بيت شعر يبدأ بآخر حرف من أبيات

[الشامخه]

‏كل عيوبك انا احبها الا غيابك! ماقدرت أحبه.

[غنجَ]

يعني حرف الهاء

هالوقت بآلتحديد ..مشتآق لك زود
وآلله مادري ليه ! بالذات هـ " الوقت "

يمكن عشآن اغلب عبآد الله رقود
وحسيت بـ الوحده وعآنيت .. واشتقت



ت..

[خيال مطير]

تولعت بك والله كتب لي على فرقـاك
حسبي على الحظ الردي كانه أشقاني

أنا ما شعرت أني مع الناس قبل ألقاك
ولا ذقت للدنيـا طعـم قبـل تلقانـي

ي

[الجووهره]

ياقلب هون من همومكـ والأوجآع ]~
.. ترى الزمن **ياقلب ماهوب طايع !

جار آلزمن وإضحكـ ولو كنت ملتآع]
سود آلليآلي ماتغير طبآيع..


إصبر وخلكـ بآلأمل دوم طماع]
.. لعلها خيرة ولو كنت ضآيع!


ع

[خيال مطير]

عشقت حرف العين من بد الحروف
كل ما نطقت الحرف اشرق في حلاه
حيث انه اسم الزين مملوح الوصوف
يبدأ بحرف العين في صمت الشفاه

هـ

[الجووهره]

هذي هي الدنيا متاهات وأحزان

كلن يدور راحته مالقاها

تبي لها صبر مع شوي نسيان

مع ضحكة تخفي دموعك وراها


أ

[خيال مطير]

أحبك موت حبيبي وحبك هو حياتي
وأعشقك بكل مافيني يالغلا كله
انته الفرح كله وبكل حزأتي
واحياة تحلى بوجودك ومستهله


هـ هـ هـ

[غنجَ]

هاتي .. ( إستكانة شاي ) ..عشان أفكر
...................من يوم شفتك صار [ مشغول بالي ] !

عادي .. لو إنك ماتحطين [ سكر ] ,
...................حطي إصبعك فالشاي ويصير ، حالي !



ي ....."

[الجووهره]

يا ظآيق الصدر بالله وسع الخآطر

دنيآك يآ زين ما تستآهل الضيقه


هآء

[الشامخه]

‏هذا انا جيت .. نـاولـني ' أياديك '
‏متأخر ؟ ادري ، وأبي منْك تْعٓذرني
‏.
‏طبعي كذا يا حبيبي ما أعرف آجيك
‏إلا و أنا ' واثق ' إنّك تـنـتـظرني ..!.



الياء. [/color]

[خيال مطير]

ياقو قلبك على الصده ويا صبرك
ويا وسع صدري على صدك ويا صبري
ياطول عمرك بذاكرتي وياكبرك
ياشيب عيني بشيب عاد ذا كبري

ي

[الجووهره]

ياوردا أبسـألگ .!

شـان الزمن ولا البشـر طبعهم شـان .؟

ولا الـ [ نوايا الصافيهـ ] ضيعتنــا .!


ا

[خيال مطير]

انا آسف على ازعاجك رجيتك تقبل الاعذار
تجمّل بالذي يكتب حروف الشعر من دمّه

هداك الله لو تعرف غلاك وكم لك مقدار
تضيع بحب من حبّك وترمي حالتك يمّه


هاء

[الجووهره]

هذي حياتي عشتها كيف ما جات
آخذ من أيامي و أرد العطيه


برضوو هآء هههههه

[السيد زيني]

هانت كلها شهر ايام
ويجي رمضان بالعطية

نبي الناس في الليل تنام
والنهار صوم يا البشرية

ت

[الشامخه]

‏تعال بعطيك عن بعض البشـر حصّه
‏يـوم ربـي جمعنـا مـن ورى الشـاشه
‏.
‏لو شخص جاملك وخصك أحذر تخصّه
‏ترى أكثـر قلـوب خلق الله ،، غشاشه
‏.
‏هــاء.

[السيد زيني]

هنا السعودية كلمة تسمعها في الاعلام
يفز قلبك لها من الفرحة والعين ما تنام

ودك ان المذيع يكررها الين تقول له تمام
وتسمع بعدها اخـبار تسرك خلال الايام

م

[ملكة الرواسي]

‏مـاكل شــي لا عـجبكم عجبني
‏
‏أنا أتعطر بالوله بعض الأحـيان
‏وأحيان عطري شوق قلبن غلبني .

>
ي

[خيال مطير]

ياقو قلبك على الصده ويا صبرك
وياوسع صدري على صدك ويا صبري
وياطول عمرك بذاكرتي وياكبرك
وياشيب عيني بشيب عاد ذا كبري
>

ي

[الجووهره]

هنا السعودية كلمة تسمعها في الاعلام
يفز قلبك لها من الفرحة والعين ما تنام

ودك ان المذيع يكررها الين تقول له تمام
وتسمع بعدها اخـبار تسرك خلال الايام

م

لبى السعوديه

ابيات روووعه

صح لسآنك مليون ولا يسدون

[الجووهره]

يا ناس احبه و المحبه مقادير

هذا هوَى نفسي و هذا قدرها

و الحب ماله يا اهل الحب تفسير

قلبين و الله بالمحبه امرها
لا جيت اصوّر حالة الحب تصوير

و أرد عن حالي لخلّي خبرها

لقيت وجدي فوق كل التعابير

كل الشعر قطره و شوقي بحرها



ا

[السيد زيني]

اتا جيت اركض لعيونك ولو تبي اطير
شوفتك لوحدها تخليني انسان غير

لك عندي في القلب مكانة و تقدير
و مقامك فوق الراس محفوظ و كبير



ر

[السيد زيني]

ربي يسعدك المهاا وصح بدنك وكلك
السعـودية ارض ابوي و جدي و جدك

ك

[الجووهره]

كفآني عذاب الله يجازيك بافعالك

جرحت الضمير ولا طرآ لك تداويني


ي

[غنجَ]

ياضعيف النفس حاول مره اخرى
وقم علم الناس حاضرها وغايبها

مايقدر أبليس يلعب في عقل عذرى
تقدر أخوآنهآ وتحب شايبهآ




أ

[قرناس الحرار]

الي فقد له غالين يشكي الباس
وتضيق به دنياه لو شيد صروح
تويتر ملل بعده ولا رد الانفاس
واليا رجع ردت مع الروح لك روح
بوحي

ح

[غزلان]

صح لسانك ي قرناس ومشكور ع سؤالك عني ~

حبيتك وأدري عن هوى قلبي اتروح ~
وأنا على درب اللقى اتروح روحي ..

يا كيف تنسى من شيد لك اصروح ~
وتصد عني وبالبعد اتهد صروحي ..

