ديوان Knq رواسي نجد عبدالله بن طلال

[سهم روق]

اعضاء رواسي الكرام
السلام عليكم ورحمة الله وبركاته
اسعد الله مساءكم بكل خير
يتجدد بي وبكم اللقاء في صرح رواسي نجد الغالي
مع شاعر طغي بحرفه وبشعره وباحرفه وبنضمه
استمتعت بقافيته ووزنه ونظمه
شاعرٌ صخر الابيات على ذوقه
شاعر مارس هوايته بالشعر
اجاد الوصف والتعبير
انه الشاعر^^^^


(-• شاعر جزل • -)
http://www.r111n.com/images/stars/star3.gifhttp://www.r111n.com/images/stars/star3.gifhttp://www.r111n.com/images/stars/star3.gifhttp://www.r111n.com/images/stars/star3.gif



http://www.r111n.com/image.php?u=989&dateline=1314035544 (http://www.r111n.com/u989.html)

انه Knq رواسي نجد
هنا وبهذا المتصفح
وفي زاويه من زوايا رواسي نجد الادبيه
ستجدون اعذب الشعر
ستجدون روعة الحرف
ستجدون حلاوة القافيه والوزن
ستجدون وسترون اعذب واجمل حرف
من شاعر تعجز حروفي وكلماتي عن وصفه
هنا ديوان
Knq رواسي نجد

[سهم روق]

الصوت من شاعرنا القدير/ محمد بن عمّار :





أدنيـت أنـا الدلّـة ،، وجبـت الفناجـيـل




مع حمسةٍ تجلـى الكـدر ،، والخمالـي




بأقعد عماس الفكر، عن هكعة الميل




وأسمر مـع القيفـان ،، ساهـر لحالـي




سر ياقلم ،، وإكتـب ، بديـع التماثيـل




من هجرسة قاف ٍ ،، بفكري طرالـي




ارســل طـواريـقـي ، وعـــذب الـمـواويـل




للصاحـب ، الوافـي ،، كريـم السبالـي




وأخص ابو مشعل ، سليل الحلاحيـل




ذرب اليميـن ،، امعـرّب ٍ ، الخـوالـي




عندي مقامـه معتلـي ، نجمـة سهيـل




وقدره ، على قلبي ، عزيـز ٍ وغالـي




سلّم عليه ،، عداد ،، مزن المخاييل




وعداد ، ما وادي ٍ من الغيث سالـي







____________________

الصدى بقلم :عبدالله بن طلال





( يامرحبـا ترحيبـة الـبـدو بالسـيـل )




وإعـــداد مـالاحــت بــــروق الـخِـيـالـي




ويامرحبـا بالهجـس فـي تالـي اللـيـل




الـيـا صــدر مــن راس قـــرم العـيـالـي




غالـي ومــن غالـيـن واغلـيـه بلحـيـل




وغـــلاه دايـــم عــنــدي اول و تــالــي




يامـحـمـد الـعـمـار يــابــن المـشـاكـيـل




هيضـتـنـي بـالـقـاف يـابــن الـحـلالـي




ارسلتهـا مثـل الاصـايـل مــن الخـيـل




ونـقـدتـهــا نـــقـــد الـــعـــرب لـلـريــالــي




ما ابقيت من زين القوافي محاصيل




ولاعـــاد بــاقــي لــــي وراهــــا تــوالــي




واحرجتنـي بالـمـدح يــا وافــي الكـيـل




وارويـتـنــي بـالـشـعـر عــــذبٍ زلالـــــي




وانا اشهد إلـك ويشهـدون الرياجيـل




إنّـــك مـــع الـشـعّـار جــــزل ومـثـالــي

[سهم روق]

