المساعد الشخصي الرقمي

مشاهدة النسخة كاملة : وين الهواوي


محمد الروقي
21-03-2015, 09:27 PM
وين الهواوي غايب وقت وش فيه= اليه بمثله ياهل الجود حاجه
رجال ذرب لسان والرجل نغليه= لاصان نفسه عن دروب السماجه
والشور زين ولا ش منها مشاريه = الفكر اخذله فالهجوس ادراجه
وضربت راي براي وزريت اقديه =الحلو خالط يالهواوي هماجه
والقلب فيه وفيه وعجز مداويه =مايصلح التلحيم كسر الزجاجه
وزريت لا القا شيخ صادق ويرقيه = وليا عطاني مانفعني علاجه
والوقت شين وضحكتي من بلاويه=ولالي على مد الضعيف انفراجه
الراي لو ماجا من ابن{ن} على ابيه = طيب وعارف بالصواديف ناجه
قله رقيت الي ينومس معديه = رجم تهيضني ذواري عجاجه
للحر بانت فالمطفه مواريه = قيف عسير ماتجيه الدجاجه
وجر موالي وعيده وغنيه =لي مع قصيد الغانجات اندماجه
ماردها ياكود في بكرة التيه =وشره ليا جاء للبيوت انزلاجه
ياناصر ادرج فكر رايك وعطنيه =مالي بعد شورتك فالشور حاجه

النجلاء
21-03-2015, 10:23 PM
صح الله لسانك يالروقي
جزل واسنتها على هرم الجزاله
دمت ودام مداد قلمك ورقي حرفك
تقديري لسموك
النجلاء

محمد الروقي
21-03-2015, 11:15 PM
صح قلبك يالنجلا مرورك ووجود اثار عطرك
هي المطلب لا تغيبين اما بالقلب او بالعين

تقديري

غزلان
22-03-2015, 02:57 AM
صح لسانك واعتلا شآنك .. والله يكون في العون ..
قصيده رائعه بروعة تواجدك وحضورك اخي الكريم ..
مروري وتقديري ..

محمد الروقي
22-03-2015, 04:26 AM
هلا ياغزلان حياك الله
صح قلبك وكلك ,’, مجرد مداعبة للهواوي
مرورك وسام فكوني كما انتي نقية

شظايا الشمس
22-03-2015, 04:41 AM
والقـلـب فـيـه وفـيـه وعـجــز مـداويــهمايصـلـح التلحـيـم كـسـر الزجـاجـه
وزريت لا القـا شيـخ صـادق ويرقيـهولـيــا عـطـانـي مانفـعـنـي عــلاجــه


الله الله الله

وياصباحات الجزاله

محمد

ابدعت وامتعت وصح الله احساسك وصح لسانك

شظى

محمد الروقي
22-03-2015, 04:49 AM
ياصباح السعادة الابديه لقلبك
وصح بدنك عن كل شر ,’ مرورك يكفي وشهادتك وسام فخر يانقية

عسولة مكه
22-03-2015, 12:20 PM
كعادتك مميز وفاخر ولاجديد عليك الذوق لانك منبعه
تقديري الابدي لسموك الكريم

محمد الروقي
22-03-2015, 12:33 PM
8
8
يالبي الوفاء وراعيه ويالبي الطهاره
كوني بالقرب ايته الراقيه فلك مكانة وعشرة لن ترخص

مهرة يام
22-03-2015, 01:23 PM
صح لسانك يالروقي
وسلم احساسك العذب
ابيات جميله وكلها جزاله
يعطيك العافيه
مروري واحترامي لك
المهره الاصيله

عبدالله بن طلال
23-03-2015, 12:40 AM
وزريـت لا القـا شـيـخ صــادق ويرقـيـه
ولـــيـــا عــطــانـــي مـانـفـعــنــي عـــلاجــــه



صح لسانك الى الابد

وننتظر رقية الهواوي وان شاء الله ماتشوف شر ههههههه

تقبل تحياتي

محمد الروقي
23-03-2015, 01:04 AM
مرحبا اختي المهره مرورك وسام سيدتي
وصح كلك عن كل شر

محمد الروقي
23-03-2015, 01:06 AM
هلا يابو مشعل هههههههههههه
خله اما يطلع الجنون ويعلمني حسب خبرته بالمشكله ولا يشوفله صرفه
القاز بريالين جركن

اسعدني مرورك الراقي ياراقي

ناصر الهواوي
23-03-2015, 11:49 AM
محمد الروقي صح لسانك
والله اني ماشفتها غير هالساعة ولي عوده بعد الصلاة يابن العم وابشر بسعدك يالقرم
والمعذره على الغياب