بقلمي ~
حرف ~ ي ~

[الجووهره]

ياليتني بينك وبين المضره

من غزة الشوكه الى سكرة الموت


ت

[غنجَ]

تزين القهوه .. وتقهوي { ابوهـا }
ولا مدت الفنجـال تقول لـه \ سـّم

ومن ( العيآره ) , ما تقهوي اخوهـا
لا قال ابي فنجآل ! قالت له " انطـم "

:)

م

[عازف الشوق]

محدن سئل عني ولا قال وشفيك
يوم الجروح بوسط قلبي ياسلطان


غ

[غنجَ]

انا ما اردي حرف غ من وين مطلع ي بن سهل هههههههههههههههه
حرف ن


نسيآن يآ قلبيْ , أبي منك نسيآن
........ نعمَه من آلله لو نسينآ كبيرَه !


مآ تاقف آلدنيآ علىَ رآحة إنسآن
........ يمكن يكون إفرآقنا فيه خيرَه


هٍ

[الجووهره]

همس الوفا باقي مع النبض والصوت
لو غبت يبقى لك ضمير الوفـا حـــــي

بين الرجا والياس والحلـم والمـــــوت
وبين الفرح والحزن والشمس والفي


ي

[قرناس الحرار]

يانعمة النسيان بالصدر مكبوت
ضيق يفج النحر من بارد الفي
لج الغناوي بأول الليل والصوت
به بحتن تطفي من عيونه الضي





ي

[ملكة الرواسي]

يمكن أجيك وبخاطري شئ ماقول
ما هو ضروري كل ما نحـس ينقال
على سبيل المعذرة منك بــــــ أقول
شكرًا سموك سيدي صمـتكم طال

[قرناس الحرار]

لو مال حظي والدهر يالقاسي
ما هز قلبي ولا يهز الكاسي

شامخ واحب الزين يالمزيونه
يميل وقتي ولا يميل راسي

[هزاع محمدالعاصمي]

ياروح روحي طلتك غاية مناي ...كلي سرور بجيتك وشتريها
الشوق دربي وانت يالترف مسراي..طيفك معي وصورتك محتويها

[السيد زيني]

انا انا ما اتغيرت ياناس
كلي مشاعر واحساس

س

[خيال مطير]

سولفوا تكفون لا عاد تسكتون
قبل لا أهوجس وياتيني بلاي
السكات يزود طعوني طعون
وتنكسر لا جا على راسي عصاي

ي

[غنجَ]

ياكيف أبكتِب والوَلهـ فاتـح أزارير العَـطَش ؟
فيني جفاف وغيمِتِك ماأمطَرَت وش صابها ؟

لو ماتـقـرّب خافـِقـِك .. بِـ يقـرّبوني للنَـعَـش
والطفلهـ اللي حبتك ترحل وتـبـقـى آلعابها ..!




أ

[ملكة الرواسي]

أصحى ونآمـ وسيرتِكــ /فى خيآلى .





صار اهتمامي فيك روتين يومي

.
ي

[غزلان]

ياليت أشوفك لو مره بحيآتي ~
أروي عطش روحي لحظآت وأروح ..

[ملكة الرواسي]

حبيبي ان دعاك الشوق لا تخجل تعال
ابرك الساعات واغلى من يجي
..

[عازف الشوق]

يالييل ياجامع على الود قلبين
لك عادتن تجمع قلوب الولايف❤❤

[جوري]

فيك الرجاوي ياإلهي ماتخيب...انت الستر ياخالقي وانت الذرا
اغفر ذنوبي كلها عن ظهر غيب..عني وعن والديني واللي قرا

[الشامخه]

‏

‏اشوف انك وطن فارق عن الاوطان
‏واحبك حب ما يطري على بالك ..

(گ) .

[ملكة الرواسي]

گمْ وآحِد تحت آلآرضْ وسِيرته فُوق آلآرضْ
............... وگمْ وآحْد فُوق آلآرضْ وسيرتَه [ ميّته

[خيال مطير]

هـمي كبيـر ومالـقـيت اللي يواسينـي ..
محـد (ن) وفالـي بـ هالعمر قد دمعـاتي .


ي

[ملكة الرواسي]

يآ .. سمآ تحتگ شخص فيْ خّفوْقي له مگآن
لك آللّه » طآلبكٍ منْ آلضيقَ لآ يشتَگي خآطرهـ

[عازف الشوق]

هلا بااللي اذا شفته يعانقني فرح وسرور
ويرتاح الضمير اللي له مده وهو مشتاق

[ملكة الرواسي]

قالت: تضيق إن غبت بالحيل .. !


قلت: أكره حياتي بـ غيــابـڪ


وشلون وأنتي قلبي ملـڪـتيه

[السيد زيني]

هييا جاتنا الملكة بحرف صعب تلقى له قوافي
خلاص بجرب حظي ولو طلع بيتين كده عوافي


ي

[الشامخه]

‏
‏
‏يسمعون الفارغين .. الفارغين
‏ويتبعون الفارغون .. الفارغون
‏
‏مجتمعـنا ضايـق وجِـداً حزين
‏حطموه اللي علينا يكـذبـون !!
‏
‏:
‏
(ن).

[السيد زيني]

نشوف اسم الشامخة منتظرة هنا تحت
يا ترى متواجدة البنت هنا ولا لسه ماصحت


ت

[خيال مطير]

جات الشامخة شايفها منتظرة هنا تحت
يا ترى متواجدة البنت هنا ولا لسه ماصحت


ت


لخبطت مخي


هههههههههه

[الشامخه]

هههههههههههههههههه خيال

[السيد زيني]

ابسط ياعم اهو عدلناها

[الشامخه]

نشوف اسم الشامخة منتظرة هنا تحت
يا ترى متواجدة البنت هنا ولا لسه ماصحت


ت

متواجده صح لسانك.

[السيد زيني]

معاكم على كل الخطوط

[السيد زيني]

- ت -

[الشامخه]

‏ترى من خاب ظنّه .. بـ اقرب احبابه
‏يشوف ان الحياه اجمل : بلا احباب !

(ب).

[ملكة الرواسي]

>


بقآيآ [ ضحكتك ] فيني
........ إلى هَـ ألحين تجرحني
..!

[خيال مطير]

ياقو قلبك على الصده ويا صبرك
وياوسع صدري على صدك ويا صبري
وياطول عمرك بذاكرتي وياكبرك
وياشيب عيني بشيب عاد ذا كبري


ي

[الشامخه]

‏ياشينها لا جيت ضايق ومشتاق
‏و اللي توده بالغلا ملتهي عنك
‏
‏هنا هنا موت المشاعر والأخلاق
‏تبطي خناجر خيبة الشوق تطعنك...!



"گ".

[رحيل]

أكتفي بالصمت و اتركها تطوف
والمعارف بعضها .. غلطة عمر


ر

[* رؤى *]

راح الشعور الصح للشخص الخطأ
وجاء الشخص الصح بس راح الشعور .


ر

[* رؤى *]

رغم بعدك رغم هجرك و ترحالك !
هنا فالقلب :لك وحشه ولك طاري !

احبك رغم :انف البعد و اهمالك
احبك كثر ما :تجهل وش اخباري !


ي

[* رؤى *]

رغم بعدك رغم هجرك و ترحالك !
هنا فالقلب :لك وحشه ولك طاري !

