جهمت من العيون

[النجلاء]

جهمت من العيون ولا ضواك الليل غير هناك
ورا هدف الضلوع تسامر القمرا بخفاقي
تريض لاتعبت من أول الطرقة إلى ملفاك
متى صبح العيون اللي هدبها يطرف أعماقي
هلا ولا هلا قد قلتها قبلك لـذاك و ذاك
أبـأدور كلام ما سمعته وأنثر أشواقي
وأبشعلها قصيد من أول الدنيا إلي دنياك
تهب مع الهبوب إلى ندهتك جذوة أوراقي
وأبنظمها قلايد لين تقدح بالسما طرياك
مادامي شاعرك ليه الظلام يرف بـأحداقي
دريت إنك حبيبي قبل أموتك وأعشقك وأحياك
وصرت أول طريقي وآخر أحبابي وعشاقي
سمعت أحلى (أحبك) في حياتي كلها بشفاك
أثر بعض الشفايف همسها غيمة وبراقي
تسولف, لا تغني, لا خيال ما لحقت أقصاك
بغيت أستوعبك شح الخيال وضاقت آفاقي
سهى قلبي معاك وفاحت الدلة ولا قهواك
على صالي حشاي أركي لك الدلة ولا فاقي
سرقته بـالحنان وهرجك الخاثر وشفته جاك
فزعت أرد قلبي وأثرني حبيت سراقي
وصلت آخر مداي وقلت لك خلك على مركاك
لو إن الموت كاسك بـأشربه يا حضرة الساقي
توسدت الجراح وكل جرح ما يطيب فداك
تنهدت الغياب و نبت بين إيديك مشراقي
تعذر لليالي لي غدا ورد الطريق أشواك
ترى كل الدروب اللي مشينا ما ثنت ساقي
لو إنه ما بقى عندي بـهالدنيا يا كود أهواك
لا أقول إني خذيت اللي خذيت ولا بقى باقي

[مهرة يام]

النجلاء
صح لسانك ولسان شاعرها
يسلموو يالغلا على الذائقه الجميله
تقبلي مروري واحترامي
المهره الاصيله

[غزلان]

الله الله يالنجلاء راااائعه جدا ..
صح لسان شاعرها وصحت الانامل يالغلا ..
ودي وتقديري لك ..

[النجلاء]

المهره
شرفتي ونورتي يالغلا
لاخلا ولاعدم اجمل حضور
تقديري لك
النجلاء

[محمد الروقي]

لو إنه ما بقى عندي بـهالدنيا يا كود أهواك
لا أقول إني خذيت اللي خذيت ولا بقى باقي


صح كلك يالنجلاء

[البندري]

النجلااااااااااااء


جميل جدا ذائقة ممتازة
لا حرمنا الله منك
ولا من روعه حضورك الرائع بروعه السماء
في انتظار جديدك بشووووق

[النجلاء]

غزلان
شرفتي ونورتي يالغلا
لاخلا ولاعدم اجمل حضور
تقديري لك
النجلاء

[النجلاء]

الروقي
اسعدني وشرفني حضورك الراقي والمشرف
لاعدمت اطلالتك الراقيه
تقديري لك
النجلاء

[النجلاء]

البندري
شرفتي ونورتي يالغلا
لاخلا ولاعدم اجمل حضور
تقديري لك
النجلاء