لاباس

[ناصر الهواوي]

السلام عليكم ورحمة الله يارواسي نجد واهله
مقطوعه للتواصل علها تروق لكم


لاباس يامن حاسه القاف لاباس=جدد اساً ما كنت له يوم ناسي
قريته وبك صار هوجاس وعماس=ودوخه فكر شبيةٍ بالنعاسي
ومشاعرك لجت بك وضاعت الطاس=جالس وبعيونك تدور الكراسي
وتكتم خفا قلبك مثل كتم الانفاس=لو ان جرحك من طغى الوقت عاسي
وخذت بك الذكرى على الدار مرواس=لو انها بك من قبل شي اساسي
ورجع بك التوقيع لسنين دراس=منها حصل بالذكريات اندراسي
ايام كان إلك بطرف دارها ناس=وبين الوصل والصد ما جاء التباسي

[النجلاء]

وخذت بك الذكرى على الدار مرواس
لـو انهـا بـك مــن قـبـل شــي اسـاسـي
ورجـــع بـــك الـتـوقـيـع لـسـنـيـن دراس
مـنـهـا حــصــل بـالـذكـريـات انــدراســي


صح الله لسانك يابو عبيد
ولله درك على هالدره الكايفه
لحضورك فخامه ولطلتك بهجه تمتعنا وتطربنا بوجودك وعذب احساسك الراقي
لاحرمنا المولى جمال متصفحك الذي نشوق لمعانقته بكل شوق
تقديري لسموك
النجلاء

[ابو عبدالله]

صح لسانك ..
ولا هنت وانا اخوك

[السيد زيني]

كلـماتك لها بكـل حرف اساس
بتابعها على طول ماني ناسي


تسلم ايدك

[محمد الغنامي]

ابو عبيد
صح لسانك مليون يالجزل
مبدع وجزل الله لا يظرك
دمت شلالً لاينضب

[مهرة يام]

صح لسانك
وسلم احساسك العذب
كلمات جزله ورائعه
يعطيك العافيه
دمت بخير وسعاده

[شاعرة نجد]

صح لسانك شاعرنا
ولاهنت على هـ الدرهـ

تقديري,’’

[مناهل]

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

[ابوفارس]

الشاعر ناصر الهواوي صح لسانك مليون ولا يكفون
لقصائدك مكانه خاصه دائماً يروق لي متصفحك وتعجبني قصائدك
دمت بود وتقدير

[سحاب]

صح لسانك شاعرنا
قصيده في قمة الروعه والجمال
استمتعت بتواجدي برقي متصفحك
دمت بخير وسعاده دائمه