مشاوره مع هل البوابه

[ناصر الهواوي]

السلام عليكم
الجديد هنا

ابيع في سوق الطواري واشري=واقنع بجابه واستريب بجابه
واسرج لها مهر الهواجس واسري=همي كما الوسطا وانا السبابه
لو قيل وش غايتك ما ادري ما ادري=لاشك ساري والخطر ما اهابه
مافات في ماضي حياتي يطري=قربه وبعده مثل قوس وقابه
والشوق ياطرني لذكره وطري=والوجد يحرق مهجتي واشقابه
والجفن خاواه السهر من بدري= هادي وصالح يشبهون اهدابه
باقي بقلبه مثل ماهو قدري=ومن ماله بقلبي ضمن وارهى به
مابه غرور ولا يعرف الغدري=لكن عواذل من هله واقرابه
تغول عبراته حروف العذري=بعينه ترقرق ما يجيد اعرابه
نطقه براءه والتصرف فطري=حتى التغلي منه موصد بابه
انا انفطر قلبي لفقده فطري=وما جابت الورقا من اجله جابه
هبي نسانيس الجنوب بعطري=طفي حرايق كبدي المنصابه
كثرت جهودي معه ضاعت هدري=وقلت اتشاور مع هل البوابه

[محمد الغنامي]

الله الله

صح لسانك يابو عبيد
جزل ومبدع الله لايظرك
مروري واعجابي
لاهنت

[النجلاء]

الله الله
ياسلام عليك يابو عبيد
كايفه ونايفه وجزله ولا نستغرب الابداع والجمال والكمال في حضرة سموك
لقلمك فخامه ومتعه منفرده لاحرمنا المولى هذه الابداع والتميز
دمت ودام مداد قلمك ورقي حرفك
تقديري وتقييمي لسموك
النجلاء
http://www.zahr3a.com/vb/images/star3.gifhttp://www.zahr3a.com/vb/images/star3.gifhttp://www.zahr3a.com/vb/images/star3.gifhttp://www.zahr3a.com/vb/images/star3.gifhttp://www.zahr3a.com/vb/images/star3.gif

[مهرة يام]

صح لسانك الهواوي
واعتلا شانك
ابيات رائعه جزله
مبدع كعادتك موغريب عليك
يعطيك العافيه
تحياتي واحترامي لك
المهره الاصيله

[سامي الغنامي]

ي سلام ي سلام ..

صح لسانك ي ناصر على هالمترفه ..

عز الله كفيت ووفيت .. بهذه الشامخه

لاهنت ..

وسجل اعجابي ..

[روابي]

رائعه ومميزه راقت لي كثيرا

يا الهواوي

اشكرك على ذوقك الرائع

[ناصر الهواوي]

شاعرنا العذب محمد الغنامي صح بدنك ولاهنت وبيض الله وجهك
النجلا هلابك وصح بدنك ولا هنتي ودمتي وسلمتي
المهره الاصيله ارحبي تراحيب المطر وصح بدنك ووجهك ابيض
سامي الغنامي صح بدنك ياشاعرنا ولاهان راسك وبيض الله وجهك
روابي ارحبي تراحيب المطر وصح بدنك ووجهك ابيض
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
ـلاتواخذوني على اختصار الرد في ورقه فالشبكه عندنا ما تعجب هالايام

[ابوفارس]

صح لسانك يالشاعر ناصر الهواوي
جزل وقصايدك دوماً رائعه وتروق لي
دمت بود وتقدير

[مناهل]

الشاعرناصر الهواوي
لله دركــ يالجزل,, قصيدة في قمة الجمال والروعة
والصمت في الجمال أجمل.. راقت لي كثير
دمت كما انت
شلالاً من التميز والابداع والذووق ورقي الحروف

[سحاب]

صح لسانك شاعرنا
جزاله وامتاع وفخامه اثراء شعري مميز
دمت بخير وسعاده دائمه

[خيال مطير]

صح لسانك شاعرنا

[الجووهره]

صح لسانك شآعرنا الهوآوي
ويعطيك العافيه خيال
على التنشيط
شفنا أعضاء من زمان عنهم
الله يسعدهم وين ما كانو

[رحيل]

صح لسان ابو عبيد
ومشكور خيال
لاهنت على التنشيط

ومثل ماقالت جوجو
شفنا اعضاء من زمان عنهم
الله يذكرهم بالخير

[ملكة الرواسي]

كعادتك مبدع شاعرنا
يعطيك العافية ولا هنت