به
تظنها تكسب بهالفعل ناموس=وقلب الشقا وسط اللهايب رمت به

[الجووهره]

هلاا بالجمييع
وصح لسانك شاعرنا الهواوي
ويسلم ذوقك وأرشيفك خيآل


ومرحبا الف وهلا مليوون
خويتي رحوووله منوره يالغاليه
ويسلم ذووقك ياذوووق

[شاعرة نجد]

صباح الخير وتغريد الطير

وصحت ابدانكم وصحت السنتكم شعراؤنا المبدعين
وصحت الذوائق والاختيار الراائق

تقديري,’’

[شاعرة نجد]

ابحر بسطح البحر ما ادري على جاله= مركب غرامي يعوم ونوب غطاسي
لله درك شاعرتنا ماودي اقول مبدعه لانها من سنين متجاوزينها
وجزاك الله خير على الثاني اللي جت بمثابة كفاره هههههههههههه
اهلا يالجوهره ومرحبا بالمهره وينك يابت غيبتك طويله بالحيل والمرور ما يستغرق 5دقايق
اهلا يالخيال وصح بدنك ودام حضورك

شكرا شاعرنا والابداع حضورك
تقديري,’’

[شاعرة نجد]

&&
صح لسانك شاعرتنا على روائعك ودام تواجدك
::
يا حيهلا يا نجود الشعر وأقواله = قافك يهيّض طواريقي وهوجاسي
موالك أغلى من السيحاني وأمواله = ومعدن الحرف فاق اللول والماسي
والجو لا غيّمت تتبدّل أحواله = والشمس من فرحها ترسم بالاقواسي
والرعد دندن وشبّ البرق بإشعاله = يقول هذا الفضاء نجري ومحماسي
أصب للضيف ما يطري على باله = وأروي صحاري الضمأ واليّن القاسي
قافي توكل .. وعني شد مرساله = جارا قوافي وفيها شدة البأسي
يا ليت للصوت نبرة عبر جواله = ويفجّر الصمت بالنغمة والأجراسي

:::

صح بدنك شاعرنا الدنيش وتسلم وتدووم
وصح لسانك على هـ المجاراة الفاخره والابدااع المعهود

شكري وتقديري,’’

[شاعرة نجد]

من الارشيف

لا ياسـماا دنـياي مـاهي غـريــبــه
هذي أنا يـاتـاج قلـبي وراسي

حسّي كذا,ودموع عيني قريبـه
حتى النسيم العذب يجرح احساسـي

كيلي طفح وايام عـمري عجـيـبـه
مـ عاد فيني , ضَعْف حتى حماسـي

وراسك,تـرى رق المشاعـر مصيبـه
لَـ تْجي علي مع جاير الوقت قاسي

كلّش ولا جرح الحبيب لْحبيبـه
يـ اغلا من عْيونـي ويـ اعـز ناسـي

[ناصر الهواوي]

لا ياسـماا دنـياي مـاهي غـريــبــه
هذي أنا يـاتـاج قلـبي وراسي

حسّي كذا,ودموع عيني قريبـه
حتى النسيم العذب يجرح احساسـي

كيلي طفح وايام عـمري عجـيـبـه
مـ عاد فيني , ضَعْف حتى حماسـي

وراسك,تـرى رق المشاعـر مصيبـه
لَـ تْجي علي مع جاير الوقت قاسي

كلّش ولا جرح الحبيب لْحبيبـه
يـ اغلا من عْيونـي ويـ اعـز ناسـي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
الله عليك يانجد من اروع ما مر علي لك
صح لسانك ولا فض فوكي شاعرتنا
اهلا يالجوهره وصح بدنك

[ناصر الهواوي]

معي اختصر ماعاد لي قلب احاكيك
ولا ادري وش اللي لي بقلبك يحاكي

هالحكي ما يشبه لماضي حكاويك
من مزنك الممطر تصحت سماكي

وريتني نجم الضحى قبل اوريك
غاير جروحٍ شح عنها دواكي

ان كان لك رغبه عن احوالي انبيك
باقي شلو جسمٍ رميته وراكي

بعد جفيته عقب ما اجاب داعيك
عليه لا تبخل بصالح دعاكي

[ناصر الهواوي]

كيف ترضى للعيون الموده بالسهر= ومن فوادٍ فاقدك كيف يطربك الحنين
اشهد ان هذا لو يصير عنوان القهر=ينهدم بالحال ما كان شيد من سنين
جعل فم من علمك هالمعاني للفهر=الثنايا البيض تصبح من الضربه طحين
اصبر وتفرج عليها مضى كم من شهر=الفرج ما بان له نور وين الصبر وين

[خيال مطير]

صح لســــــــــــــــــــــــانك ابوعبيد

https://www.alriyadh.com/media/thumb/cf/2f/330_0e8d9ce7f3.jpg


يا طويق فاح العبير وفاحت الدلّه

وحنا ورا حلمنا تركض خطاوينا

يا طويق راسك ركزنا العشق في ظلّه

لا تلحق الحال شرهه كل ما جينا

وش حيلة الخل دام إنّه بغى خلّه

ما دام هذي مطالبنا وأمانينا

يا طويق قلبي ما كل إنسان يقْبَلّه

لو العذارى تسوق الموج للمينا

عشت وشربت التعب دقه على جله

من شأن هقوة عزيزٍ هاقيٍ فينا

عشنا وكلن مع أيامه تخيل له

صوره لمستقبلٍ يرقب حراوينا

[خيال مطير]

https://www.alriyadh.com/media/thumb/8d/f0/330_31fe72f1f6.jpg

جيتك أجر خطاي عاني ومنضام
جيتك وجسمي دم الاوهام مله
اسهر طوال الليل صاحي ولا انام
اكف سيف الهم وارجع واسله
احيان اقول العمر باقي لقدام
واحيان اقول العمر ضيعت كله
العمر كله هم وجروح واوهام
ضيقه وحزن وغم دقه وجله
حتى السوالف صارت سموم والغام
ماعاد يعرف قلب الاحزان خله
جرح من الحاضر وجرح من العام
هم وألم و الفين عله وعله

[ناصر الهواوي]

انا نشدتي لك مبتديها ابـ هل/ وكيف=عن الممكنات وكيف بالعلم احققها
ونشدتك لي وش تقصد بنشدتك ياحيف=لوهي في ورق من ضيقتي كنت امزقها
يحب الطلاسم من وقع بين نار وقيف=بجمعا همومٍ ما بوسعه يفرقها

[ناصر الهواوي]

الا يالحمام اللي تلاعا على ام الليف=عيوني بماها طالبك لا تغرقها
انا ما بغيت ادعي على جمعكم بالهيف=لكن مهجتي لانحت وجدي يحرقها

[الجووهره]

يسعد مسآكم
صح لسآنك شآعرنااا
والله يعينك هههههه

ويعطيك العآفيه خيآل
ويسلم ذووقك

[الجووهره]

ومبارك عليكم عشر ذي الحجه
تقبل الله منا ومنكم صآلح الأعمآل

[خيال مطير]

https://pbs.twimg.com/media/EYOWVGvWAAA26T9.jpg

[ناصر الهواوي]

عندي شغل لكن خاطري مشغله ما فيه
وجواهر دعت بالعون ربي يعافيها

قالوا ما تزال بوضعك الاولي قلت(إيه)
ذيب الصدر يقنب والرواعيب الاعيها

سفيهٍ لسان اللي حكى شي ما يعنيه
وانا كل كلمه قلتها لجلها اعنيها

من لعبه بقلبي بالدلع لقبوه بليه
(ست الكل)انا باريافنا كنت اسميها

وما سوته هالحين ما اعرف ليش وليه
عيوني بمرود كحلها ليش تعميها

[خيال مطير]

صح لسانك ابو عبيد

https://pbs.twimg.com/profile_images/1225020088706912262/3RhwCUB1_400x400.jpg

الشاعر المبدع محمد بن لعبون في العيد وذكرياته:

أهلي يلوموني ولا يدرون

والنار تحرق رجل واطيها

لا تطري الفرقى على المحزون

ماداني الفرقى وطاريها

أربع بناجر في يد المزيون

(توّه ضحىّْ العيد شاريها)

عمره ثمانٍ مع عشر مضمون

مشي الحمام الراعبي فيها

ويقول خالد الفيصل

للعيد والقمرى وحسنك مواعيد

وليل الهوى شرع للأحباب بابه

يا ما زعجت الصوت باسمك تراديد

ويا ما نسيم الوجد يمك سرابه





عبدالرحمن السديري يقول:

كل نهار العيد خله يسليه

وأنا نهار العيد وأعزتالي

واعزتا للحال من فقد غاليه

يارب تلطف به وتلطف بحالي




منديل الفهيد يقول في هذه المناسبة:

هذي ليالي العيد فرحات وإسعاد

من له قريب من بعيد عنا له

تزاور الأصحاب يمحون الأحقاد

أيام عيد فيه بسط وعداله


يقول الشاعر علي القحطاني:

كل نهار العيد عايد حبيبه

والتم شمل القلوب المواليف

وأنا حبيبي غايب الله يجيبه

ويا حسرتي كان انتهى العيد ماشيف


تقول الشاعرة بدرية سعيد:

كلٍ تجهز يشر ثياب للعيد

وأنا بعدني جالسه في مكاني

العيد احساس الذي قلبه سعيد

ماهو الذي قلبه من الهم حاني

أما الشاعرة بخوت المرية فتقول في العيد:

كلٍ نهار العيد طربٍ بوادي

على ما اظنه خاطره سمح الإقبال

وأنا تكسر عبرتي في فؤادي

[خيال مطير]

للعيد فرحة وانتظار وهدايا
ويا زين يوم العيد بين الأجاويد
يا سيدي يا سيد كل البرايا
احترت اناشا اهديك في ليلة العيد
اهديك قلب هام بين الحنايا
يغرد بحبك له سنين تغريد
والا عيون من سهومك ضحايا
ولا ما تشوف الا انت يا صافي الجيد
والا كفوف تلتهب لك شظايا
من شوفها لك ما تبي باقي الغيد
والا قصيد يرتجف بالشفايا
يسوقه احساسي بليا مواعيد
خذ ما تبي مني وكلي عطايا
خذ ما تبي يا صاحبي من دون تحديد
كلي حلالك يا عقيد الصبايا
آمر تدلل وانت لك كل ما تريد
يا ليتني ارضيك واثبت وفايا
ويا ملها تعجبك هدية العيد

..................................................

* كذلك قول الشاعر صنيتان المطيري:


يا عيد ما لك فرحة في عيوني
نسيتني مدري زماني نساني
ما قدرت افراحك تعانق شجوني
احزاني اكبر من كلام التهاني
حاولت اجاري فرحتك وكشفوني
لا جيت ابضحك ما استمرت ثواني

إلى ان قال:


يا ليتهم يدرون من غالطوني
ان الهوى ما عادله عصر ثاني
ويا ليتهم يدرون من عايدوني
ان الفرح لما له بقلبي مكاني



ويقول عبدالله الصقري في قصيدة:


أهدي التهاني والتباريك واشيد
بإعلامنا وأقلامنا والجرايد
للعالم المسلم جميع الأجاويد
اهل الثناء وقت الرخا والشدايد
وثنى التهاني بأشرف القول وازيد
حكامنا آل سعود دروس البدايد

إلى ان قال:


كل الوطن عم الفرح والأناشيد
بالعيد يوم النصر ولا من سايد
عيد سعيد للعروبة وتجديد
بالدين والدنيا والايمان زايد
مع منهج التوحيد والعلم ونشيد
صرح الحضارة بالوطن كل فايد



وتقول الشاعرة نورة الشبيلي:


هالحين صار العيد عندي سعيدي
يوم اهتنى قلبي بشوفة حبيبه
شفت الغلا لي في عيونه اكيدي
بدد سلامه كل شك وريبه
طبع الوفا عنده وعندي فريدي
قصه هوانا في وفاها عجيبه

إلى ان قالت:


يا عيد يا عيد المحبة والاسلام
عساك بالافراح دايم لنا عيد
الله يعيدك بالفرح والرضا التام
والنصر والتمكين وافراحنا تزيد


ويقول الشاعر هلال المطيري:


ما اقول غير الله يهنيك بالعيد
حقك عليَّ ابادلك بالتهاني
في خاطري والا ترى عيدي بعيد
شوفتك عيدي كان لي عيد ثاني

وسلامتكم

[الناقد/عبدالله الروقي]

السلام عليكم ورحمة الله وبركاته
أسعد الله مساءكم جميعا بالخير واليُمن والمسرات
اشتقنا لهذه الوجوه الطيبة، ومررت لأتصفح الشعر وخواطر الشعراء
وقد نسيت كلمة المرور لكن الجوال قد خزنها ولله الحمد فقام بإدخالي مباشرة.
لأنني منذ فترة طويلة لم أدخل المنتدى وجزى الله أبا بندر خير الجزاء
على حفاظه على هذا الأرشيف الثمين واهتمامه به ويعجز اللسان عن شكره رفع الله قدره في الدارين.
وتحية خاصة لشاعرنا وكبيرنا وقدوتنا ناصر الهواوي، اشقتنا له حقيقة.
وما كتبتُ قصيدة من بعدك ، كان لك اليد الطولى في مشاركتنا آنذاك بالمساجلات الجميلة الله يرفع قدرك.
وعيدكم مبارك مقدما وكل عام وأنتم بخير وعسى الله أن يوفقنا جميعا لطاعته في هذه العشر المباركة.

[ناصر الهواوي]

وعليكم السلام ورحمة الله وبركاته وهلابك ياحضرة الناقد بدري على المعايده لكن عاد عيدك
حيا الله الخيال وسلم ذوقك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
اسر ياهجس لاتفتح نوافذ زرايا=داو بالنوم ياهجسي كثير الهموم
حيِّد بكل ما تقدر فضول البرايا=ارم كل الطواري عنك فوق الغيوم
اسمع الضحك كنك وسط غرفة مرايا=منك والا عليك اكيد شمتٍ ولوم
وبس هههههههههههههههههه

[الجووهره]

صبآح الخيرآت والمسرآت
وصح لسآنك شآعرنا الهوآوي
ويسلم ذووقك مستشارنا خيآل
ودآم حضوركم وابدآعكم

شآعرنا وناقدنا القدير.
وعليكم السلام ورحمة الله وبركاته
هلا بك.نورت بعد الغيبه الطويله
وتقبل الله منا ومنكم صالح الاعمآل
في هذه الأيآم الفضيله
وكل عآم وانت بخير وصحه وسلامه
مقدماا وقبل الزحمه واللحمه
هههههههههه

[ناصر الهواوي]

اهلا يالجوهره وصح بدنك واسعد الله اوقات الجميع
ــــــــــــــــــــــــــــــــــــــــــــــــــ ــــــــــــــــــ
سن الباركر على الورق خط لي حرفين
او بالصح سطر كل مالفكر يملي لك

لي طاري وحيد من اول اليوم صار اثنين
واحد صبح والثاني ليا برَّد ايجي لك

يذكرك باللي عنك في هالسنه لاهين
لو انك قبل تحسبهم من الطف (أهيلك)

والثاني يذود النوم لاحام حول العين
يخليك طول الليل تاكي على حيلك

[خيال مطير]

ارحب يالناقد
تسلمين بالجوهره
وصح لسانك ابو عبيد
فاقدين رحيل . والصقري . وهزاع .. ونجد ,
........................................

[خيال مطير]

من الارشيف

أكتب رساله على الجوال وأرسلـي
لامن قريت الرساله ينشرح بالـي

مافيه غيرك يعرف الوضع ياخلـي
وأرتاح لامن وصلني منك مرسالي

هاذي ثلاثة ليالـي مالهـا حلـي
مسجون بالسجن ذقت المر والحالي

أن كان ناقصك شي ياصاحبي قلي
غالي ومثلك ترى يرخصله الغالـي

يفداك ماتطلبه وأفـداك أنـا كلـي
لعيونك السود أسوق العمر والمالي

أن جيتني قمت أرحب فيك وهلـي
وأن رحت عني مكانك عندنا عالي

يقوله اللي ترى ماعـاش بالذلـي
ياما وياما يشوف الوأن وأشكالـي

أنا أحمد الله مدام أصـوم وأصلـي
مسلم وسني ولاني شخص دجالي

لو كان غيرك كثير اليوم حاصلـي
والله مابيـه لـو الجـو يصفالـي

مدام تعرف ظروفي قـم وأرسلـي
أرسل رساله على رقمي وجوالـي

[خيال مطير]

دكة الشيبان جلسة كـل شـايب
مير مابالـموت يعطـيـنا مجــالي

كل وقت نودع اصحـاب وحبايب
من رحل ميت ومنهو حي غــالي

كلكم في البعد سبـبـتوا سبايب
يشهد الله عقبكم مانيب سـالي

ان بغيت الحي دربك به صعايب
وان بغـيـت تقابل المـيت محــالي

الفراق يعـد من احــد المصــايـب
منه تاخذ لونها ســـود الليالي

كم عرفنا من صديق ومن قرايب
وكم ديار عقبهم صارت خـوالي

تالي الدنيا تعــود للـخـرايـب
وكـل مـخـلــوق مـرده لـلـزوالي

مابهـا لذه ولا بالعـيش طـايب
ومابها حـالي وتاليهـا ارتحالي

سعد منهو قبل موته كان تايب
مستعد وحـاضر عند السؤالي

[خيال مطير]

https://www.youtube.com/watch?v=Ao-vSg11Zig&ab_channel

https://www.r111n.com/images/smilies/r1/7.gif

[خيال مطير]