احبك رغم :انف البعد و اهمالك
احبك كثر ما :تجهل وش اخباري !


ي

[الجووهره]

يا ليل خبرني عن أمر المعاناة
هي من صميم الذات ولا أجنبية

هي هاجس يسهر عيـونـي و لا بات
أو خفقة تجمح في قلبي عصـية

هي صرخة تـمردت فوق الأصـــوات
أو ونة وسـط الضمايـر خفـية

أو عبرة تعـلـقت بـيــن نظرات
أو الدموع اللي تسابق هميـة

أعاني الساعة و أعاني مسافـات
و أعاني رياح الزمان العتية

و أصور معاناتي حـروف وأبيـات
يلقى بها راعي الولع جاذبيه

و لاني بندمان على كـل ما فـات
أخذت من حلو الزمان و رديـه

هذي حياتي عشتها كيف مـا جـات
آخذ من أيامي و أرد العطيه

الهآء

[ملكة الرواسي]

هقيتك منت في قلبي واثرك داخل اعماقي



ي

[محمد العواد]

يا غايبه بلله ماهزك الشوق ؟

قولي ولا تقولين غير الحقيقه



دام المحبه بيننا مالها ذوق

كل واحدٍ منا يروح بطريقه




هـ

[رحيل]

هلت الغيمه وهمال المطر

وانتشى فوق الثرى ودانها



ا

[الشامخه]

‏أصبر على الدنيا ونكبات الأيــــام
‏وأتبع طريق الحـــــــق جره بجرّة
‏
‏عن واقعك لاياخذك طيش الأحلام
‏وأعرف ترى حاجتك للناس مـــرّة.

(ت).

[محمد العواد]

عن واقعك لا ياخذك زيف الاحلام
لو الحقايق دايم الدوم مرّه

ماتمسح الدنيا على روس الايتام
ومالك عن المقسوم خيره وشرّه

[محمد العواد]

هنيت أنا قلبٍ من الحب خالي
ما صابه اللي صابني من ضنيني

البارحه زوله تصوّر ببالي
ومن شفت زوله عافت النوم عيني

[رحيل]

يالله ياربي عليك التساميح
لولاك عرجات السنين اعرجتبي

منك استمد العون رهبه وتسبيح
والعفو كان جروح وقتي سطتبي


ي

[محمد العواد]

يا شوق يدفعني على شوفك الشوق
إلى متى والبعد بيني و بينك؟


غصبٍ على المخلوق لاحب مخلوق
يقول زي ما اقول يا شوق و ينك؟

(ك)

[رحيل]

قلت المطر قالت مـن اليـوم ديمـه
ما به رعـد لا بـرق ماغيـر هتـان

عشق جمع مـا بيـن قـاع وغيمـه
سيّل علي صدر الثري دمع الامـزان



ن

[الشامخه]

‏ناس (ن) تدور لك بداخل الطيب زله
‏ وناس(ن) حتى زلتك عندها طيب .
‏

[رحيل]

بعاملك مثل مآ اشوفك تعاملني
والشيء لازاد عن حده قلب ضده

[الجووهره]

هات غيم السوالف وإنهمر لي مطر
وإنت تدري لغيرگ كل سمعي جفاف..~

[رحيل]

في قانون عزة النفس
من طال غيابه أصبح غريبا

[ملكة الرواسي]

والله آني كل م شفت ب العتمه قمر ؟
آتخيل وجهك الزين لا منه ضحك ..!~

[الشامخه]

‏كان المسافة ترفض إني أشوفك
‏خل إتصالك غصب عنها يجيني
‏وكان إتصالك تمنعـــــــه ظروفك
‏يكفي رسايل شــوق بينك وبيني.

[خيال مطير]

ياغايب عني ترى للبطا لوم
لاشافتك عيني ولاجبت طاري
....
بسألك فين الصبر يمكن تجي يوم
شديت انا الشد وانت بالحال داري

ي

[السيد زيني]

يجيني شوق لذيك الايام .. واحلم بيها لا جا طاريها
مابي اصحى من الاحلام .. ودي اعيش بكل معانيها

ا

[غزلان]

آه من الشوق ومن ظلمة الليل ~
ومن نورخل ن من بين الانوار طآفي ..

وآه على عشق ن رحل وَيَا ويل ~
قلب ن يمشي في صحراء الهجر حآفي ..

بقلمي ~

[عازف الشوق]

ياروعه الشعر من بوحك ومن ذووقك
يااللي تصوغ البيوت الراقيه درك

[خيال مطير]

كلي اسف ياغناتي ع اللي مضى وع اللي بيصير
ياويل قلبي ياشقاتي دمعن جرى من حرق العيون



ن

[رحيل]

نشكي الزمن والزمن لو كان يتكلم
يشكي من الخلق من كثرة بلاويها

[الجووهره]

آبيك تحفظ في حيـآتك
قنآعـه !
إللي يحبك صدق ( صعبـه ) يخليك

ك

[خيال مطير]

كلي هواء كلي شوق
كلي لعيونك مشَـــــــتاااق ْ

ق

[غزلان]

قلبي اليوم ماعاد يطيق ~
هرج البشر والا غثآهم ..

الله يشافي غلاي وأفيق ~
من غدر الأقرآب وشقآهم ..

بقلمي ~

م

[ملكة الرواسي]

مسموح خطاك لو انك تعمّدته !
وخطاي محسوب لو انه على النيه

[خيال مطير]

هـمي كبيـر ومالـقـيت اللي يواسينـي ..
محـد (ن) وفالـي بـ هالعمر قد دمعـاتي ..


ي

[الجووهره]

ياللي تقول انك من الهم محتاس
وأصبحت في حيرة وجوك تعكر

الله هو اللي يفرج الهم والباس
وباب الأمل ياصاحبي ماتسكر

ر

[مساعد الجليدي]

رقيت في راس الطويله وغنّيت
وجاوبت يامشكاي صوت الربابه
:::::
بس اتذكّر جـادلي يـوم عديت
ودي بـشـوفه ميـر دونه قرابه
:::::
نديم الجود

[نبض ظامي]

هداك الله لو تعرف غلاك وكم لك مقدار

تضيع بحب من حبّك وترمي حالتك يمّه

[الشامخه]

‏عدا شهر
‏مالي رفيق
‏الا التعب
‏" والعين "
‏ذابلهااا السهر
‏
‏واللي " احب "
‏قفا وراح .،
‏هذي ليالي من عمر !
‏ولاا .، ليالي من جراح ؟!

[ملكة الرواسي]

حروف الغلا والهاجس لي روابي
..... بين فيافي الـروح والمشاعر وقدري

[الشامخه]

✒️
ױ ♡ ..

يـ ليتنا / نجفى مثل باقي / الناس
ونكسر خواطر من كسرنا ونقسى !

لكننا من كثر ( مّ نملك ) أحساس
نجبر / خواطر من كسرنا / وننسى !

