طرت لي

[ناصر الهواوي]

جديدي للتواصل مع حضراتكم

ياقلب لو جابت لك العين عيدك=انت بهاوجيسك سبايب سهرها
بطيت عينك من قرادتك بيدك=وساهمت مع حر الدموع بعورها
وكثر الجزع ياخافقي مايفيدك=والنفس طول الوجد زود قشرها
ياملهمي عطني فرايد قصيدك=ان غصت غبات البحر جب دررها
امس انت تاجر مايغلق رصيدك=ولعلك اتجر منك بالامس وارها(ى)
قل يازمان الوصل ربي يعيدك=ويزيل ظلمات الليالي قمرها
ومن غاب يرجع لك ويقرب بعيدك=حتى يصير حساب جمعه شهرها
في لم شمل اللي تريد ويريدك=من فضل من روحك بحبه ومرها

[النجلاء]

صح الله لسانك يابو عبيد
ابدعت وامتعت ياشاعر الجزاله والابداع
دمت ودام مداد قلمك ورقي حرفك الشامخ
تقديري لسموك
النجلاء

[شاعرة نجد]

صح لسانك شاعرنا
وتسلم ولاهنت على هـ العذبه

تقديري,’’

[سحاب]

صح لسانك يالهواوي
قصيده رائعه كما عهدناك
دمت بخير وسعاده دائمه

[محمد الروقي]

ياللهواوي
والله ثم والله اني احب قصيدك ياجزل
ياخوك سهله على المتلقي وصح لسااانك لين تمل من ترديدها

[ابوفارس]

صح لسانك ملايين شاعرنا
تطربني قصايدك واستمتع بتواجدي بمتصفحك
دمت نبراس يعتلي صرح الشعر دائماً

[عسولة مكه]

مبدع وسطور قمة في الروعه
تقديري ياذوق

[مناهل]

صح لسانك يالشاعر
قصيده جميله ابدعت بمعزوفه فريده للغايه
نتشوق لجديدك بكل شوق
لروحك عبق الفل والياسمين

[ناصر الهواوي]

اسف للتأخر بالرد وكذلك الرد الجماعي
ولمبرر الذي يسوغ لي ذلك دماثة اخلاقكم والشبكه ..الا الآن الجيل الرابع مجرد اننا نسمع به ههههه فالمعذره
صحت ابدانكم وطهرت اردانكم وبيض الله وجيهكم
الروقي صح بدنك ولاهان راسك وهذا من حسن ذوقك وبيض الله وجهك

[محمد الغنامي]

الهواوي

صح لسانك مليون

جزل ومبدع

سجل كل الاعجاب والتقدير

[مهرة يام]

صح لسانك

تْمْيُزٌتْ فُيُ آلُابيات حدّ آلُآرتْوُآء

سِعٌدّتْ بُوُجِوُدّيُ بُمْتْصًفُحڳِك

لُآ حرمْنْآ جِدّيُدك

وُدّيُ وُوُردّيُ