قالو انت شاعر

[ابو عبدالله]

بسم الله الرحمن الرحيم



السلام عليكم ورحمة الله وبركاته


اول موضوع لي في المنتدى ابيات بسيطه مني وعلى قدي اتمنى انها تعجبكم ,,

( الابيات كتابه وفيديو )



[ قالو انت شاعر ؟ ]



قالو انت شاعر ؟ قلت لا بس اني شعرت
الشاعر خياله واسع ودوم يفنن افكاره

وانا ماني شاعر بس بحسرتي انقهرت
ومالي الا الكتابه وارسم ابيات محتاره

اكتب وعقلي تايه وباحزاني ابحرت
والموج يلعبي يمين تاره ويسار تاره

كانو ربعي زمان يعرفون انا وش كنت
احب الضحك والمزح وراعي عياره

واليوم همي وحزني ولوعتي توسدت
صرت اسير الهم والقلب به اسراره

على قد ماجربت في دنيتي ماتعلمت
طول حياتي شقى ودوم اذوق المراره

كنت دايم اوسع الصدر لامني تألمت
استصغر الدنيا والشقى لو زاد اصراره

كل شي تقوى تتحمله الى منك تصبرت
الا الحب يلعن يومه ويلعن ساعته وكاره

وانا ربي بلاني في الحب وعقبه توهقت
ما قدرت اتحمل الحب ولا تحملت ناره

سنتين وزود من عقب وخلي تفارقت
وانا محتاس وضايع والعقل يدور قراره

نحل حالي وجسمي وباطباعي تغيرت
والزاد عفته ونومي صرت ادور له دواره

شانت الدنيا بعيني ومن كل شي ادبرت
ولا عاد همني بلاها ولا اخبار منها ساره

الموت حق على كل عبد وانا اسلمت
امري لله هو اعلم بقلبي واعلم باسراره


وسلامتكم ...


http://www.youtube.com/watch?v=156-llbBNjo

[محمد الغنامي]

الله الله

صح لسانك وأعتلا شانك

جميل جدا ماوجدته هنا

قصيده معبره يابو عبد الله

دمت ودام تواجدك العطر

[النجلاء]

صح الله لسانك يابو عبدالله
ابدعت وامتعت بهذه الرائعه
دمت ودام مداد قلمك ورقي حرفك الفاخر
تقديري لسموك
النجلاء

وياليت يابو عبدالله بماانك شاعر تكون كتاباتك باسمك الصريح يكون افضل للحفاظ على حقوقك الادبيه

[سحاب]

صح لسانك ملايين
استمتعت بتواجدي بمتصفحك الرائع
دمت بخير وسعاده دائمه

[ابو عبدالله]

مشكورين وماقصرتو على الردود
تحياتي للجميع ...

[عسولة مكه]

صح لسانك يالنشمي .. سطور راقت لي
خالص تقديري لسموك الكريم

[ابو عبدالله]

يسلموو عسوله
تحياتي لك ...

[ناصر الهواوي]

ابو عبدالله جميله جدا بمعناها الصادق وبيض الله وجهك
بس الصورة بالتوقيع يلومونك بعيونها وعيونها ما ظهرت بالصوره. ليه؟؟ ههههههههههه امزح يابو عبد الله

يقولون شاعر قلت شاعر وفي شعور=ليا دكت بقلبي همومي تناهشني
ويطري عليِّ اللي خدوده تشعشع نور=اللي غمزته بعيونه السود تنعشني
عديم الوصايف مبسمه كنه البلور=لعله بتالي هالعمر ما يطنشني

مجرد مشاركه وجدانيه لبو عبد الله

[سهم روق]

ابو عبدالله
بوحك واحاسيس فى منتهى الذوووق
والانتقاء انسكاب عطر يفووح ويعطر
ارجاء مانثرت من بوووح مشاعرك
الجياشه هناء لله درك على الاختيار
الرائع سلمت لنا ذائقتك وبووحك
دمت بخير

[ابو عبدالله]

ابو عبدالله جميله جدا بمعناها الصادق وبيض الله وجهك
بس الصورة بالتوقيع يلومونك بعيونها وعيونها ما ظهرت بالصوره. ليه؟؟ ههههههههههه امزح يابو عبد الله

يقولون شاعر قلت شاعر وفي شعور=ليا دكت بقلبي همومي تناهشني
ويطري عليِّ اللي خدوده تشعشع نور=اللي غمزته بعيونه السود تنعشني
عديم الوصايف مبسمه كنه البلور=لعله بتالي هالعمر ما يطنشني

مجرد مشاركه وجدانيه لبو عبد الله


هههههههههههه
تسلم اخوي ناصر

[ابو عبدالله]

ابو عبدالله
بوحك واحاسيس فى منتهى الذوووق
والانتقاء انسكاب عطر يفووح ويعطر
ارجاء مانثرت من بوووح مشاعرك
الجياشه هناء لله درك على الاختيار
الرائع سلمت لنا ذائقتك وبووحك
دمت بخير


الله مير يسلمك ويعافيك

[جولييت]

سّلِمتِ يًدِآكْ عّلِى جميًلِ طرٍحكْ*
بإنتِظآرٍ جدِيًدِكْ بكْلِ شوَق
لِكْ منيً جزيًلِ آلِشكْرٍ وَآلِتِقدِيًرٍ
موَدِتِيً

[ابو عبدالله]

سّلِمتِ يًدِآكْ عّلِى جميًلِ طرٍحكْ*
بإنتِظآرٍ جدِيًدِكْ بكْلِ شوَق
لِكْ منيً جزيًلِ آلِشكْرٍ وَآلِتِقدِيًرٍ
موَدِتِيً


تسلمين اختي