شيلة مزاد ضـريه

https://www.youtube.com/watch?v=j682O9RvO2M&ab_channel
________________________________

[ناصر الهواوي]

قلت كم باقي على العيد قيل اربع ليال=قلت هل يمديني اكتب بهن معايده؟
قال هجسي هلل وكبر الرب وتعال=لو تبيها معلقه بعد ماهي كايده
يقبل اللي لك تيسر بعشرك ذا الجلال=رحمته في هالعشر للموحد زايده
عاد عيد احبابنا من بنات ومن عيال=ياعسى اعياده سنينٍ مديده عايده
بأمن وايمان وعوافي ولابه خبث فال=الوطن يرفل رخا والمحبه سايده

[خيال مطير]

قلت كم باقي على العيد قيل اربع ليال=قلت هل يمديني اكتب بهن معايده؟
قال هجسي هلل وكبر الرب وتعال=لو تبيها معلقه بعد ماهي كايده
يقبل اللي لك تيسر بعشرك ذا الجلال=رحمته في هالعشر للموحد زايده
عاد عيد احبابنا من بنات ومن عيال=ياعسى اعياده سنينٍ مديده عايده
بأمن وايمان وعوافي ولابه خبث فال=الوطن يرفل رخا والمحبه سايده


الله الله صح لسانك يابوعبيد

[خيال مطير]

https://www.r111n.com/t41507.html

[خيال مطير]

أجل مايجيبك /: الا الروابط يابو عبيد , فديت هـ ألطخمه
يقول ابن جدلان الله يرحمه >

يا صاحبي خل قلبي يدله أحـلا لـه
القلب لاسج من موضوعك أريح لـي

أنا إلى جيت قدمي صابنـي حالـه
جوارحك كلبوها عنـك تشـرح لـي

أعرف ملامح عيونـك وش تعنالـه
لاصار منتب بصـادق لا تلمـح لـي

الوضع مزري ويوسف له ويرثالـه
حاول على وضع يصلح لك ويصلح لي

أما اعتبرني ذكي منتب علـى بالـه
وإلا اعتبرني غبي مره ووضـح لـي

ليا متى وحن على ذا الوضع والحاله
تقودني للخطا وأخطـي وتسمـح لـي

[خيال مطير]

يا أغلى هوى في خافقي دوم مصيون

شوق المشاعر بالغٍ منتهاها

على الغيوم اكتب سلامي على الهون

وتحيةٍ عد المطر مع حصاها..!

وعداد رمل البر والناس يمشون..!

وعداد ما هل المطر من سماها

[خيال مطير]

ركبت فوق الريل والصدر مشحون

ودموع عيني نثّرت كل ماها

يسرح من العارض بخلقٍ يهولون

والعصر بالدمَّام هو منتهاها

(قم يا سعد واكتب سلامي على الهون

وتحيةٍ عد المطر مع حصاها)

(وعداد رمل البر والناس يمشون

وعداد ما هل المطر من سماها)

خطَّ الكتاب وروّحه فوق مامون

صنعٍ جديد وغاليٍ مشتراها

رد السلام للاّبتي لين يوحون

واذكر ترى نفسي تبيّن خفاها

أولاد (مِنْعِرْ) سربةٍ ما يذلُّون

وبيوتهم للضيف يرفع قَرَاها.

كفو

[خيال مطير]

يقول ابوعبيد


باسم الذي يبدا الامور ويعيدي=سوى السما وارسى الاراضي بالاطواد
بذكره نويت الليله ابدا قصيدي=واصدح بتمجيده على روس الاشهاد
ومن بعدها يا مرحبا يالجليدي=تحيةٍ من ذا الى باب بغداد
سكبت فيها كايف الطيب بيدي=وفاحت مباهر كيفها هيل وقناد
للي لجزلات المعاني يجيدي= ويغلق مداخلها على كل نقاد
شورك لمن قلبه بدا يستعيدي=عصرٍ تقافت به ضعونه ولا عاد
دكت هواجيسه وعيت تهيدي=تسري جموع وتسرح الجهمه افراد
منها الحديث وشي منها تليدي=في ذكرياتٍ له مراميس وجداد
نوبٍ اتعرض له بلبه وجيدي=ولها على الخرس النواعيس معواد
يعيش بين الناس كنه وحيدي=عابس وجه ما يبتسم دوب بالكاد
ويقول لو قلبي خلي وبليدي=وش عاد دام الحظ مثبور وش عاد

[خيال مطير]

يقول خالي ابوبندر
الشاعر مشعل



الا ياحمـام الــورق يالـلـي تـجـر الـنـوح=علامـك علـى حـبـال المعالـيـق تحرقـهـا
تجـر اللـحـون وفـزلـك قلـبـي المـجـروح=طرقت الجروح اللي هوى البال طارقهـا
وسريتنـي مــن دون سـبـه ولا مصـلـوح=على سيرةً قلبـي مـن الشـوق عانقهـا
وبيجـت مكنـونـي وانــا عـادتـي مـابـوح=وفكيـت بيـبـانً عــن الـنـاس مغلقـهـا
انا لي وليفً مـن حلاتـه يتـل الـروح=سـكـن فالـعـيـون وصـورتــه ماتفـارقـهـا
ذبحني غلاه وصـرت مـن سبتـه مذبـوح=حــبــال الـمـشـانـق علـقـتـنـي مشـانـقـهـا
اليا قلـت ابـازوره وصالـه مهـو مسمـوح=علـيـه الحـراسـه جـاهـزاتً بنـادقـهـا
مضى لي ثلاث سنين مابين اجي واروح=وشمـس الـغـلاء مابيـنـت لــي مشارقـهـا
ولا فيـه حـل الا يصيـر امرنـا مفـضـوح=تصـلـفـق بـنــا الاقــــدار والا نصلـفـقـهـا

[خيال مطير]

https://www.r111n.com/t33181.html

[ناصر الهواوي]

ايه يالخيال
ـــــــــــــــــــــــــــــــــــ
خيال ماباقي هنا غير انا وانت
والعالم الله من يجي ثالث العيد

لاهان راسي وانت خيال لاهنت
اقولها من عزةٍ بي تراديد

لي مبدأٍ ما عنه اجنب ولا سنت
واخلاق عنها دب الايام ما احيد

خيال قسوات الليالي لها لنت
وقد لينت قبلي زحولٍ صناديد

شان الزمان وشانو اصحابي وشنت
ما ابدي بعد ما فارقوني ولا اعيد

توقيع حضور فقط هههههههههههههه

[عبدالله الدّنّيش]

السلام عليكم وأسعد الله أوقاتكم
ومن العايدين قبل الزحام ووسط الزحام وبعد الزحام
وصحت السنتكم وذوائقكم وطابت أحوالكم
ويا مرحبا يالناقد / عبدالله نورت الرواسي يا بعد رأسي
وسامحونا ع التقصير والتأخير .. ودمتم سالين وسالمين .

[عبدالله الدّنّيش]

قلت كم باقي على العيد قيل اربع ليال=قلت هل يمديني اكتب بهن معايده؟
قال هجسي هلل وكبر الرب وتعال=لو تبيها معلقه بعد ماهي كايده
يقبل اللي لك تيسر بعشرك ذا الجلال=رحمته في هالعشر للموحد زايده
عاد عيد احبابنا من بنات ومن عيال=ياعسى اعياده سنينٍ مديده عايده
بأمن وايمان وعوافي ولابه خبث فال=الوطن يرفل رخا والمحبه سايده

^^
صح لسانك أبو عبيد وجعلك والرواسي من العايدين

^^
مرحبا يا شيخنا عد ما هلّ الهلال = وعدد عدّ الأمم حيّها والبايده
الله أكرمنا بعشر الأواخر والأوال = بخت منهو حازعفوه ونال الفايده
والله أكبر عد ما طاف بالكعبة رجال = وعدّ خطوات النسأ قربهم والنايده
والله أكبر ، من لساني كما قولة بلال = تلبيتنا ثم تكبيرنا هي رايده
عيدنا الثاني والأكبر ولله الكمال = والتهاني لك ولأهل الرواسي شايده

^^

[عبدالله الدّنّيش]

ايه يالخيال
ـــــــــــــــــــــــــــــــــــ
خيال ماباقي هنا غير انا وانت
والعالم الله من يجي ثالث العيد

لاهان راسي وانت خيال لاهنت
اقولها من عزةٍ بي تراديد

لي مبدأٍ ما عنه اجنب ولا سنت
واخلاق عنها دب الايام ما احيد

خيال قسوات الليالي لها لنت
وقد لينت قبلي زحولٍ صناديد

شان الزمان وشانو اصحابي وشنت
ما ابدي بعد ما فارقوني ولا اعيد

توقيع حضور فقط هههههههههههههه

^^
توقيع إنصراف ههههههه
&
سلامتك يا عاشق الشعر والبنت = كل العرب حولك ولا راحوا بْعيد
ظروف بعض الناس تجبر ولو ظنت = والظن بعض أحيان تدري ، ولا ازيد
والحق لك لو قلت فينك ولا بنت = يبان من تسأل عنه ليلة العيد
يا صاحبي تشكي وأنا مثلك أدمنت = يا ما شكينا والأماني لها بيد
وخيال نقرأ له ولا قال آمنت = يتوّهك في بحر فيه التراجيد

