محمد بن عمار
08-01-2015, 02:24 AM
السلام عليكم
مشاركة متواضعة
لشموخكم الباسق
(( نايف الطاروق ))
سرى الهاجس وهيّض معه نايف الطاروق
على اللي ، هجرني ، وأشغل البال فراقه
شكيت السهر والوجد من حرّ نار الشوق
ولكن .؟صروف الدهر ،، للناس ،، سبّاقه
ذكرت الذي لأجله ، ستار الحشا مشقوق
ذبحني بهجره ،، والحكي صار ، بشفاقه
وعندي خبر ، إن الهوى ، كاتبه من فوق
إله ٍ !! كتب آجااال ،، خلقه ،، مع أرزاقه
ترى اللي مثل شرواه ، له مركز ٍ مرموق
عزيز ٍ ..!! وهرجه ،، لا نطق ،، كله لباقه
بنى له بجوفي ، منزل ٍ بالحشاء ، مطقوق
ضلوعي كما الأطناب وصدري له رواقه
قتلني ، حسين الدل بأخلاقه ، اللي ذوق
وطرف ٍ كحيل ٍ ،، صفّت ارموشه دقاقه
الى من خزرني طحت في موقفي مصعوق
خطف ،، ناظري من صفحة ،، الخد برّاقه
وحالي برت واللي بقا دم .! وسط عروق
برت مثل غصن ٍ ، مورق ٍ نشفت أوراقه
ولاعاد دون الموت إلي صرت أنا مخنوق
سوى الكف ، أداري به ، عن الحلق خنّاقه
طلبته ,، على وضح النقاء ، كلمة ٍ برفوق
يبّرر خطاه ،، أو يرحم القلب ،، بإعتاقه
أنا دايم أخشى ، هرجة العاذل المطفوق
ومثله ، صديق المصلحة ، أحذر .، نفاقه
وشي ٍ طبيعي في دروب الهوى مسبوق
سبقني الهلالي ، لاعج الشوق ،، قد ذاقه
وعزي لقلب ٍ به اهموم ٍ تسوقه سوق
على شوفة المحبوب ،، زادت به أشواقه
ضربني ، برمح ٍ اخترق ، حدّه المعلوق
تخطّى ، ضلوع الصدر ، من قوة إطلاقه
أنا إن مت ، من شانه ترالي عليه حقوق
حقوقي ..!! عليه إنه ، نقض عهد ميثاقه
عسى مزنة ٍ تسرى تكاشف رعد وابروق
مراويح ،، ذعذاع الهوى ،، نوّها ،، ساقه
تعل الشعيب ،، و ينبت الزرع ، والزملوق
و تسقي الديار ،، و خالق الطير ،، رزّاقه
وهذا سلامي له ، عسى الله ، يجيب اوفوق
تحية ...!! محب ٍ ،، قالها له ،، من أعماقه
حيتي وتقديري
محمد بن عمار
مشاركة متواضعة
لشموخكم الباسق
(( نايف الطاروق ))
سرى الهاجس وهيّض معه نايف الطاروق
على اللي ، هجرني ، وأشغل البال فراقه
شكيت السهر والوجد من حرّ نار الشوق
ولكن .؟صروف الدهر ،، للناس ،، سبّاقه
ذكرت الذي لأجله ، ستار الحشا مشقوق
ذبحني بهجره ،، والحكي صار ، بشفاقه
وعندي خبر ، إن الهوى ، كاتبه من فوق
إله ٍ !! كتب آجااال ،، خلقه ،، مع أرزاقه
ترى اللي مثل شرواه ، له مركز ٍ مرموق
عزيز ٍ ..!! وهرجه ،، لا نطق ،، كله لباقه
بنى له بجوفي ، منزل ٍ بالحشاء ، مطقوق
ضلوعي كما الأطناب وصدري له رواقه
قتلني ، حسين الدل بأخلاقه ، اللي ذوق
وطرف ٍ كحيل ٍ ،، صفّت ارموشه دقاقه
الى من خزرني طحت في موقفي مصعوق
خطف ،، ناظري من صفحة ،، الخد برّاقه
وحالي برت واللي بقا دم .! وسط عروق
برت مثل غصن ٍ ، مورق ٍ نشفت أوراقه
ولاعاد دون الموت إلي صرت أنا مخنوق
سوى الكف ، أداري به ، عن الحلق خنّاقه
طلبته ,، على وضح النقاء ، كلمة ٍ برفوق
يبّرر خطاه ،، أو يرحم القلب ،، بإعتاقه
أنا دايم أخشى ، هرجة العاذل المطفوق
ومثله ، صديق المصلحة ، أحذر .، نفاقه
وشي ٍ طبيعي في دروب الهوى مسبوق
سبقني الهلالي ، لاعج الشوق ،، قد ذاقه
وعزي لقلب ٍ به اهموم ٍ تسوقه سوق
على شوفة المحبوب ،، زادت به أشواقه
ضربني ، برمح ٍ اخترق ، حدّه المعلوق
تخطّى ، ضلوع الصدر ، من قوة إطلاقه
أنا إن مت ، من شانه ترالي عليه حقوق
حقوقي ..!! عليه إنه ، نقض عهد ميثاقه
عسى مزنة ٍ تسرى تكاشف رعد وابروق
مراويح ،، ذعذاع الهوى ،، نوّها ،، ساقه
تعل الشعيب ،، و ينبت الزرع ، والزملوق
و تسقي الديار ،، و خالق الطير ،، رزّاقه
وهذا سلامي له ، عسى الله ، يجيب اوفوق
تحية ...!! محب ٍ ،، قالها له ،، من أعماقه
حيتي وتقديري
محمد بن عمار