لاتحـسِـب إنّــي عـقــب فـرقــاك مـرتــاح
مـاكــان لــــي راحــــه ولاهــيــب حــولــي
طايـح فـراش .. ولاهـنـا جفـنـي إمــراح
غـيــر الـبـجـامـه والـشـراشــف هـمـولــي
وعـامــل نـظـافــه واسـتـشــاري وجــــرّاح
الـوانـهـم بـيـضـاء وانــــا طــــقّ جــولــي
ودّي ليا شعشع على الناس الاصباح
الـبـس شـمــاغ الـعــزّ وأطـلــق رجـولــي
فــي نـقـرةٍ يـلـعـب بـهــا ظـبــي الابـــراح
ويصدح بها القمـري بعـرضٍ و طولـي
لا ســـاح مـــع واد الـرّشــا كـــل ســـوّاح
وظـلـع جـبـلـه شـاهــد طـلــوع ونـزولــي
اطـلـع علـيـه و فــي شغاميـمـه ارتـــاح
واشكـي علـى رجـمـه وأخـفّـف حمـولـي
أخـيـر لــي مــن سـهــرةٍ مـابـهـا اربـــاح
مــــع بـايـهـيــن وضـايـعـيــن الـعـقـولــي
يـازيـن .. ياملـحـي قـبـل كــل الامــلاح
سطيت في عظمي .. وخلخلت زولـي
يوم انّـي الاعبـك ب (إعظيـم وضّـاح)
ويـــوم انّـــي اكـلـمـك مـــن رقـــم دولـــي
والـيــوم ضـيّـعـت الـخـسـايـر والاربــــاح
وطـاحـت عـلـى سـكّـة غـرامــك ذلـولــي
و درات بـي الدنـيـا .. وهـبّـن الاريــاح
ومــالــت شــمــوس اقــدارنـــا لـلأفــولــي
وتبقى قفول الوصـل مـن غيـر مفتـاح
و ما انسـاك حتـى لـو تصـكّ القفولـي

[سهم روق]

يــامــركــب الـــشّـــوق، فـالـبــحــر الـــحــــلال الـــــــزلال
افـــــرِد شــراعـــك عـــلـــى صــــــدر الـنّـســيــم الـعـلــيــل
الــلــيــل قـــمـــراء ومــــــوج الــبَــحْــر كـــبــــر الــجــبـــال
واسـمــع لـصــوت الـعـواصـف فــــي جـنـوبــك عــويــل
أبـــغــــاك يـامــركــبــي تــبــعـــد عـــلــــى كـــــــل حــــــــال
عــــن عــالــم الــرّمــل والـصـحــراء وخــضْــر الـنـخـيـل
مــــا ابــغــى الـمـوانــي ولا ابــغـــى لـلـسـواحــل قــبـــال
ومـــا ابـغــى عـلــى اليـابـسـة مـجـلـس وظـــلٍ ظـلـيــل
هــواااي ,, بـحـري .. وعـنـدي للبـحـر كـــم ســـؤال..
والـحــلــم بـــحـــري وانــــــا بـــحـــري ودربــــــي طـــويـــل
ابـطـيــت جــالــس عــلــى الـشـاطــي وذيــــك الــرمــال
الـــعَـــبْ واغـــنّـــي وفــــــي حـــالـــي وعـــابـــرْ ســبــيــل
لا قــلـــت ابـــــا اروح مــوجـــك قـــــال كـــلـــه تـــعـــال!
و إن جـــيــــت خـلـيـتــنــي ضـــايــــع بــلــيّـــا دلـــيــــل!
يـابَـحْــرْ لا تـشـتـكــي هــمّـــك عــلـــى (بـــــن طـــــلال)
دام الامــــــل فــــــي وصـــــــل حــوريّــتِـــك مُـسـتـحــيــل
لاصــــرت مـثـلــي ضـحـيــه خــذنــي اقــــرب مــثـــال :
لو متّ(محتاج) !! ما ( أستمطر ) كفوف البخيل!
واذا انـقــطــع دون مـــــن تــهـــواه حــبـــل الــوصـــال؟
ردّد مــعــي يـاطـويــل الـعـمــر : ( صــبـــرٍ جـمــيــل)!