[ريوف]

الـلّيل لاظْـلَم يِـنْكِشِف مـايِخْتِلِج وسْـط الصُّدُور
يِـشْغِلْنِي هَاجُوس الهَوَى وِيْثِيرِنِي كل ما هَدَيت

ودِّي آاطَـمِّن خَاطِرِي وألْقَى طَرَف سِكّةْ عُبُور
لـلِّـي غَـرَامِـه ضَـمِّـنِي وآاانَــا عَـلَـى حُـبِّه نِـشِيت
؛
ريوف

[خيال مطير]

تدري وش اللي يجرح القلب جرحين

ويمد حبل الحزن فيك ويشــــــــــــدة

انك تناظر طفل من غير ابويــــــــن

يمشي ودمعة سايل فوق خـــــــــــدة


الهاء

[الشامخه]

‏هي فطرة القلب ، ولّا كذبة الحاجه ؟
‏الناس ما تعشق إلا اللي ، يهمّلها !

[ريوف]

أغصان حبّك غدت في الجوف ملويَّه
بـين الـضُّلوع استقرت في شراااييني

وعـلى سـبيل الوصل ... أسابق الجيَّه
مـافيه شـي (ن) يـباعد بـينك وبـيني
؛
ريوف

[الشامخه]

‏اغيب يعني بغير جو .. و اروق
‏من باب حب الهدوء وكسر روتيني
‏/
‏ويردني قلبي الماخوذ متشوق
‏للي وجوده عن العالم يكفيني.

[محمد العواد]

ياشوق يدفعني على شوفك الشوق
الى متى والبعد بيني وبينك

غصبٍ على المخلوق لاحب مخلوق
يقول زي ما اقول ياشوق وينك

[الشامخه]

‏كمل انابقراك في صمت ۅسكوت
‏وابي انسجم مع كل بوحـن تقولـه
‏/
‏الشعر بعض احيان له سحر هاروت
‏يوصل احاسيس البشر في سهولـه..


(مجرد ذوق).

[محمد العواد]

هو كيف فجأة دون سابق علاقه
صار الغلا مفضوح بيني وبينك

اهديك من ورد الاحاسيس باقه
من دون لاتلمس يديني يدينك

[الشامخه]

‏كل البشر بانواعها تملك احساس
‏لا يغرك اللي ما بعد جاك يشكي
‏/
‏ترى اللي يضحك دايم ويسعد الناس
‏لو سولف .. وقال الحقيقة .. بتبكي.

[الجووهره]

‏يالليل أدري لو السهــر لي ..طــآب
‏ صبحك يخــــبي ..ذكريـآتٍ حزينة
‏
‏لو قلت لي مآت الآمل .. قلت : كذآب
‏ولو قلت لي هذا الآمل .. قلت : وينه !

[الشامخه]

‏هالوقت بالتحديد .. مشتاق لك زود
‏والله مدري ليه بالذات هالوقت !
‏/
‏يمكن عشان أغلب عباد الله رقود ,
‏وحسيت بالوحدة وعانيت وإشتقت ؟!

[محمد العواد]

تكفين دام الشوق محدٍ درابه
عن مايثير الشك خليه مستور

واهديك من نادر فنون الكتابه
ابيات فيها صدق احاسيس وشعور

[الشامخه]

‏راحت ايامك وانا منْك استرحت
‏ذكرياتي صارت اغراض وشنط
‏
‏انت صححت الخطا قبلي ورحت
‏معرفتنا .. كانت اصلاً ( بالغلط ) !

[محمد العواد]

طيب ذاتك مع شموخ أصالتك
عفوها أطيب مبادي طيبها

وذنبٍ حالٍ مادرت عن حالتك
جهلها بسرّ النفوس وغيبها
محمد

[الشامخه]

‏-♡
‏
‏اذا تبيني احبـك انا لي عليك حقوق
‏ابي كل الوجيه الي تمرّك ما تعبرها

[محمد العواد]

الحب ياجابك بدافع محبّه
أبيع لاجلك كل مخلوق واشريك

محمد

[الشامخه]

يقول :


‏أذكريني
‏لا إنجرحتي وأهملوك ..
‏
‏وعلّميني
‏لا عرفتي "قيمتي" !
‏
‏ولا تجين
‏وتحرجيني لا أتركوك ..
‏
‏لو بوافق
‏ما توافق "شيمتي" !

[ملكة الرواسي]

يكفي أشوفك كل شي بــهــالـكـــون
ويكفي أشوف الكون دونك ولا شـــــي

[الشامخه]

. ‏يموت الشوق ، قبل يرجّع المقفين
‏واموت ولا يموّتني سوى الذكرى
‏
‏ياليت الحزن ما يستهدي الغالين
‏و ياليت الليل ما يِسهر ولا يسرى

[محمد العواد]

اهديت له قلبي وروحي هديّه
غالي عليّ واغلى من القلب والروح

مخلوق ما بالخلق مخلوق زيّه
حبي وحبه للمخاليق مفضوح

مشاعر العشاق ماهي خفيّه
وشمس المحبه شارقه في سما البوح


محمد

[الشامخه]

‏'
‏
‏حاولت أعلمك الوفا طول الاوقات
‏حتى تعلمت الجفا ، منك و آقفيت.

[محمد العواد]

تدري وش اللي ميّزك انت بالذات؟!

طيبك وذوقك مع عذوبة كلامك


محمد

[الشامخه]

‏كان العرب بالمرجله .. تجـار
‏الطِّـيب يُمدح ،، والردا يُنكـر
‏/
‏كانوا بني عم الشجاع كثار
‏صاروا بني عم الغـني أكثر.

[خيال مطير]

ودنا بالطيب بس الدهر جحّاد طيب
كل ما تخلص مع الناس كنك تغشها
يدك لامدت وفا لا تحرّى وش تجيب
كان جاتك سالمه حب يدك وخشها

[الشامخه]

‏'
‏'
‏'
‏انا سعيد ، اني حزين فـ حياتي
‏اغرب شطر لكن عجبني شتاته

[ريوف]

هانت علي نفسي عقب ماجرحني
الجرح غاير ما عرفنا ....نداويه
؛
ريوف
؛

[الشامخه]

‏هم علموني كيف أحن وكيف أحس
‏حتى عرفت وصرت مشتاق وحزين
‏/
‏يا ليتهـم مـروا على بالـي وبـس
‏المشكلة ؟ مروا على الجرح الدفين.

[نبض ظامي]

نعيش بـ الدنيا العريضه ونحلم
ويمكن نحب اشياء وفيها مضره

يارب وانت اللي عن الغيب تعلم
آكـتب لنا اللي فيه خيـر ومسره

[الشامخه]

‏+
‏
‏هني من نام ليله على ما تمنى
‏ولا كدّره طاري ولا هزّه الشوق !

[محمد العواد]

قلبي على شوف الوليف متشوّق

إلى متى والبعد بيني وبينه ؟!!!


محمد

[الشامخه]

‏هو راح في دربه وانا م نسيته
‏من يوم ودعته وانا اعيش ذكراه
‏م فيه لحظه عشتها م طريته
‏ي نعمه النسيآن خليني انسآه.

