الشعر

[ناصر الهواوي]

السلام عليكم ومساكم سعيد
مقطوعه علها تلاقي اعجابا منكم


الشعر كله تلبية صوت داعي=ومعناه شرح لمختلج صدر راعيه
رصيد هجس ويصرفه فكر واعي=على القلم بلسانه الفصح يمليه
ملقوف تاتي مفردات سواعي=يم الخفوق بذكرياتٍ تبكيه
تدعي مواته داخل الصدر ياعي=جرحٍ يسمنه وجرحٍ اتداويه
تزيد باسقام القلوب الوجاعي= وكلٍ يبوح بكل ماكان يخفيه
مرات ياتن للمصايب نواعي=يمدن على الداله ولاعاد يمديه
اطول منه خطوه وصمله وباعي=لومد للمستقبل الواعد ايديه
لهن بروض الشوق دايم مراعي=وشعيب ياوجداه يرعن مفاليه
وللحزن تشعاهن صدورٍ وساعي=بس الفرح ما يستحبن مراعيه
للذم ملهمهن كذوب وشجاعي=ويحط بالمذموم مالا وجد فيه
وشيطانهن للمدح سيد مطاعي=يغر ممدوحه وتكبر هقاويه

[النجلاء]

لهن بروض الشوق دايـم مراعـي
وشعـيـب يـاوجـداه يـرعــن مفـالـيـه
وللحزن تشعاهن صدورٍ وساعي
بـس الفـرح مــا يستحـبـن مراعـيـه
لـلـذم ملهمـهـن كــذوب وشجـاعـي
ويـحـط بالمـذمـوم مــالا وجــد فـيـه
وشيطانهـن للمـدح سيـد مطـاعـي
يــغــر مـمـدوحــه وتـكـبــر هـقـاويــه
’
’
الهواوي
صح الله لسانك يالجزل
لله درك على هالدره الثمينه
لاجديد على شاعرنا سوى الابداع والصعود على هرم التميز والأحترآف
شهادتي فيك مجروحه يابوعبيد لاعدمنا وجودك ورقي حرفك
تقديري وتقييي لسموك
النجلاء

[محمد الروقي]

الله يسعدك يالجزل
شوفك عيد والقصيده اذا جت معك عيدين ولا تروح بعيد عن العين
وصح لساانك لين تقول بس جزل يالهواوي عساني ما افقدك

[مساعد الجليدي]

صح السانك مليون ياناصر الهواوي قلت وابدعت
ودمت بهذا التميّز ولأبداع ودمت بخير وسعاده
تقبّل مروري وتقديري

[محمد الغنامي]

الله الله

صح لسانك مليون ولايسدون يابو عبيد

جزل ولافيك حيله

سجل المرور والاعجاب

[مهرة يام]

صح لسانك

تْمْيُزٌتْ فُيُ آلُابيات حدّ آلُآرتْوُآء

سِعٌدّتْ بُوُجِوُدّيُ بُمْتْصًفُحڳِك

لُآ حرمْنْآ جِدّيُدك

وُدّيُ وُوُردّيُ

[مناهل]

صح لسانك على هذه الجمال المنفرد برقيه وروعته
لحروفك اهازيج تطرب قارئها بكل سرور
لروحك عبق الفل والياسمين

[ابوفارس]

صح لسانك يالهواوي
متصفح ثري بالجزاله والرقي
دمت بود وتقدير

[سحاب]

صح لسانك شاعرنا الهواوي
قصيده في قمة الروعه والجمال
استمتعت بتواجدي برقي متصفحك
دمت بخير وسعاده دائمه