دلعهن عالي المستوى

[محمد بن عمار]

السلام عليكم

والموعد يتجدد مع ذوائقكم الشامخة
على خط خدمة الإصغاء المتمثل
بالتواصل وتألق روح المتابعة ...

دلعهن عالي المستوى

الهوى والمحبة ،، والدلع ، والجمال
والقلوب الرهيفه ،، ماتخاون ، سوى

راعي القلب الأخضر لو تكلّف وشال
شال ثنتين منهن ،، كان قلبه . قوى

بس أنا ، شايل ٍ قلبي ، هموم ٍ ثقال
أربع ٍ فوق الأربع ،، لين ذاب وذوى

همّ فرقا ، عشيري و التوجد ، ليال
وحرقة البعد في قلب ٍ جزع وانكوى

لو أعدّد همومي وأضرب ابهن مثال
ما هقيت إن قافي ، يشمل المحتوى

كنت أنا ، في طريقي ماشي ٍ بالعدال
مترك ٍ كل ذيب ٍ ، فوق رجمه عوى

لين قابلت ، في دربي ، شبيه الغزال
غضّة العود غر ٍ ، عقلها ما استوى

يوم لدّت ، بطرف ٍ ، زاهي الاكتحال
وسلهمة رمشها اللي للمحاجر زوى

وجيدها اللي مداريته بطرحه وشال
مثل عنق الوضيحي لا انثنت التوى

وصفحة الخد تزهابه من الذوق خال
وأبيض اللولو،، اللي ، للثنايا حوى

والشفايف ، لها ، ينبوع عذب ٍ زلال
راعي الغي عمره لوشرب ما ارتوى

قلت ياريم ، صبري ، بالمعاناة طال
ما تشوفين حالي ، بالعذاب ، انطوى

أسهر الليل دمعي من على الخد سال
و آتعبّر وراسي ، من ونيني ، خوى

وآآهني الذي ، عمره ، تمنّى ، ونال
مرة ٍ في حياته ،، أدرك ، اللي نوى

لضامرات البطون ، ومترفات الدلال
بالتغنّج . دلعهن ، عالي ، المستوى

بس ياليت ، ماتنفع ،، على كل حال
التمنّي ،، تجنّي ، والسلامة ،، دواء

رابط الحماية (http://www.icpli.org.uk/show_protected/164)

تحيتي وتقديري
محمد بن عمار

[النجلاء]

الله الله
ابن عمار
صح الله لسانك
ابدعت وآمتعت يالجزل
لاعدمنا جمال قصايدك وحضورك الراقي
تقديري لسموك
النجلاء

[محمد الغنامي]

بن عمار

صح لسانك مليون ولايسدون

مبدع وجزل وشهادتي فيك مجروحه

سجل عجاب اخوك

لاهنت

[ابوفارس]

صح لسانك شاعرنا
متصفح ثري بالجزاله والابداع يروق لي قلمك المميز
دمت بود وتقدير

[عسولة مكه]

صح لسانك لين ترضى
تقديري لسموكـ الشامخ

[ناصر الهواوي]

صح الله لسانك يابو عبد العزيز ولاهان راسك ودمت وسلمت
وبيض الله وجهك

[سهم روق]

محمد بن عمار
صح لسانك
دوما بكلماتك تحملنا بكل رقة
وتسكننا عالم من الاحلام ليس له مثيل
تتبعثر كلماتنا هنا وهناك
علها تجد من الحرف ما تستطيع ان توفيك به قدرا
ولكن لا تجد
تتوه العبارات من الفكر ولا يبقى الا بضع كلمات
حينما نجمعهم نجد كلمات تجمعت وهى
ابداع فائق الحد
وروعة ليس لها مثيل وتميز فاق حد الخيال
بين حرفك دوما ما تبتسم مشاعري
فلك منى ارق واروع باقات احترامى وتقديرى
دمت دوما مميزا حد السماء ودام الابداع دوما عنوان لك

[مهرة يام]

صح لسانك

تْمْيُزٌتْ فُيُ آلُابيات حدّ آلُآرتْوُآء

سِعٌدّتْ بُوُجِوُدّيُ بُمْتْصًفُحڳِك

لُآ حرمْنْآ جِدّيُدك

وُدّيُ وُوُردّيُ

[سحاب]

صح لسانك ملايين
قصيده رائعه كما عهدناك
دمت بخير وسعاده دائمه