[سهم روق]

السلام عليكم

هذي ابيات قلتها ( اليوم )ارتجاليه امام الاخ الوافي والصديق الصدوق / ابراهيم بن سعد اليحيى التميمي

حيث عرف انني محتاج فزعه في موضوع عاجل وبدون ما اطلب منه الفزعه وبدون ان اتصل به فاجأني بوقوفه الى جانبي وعوايده الوفا والجود ابو سعد .

فقلت هذه الابيات ارتجاليه في نفس اللحظه .. والقيتها عليه .. ولاشك انها قليله في حقه ولكن ارجو منه المعذره ان حصل مني تقصير ..

.
.







مـشـكـور يـــا راع الـوفــا والجـمـايـل




وجــــزاك ربــــي يـابـراهـيــم بـالـخـيــر




ولا هـان راسـك ياجمـيـل الخصـايـل




دايـم مجمّـل مايجـي مـنـك تقصـيـر




تشـيـل حـمــلٍ مـــا تشـيـلـه حـمـايـل




عــوايــدك بـالـوقــت الأول والاخــيــر




وفـي مـدح مثلـك يقصـرن المثـايـل




نـــادر زمـانــك يـازبــون المخـاسـيـر




مـــن لابـــةٍ تـثـبـت نــهــار الـهـوايــل




تاريخهـم مثبـوت ماهـوب اساطـيـر




بنـي تميـم اهـل السيـوف الصقايـل




ومــع الـكـرم قـولـة هـــلا للمسـايـيـر




ومن دون قاصر في جميع القبايل




بني تميم مـن الطنـخ شانهـم غيـر








.

[سهم روق]

تواصليّه :





يا(بـلـبـل) الـغـصــن الـمـدلــدل فــــي مـتـاهــات الــظــلام


قـــــل (لـلـكـنــاري) يـسـتـبـيـح الــســـرّ بـالـلـيــل الـبـهـيــم


قــل لــه قـبـل يـشـرق شـعــاع الـصـبـح ويـبـيـح الـكــلام


اصــــدح بـصــوتــك لاتــخـــاف ولا تُــضـــام ولا تِـضــيــم


اعــــــزف بــصــوتــك يـالـكــنــاري لـلـلـخــيــال ولــلــحـــلام


يـمـكـن تـلاقــي خــيــر والـخـالــق عــلــى خـلـقــه عـلـيــم


و خلّ المساء للدوح ..و الورقاء .. ومجروح الحمام


وخـــل الـسـهـر لـلـنّـاي.. والـرقّـاصـه ..وعــبــد الـحـلـيـم


وتـعــال يـــا البـلـبـل وتلـقـانـا ..عـلــى احــســن مــايــرام


(حــنــا مُــلــوك الــجـــوّ) فـالــجــوّ الـطـبـيـعـي والـسّــديــم


مـــا نسـتـظـل الـــرّاك ..ولاّ فــيّــة اغــصــون الـبـشــام..


مقـيـالـنـا روس الــرجــوم .. وقـصــدنــا بـــــاب الـكــريــم


نــمـــوت جـــــوع ولا نــدغـــدغ رغــبـــة الــنـــاس الـلــئــام


ونشبـع بِـشَـمّ إخشومـنـا .. لــو مـانـذوق الاّ النسـيـم!


جنحـانـنـا بـيــن الـجـبــال .. وروســنــا فــــوق الـغـمــام


وغايـاتـنـا فــــوق الـلـحــون .. وفــــوق تــرديــد الـرنـيــم


فيـنـا اللاصـالـه راسـخـه مـــن قـبــل حـــام وقـبــل ســـام


ومــن قـبــل ربّـــي مـــا يـطّـلـع مـــن ضُـلــوع آدم حـريــم


ودامـــــــك مـــــــدرّس يــالــكــنــاري لاتــــلــــوم ولا تــــــــلام


درّس لـحـونـك يـــا عـذيــب الـصــوت لـلـطـيـر الـغـشـيـم


لاتـفـرض الحـونـك حـسـب عـرفـك عـلـى عـالــي مـقــام


و( إخفـض جناحـك )يـا طُوَيْـر الـحـب دام انّــه سلـيـم

[سهم روق]

