مجاراة طرقت باب الحب

[ناصر الهواوي]

السلام عليكم يارواسي نجد واسعد الله ايامكم وامد باعماركم على طاعته
عبدالله بن طلال


طرقت باب الحبّ يا حي حيّي = و امنوّل اضحك لي على عالم اكثار
العام قبل اشقى ويزداد غيّي = ما كنت اعاين في صغيرات واكبار
من الهوى سالم ولافيه زيّي = ما اغنّي الاّ فالجوازي والأزهار
ياكم قصرت عن المزايين ضيّي = ولا اعرف فناجيل الهوى كيف تندار
هذاك يوم ان الزمان متهيّي = كم وحدةٍ راحت وفي كبدها نار
كانت تحاول فيّ وانا معيّي = يوم الحياه تقول لي طِبّ وإختار
واليوم جاني من لعب في جنيّي = لعب بقلبي لعبة القطو بالفار
يقول لي : حاسبك حسبة وخيّي = وانا اعرف انّه مثل قصّاف الاعمار

الهواوي


اشجاني الطاروق واخلف نويي=ومن قبله انا ارقص على طقة الطار
ليَّن جفافٍ فيِّ وايبس طريي=وامسيت من معنى التماثيل محتار
مدلج مع الموال هذا مجيي=اخذت معها من ضحى اليوم مشوار
من شان من تلويه الاشواق ليي= لوي الهبوب ليا لوت لدن الاشجار
تلت خطامه غصب لوهو معيي=عمهوجةٍ من خدها شعت انوار
لو ما اعترضت بدربها يا اوبيي=وقصرت نظراتك على ربة الدار
ان كان ما انحى بك هواها نحيي=ولا اونست منها بالحشا لاهب النار
لرمش العيون إمع الكبر جرح سيي=يصير ما عنده مناعه وينهار
ولو قبل تبلش شرتني ياخويي=في ذمتي لعطيك من محض الاشوار
واتشوف جرحٍ منه تقطر دميي=لاشك انا راضي وضاري وصبار

[النجلاء]

ياهلا والله بالشعر وهله
صح الله لسانك يابو عبيد
بحر شعر وجزاله من المحيط الى الخليج
وصح الله لسان ابو مشعل وشهادتي فيه مجروحه
ابدعتو شعرائنا صوت وصدا في قمة الروعه
دمتو ودام ابداعكم ودام لنا وجودكم المشرف
تقديري وتقييمي لسموك
النجلاء

[شظايا الشمس]

الله الله الله

وصباحات الجزاله وترف الاحساس ياناصر

صوت وصدى ولااروع

ابدع الاستاذ عبدالله وابدعت ياجزل

صحت الارواح

شظى

[محمد الغنامي]

ارحب يابو عبيد

ياهلا بالصوت والصدى

صح لسانك ولسان ابو مشعل

مبدعين وجزلين الله لايظركم

سجل اعجابي وتقديري

[عبدالله بن طلال]

صح لسانك ولاهنت على المجاراه يا استاذي

تقبل تحياتي وتقديري

[ابوفارس]

صح لسانك شاعرنا ناصر الهواوي
شاعر كبير وتطربنا شاعريتك وقصايدك النادره
دمت بود وتقدير

[مهرة يام]

ماشاء الله ابداع
ابيات كلها جمال وجزاله
صح لسان شعراءنا المبدعين
بانتظار ابداعاتكم الجميله
تحياتي وتقديري لسموكم
المهره الاصيله

[مساعد الجليدي]

صحّت السنكم ياجزلين
ودمتم كما تحبّون
لكم اجمل التحايا والتقدير

[سهم روق]

ناصر الهواوي
إن ما يخرج من القلب يدخل إلى القلب
هنا لقد استمتعت
من هذا الإبداع والتألق
الله لا يحرمنا من مواضيعك الراقية
وانتظر جديدك بفارغ الصبر
ولك مني أرق وأجمل التحايا
احترامي

[حمد اليامي]

صح لسنتكم على المجارة
وربي مجارة جزله
لكم مني كل الاحترام

[سحاب]

صح لسانك شاعرنا
مجاراه في قمة الروعه والجمال
استمتعت بتواجدي برقي متصفحك
دمت بخير وسعاده دائمه