بارك على القمرا تقول أنه بعير

[الغلا دمي]

مساء الخير مدري ياصباح الخير

تبكي على اطلال قمه من النير
والنير من كبره له أقمم كثيره

أشهر علم فأعلام نجد المشاهير
المستقل من الجبال بعشيره

بارك على القمرا تقول أنه بعير
حي البعير وحي من هو بعيره

لشاعرها

[الغلا دمي]

هذا الشعر وزنن وقافن ومعنى
لبى المعاني والقوافي والاوزان

[الغلا دمي]

فخر الحصان اللي يفك النشايب
اللي سبقني لله أنا وغيري
سوى الذي ماهوب منه متعايب
وانا عملت اللي يريح ضميري

[النجلاء]

الغلا
يسلم ذوقك الراقي والانتقاء الذوق
اخوي الابيات القصيره يكون مكانها في سجل حضورك في بيت شعر
تقديري لك
النجلاء

[الغلا دمي]

الغلا
يسلم ذوقك الراقي والانتقاء الذوق
اخوي الابيات القصيره يكون مكانها في سجل حضورك في بيت شعر
تقديري لك
النجلاء


الله يسلمك ِ الرقي لايكمل الا بوجود النجلاء
تشرف متصفحي المتواضع بكِ
الله لايحرمني هذا الحضور الملكي
فحقيقه انني اجد الراحه هنا اكثر
وماذكرتيه صار للدردشه ويشتت افكاري
فيكفيني مروكم واطلاعكم
كونون ب القرب دوماً
دمتى بحفظ الرحمن

[الغلا دمي]

ودي اخذ لفهً منا ومنا

وان حصلي خبه ً زبنت فيها

باي باي في امان الله

[الغلا دمي]

يالمشتكي صبرا على الوقت مطلوب
لاتشتكي وقت الشقا واضطرابه
هذا الزمان يشين ويزين لك نوب
لوزان لك ساعه سريع انقلابه
عشرً وعشر وعشر غلقتها دوب
ثالث عقود العمر كمل نصابه
محدً عرف للوقت منهاج وأسلوب
من طال عمره في دروبه مشابه
لوبت غالب تصبح الفجر مغلوب
تضيع مع وقتك ذهاب وايابه
مرً يجرعك المراره من الكوب
ومر العسل يسقيك حالي شرابه
والناس فيها أنواع واشكال وشعوب
كلً يمارس حرفته في شبابه
منتب على طرد المقفين مغصوب
من جاك رحب به وكرم جنابه
كل ً على مايظهره عطه ماجوب
وش لك بجحر خابرً فيه دابه
دامك رفيق الصمت والصمت مرغوب
صمت الفتى دايم يزيده صلابه
والصمت حكمه واعشق الصمت واذوب
لوكان صمتي مااستطيع اقتضابه
عسى الولي يغفرلي الذنب واتوب
من قبل اشوف الموت يجمع زهابه

[صـدووودٓ]

الغلا دمي
يعطيك العاافيةة
ع ووعةة متصفحك

[محمد الغنامي]

الغلا دمي
انتقاء رائع وذوق رفيع المستوى
راق لي ما وجدته هنا
مروري واعجابي المتكرر
لاهنت يالقرم