[ناصر الهواوي]

صح الله لسانك يا اباعامر مبدع بدون منازع
مع مجاراتك الرائعه للتهنئيه جات مجاراة ابو منصور كديميس السيحاني يقول
هاجسي جاوب صدى الصوت للجزل الجزال
يوم من صيد الجوازي تروم القايده

ان وصلني بالتسالي نضمتك بارتجال
وصل رحم ووصل الاصحاب كله فايده

كل عيد وكل ما هل للشهر الهلال
دعوتي توصل ولو فالديار النايده

ياعساكم في نعيمٍ مقيمبلا زوال
وفي ملذات النعم من بنين ومايده

والوطن والشعب بايمان وامن بكل حال
والعدو كيده بنحره عزومه بايده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
وهنا رد ابو صلاح عبدالله بن علي السيحاني

مانقول الا هلا ياكريمين السبال
واحدٍ وصل الاقاريب من عوايده

بالعلوم الغانمه ما يخلي لي مجال
مع ظرف الوقت لينه وفي شدايده

انت كامل يالهواوي ولله الكمال
صاحبٍ تستمتع الناس من فرايده

من حلاها صافيه كنها الشهد الزلال
ينشرح بالي ليا جاتني جدايده

استدل ابها طريقي وتمشي بي عدال
كل حاجه من وسيع البنايد فايده

[ناصر الهواوي]

احذر يروح العيد ما اوميت بالإيد=لمعايدي والا على الواتس صوتي
هالعلم مني دز لك يا اتلع الجيد=منها انتعش ذي فرصتي لا تفوتي
ما رحت عني يابيض اللبه ابعيد=شت التغلي عنك يالترف شوتي
لكل عبدٍ سيد واحسبك لي سيد=غرسٍ غرسته بالحشا لا يموتي
بهمال مزن الوصل رشه تراديد=جود السحاب بماه يحيي النبوتي

[ناصر الهواوي]

اهم شي صوم غدا عرفه لا تفوتونه على انفسكم
يكفر السنه الفايته والسنه الاتيه كما صح ذلك عن الصادق المصدوق صلى الله عليه وسلم

[رحيل]

السلام عليكم ورحمة الله
صباح الخير عليكم (:


كل عام والفرح يعم حياتكم
كل عام وانتم بخير وصحة وسلامة وعافية
تقبل الله منا ومنكم صالح الأعمال

وعاد عيدكم (:



وصحت السنتكم جميعا

[ناصر الهواوي]

السلام عليكم ورحمة الله
عيدكم مبارك وعملكم متقبل ان شاء الله وذنبكم مغفور من لطف الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
مضى العيد واليوم الذي له يلي مضى=ولي لازمٍ كنت انتظر له على لاظي
اثر المنتظر يضيق به واسع الفضى=اوقاتٍ يضيع من نهاره على الفاضي
تقول بقرار كبيدته جمرة الغضا=وان قلتوا تبالغ؟! قلت اجل/ ماتبي قاضي
سبب من لها تقدير بالقلب وتحظا=بدمح الخطا من خاطرٍ سامح وراضي
بالقلبين لاحل الزعل غادر الرضا=وان حل الرضا غيم الوصل بارقه ناضي

[الجووهره]

السلام عليكم
كيف حالكم
وعيدكم مبارك بعد الزحمه واللحمه
هههههههه
وكل عآم وانتم بخير
وعسآكم من عوآده

[الجووهره]

منوووورين جميعااا
وصحت الالسن والأذوآق
ودآم حضوركم وابدآعكم

[الجووهره]

صبآح الخير


‏عليكم العيد عايد والنهار السعيد..
‏يأهل الوفاا والنقاا يالطيّبين الكرام
‏.
‏حبّيت أعيّد عليكم من بعيد لبعيد..
‏مع فائق الشكر والتقدير والإحترام

متنبي نجد

[الجووهره]

‏مكسور عاد لمهملات الأماكن
‏والشرفه اللي ينتظرها تحتها

‏ضافي حزن ليله ومعتم وداكن
‏كن الليالي . . ضفته بأجنحتها

‏اليوم ثالث عيد . . يرسل ولكن
‏كل الرسائل للأسف ما فتحتها


محمد عبدالله الخياري

[ناصر الهواوي]

اهلايالجوهره وكل عام وانتي من يعز عليكي بخير وصحه وسلام اعاده الله على الجميع اعوام مديده وازمنة مديده
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
اليوم هذا ثالث ايام الاعياد=الله على جمع الرواسي يعيده
ولي عوده ان شاء الله بعد قليل

[ناصر الهواوي]

اليوم هذا ثالث ايام الاعياد=الله على جمع الرواسي يعيده
لو بعضهم في واد والبعض في واد=صفه بكل الناس ماهي جديده
صحنا بعال الصوت لكن ما فاد=كلٍ يحسب الصوت ماهو بميده
ومن بعد مالك فات يالهجس ينعاد=لحساب من لجله تحبك القصيده
اللي ليا غنت على لدن الاعواد=دنت لي اديرهم ولو هي بعيده
وجا للعلوم اللي تناسيت معواد=وصحت لذكراهم طواري امهيده
اثر تذكر كل ما فات لهاد=وفرقاك من تكره فراقه شديده
قطيعةٍ كم كرّْهت راس بوساد=وبصدور كم هي ولعلت من وقيده

[خيال مطير]

https://www.youtube.com/watch?v=qk57540c7Qw&ab_channel

[خيال مطير]

https://www.youtube.com/watch?v=TGcnXbmfsJc&ab_channel

[خيال مطير]

صح لســـــــــــــــــــــــانك ابوعبيد
لاخلى ولاعدمم

[الجووهره]

هلا بك زود شاعرنا
وصح لسآنك على الابيات والمعايده الجميله
الله يعيده على الجميع وهم في احسن حال

وهلا بك خيال
ويعطيك العافيه على اختيارك الجميل
ويسلم ذووقك ودام حضورك وابداعك

[الجووهره]

كنا صغآر وحلمنا في يدينا
والعيد ثوب تحتريه الهدآيا

قلوبنا تشبه ثيآب عليناا
وثيآبنا تشبه بيآض النوآيا

ومضى العمر فينا ورحنا وجينا
وأيآمنا بين المُنى. والمنآيااا

نشري فرحنا. والحزن يشترينا
ولا عاد حتى للمشآعر بقآياا

بالشمس لكن تحتها ما دفيناا
وأحلامنا تسكن. ظلام الزوآياا

الوقت جآب العيد ياعيد. فيناا
ياعيد خذ مع هالضحآيا. ضحآياا

صنيتآن المطيري

[خيال مطير]

يا زين يوم إني أنا وانتي [صغار]
توما لبست شماغ وانتي عبايه

بالطول ما ناصل ولا خمسة أشبار
دايم نقيس أطوالنا بالمرايه

ما بيننا شين نخبيه واسرار
ما غير لعب [أطفال] كل الحكايه

ما همنا موجز ولا نشرة أخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

[بالمدرسه] نزعل على شان الأصفار
انتي سبب لعبك وانا من غبايه

يا ما تهاوشنا على كيس [فيشار]
أنحاش به وافرح بطردك ورايه

وان قلتي يا ناصر يا ويلك من النار
أخاف واستسلم وابين خطايه

والى ضربتيني تقل بيننا ثار
وان قلت كافي قلتي ما هو كفايه

والى خلصتي ضرب بيمين ويسار
أخذتي [الفيشار] واللي معايه

والى زعلت وقلت أبا أروح للدار
صحتي وقلتي آسفه يا غلايه

وأصدقك وافرح بعد ذيك الأعذار
وأجيك لا حاقد والا احمل وشايه

بس لو أشوفك مع بشر غيري أغار
لو كان أخوي أو من أعز اصدقايه

واركض لخوك أقول شفها مع اكبار
عشان يفرض لي عليك الوصايه

هذي [طفولتنا] براءه وتذكار
دايم نحن اليا ذكرنا البدايه

واليوم أبا اكتبها [سواليف واشعار]
وافكر انتجها بفلم { وروايه }

[خيال مطير]

https://www.youtube.com/watch?v=F-DNzLPph-k&ab_channel
___________________________________

[خيال مطير]