[محمد العواد]

هوّن عليك وصاحبك كان تبغاه

احفظ غلاه ان كنت صادق تحبّه ؟!


محمد

[الجووهره]

همسة غـلا جتنـي على غيـر ميعاد

يازيـن همسات الغـلا بيـن اهلهــــا

[خيال مطير]

الغلا ماهو بكيفي يالغلا
... الله الي حط بقلبي غلاك


ك

[الجووهره]

گم حاجهہ ضاعت
على ذمہ الصمت


وراحت وصاحبها
سكت ما حكاها

[غزلان]

كرهت كل نبض ن رآح صوبك ~
وكرهت عمرن مر وانت وايآي ..

أسقيتي طعم القهر ويخوفك ~
اليوم تندم ع اللي سويته معآي ..

~ بقلمي~
ملاحظه كل ماأكتبه ~
ليس لاحد هنا ~

[غزلان]

. هههههههههه سبقتيني يالغلا ع حرف الكاف ~
وصح لسانك ~

[الجووهره]

ههههههههههه

شفتك تحت قلت اكيد بيصير تصادم

الحمد لله على سلامتنا ههههه

وصح لسآآآآآآآآنك يا قمرنا

[غزلان]

صح بدنك ي الجوهره فديتك ~

[سمو الحرف]

ربتني الفرقى .. و ضقت و تحملت
و الحين جيتي يوم جرح الهوى طاب

متى نرد أحباب قالت و انا قلت
للموت .. ما نرجع انا و إنتي أحباب !

[خيال مطير]

بكره يمر الوقت وتصير ((رجال))
وتصير لِطوال الشوارب سندها
وأبني عليک آمال و آمال و آمال
ويقال : هذا هو آخوها ((وسندها))


آ
الف

[الشامخه]

‏-
‏
‏الله يحقق لي كثير امنياتي
‏والله يجمع مابقى من بقاياي .

[غزلان]

ياليت الزمن يرجع ليوم لقيآك ~
كنت أغض الطرف عنك وأقفي وأروح ..

وأصد عن درب ن مشيته معآك ~
ياليت ماجيت دربك اللي كله جروح ..

وياليت وش تنفع بعيش الشقا ويآك ~
راحت علي سنين عطرها حزن ن يفوح ..

~ بقلمي ~

[هزاع محمدالعاصمي]

حارت اقدام رجلي في محلي ذراع ...مقدر المشي قدامي ولا رجع وراي
خايفن من فراقن ماوراه. اجتماع ... يالله اليوم لاتقطع رجاه ورجاي

[خيال مطير]

يا صـانــع المــكـيــاج الله يجازيـك...
خليتني مخدوع في شكل خلي...


ي

[الجووهره]

يــالــيــتــنــي بـــيـــنــــك وبـــــيـــــن الـــمـــضــــره
مـن غـزة الشوكـة الـى سكـرة المـوت
او لــيــت شــاورنــي الــقــدر بــــس مــــره
ولبى مطالب رغبتـي قبـل مـا أفـوت
او لــيــتــنـــي لــــجـــــرة مـــواطـــيـــك جــــــــــره
احمي قدم رجلك مثل جزمة البوت
او لـــيـــت بـيـديــنــي الــســعــد والــمــســـره
واحكـم عليهـا عـنـك مالحـظـة تـفـوت
يــفـــداك عــمـــر مــنـــك يـشــعــر بـعــمــره
انـتـي الـحـيـاة لنـفـسـي وردة الـصــوت

.

[خيال مطير]

ترى غلاك اليوم ثابت و لا زال
و لا عاد ابي ربع القلوب المقافي
خذني يمينك وابشر بذرب الأفعال
لأمشي معك لو وين كان انجرافي

ي

[الجووهره]

يكفيني,, بالدنيآ:


ولو ملقى كثير أصحآب...}}


...صديق يوجعه جرحي وأنا توجعني >جروحه

[محمد العواد]

هزّني شوقي لشوفة صاحبي

جيت ابيه ومالقيته يوم جيت


محمد

[خيال مطير]

تأكــــــــــــــــــــــــد لو تغيب سنـين
امــــــوت ومـــا انـــاديـــــــــلـــــك
انا مالـــومهـــا الاقــــــــــــــــــــدار
ولا حــــظـــــي ولا الــــــومـــــــــك


ك

[الشامخه]

‏كلن يعبـر ،، في الدنيا عن الحال
‏ناس لھا بالشعر ،، وناس خواطر
‏.
‏وناس هواها ،، بالمعاني والامثال
‏وناس تلاعب ،، بالھوى والمشاعر

[محمد العواد]

راضي بحبك وانت بالحب راضي

عدونا لا شافنا بخير يغتاض


صدق المشاعر ماتبي اليوم قاضي

دام الغلا من بيننا حيل فياض


( ض )

[خيال مطير]

ضمني بإ حــسآس حــبيبي ضمني
خـلـني أنـسى هـمي والجراح
آروني من حــنآنـك آروني
آروني وخـل تـحــملـنآ الريـآح

ح

[الشامخه]

‏حنا كذا صافين
‏ دايم ووافين
‏ ماعندنا في النإس
‏ نية خباثه
‏ اصحابنا سبعين
‏ مدري ثمانين
‏ والصادقين اثنين
‏ مدري ثلاثه

[محمد العواد]

هويت من يجزى هواي بغيابه

وما زال له قيمه بقلبي واحبّه

محمد

[ريوف]

آااقوله...



هَـباَيب روحـك تـعانق مـن الـداخل هوَا قلبي ...*
بـعـيـدَه لــكـن أنــفـاس ألـوَلَـهْ فـيـني تـدفِّـيها
؛
ريوف

[محمد العواد]

أنا هاوي وابي هاوي باحاسيس الهوا حسّاس

تلامس قلبه حروفي وتلمس قلبي حروفه


محمد

[الشامخه]

‏لا تلمح له !
‏و هو ما يحس
‏لا تميل ل شخص
‏ب احسّاسه بخيل
‏.
‏إلتفت للي :
‏يحبونك و بس
‏و اترك اللي جاز له
‏درب الرحيل !

[محمد العواد]

لمت نفسي ولامني حظي معاك
اشتكي من هم وابكي من ألمْ

ياخطاي اللي توافق مع خطاك
ما سلم حبك ولا حبي سلمْ

[الشامخه]

‏مرّت سنين !
‏وحنّا :
‏ندقّ أبوابكم !
‏لله أجر وصالكم :
‏يا غايبين !
‏غيابكم :
‏قتل جميع الأمنيات !
‏ياليت :
‏أخذتوا الذكريات
‏أنا :
‏تعبت من الحنين !

[سليمان المزيني]

نضحك وكن أحوالنا ســــهود ومهود وأشياً بصدري قالن أطلق صراحي
والناس ما تدري عن الحال يا حمود حــالي تغير عقــب ذاك الصــباحي

المزني...............