الصوت من بغداد الرشيد .. من سموالاميره جوزاء ( غرنوق شمر )







جوزاء :





لا جاتـك الدعـوه الكريـمـه مــن اهــل طـيـبٍ كــرام


لبـي النـدا واحـزم متـاع الشـوق واقطـع كــل بـيـد


وابعـث لهـم قبـل الوصـول أزكــى تحـيـه والـسـلام


ممـزوجـةٍ بـالـحـب واسـمـاهـم تـــردد فـــي الـوريــد


واختار من معجم شعورك أنفـس وأسمـى الكـلام


واكتـب قصيـدٍ مــا انكـتـب قبـلـه ولا بـعـده قصـيـد


وانقش من احساسك درر تيجان واجعلها وسـامْ


لاهل الكرم والطيب والشيمه هل الوصف الحميدْ


لأبناء(( روق)) مـن تسامـى قدرهـا لاعلـى مقـامْ


الـمــجــد والـتــاريــخ والــعــفــة وتــحــريــر الـعـبــيــد


فـي مركـب الأحـلام سافـر شـوق واربـط عالحـزام


واشمـخ كمـا أهـل الشمـوخ وخلـيَ المطمـح بعيـدْ


دام الـقـصـايـد جمّـعـتـنـا حــــب واشــــواق وغـــــرام


يــا مرحـبـا بالشـعـر واهـلــه والمـشـاعـر والنـشـيـدْ







الصدى من الرياض :





يامرحبـا بـأهـل السـمـوّ الـلـي لـهـم كــل احـتـرام


افعالـهـم تـذكـر بعـصـرٍ فــات والـعـصـر الـجـديـد


وهــلا بـعـزوة ربعـهـا..لا صــار بالـدعـوى زحــام


هــلا بـقـدوة جيـلـهـا ..بالـفـكـر والـــراي الـسـديـد


هلا ببنت اهل السيوف ..اللي تظيـم ولا تظـام


هـلا بغرنـوق الوفـا ..مـن وسـط بغـداد الرشـيـد


من عزوةٍ في شرع اهاليها الكرم ساس النظام


يـامـرحـبـا (يالحـاتـمـيـه) يــــا مـبـيّـحـة الـرصـيــد


اسعد سلاطيـن الشعـر باللـي لفونـا مـن شمـام


يامرحبـا ترحيبـةٍ تقـول لــك : هــل مــن مـزيـد؟


جيتـي وحييتـي ودمـتـي وإرتـكـي فــوق السـنـام


الـبـيـت بـيـتــك والأخــــوّه تــجــري بــــدم الــوريــد


جــودي بحـرفـك .. وامتعيـنـا واستـمـري لـلأمــام


شرواك نشري رفقته ..وتشريفتك عن يوم عيد

[سهم روق]

يابـو سهـل خـل عنـك الـعـود واعـلاجـه
الــعــود مــافـــي يـديــنــه حـيــلــه ودبـــــره
كافـيـه مـافـيـه .. لاتستـقـصـد احـراجــه
مـايـعــرف الـبــنــج ولا يــضـــرب الابـــــره
مِعـذِر بسـوق الـهـوى ومضـيّـع انتـاجـه
ياطيـبـه ان راح مــن بيـتـه لـيــا الـكـبـره
نـــاد الـمـجـرّب مـثــل عـبــدالله و نـاجــه
واخذ التجارب من اهـل العـرف والخبـره
لاشـفـت لــك ظـبـي تـايـه قـرقـع ادراجــه
حــــاول تـسـايــر هـــــواه بـلــيّــن الـنــبــره
ان شفـتـه اموالـفـي حــاول لـــه تـواجــه
وجــه لـوجـه لا يـهـمـك صِـغــره و كـبــره
بعض الضباء لو عليه اقرون منعاجه
تـراه مـا اسـهـل مــن امذكّـاتـه و صـبـره
وان شفتـه امذايـري مـع واسـع افجاجـه
خـلّــه وتـلـقـى لـــك اظـبــيٍ عــلــى زِبْــــره

[سهم روق]

تواصليه مع القسم ..