هلا ... هلا يا أم العيون المظله

اللي بعيني مالهن حلايا

فيهن تقول طراد خيلٍ وسله

اما هلا الردات والا الطنايا

لا احذ فو عن الأمهار الأجله

وردوا لبيضٍ كنهن الحنايا

ورداتهم تشفي القلوب المغله

من غير حقرانٍ لباقي النحايا

يا بنت من ينطح وجيه المهله

زيزوم عيراتٍ ومقدم سبايا

مع دربه العيرات مثل الأهله

دايم سماريهن تتالى حفايا

العذر منك اني فلا قلت زله

لا طاب حظ مصورين الحكايا

ما فيك ما ينقال في كل مله

حتى قال:

توضي وكاسيها أشقرٍ له زوايا

ما شفتها الا ساعة مستزله

يوم العياد.. ويوم ذبح الضحايا

فالماقع اللي شافها النجع كله

تلعب نهار العيد بين الصبايا

بحجاجها سيفٍ من الهند سله

الى آخر القصيدة

[خيال مطير]

https://www.youtube.com/watch?v=tcNaLHh67O4&ab_channel

[رحيل]

صباحكم سعيد وعمركم مديد
والشر عنكم بعيد (:

صحح لسانك يابو عبيد

صح ذوقك خيال

صح ذوقتس جوجي

[رحيل]

‏ومافات من دنياك صعبٍ مرده
‏خذلك من الماضي عبره وتوجيه






؛؛؛؛؛؛



يارفيق الذات من باب الحديث الودّي
‏صاحبك همه يموت ولا تخيب ظنه

‏والله إنه من غلاك وكبر قدرك ودّي
‏انتخاوى فـ الحياة ونلتقي فـ الجنة

[ناصر الهواوي]

اهلا يالجوهره وحييتي
مرحبا يارحيل وعيدك مبارك
هالبيتين روعه صح لسان قايلهن وسلم ذوقتس
ارحب يالخيال
دام حضوركم
لي عوده ان شاء الله
ــــــــــــــــــــــــــــــــــــــــــــــــــ ــــــــــــــــــــــــــــــــــــ

[ناصر الهواوي]

عدنا والعود احمد هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
اجي البلد واروح ما امر حيه=ومن قبل امر البيت وآقف واحييه
تبي المشاعر بس نفسي معيه=تقول حيٍ راحلٍ عنه ما ابيه
نعم بحقي شدته منه سيه=فيِّ اثرت واظنها مثره فيه
بلا مزاج امشي وافرك يديه=يقول من يشفق عسى الله يعافيه
كان الزهيمر صابه اكبر بليه=والشور منه اول ومرجاعه ايليه

[ناصر الهواوي]

ارحب تراحيب المطر طيف خلي
الذ غفوه يوم فيها لنا جيت
متى الجفا ياطيف خلي يولي
بشر وانا ابا اقول جعله وياليت
احب من صاحبت واعز من لي
من عرفتي له مالغيره تمنيت
رهن الاشاره لازهم جيت كلي
ولها تتمه

[شاعرة نجد]

السلام عليكم ورحمة الله

وكل عام وأنتم بخير
وتقبل الله طاعتكم واعاده علينا وعليكم بالمسرات
ودمتم,’’

[شاعرة نجد]

https://www.maddmon.com/wp-content/uploads/2017/02/%D8%B5%D9%88%D8%B1-%D9%88%D8%B1%D8%AF-%D8%B7%D8%A8%D9%8A%D8%B9%D9%8A-267x300.jpg


عيد الرواسي عساه يْعود
عسى على الكل عيد سْعيد

مع بيت شعْر وبوكيه ورود
لو فاتنا عيد يوم العيد

[شاعرة نجد]

https://lh3.googleusercontent.com/proxy/FP9q2rqaitxbgRLcCnlzV73J6433D9C--ygMouSmhBYk3QLsNOkLRSjmHa8BJ9LPVcQ4jVKo81tpcKcXWia IVMJdtWFpKwOPOig

هديل والا نوح ياللي على السور
في صبح يوم العيد شد انتباهي

حسك وانا كلي احاسيس وشْعور
لو ظاهري مبسوط واللبس زاهي

بالله روحي لحظة افرااح وسْرور
بجاه الكريم استعطفك ثم جاهي

يامصدر الهامي ترى القلب معذور
والفكر لامنّه شرد بي وتاهي

لـ ضاق صدري ضاق من ضيقه صْدور
وانا افتخر بـ اعياد ناسي واباهي

طيري امانه غادري ساحة الدور
مداام كلٍّ في ضحاياه لاهي..

[عبدالله الصقري]

السلام عليكم و رحمة الله و بركاته

كل عام و الجميع بالف خير و صحه و سلامه

و ما عاش من يتغلى يا جدي

صح السنتكم جميعا و سلمت قلوبكم و طابت ارواحكم

__________


بين الدوام و بين طيحة وآلدي
لا اذوق نوم و لا اهتنى خاطر



الوالد يمر بوعكه صحيه خلته طريح الفراش
دعواتكم له والله لا يوريكم باس ابد في قريب او حبيب





بس وسلامتكم حبايب قلبي

[ناصر الهواوي]

اهلا يالصقري وحياك الله ونسأل الله لوالدك الشفاء العاجل وان يجمع له بين الاجر والعافيه
انه على ذلك قدير
ــــــــــــــــــــــــــــــــــــــــــــــــــ ـــــــــــــــ
ارحبي ياشاعرة نجد وكل عام وانتي ومن يعز عليك بخير وصحه وسلامه
وصح لسانك الى مالا نهايه بس قسيتي على هالحميمه اللي تبي ترتاح بالشباك وتسمع
الابداع هههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
قررت ابا العلب بينكن هالعشي دور=عندك لذات الطوق ابا اسوق جاهي
حتى ببذل الظل الانسان ماجور=وحب وشراب وقول يالورق كاهي
بس اسجعي والنوح يالورق محظور=وعن ما يعكر صفو جارك تلاهي
شق لصباح العيد ياجارتي نور=لاتضيعين افراحنا بالدواهي
نحلوي بحلوى العيد يالجاره مرور=ونضحك مع اللي يضحكون ابـ تماهي
ما ابي يبين بخاطري ضيق وكسور=وكلٍ يرى ظنٍ بي يظن واهي

[خيال مطير]

اللهم اشفي والدك يالصقري شفاء لايغادر سقما والبسه ثياب الصحه والعافيه واطل في عمره يارب العالمين

منورين اللجمـــــيعع ,

ونتي بخير شاعرة نجد

وصح الله الســــــــــــــــــــــنتكم جميععَ

[خيال مطير]

https://www.alriyadh.com/media/thumb/7c/c9/330_e3bdf6c495.jpg

يا باب يا مصعب مفاتيح درفَتك

من هيَبة أهل الدار عالي وقارك

لو كْثرَوا الزوار ودروب حِفّتك

يبقى شموخك من مباني عمارك

يا باب وإن مرّيت ثُم شِفت لَفّتك

أجر بالونّات يا ليت جارك

تشوقني زين الزخارف بطوفتك

زخارفٍ تحكي لجودة عقارك

نادر ومربح للبلد يوم ظَفّتك

أنا أشهد إن يوم السَعد في مدارك

يا باب عيني تمتني دوم شوفتك

إن جِيت لك بالليل وإلاّ نهارك

لك هَيبةٍ يا باب بشموخ وقفَتك

حامي وحارس من حَويتَه بدارك


شعر: طلال المسيمير العصيمي

[خيال مطير]

https://www.alriyadh.com/media/thumb/2b/07/330_2d12ccb855.jpg

هاض الضمير وْفاضت العين بدموع

وتكسِّر العبرات بيّح كنيني

وعدّيت في رجمٍ عن القاع برفوع

رجمٍ عن الحسيان شرق يميني

عدّيت فيه الظهر والناس بهجوع

ما غير أهوجس والخواطر تجيني

وحمامةٍ غنّت على الجال بسجُوع

غنّت بصوتٍ بيّح اللّي دفيني

وليا قردك الله من العام مليوع

محدٍ درى عن علّتي ويش فيني

هيّضتني يالورْق والقلب مفجوع

صوتك يجدد جرحي اللّي دفيني

وش فيك فوق الجال تبكين بسجوع

أنت سِبب بلواي الله يعيني

ما هّمني مالٍ ولا كسب مشروع

لا شك قلبي بالمحبة سِجيني



شعر: أحمد الحمدان العضيدان -رحمه الله-

[خيال مطير]

https://www.alriyadh.com/media/thumb/8b/f4/330_78de9f7014.jpg

ناح الحمام وقِمت أنا مثله أنوح

وهيّضني القِمري بنوحه وأنوحي

على غزالٍ كامل الزّين مملوح

شفت العزاري منه وأحيا جروحي

قلت السلام وقمت أحاكيه بمزوح

قفّى ولكنه من الهَرج يوحي

وأرسلت له خطٍ من الروح للروح

وجاني ردوده سِرحالي وروحي

يقول أنا يوم إني عرضت وأروح

ماهوب قصدي يَم هرجك شحُوحي

لكن هرج السوق مافيه مصِلوح

ياكود ما يبغي الحساسيد توحي

تري الزعل من بينا صار مدموح

وأعطيك ميثاقٍ وخلّك سموحي

واليوم سامحني وأنا أقول مسموح

ومن عقب هذا بالسلامة ترُوحي

أسباب ما هيّضني الورق وأنوح

هيّضني القمري بنوحه وأنوحي

شعر: عبدالرحمن بن سعد الصفيّان رحمه الله

[خيال مطير]