[الشامخه]

‏يـ ؛ الغايبين..الطيّبين .. الأعزاء
‏كل الحناجر بعدكم مالها صوت

[محمد الغنامي]

تروح ماكني هنيا واحتريك
ولاتفكر وين اروح بغيبتك

[الشامخه]

‏-
‏
‏كلن ينـام
‏وتقبل النـوم عــينه
‏وقلبي هواجيسه عن
‏النوم تشقيه
‏أضحك مع العالم
‏وروحي عليله
‏ وأكتم بـ قلبي
‏شي ماودي أطريه .

[النجلاء]

صحت السن الشعراء
وصحت السن متذوقين الشعر
حضور مميز وابداع ماشاء الله عليكم

[ريوف]

الهاء

هلا باللي يهللي بي..وانا من كلمته زعلان
بغيت ازعل ولكنه .. بنظرة عينه آرضاني

تملكني بإحساسه وخلى خاطري فرحان
ياجاني ينشد إحساسي عطيته كل وجداني

؛

ريوف

[خيال مطير]

يابنت ياللي بالهواتـف تسليـن
عصر الهواء والحب يابنت ولّـى
لاتسهرين الليل والناس ممسيـن
مـع غشيـمٍ بالمحبـه تسلّـى

ي

[سليمان المزيني]

يا رب عفوك يوم فرز المحاصيل
واجعلني من اللي كتابه بيمناه

أسوق رجلي والأمل بالمقابيل
رجواي باللي ما لنا غيره إله

المزني.........

حرف الهاء

[الشامخه]

‏همومك لاغـزتْـك ... بكل حـزه
‏الإستغفار ..!! ينسفها وراها
‏.
‏وحفظ المؤمن لـ دينه .. (معزه)
‏يعلي النفس لـ أعلا مستـواها

[سليمان المزيني]

الباب من دون المقفين مسدود
لو ينقطع عنا الزلال القراحي

بقلمي

[الشامخه]

يالله صبآح العطآ والقرب والطآعه
يآ مآلك الجود يآ معطي بلا منّه
.
عفوك بعبدً لشوفك كثرت أطمآعه
يبغى يفوز برضآك ويدخل الجنّه

[محمد العواد]

كانك تبيني اترك الخلق والناس

ما يجتمع حبّين في قلب واحد



نديم القوافي

[الجووهره]

دامك معي ، مالي ومال المخاليق،

يقفي بهم ريح الزمان وعجاجه !

[رحيل]

هل دمعي و قام الليل يبكي
و القمر نشّ من فرقى جليسه

ويل من شالته موجة بحرك
ليتني ما نزلت الشط أقيسه

[الجووهره]

هديتي "أنت"...لاتتعب وتهديني
أغلى هداياك في صادق مواعيدك

في نظرتك شفت برق الوصل يغريني
الحلم يقضي بحلـو الطيف وأعيدك

خل التعب عنك...منـك الحب يكفيني
القلب يعطيـك كــل الحب ويزيدك

[مساعد الجليدي]

كـلـّـفـتني ياعـل قـلـبك يكـلّـفـك

بحبي وتطغابه على كل مخلوق
*
*

كانه صيحيح القرب لـيّة يشرفك

عطني خبرعن مصدرالعلم ماثوق
*
*

وكانك تسلّى بي بغيبتك معارفك

ماني مسدد لك فراغات وافتوق

[الجووهره]

قالوا علامك كل ماحل طاريه..
تنسى البشر حولك وتذكر خياله..


قلت إنشدو قلب ليا غاب يرجيه..
قلب بعد فرقاه واعزتاله..


قالو علام القلب متولعن فيه.
.دور لعل القلب يلقى بداله..



قلت الغلا ماهو على كيف راعيه ..
لو الغلابالكيف قلنا حلاله......

[رحيل]

هو عاد باقي بشر تتعب لرد الجميل !

[مساعد الجليدي]

لو غـبت ياترف الـقـدم مانسيتـك
ياهايف الخصرين ياروح روحي
***
لولا الحيا ياناعس الطرف جيتك
من شان لاجيتك تعالج اجروحي
***
نديم الجود

[خيال مطير]

ياحسين الوصايف تراك اخطيت والخطى ماخبر ناس ترضى به
ان كان قصدك تغلي عليك اجفيت وان جرالك زعل بين اسبابه

هـ

[ملكة الرواسي]

هوآجس .. و ليل و برد , و مفآرق
و صوت الحطب من سمعته مآ هدا روعي !


يآ برد قلّي ! و أنا في هآجسيْ .. غآرق !
آلنار هيْ فـ الحطَب / ولاّ ورآ ( ضلوعيْ )

ي

[رحيل]

يعذرب الطيب رآسٍ م هوب طيّب
ويحقر الجوع بطنٍ في نحا شبعه
دايم ضعيف الروابع شبحه قريب
حتى رداه إن تردى في حدا ربعه

[الجووهره]

هوّن على نفسك إذا ضقت وتهون
لاتنشغل بالشرح والجَرح جرحك

اللي يبي يكرهك بـ يكرهك من دون
واللي يحبك ماهو محتاج شرحك

ك

[ملكة الرواسي]

كأني سفينة تاهت في بحر الأقدار
وحدي وأحس الناس كلهم نسوني


*
ي

[الجووهره]

‏يمكن يجي بكرة
‏أحلى من أول أمس :
‏ظنّك كذا ياشمس..!؟؟

س

[مساعد الجليدي]

سقى.الله ديار. مغيزل العين ياعواد
سقاها. السحاب وعلها .من هماليله
مزونن من الوسمي يرزرز بها رعاد
ماحدته. .عذفاء..لروض..المعيزيله

نديم الجود

[خيال مطير]

هـــــــات القـــلم وأكــــتــب حـروف ومــعــانــي... . مــن وآقــعــي ســجــل عــلى بــيض الاورآق

وأكـــشــف خــفايــا مـــاهــرجــهــا لـــسانــــي..... أخــــفــيــتــهــا والــيــوم مــاعــاد تــنــطـــاق

ق

[مساعد الجليدي]

قم. يانديبي .فوق. بنت الحصاني
واسرج. عليها. واتجه راف ورواق
وعس. المكان .اللي غلاه احتواني
جوه ايوسع. خاطري كل ..ماضاق

نديم الجود

[محمد الغنامي]

قريت بعض البيوت اللي تهيض الهجوس=واسترسل الفكر والالحان غنابها
للفكره اشعب ذلولي مثل كل العسوس=حتى اهل الالباب ترسخ داخل البابها
واخذ من اهل التجارب فالحياه الدروس=والعله اعرف قبل صرف الدوا اسبابها
فـ نفوسنا الخير من رب العباد مغروس=وهبه من الله نموت بها ونحيابها

[خيال مطير]

أنت الذي يرمى بك الظن ويصيب..والا الردي ماله على الظن طاقه
ساسك عريب وراسك اطيب من الطيب..وابوك يرخي للثقيله شقاقه
والأبل ليا أقفت ماتجي بالمناديب..وحنا على ماقيل ربع ورفاقه

هـ

[الجووهره]

هاك ذكراك من ذكراك ويش أستفيـد
كافـي أن المشاعـر هايمـه كلـهـا
ودي انساك والنسيـان ماهـو اكيـد
كيف ابنسى عيون(ن) رمشهـا ظلهـا

[شيخـــة الغــيــد]

الغياب أتعس موآعيد الطريق
وجاي تسأل وش يعنى لي الغياب ؟
باب دمع , وباب خوف , وباب ضيق ؟
وأنت أحسب للمواجع كم باب !!