يـــا مـــن لـقـلـبٍ صـايــرٍ فــيــه داكــــوك


كـــنّــــه مـــعــــدات بـــــــن لادن تــــدكّــــه


تومـي بــه الدنـيـا عـلـى سبـعـة ادروك


وقـــد ذاق مـــن بـقـعـا ثـلاثـيــن صَــكّــه


لاهـــوب مستـيـسـر ولاهــــوب مـفـكــوك


نـــــــاره تــلــظّـــى والــحــنــايــا تــضـــكّـــه


من واحدن سجّـل علـى قلبـي اصكـوك


واصبحـت لـه مملـوك مــن دون شِـكّـه


اسمه بخمس احروف فالقلب مسبوك


وداخــل تويـتـر خمـسـة احـــروف نـكّــه


اهدي له الورده .. ويزرع لـي الشـوك


عــــــزّاه مــــــن حـــــــظٍ تـــوسّــــد بــلــكّـــه


تكفـى يابـو تركـي نخيتـك وانــا اخــوك


من اهل الرياض ادخيلكم يا اهل مكّه


افـزع عسـى الله يرحـم امـك مـع ابــوك


جـــــاك الـدخــيــل و لازم انّـــــك تـفِــكّــه


بالجـاه وان عـيّـوا نـبـا نِـرخـص الـبُـوك


ولاّ نــبــا نـلـقــى مــــع الــنـــاس سِــكّـــه


امّــا ختمنـاهـا عـلـى (الفـيـن مـبــروك)


ولاّ الـهـوى يــا سعـيـد , بـابــه نـصـكّـه

[سهم روق]

حـيـيـت يـــا رجّـــال يـــا قـــرم الـعـيــال


تـرحـيـبـةٍ تـاصــلــك والـخــالــق وِلـــــي


عزوتك وقت السّلـم و اوقـات القتـال


وروس الخشوم اعرامها يغلـي غلـي


الـيـا انتـخـيـت ابـنــا تعـدّيـنـا الـخـيـال


نشـرق علـى ســود الامــور وتنجـلـي


حنـا حزامـك وانـت فـي عـسـر اللـيـال


احـزامـنـا الـحــيّ و ذرانــــا المـخـمـلـي


انسـيّـس المـعـنـى لـذربـيـن الـخـصـال


وانـصـخــر الـقـيـفـان نــــارٍ تـصـطـلــي


وانـتــه يـابــو بــنــدر مــثــل عــــدٍ زلال


يـروى بـك العرفـج ويــروى الحنظـلـي


نـاديـتـنــا وارهـقـتــنــا مـــنـــك بـــســـؤال


لاتـحـسـب انّـــا الشـافـعـي والحنـبـلـي


حنّـا علـى بـاب الولـي يابـن الـحـلال


عوديـن محرقنـا الـزمـن شــوي وقـلـي


ودّك تـعـدّ الـحَـب فــي وســط الـغــلال


و ودك تـقــصّ السنـبـلـه بالمـنـجـلـي


تــوّك شـبـاب وفـيــك نـــزوه واشـتـعـال


ولا فــلاك الـشـيـب فـــي راســـك فـلــي


عينك تخيل البرق من غرب وشمال


والـــرزق عـنــد الله وبـــاب الله مــلــي


اركـــد وخـلّــك جـاهــز لــكــل احـتـمــال


يمكـن تعـشّـى حـاشـي ويمـكـن طِـلـي


والــبــارحــه فــيــهــا كــــــلامٍ مــايــقـــال


الاّ لــيــا غــنّــت عـتـيـبـه مـــــع بــلـــي


ودّي مـــثـــل ودّك نـمـشّـيـهــا عــــــدال


والــحـــب بــاقـــي لـلـحـبـيـب الأولــــــي


لكن مثل ماقلـت فـي عـرض السـؤال


اصـبـر يـامـال الخـيـر والخـالـق ولــي


وان ضاقت الدنيا على صـدرك تعـال


حـنّـا مـعــك واصـدورنــا تـغـلـي غـلــي


وتـعـوّض الله خـيـر بـالـرزق الـحـلال


ويــعــوضــك الله يــاكــريــم الـمـنـهـلــي

[سهم روق]