اغلى خروف في العالم
https://www.youtube.com/watch?v=wOejXasnIj8&ab_channel

[ناصر الهواوي]

اهلا يالخيال وصح ذوقك ودام تواجدك
تبي الصدق ما صدقنا بخروفك هذا ع شان نصدق بقيمته
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
لو كنت في هية خروفك مصدق=صدقت فيما فات من وقت ينعاد
وبيتٍ ليا مريته آقف واحدق=تقول ماعاشوا بهالمنزل اجواد
سامك بنا والحين خربان مندق=كومت بلك وطين واحجار واعواد
دقات قلبي زادها منظره دَق=وظغط الدما بالعرق من شوفته زاد
وين الضبا اللي فيه بخصورها دِق=وريمٍ تقود لجمعهن كلما قاد
ما تعطي الفرصه شموت ايتشدق=ومردها لا قيل بلهون/وش عاد؟
جعل السحاب اللي منه هلهل الودْق=تغمر سيوله لبة الضلع والواد
وبس ههههه

[ناصر الهواوي]

اريد شي ونوب للشي ما اريد
خايف وانا لي به من ايام راده

تطري على بالي علومه تراديد
حتى غدت عندي كما قيل عاده

نوبه تحدر بي ونوبٍ مسانيد
ودكلاتهن في هالليالي زياده

تخمني واروح وارجع بلا فيد
بعيد لاشك اتقارب بلاده
ــــــــــــــــــــــــــــــ
كملها يالخيال ههههههه

[ناصر الهواوي]

يقول اسمع اللي لك بقوله ورد لي
وتحت كل كلمه خط خطٍ و دايره
كم فديتني بالنفس وافديك في هلي
فيما فات والدورات بالكون دايره
جنون الشباب وزوغة العقل وجهلي
عاقل ماهقيتك تجهل اشلون صايره
ذا تقديم والمعنى تشوفه بما يلي
فلا تنصدم تصدم بجبهتك عايره
عوذا خط مابيني وبينك ولك وإلي
لو جفنك من الفرقا ينثر عبايره
ــــــــــــــــــــــــــــــــــــــــــــــــــ ـــــــــياحووووول هههههههههههههه

[رحيل]

أسعد الله ظهيرتكم بكل خير

صح لسانك شاعرنا ابو عبيد

عاد عيدك وصح لسانك شاعرتنا نجد


الصقري اسأل الله العظيم ان يشفي والدك
عاجلاً غير آجل وجميع مرضى المسلمين

لاهنت خيال على النقل

[رحيل]

https://www.r111n.com/t41541.html

[عبدالله الصقري]

آمين يارب

و تسلموا جميعا

و جمعه مباركه يارب

[خيال مطير]

https://pbs.twimg.com/media/BRs33OxCQAEnvli.jpg

[خيال مطير]

https://ccute.cc/wp-content/uploads/2020/02/6643-10.jpg

[خيال مطير]

https://na3em.cc/wp-content/uploads/2018/07/4051-1.jpg

[الجووهره]

هلا بالجميع
ويسعد صبآحكم
منوورين جميعااا

وكل عام والجميع بخير
وصحه وسلامه

شاعرة نجد هلا بك
وصح لسآنك وعاد عيدك
بعد الزحمه. هههههه

شاعرنا الصقري
هلا بك وسلآمة الوالد
مايشوف شر ان شاء الله
الله يشفيه ويعافيه وكل مريض

[ناصر الهواوي]

السلام عليكم وصلت عين الشمال ورجعت وما زاد بعدي الا صفحه في 5ليال
اخذت جوله على مدن ساحل البحر الاحمر من ينبع الى الدره وحقل في 5 ايام
كل بلد يوم وليله وتيامنت لتبوك وختمتها بالمسجد النبوي ولله الحمد
وردني الله بالسلامه لاساهر ولا غيره هههههههههههههه
ــــــــــــــــــــــــــــــــــــــــــــــــــ ـــــــــــــــــــــــــــــــــــ
ما يسفهل الا من ارتاح باله=وقد قيل يالولا البلى ما احدٍ صاح
وقلبٍ شكا من بعد ماكان داله=ماهقوتي لو طاول الصبر يرتاح
لـ اوحى نواح الورق ما راح جا له=ولا اقبل على جفنه لذيذ الكرا راح
تقول من ملح القصب به ذهاله=وبكل ما يخفيه لا امسا المسا باح

[ناصر الهواوي]

ياحلو قيفانٍ نظمها ابو منصور=للتاج رد الروح من بعد موته
بتحريك هاجوس الشعر جالها دور=ياحي ما جابه وياحي صوته
مظلم وبعد اطلالته شع به نور=من لا قرا ما دونه لا يفوته

[خيال مطير]

حمد الله ع الســــــــــلامهـ ابو عبيد وصح لسانك

[خيال مطير]

https://www.alriyadh.com/media/thumb/37/a8/330_65cdab619b.jpg

عَمار يانَخلٍ عْذُوقه مدابيح

الله يعَمْره ويْتكَفّل بْسُوقه

تَمره ِ يُوَزّع للوجيه المفاليح

وخُلو الخراف مَن النواجح عْذُوقه

حتى ظْلاله فيه من نفحة الرّيح

جلسة نفاهٍ بالبراد مْعشوقه

يلقى به الداني حَشِيّه وتفريح

وْرِطَب الخراف مْن المذانيب فوقه

هذا النخل نخل الرِّجال الزحازيح

اللّي بوقت القيظ تظهَر حْقُوقه

ما هوب نخلٍ صاحبه نذل وشْحِيح

محدٍ من اللّي يستحقه يذُوقه
.................................................. ..
شعر: عبدالله حمير الدوسري

[ناصر الهواوي]

شطحات ذاكرهاهلا خيال والله يسلمك وصباحك سعيد والشر عنك بعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
اونس قصار ضلوع صدري تراعد=تقول برد شباط صاب الشراشيف
كاد الوقوف وطحت بالقاع قاعد=كل العضالات القويه غدت ليف
كني مع الذكرى القديم انتواعد=عند البواقي من بويت المواليف
مع الذهول الضغط قام ايتصاعد=واسمع لدقات المشقى تراجيف
مسود نوٍ ما فصل فيه راعد=حقوق برقه يجهر العين وايخيف
الله على سود الليالي يساعد=لا لي ولاهي جت لغيري على الكيف

[شاعرة نجد]

السلام عليكم

صح لسانك يـ الهواوي على مجاراتك الكايفه لابياتي،عز الله انك
جبرت بخاطر الحمامه بعد قساوتي عليها ههه
وصح لسانك على هـ الدرر
البيت الاخير من الدره الاخيره عن معلقه ومن ذهبببب
وانشهد انك مبدع وحضورك حضور ماشاء الله تبارك الله
انا مسافره وداخله من الجوال
متابعه لابداعكم

تحياتي لك وللجميع،،

[ناصر الهواوي]

عليكم السلام ورحمة الله
صح بدنك انتي بس حفزينا ببويتات وخوذي مجاريات ومسايرات حسب المقدره هههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
باقي على العشر عشر وخاطري فيه فيه
وبوادر النوم جت عيني مراسيلها

وودي ابــ بيتٍ وبيـتٍ يسنده مقتفيه
ولو اطلق عنان هالمهره سرى ليلها

قريحتي لو هجوس الشعر فز اوقفيه
النفس من وضعنا الحالي طفح كيلها

لو طاوع العاطفه عاقل تحول سفيه
وكل العواطف محالٍ يعتدل ميلها
وبس هههههههه ما ادري وش هالضحكه

[ناصر الهواوي]

يالله صباح خير لا شر فيه
صباحهم سعيد والشر عنهم بعيد/لازم استخدام ضمير الغائب هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
هي هكذا رائعات ايامنا ما تدوم=واحلا حلومٍ تسلينا ماهي دايمه
لكن كانت تبادل بين يومٍ ويوم=واعتا الكوابيس كانت من قبل نايمه
والسوق به كان من يرغب يبيع ويسوم=وقوة قناعات كانت تكبح اللايمه
وبرد النسيم العليل اليوم عوَّد سموم=ودوت على وجهها كل المنى هايمه
يقطِّع القلب منظر باليات الرسوم=والبوم يلعي على عيدانه القايمه

[ناصر الهواوي]