[خيال مطير]

بلادي بلاد الإبا والشمم ... ومغنى المروءة منذ القدم
يعانق فيها السماح الهمم ... وفيها تصون العهود الذمم
ستبقى بلادي منار الأمم ... لتمنع عنها دياجي الظلم
باسم المهيمن حامي العلم ... وعزم السيوف وهدي القلم

م

[شيخـــة الغــيــد]

من برادالجرح موجعني الحنين
ضمني ، محتاج ضمة دافية
-
لا / تغرّك كذبتي ماني حزين
لا تظنّ إنّي .. بخير و عافية / !

[شيخـــة الغــيــد]

هذا حضنّي كان لك خاطر تنام
و هذا صدري كان بعيونك بكيّ !

[الجووهره]

يشتاق لي .. لاغبت عنه ثواني
وكن الثواني في غيابه .. جفى عام

من وين مالدت عيونه .. لقاني
وان مالقاني .. يقضي الليل بوهام

هذي علوم الأمس .. شوق , وتهاني
واليوم فرقى .. نكسّت كل الاعلام

[شيخـــة الغــيــد]

ماكل من يلبس له شماغ ( رجال )
وماكل عطران ، الشوارب رجاجيل

اما يجي ( رجال ) واقواله ، افعال
والا بلاش( المرجله ) والتماثيل

[شيخـــة الغــيــد]

للصّمت في صوتي تفاصيل وايّام
وللشوق في عيني مواوييل وجروح .

[عابره]

حبيبتي نجد عيني فيك معذوره
معشوقة القلب فيها للنظر سحره

فضة شعاع القمر في نجد مسحوره
من شاف لمعة قمر في خد سمره

[شيخـــة الغــيــد]

هواجيس ليل البارحه عودت ذا الليل
على نفس موعدها عسى الله لايحييها

[شيخـــة الغــيــد]

احساسي اليوم : ماله داخلي صرفه ،
فيني عتاب وحكي والصمت يملكني !
..
ودي أسولف مع اي انسان ماعرفه ،
يسمع كلامي واذا ؟ خلصت يتركني !

[شيخـــة الغــيــد]

يبقى النصيب أكبر من الحيله ومن عمر الأمل
مهما طمح الإنسان ماله فالزمن غير النصيب !

[شيخـــة الغــيــد]

بآقي ع الموعد دقيقة وثواني
يالله تجملني وارد دينه بدين

/
الشموخ

[شيخـــة الغــيــد]

نوفي مع الوآفين وونتمّ الأعلاآم
مآهمنا من غآب عــــنآ ونسآنآ

/

الشموخ

[محمد العواد]

اللي يبادلني شعور المودّه

انا ضياء ليله وفيّ بنهاره


نديم القوافي

[شيخـــة الغــيــد]

الصاحب الغآلي أبــد مانردّه
تلقاه وآضــح ماآيغيّر مسآره

/

الشموخ

[محمد العواد]

هب الهوى وان هب بيني وبينك

والله ما يركد ليوم القيامه


نديم القوافي

[شيخـــة الغــيــد]

طلق المحيا والبشر في جبينك
من شاف زولك ماعليه الملامه

/
الشموخ

[محمد العواد]

الله عليك يالشموخ

ابدااااع

[محمد العواد]

همّيت لمبارز ظروفي لعينك

وعاديت من يجرح شعوري كلامه


من بعد ما طاح الخفوق بيدينك

كم صاحبٍ صرت اتجاهل سلامه


نديم القوافي

[شيخـــة الغــيــد]

صح لسانك ي العوآآد
/


هذا هو الحال عقبك يانظر عين مغليك
سهران ليلي انتظر منّك جواب ومراسيل
/

الشموخ

[محمد العواد]

صح بدنك يا شموخ




لولا الوله مع جمرة الشوق يا شوق

الحب ما توفيه كلمة احبك


نديم القوافي

[شيخـــة الغــيــد]

:

كسرت كل الحواجز بيننا ودي آجيك
وقلبي شفوقن بحبك يالغلآ حيل ظآمي

/

الشموخ

[شيخـــة الغــيــد]

/


ي ظلام الليل واطرف المدينه
ويا هدوء الجو وعيون الوشايا
.
كل شخصً عاش له قصه حزينه
ب أختلاف الجرح لو نفس النوآيا

[الشامخه]

اجمل عطايا الوقت بالدنيا صديق
لـيا ذكرته ، تلحقه ، كلـمة ، كفوو

[شيخـــة الغــيــد]

/


و قل للضلوع
العوج تبقى مقافيل
بنموت و لغير الولي ما شكينا

[شيخـــة الغــيــد]

/


الحب ماهو ذنب في كل الاحوال
ياللي تقول اهل الهوا ماتربوا
لا تحسب ان الحب ضحكه وجوال
ولو هو كذا كان اكثر الناس حبوا

[شيخـــة الغــيــد]

/


اللي سأل عني عسى الخير فاله
هذي ظروفي اشغلتني وغِبنا

اللي مثيلك مابـ نقطع وصاله
واللي تجاهل علمنا ماشي غَبنا

/

الشموووخ

[ملكة الرواسي]

صح لسانك غلاي
الدمع لو انه نطق .. عذب الناس
والحب لو أنه خطأ .. ما وصل لك

خلك ثقيل وكل كلامك بمقياس
ماكل من يسمع همومك فزعلك

/
ك

[شيخـــة الغــيــد]

صح بدنك واحساسك ياقلبي
/


كلك على بعضك تجنن وجذاب
ميسمك وحروفك وصادق شعورك


/

ش م و خ

ك

[الجووهره]

كل دقه قلب فيني لك قصيدة
تكفي الدنيا مع الا حباب غنوه ..
وكل هاجس ما يجيب الا خيالك
سلوتي بالعمر في صحوه وغفوه ..