الا ياهجوسي سو توقيع لامريت
بيتين او ثلاثه هاتهن واثبت حضورك

ليا ونت الورقا ومع صوتها ونيت
وطرا ما طرالك منه وانحاست اومورك

فقل للعسيب ارفق بها كلما اهتزيت
وقل خفي نواحك على حسب مقدورك

تقولين بكره فيه انا بس وش سويت
مع انك عديتي في لحون الشقا طورك

[خيال مطير]

اليوم اخرجمعه لعام 1442 اذكروا الله وصلوا على رسول الله

لااله الا الله وحده اللهم صل على محمد وعلى اله وصحبه

اللهم اغفر لنا .. ولوالدينا ووالد والدينا وللمسلمين والمسلمات االاحياءوالاموات الى يوم الدين

[خيال مطير]

شاهد ابو عبيد النشبه

https://www.youtube.com/watch?v=E1E4MZIlnbc&ab_channel

[خيال مطير]

يقول الذي هوجس وطول به الهوجاس

وجرب وفادنه كثير التجاريبي

دروس الزمن ماهيب حبر على قرطاس

تشيب براس الورع يا عبيد تشيبي

انا بي طبيعة خاطري دايم حساس

ولا نظر عيوب الناس وانسى عذاريبي

ولا ظهر اعلومي للأوادم بغير اقياس

ولا جاء المسير له نثني التراحيبي

ولي مع رجال العرف والمعرفة مجلاس

ومن رافق الطيب يحده على الطيبي

لكن البلا اللي عكر الجو بين الناس

عباد وظايفهم بشذب العراقيبي

تلبس علوم الناس من زورهم الباس

ضعاف النفوس امغثربين المشاريبي

لكن الحقايق حق لو يرمسن ارماس

تحقق لاهلها بامر من يعلم الغيبي

[خيال مطير]

وإذا كان ابن سبيل لم يعايش البداية البسيطة للتطور العلمي فإن شاعراً اعتبر نفسه محظوظاً لأنه قال عن واقع ذاته في «راس تنورة»:


يا عبيد من ينشدك عنا

عمال في راس تنوره

من فوق سفنٍ يشيلنا

عمال والنفس مخطوره

شط البحر قبلةٍ عنا

بديار من يلعب الكوره

[خيال مطير]

روم المعاني يا عبَيْد وترقّى

بالعلم والإيمان تاصل لعاليه

والصالحات اخير يا عبيد وابقى

أدِّي حقوق الله ولبِّي مناديه

وعن لازم يلزمك حرصك تتقّى

لا خير في رَجْل يخلِّي عوانيه

وفي عشرة الانذال حرصك تَهَقّى

كم واحد بالنذل ضاعت هقاويه

وحرصك ورا المقفي تصيح وتنقّى

من باعكم بالرخص بيعه بغاليه

[خيال مطير]

https://www.alriyadh.com/media/thumb/3e/29/330_1d95a885e3.jpg

حين تقرأ الإحساس الراقي تشعر بأهمية تلك المشاعر الشفافة، وبشموخ الموهبة، وروعة الإبداع.. فتبقى تلك الأحاسيس والقوافي الجميلة تخاطب عقولنا، وتسكن قلوبنا، ويحلو لنا ترديدها. فالأحاسيس.. هي عاطفة إنسانية تنبع من الأعماق، وتنبض بها القلوب، وتترجمها القوافي، فنستمتع كثيراً عندما نقرأ أو نسمع تلك الروائع ومنها هذه الأحاسيس النقيّة للشاعر سيف السعدي:


صوتك سمعته قبل لا تنطق شفاتك

لبّى عيون من اللهفة تناديني

يوم أتأمل عيونك لحظة شكاتك..!!

من حال برقعك عن شوف ابتساماتك

لدّ ابتسام النظر ما بينك وبيني

على ضفاف الكحل من خلف نظراتك

لك مقلةٍ واعدت رغبة صبي عيني

سكنتني العين من روعة حسن ذاتك

رمشٍ لي فراش .. والثاني يغطيني

مالك ومال العطر.. عطرك عباراتك

أبطى العطر بك على طيبك ينهنيني

إقرا على الزين من عقبك سلاماتك

عِدّة صور باهته ما عاد تعنيني

ما اجملك حتى بحزّات انفعالاتك

في تالي الأمر تتبسم..!! وترضيني..!!

[خيال مطير]

https://www.alriyadh.com/media/thumb/df/9f/330_0114c68bea.JPG

ضباب لندن لا ولا أجواء باريس

تقدر تعوضني ثواني غيابك

مقدار حبك فوق كل المقاييس

مثله مثل سمو حضرة جنابك

لاقلت أحبك فاض نبع الأحاسيس

بشعرٍ زهيته يا غلاي وزها بك

ما مال قلبي مع عذيّ النسانيس

ولاأحدن قدر يلمس بعيني سحابك

وضباب لندن لا ولا أجواء باريس

تقدر تعوضني ثواني غيابك

عوض سلامة العنزي

[الجووهره]

السلام عليكم
كيف حالكم
ضيعت كلمة المرور وضيعتكم
هههههههه
والحمد لله عدت الى قواعدي سآلمه
هههههههه

[الجووهره]

وصحت الالسن والاذوآق
ودآم حضوركم وابدآعكم

وسلآمة الاسفآر شآعرنا الهوآوي
وسفره سعيده شآعرتنا نجد
وترجعين بالسلامه ان شاء الله

ويعطيك العافيه خيآل
ودآم حضورك وابدآعك

[ناصر الهواوي]

السلام عليكم ورحمة الله
(اذا سبَح القيطون فقد هم بالسرقه)جمله اعتراضيه!!!!!! ما علينا
اهلا يالخيال
وحيا الله الجوهره
ــــــــــــــــــــــــــــــــــــــــــــــــــ ــــــــــــــــــــــــــــــــ
جنيتي بالمزرعه هالايام عطتني حرية الحركه والتصرف بعد رحلة الشمال حضرت زواج لبن صديق وزميل لي زهراني في الجنوب وعدت لمزرعتي سالما على راي الجوهره والحمد لله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
سمعت(يامخرج ثلاثه)لسداح=من بعد ما جا بالنصيب انسداحه
والضيق برقه في سحاب الجفا لاح=والقلب سوط فراق الاحباب لاحه
ماجت به الايام فيه الزمن راح=ما تسعفك سود الليالي براحه
يبقى رصيدك حزن وهموم وجراح=وقلبٍ فقد خلٍ يلملم جراحه
لجة بحر هفيت به وانت سباح=وموج البحر هاج وحرمك السباحه
اقنع وسلم لاتشبث بالالواح=قال المثل طرد المقفي قباحه

[خيال مطير]

مشعل الشمري
................


‏ياقلب لاتظهـــر خوافيك للنــــاس
يكفيك من يعلم جميع الخــــوافي

عيش الأمل لو كنت غرقان بالياس
ياكم بلاوي جت من وراها عــوافي

[الجووهره]

يسعد مسآكم
وهلا بك زود شآعرنا
والحمد لله على السلآمه
وصح لسآنك ودآم حضورك وابدآعك


وهلا بك خيالناا
ويسلم ذووقك

[ناصر الهواوي]

ارحب ياخيالنا وحييتي يالجوهره والله يسلمكتس
وصباحكم سعيد والشر عنكم بعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
عسى جميع اوقات من نغلي افراح
روضٍ نماه انس وسرور وسعاده

ويرجع لنا في المنتدا كل من راح
ونسعد بشوفة من طوانا بعاده

وعن القلوب الكِبِر يطوى وينشاح
ويبقى التواضع داخل النفس عاده

[الجووهره]

مساء الخيرات والمسرات
وعآم هجري جديد وسعيد على الجميع

‏الوقت يمضي والليالي سريعه
‏مرت سنين اعمارنا مادرينا

‏نطرد ورى بكره ونرجي تبيعه
‏كبرت حدود احلامنا والتهينا

‏حكم الزمن غصبً علينا نطيعه
‏يوم ٍ لنا واليوم الاخر علينا

‏اللي لنـا نـشـري عليـه ونبيعه
‏واللي علينـا ليتنــا مـا شرينا


عآيد بن ضلعآن

[الجووهره]

ارحب ياخيالنا وحييتي يالجوهره والله يسلمكتس
وصباحكم سعيد والشر عنكم بعيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
عسى جميع اوقات من نغلي افراح
روضٍ نماه انس وسرور وسعاده

ويرجع لنا في المنتدا كل من راح
ونسعد بشوفة من طوانا بعاده

وعن القلوب الكِبِر يطوى وينشاح
ويبقى التواضع داخل النفس عاده


صح لسآنك شآعرنااا
والله يردهم بالسلامه
مع ان شكل مافيه أمل
الله يوفقهم ويسعدهم جميعا

[ناصر الهواوي]

الله يحفظ الجميع
على الالف والاربع ميه واربعين اعوام=وثلاثه بدت في واحد لواحد الجاري
مرتنا الليال السود تجري وحنا نيام=احد ما درى بمرورهن واحدٍ داري
نفوسٍ ترد هداج ري ونفوس حيام=ضمايا لو ان الماي من تحتهن جاري
وعزا كل نفسٍ موجعه من غثى الايام=ان رجوعها للواحد الخالق الباري

[خيال مطير]

صح لسانك يابو عبيد
وصح لسانك يالجوهره
وذوقك الرفيع

[ناصر الهواوي]

الصبر مفتاح الفرج ما بها شك=الشك في من له على الصبر طاقه
وش صبر من في خاطره ما جرى حك=وعليه جا للحزن والضيق فاقه
دك الجفا حصن التحمل منه دك=وطعم الفراق ايبس لسانه مذاقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

[خيال مطير]

وثائقي خاص عن حياة آل مرة وخلاف قطر معهم

https://www.youtube.com/watch?v=hf0LTiXDgkw&ab_channel

[ناصر الهواوي]

يالجوهره قولي لنا وين رحول=خيال ولد الغامدي وين داره
حتى غياب الشاعره غير معقول=كديميس غايب كم لنا بانتظاره
اليوم ما بالسجن حاضر ولا زول=الا الخفير البارحه شفت أثاره
وقررت اقول وكنت ما ودي اقول=وهجس الشعر وافق قراري قراره
بس مانيب قايل هههههههههههههه

[الجووهره]

يسعد مساكم
وصح لسآنك شآعرنااا
وابشر باشوف وينها رحوول ههه
والله يرد الغايبين بالسلامه

وهلا بك خيالنا
ويعطيك العافيه
والله يصلح شآنهم اهل قطر

[عبدالله الدّنّيش]

السلاااام عليكم وعساكم طيبين ومن العايدين وكل عام وأنتم بخير

خجلنا من كثر الإعتذارات عن الغيابات .. لكن أملنا فيكم قبولها والسموحات منكم ،

وصحت السنتكم جميع .. وأنت يا عمدتنا لا تقول .. فترة وتزول هههه
عز الله أنك وفي للجميع وللرواسي وأنت على رأسي ..
ومصير الحي يتونس بأهله وسكانه ،،،

وسلامي لك وللجميع

[عبدالله الدّنّيش]

يالجوهره قولي لنا وين رحول=خيال ولد الغامدي وين داره
حتى غياب الشاعره غير معقول=كديميس غايب كم لنا بانتظاره
اليوم ما بالسجن حاضر ولا زول=الا الخفير البارحه شفت أثاره
وقررت اقول وكنت ما ودي اقول=وهجس الشعر وافق قراري قراره
بس مانيب قايل هههههههههههههه

^^^
يا صح لسانك وإفتقادك يا بو عبيد
وإن شاء الكريم أن الكل موجود وبخير

&
يا حيّ شيخ الشعر والفعل والقول = مهما نحاول ما نجاري حواره
عز الله أنه راعي الصول والجول = والمنتدى وأهله يقدر وقاره
إن غابوا اللي في خيالك و( عبدول ) = حضورنا بالقلب ليل ونهاره
ودي يطاوعني غرامي على طول = وأطفي لهيب الشوق حره وناره
وأركب قوافي الشعر والسيف مسلول = وأنظم حروفه وأعتبرها سواره
نفتل وننقض دوم والشور مفتول = لكن غرامي يعتذر بالخفاره
يا شيخنا لو قلت والقول مأمول = نرجوك تعذر من يجيك إعتذاره
&
عبدول إسم الدلع وهو صغير السن تيهاني ههههه

[ناصر الهواوي]

اهلا بالجميع وهلابك يابو عامر ومعذور ولكم علي ما اسأل عن احد بعد اليوم ومن حضر هلابه
ومن غلب الله يوفقه ويحفظه هههههههههههههههههه
ارحبي يالجوهره وصح بدنتس ودام تواجدتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
يامحلا سكون الليل لكن يثير اشجان=كوامن فوادٍ دوم ما تسكن اشواقه
له سنين ما كابد مثل جور هالزمان=جفا من يوده ذوقه شي ما ذاقه
والحديث ذو شجون/لكن مامن واهس ههههههههههههه

[الجووهره]

وعليكم السلام
هلا بك شآعرنا الدنيش
ومن الفآيزين السآلمين
بعد الزحمآااااات هههههه
وصح لسآنك على المجآرآة الرآئعه
ويعطيك العآفيه ودآم إبدآعك


والبقااا شآعرنااا الهوآوي
وصح لسآنك والله يجيب الوآهس
ههههههه

[ناصر الهواوي]

يامحلا سكون الليل لكن يثير اشجان=كوامن فوادٍ دوم ما تسكن اشواقه
له سنين ما كابد مثل جور هالزمان=جفا من يوده ذوقه شي ما ذاقه
لاباللي مضى مسرور جدا ولا ندمان=مع انه تشبَّع ما يبي فوقه الحاقه
متى ما وصل حد المنى غفوة النعسان=فعنها تنصل كن مالك بها علاقه

[ناصر الهواوي]

ما كان من طبعه يحذف الرسايل=واليوم خمس اسداس ما دز محذوف
فيه الزمن ما اعرف وشلون قايل=واشوف انا تصرفه غير مألوف
لي بان من شدة ظروفه دلايل=لو يمدح اوضاعه/مكبل ومكتوف
فلَّت من يديني جميع الوسايل=ووردي الاحلام انقلب لونها موف

[رحيل]

السلام عليكم مسآء الخير ..

لا والله نبيك تسال لاهنت على نشدتك عنا
عسى عمرك طويل يا ابو عبيد
وصح لسانك شاعرنا المبدع مدد


من العايدين الفايزين شاعرنا الدنيش
بعد الزحمة واكل اللحمة ههههههههههههههه
وصح لسانك


صح ذوقك خيال

منورة يالغالية جوجو

[رحيل]

ليت الاحلام سهَله والأمـاني رحابه
‏وليت الأيام رغبه والزمن يستجيّبه
‏
‏وليت بعض الطوُاري ماتجيب الكئابه
‏والليالي ماراحت به تعوّد تجيبه

[ناصر الهواوي]

الجفن كم هو يبي يسمح لدمعه تسيل=لوهو على كل ضيقه هلها خلصت
له فرحةٍ بالنهار ليا كشف ستر ليل=بس ان ضوى الليل واعمى ضيحته قلصت
وليا اطربت ناضم الابيات رجعت رحيل=ماتنوصف من غياب الشاعره نِقْصَت
يايام لك مهرةٍ منتج اصطبلات خيل=من يوم هي غادرتنا وين مهره نصت
ياحموة القيض شوفي وش بقي بالصميل=من سلة الحضرميه بالحشا غُو صت
من شان جور الليالي شد صبر جميل= قد دِق طبل الهموم وطارها ورقصت


جرى بعض التعديل/ فاضي هههههههههه

[ناصر الهواوي]

llllllllllllllllllllllllll
ممممممممممممممممممم

[ناصر الهواوي]

كما هاجمت كابُل مجاميع طالبان=طفقات الهموم من امس قامت تهاجمني
من حين اختفت شمس امس لين الصبح لي بان=اغني مآسي وضعي ومره اوني
على ونة اللي نوحها يجلب الاحزان=ما ادري هي سبب هالغم والا السبب مني
ولها تتمه ههههههههههههههههههههه

[رحيل]

مساء الخير والاحساس والطيبة
مساءٍ ما يليق الا بأهل الرواسي
(:



صح لسانك شاعرنا مدد ولا هنت
والله يبعد بالهم والحزن والضيقة

[رحيل]

عيش مع اللي يشتري الفرحه معاك
ما يتخلى ولا يتغلى ولا يثقل عليك


………


ماعاد أشوفك ياحمامه تمرين
لوكان غيرك داخل السرب غرد

وان كان قصدك ياحمامه تغيبين
ردي صدا صوت لحونه تفرد

قلوبنا لو ا جرحوها المحبين
من حبنا صعب عليه انتمرد

[ناصر الهواوي]

ارحبي يا رحيل والله يسعدك دائما وصح لسانتس وبدنتس وذوقتس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
ليا طرت لي سوالف كان ياما كان فزيت=فزت من اغفا غفايه ولعطت رجله شراره
لذكرها شطشطت كبدي كما المقلي فـ الزيت=واحط كفي على صدري ولا احس بحراره
كثر العزا ما يرد اللي تقافى لو تعزيت=الا الحلا ينقلب مع دورة الذكرى مراره
وبسسسسسسسس ههههه

[الجووهره]

مرحبا الف وهلا مليوون رحوووله
نورتي بعد الغيبه وآخر الغيبآت
ويسلم ذوقك الجميل ياجمييله

وهلا بك شاعرنا الهوآوي
وصح لسآنك ودآم ابدآعك