هآآء

[خيال مطير]

هواجيس قلبي كل ما قلت راحت جات
تخالف علي في اليوم خمسه عشر مره
وانا دمع عيني بالدقايق والساعات
ولا هي على فرقا المحبين مستره
ويا حن قلبي حن ماكن معه طلعات
ليا عشقه بالعايدي والدبل جره

هــــــــــ

[الجووهره]

همس الوفا باقي مع النبض والصوت
لو غبت يبقى لك ضمير الوفا حيي
بين الرجا والياس والحلم والموت
وبين الفرح والحزن والشمس والفي
*أشتاق لك شوق عظيم ومكبوت
شوق الضرير اللي تعانق مع الضي

[شيخـــة الغــيــد]

/

ياللي على فرقـاي صـرت متولّـم
مافيه داعي تقطع الوصل وتْروح

اليا تواجـهنا على الشــات سلّــم
ومن عقبها لارحت غالي ومسموح


( ح )

[الجووهره]

حبر العتب .. لو سـال فـي دفتـر اللـوم
يمّديه جفّ .. ولا وصل شخص غالي

دكّت ( مجاهيم الجفا ) .. مغرب اليـوم
وأزريــت أنــوّخ ركبـهـا فــي خـيـالـي

يا صاحبـي .. والحلـم مـا يبغـي نجـوم
لـو لا القمـر .. وش كـان حـال الليالـي

[شيخـــة الغــيــد]

/


يا ربي أطلبك دام أعمارنا ، فنيا
عبدٍ رفع لك يده ، ما يرجع مخيّب
،
فـ الآخره جنّه الفردوس ، و الدنيا
العافيه ، والهُدى ، والطاري الطيّب

[الجووهره]

بين العيون وبين لمسة يمينك
لي روح تضمآ لك ولي قلب توآق
.
مدري لمحت الشوق في طرف عينك
ولا يتهيأ لي وأنا كنت مشتآق

[شموخ المشاعر]

قال: البشاشة ليس تسعد كائنا
يأتي إلى الدنيا و يذهب مرغما
قلت ابتسم مادام بينك و الردى
شبر, فإنك بعد لن تتبسما

[الجووهره]

الحيا يجبر خواطرنا على كتم الكلام
والحيا يجعل مشاعرنا تصون ولاتخون

والسماء لما تضيق ان كان يغشاها غمام
والصدر يبقى رحب لو يمتلي ضيق وشجون

[شموخ المشاعر]

نحب الليالي .. والليالي رحاها يدور
ولا نعتبر منها رغم درسها القاسي

نشوف الجنايز ماسكه للمقابر دور
ولا حركت ساكن وكن البشر ناسي

[* رؤى *]

ﻳﻬﺰﻧﻲ ﻟﻚ ﻋﻈﻴﻢ ﺍﻟﺸﻮﻕ ﻭﺃﺿﻤﻪ
ﻭﺍﻟﻮﻡ ﻭﺍﺷﺮﻩ ﻭﺍﻋﺎﺗﺐ ﻭﺣﺸﺔ ﺍﻳﺎﻣﻲ

ﻭﺍﺿﻮﻱ ﺑﻄﺎﺭﻳﻚ ﺩﺍﺝ ﺍﻟﻠﻴﻞ ﻭﺍﻟﻈﻠﻤﻪ
ﻭﺍﺭﻭﻱ ﻣﻦ ﺍﺳﺮﺍﺭ ﺣﺒﻚ ﻇﺎﻣﻲ ﺍﻟﻬﺎﻣﻲ

ﻳﺎﺟﺮﺣﻲ ﺍﻟﻲ ﺷﺮﺑﺖ ﺍﻟﺤﺐ ﻣﻦ ﺩﻣﻪ
ﻛﻨﺖ ﺍﺟﻬﻞ ﺍﻟﺤﺐ ﻟﻮﻻ ﺣﺒﻚ ﺍﻟﺪﺍﻣﻲ .

حرف .. اليااء .

[شيخـــة الغــيــد]

//


يا عازف العود ... قصر بحة النبره
صحيت جفن الحزن من دقّة اوتارك

[الجووهره]

كل المشاعر على دربك توديني

ولغيرك القلب مارحب ولا هلاّ

[شيخـــة الغــيــد]

/

الخيال ، أحلى كثير من الحقيقه
كل ما تشتاق لـ أحبابك / تخيّل ،،!

[شموخ المشاعر]

لاعاد تطلبني ولاعاد أنا أطلبك
متساويين بكل شيٍ خذينا
أنا خذيت الوقت من شان أكتبك
وإنته خذيت عيوننا وإنعمينا
البادي أظلم ودمعتك دوم تسكبك
والشاهد الله كل أبونا بكينا

[شيخـــة الغــيــد]

/


أَرخَص عِلآقات الحَياة المجَامَل
و أقوى عِلآقات الحَياة التّجـمّل
الأوّلَـة مِنْ بآب خُبـث التّعـامُـل
والثّـانيَـة مِنْ بآب قـوّ التّـحمّـل

[* رؤى *]

لك الله والغلا والشوق وشعر فيك سوابي
سواة اللي لقا نفسه نحيل وضاق بثيابه
اخذتك بالكلام وما نسيت الا بعض مابي
احبك بس اخاف ان الكلام يطول والهابه
احبك حب .. إلى منه قتلني جاك بثيابي
احبك ويش اسوي والمحبه تقتل اصحابه
احبك .. ايه احبك والكلام اكثر من ترابي
واحس اني معاك اوسع من التاريخ وكتابه .

حرف الهااء ..

[شيخـــة الغــيــد]

/

هاك الغـلا مفتاح و القلب بيتك
و فراشك الشريان و ضلوعي جدار

هذا كلامي و أنت إلـٌפين كيفك
يا تهدمه يا تسكنه و انت اختار

[شموخ المشاعر]

راع البلد ياميت القلب مسجون
اضرب تهاتيه الخلا تستفيدي
ابطش ديار القوم والرزق مضمون
تصيدك الاقدار والا تصيدي

[شيخـــة الغــيــد]

/

يازين صوتك لا انسكب عطر الأنفاس
ذوب مسـامـع عاشـقـك سـكـر الـسـرد

وإن صافحت يمنـاك كفـي علـى يـاس
تزهر ايديني وتعشب اضلوعي الجـرد

[الجووهره]

ياليتني بينك وبين المضره

من غزة الشوكه الى سكرة الموت

[الجووهره]

هههههههههه

صار تصادم

[الجووهره]

انتظروني بحرف الدال

[الجووهره]

دامك معي ، مالي ومال المخاليق،
يقفي بهم ريح الزمان وعجاجه !

[شيخـــة الغــيــد]

/

همــس القوافي عليك اليوم نشّآدة
ياامطول الغيبة علمني عن اراضيك
/

[الجووهره]

كل الدروب اللي تودّي لك سراب
مثل الغيوم اللي تجي بليّا مطر

كنت المصير وضعت بدروب الغياب
والمشكله مالي من دروبك " مفر "

[شيخـــة الغــيــد]

/

راعي الهوى مكتوب بجبينه
يعيش في دنياً ماقد فهمها
يظمى وجم الماء قدام عينه
ماذاق راحه ولا حس بطعمها

[الجووهره]

الحب نزعه عاطفه ، شوق ، و عناق
تحس به .. مثل ( الدفا ) فـي يدينك
اجمل تفاصيل الهوى ، اثنين عشاق
واحد يغيب و واحد يقول .. وينك ؟

[شموخ المشاعر]

كان الالم غيث فدمعي محادير
وكان الندم سيل فخدي بطاحي

[شيخـــة الغــيــد]

/


ياما أنخذلت ولا أبي للذكريات
طاري يقيدني وبارض الله سعه
.
بسافر لكل الدروب إلاّ الشتات
وبسمّع الدنيا شعوري واسمعه