مداعبه بيني وبين الشاعر القدير / كديميس السيحاني

الصوت من عبدالله بن طلال :





يــاتــل قـلـبــي هـالـمـسـاء ياكـديـمـيـس


تــــل الــرشـــا لـحــبــات دلـــــوٍ يـمــسّــه


عـلـى هـنـوفٍ عنقـهـا عـنــق لامـيــس


والـخـصـر لامــنــه هــــزع فــيــه هــسّــه


جتني مع الصفره على صحوة ابليس


وتـبـسّـمـت وابـلـيــس مـلــعــون رِسّـــــه


جـمـالـهـا طــاغـــي بــكـــل الـمـقـايـيـس


الــلــي تـبـيّــن غــيـــر شـــــيءٍ تــدسّـــه


وجدي عليها وجد مـن فـارق الديـس


يــبـــا الـحـلـيــب ومــنــحــرم لا يــلــسّــه





والصدى من ابو منصور :





يا اللي شكيت من الهوى والنسايس


مـنـظـر غـــروب لـكــل نـبــضٌ يـجـسّـه


ارسلهـا اخــو مــره بـقـرب الغطالـيـس


وقلبـك خـضـر والـتـرف جـايـك يعـسّـه


حــذراك لا تجـرفـك كـثــر الـوسـاويـس


جــنّـــيـــة الــصـــفـــره تــمـــثّـــل بــبـــسّـــه


امـــا الـتـوجـد حــلــم مــــدري كـوابـيــس


ديــسٌ خـفــي يـــا بـعــد عـنّــك مـرسّــه


مـن فارقـه يشـرب حليـب الجوامـيـس


لا منـكـسـر عـظـمــه ولا مــنــه خِــسّــه

[سهم روق]

تواصليه :






وش حيلة اللي تالي الوقت بلشـان


اللي يضيق به الفضا وش سواته؟


يشـوش راسـه كــل مـاشـاف مـيـدان


وقـلـبــه يـعـبّــي كــامــل امـعـسـكـراتـه


لــكــن حــظــه مـانـفــع فــيــه بــرهــان


مـن ويـن مــا طـقـه تـفـرّش صفـاتـه


عاطـل وعـزابـي مــن الـجـوع هلـكـان


ياوجـد حالـي وجـد مـن هـي حيـاتـه


ليـتـي وزيــر وراتـبـي عـنـد سـلـمـان


واذا غـديــت بـشــيء مــاقــال هــاتــه


اعيش مستغنـي عـن افـلان وافـلان


تـاجــر وعـنــدي مـــالٍ ادفـــع زكــاتــه


و إن كان ربي كاتب اعيش طفران


امّــــــا غـــنـــاة الـــذيـــب ولاّ مــمــاتــه


الـلــي حـــداه الـمــرّ يـرضــى بــمــرّان


ومـن لاشبـع بالخبـز يـرضـى فتـاتـه


ابا اشتغـل سـواق فـي بـاص مليـان


وســط الـريــاض وزحـمـتـه واقـتـراتـه


مـع صبـح ربـي شايـلٍ جـول غـزلان


لـو ماحصـل لـي غيـر نـوع التفـاتـه


ولو مالمحـت الا مصاخيـف ذرعـان


لامــرّنــي ظــبـــيٍ يـمــسّــس عـبــاتــه


وان يسّر الله مثـل فتـوى العبيكـان؟


أعـثـيـت فالمـفـلـى وعــنــزه وشــاتــه!


انـســى زمـانــن فـيــه نـيــدو ودكـــان


ومـا عـاد ابـا الجبـن وثـلاث ابقراتـه


والله غفـور ويلطـف بحـال الانسـان


كــريـــم يـمــحــى سـيــتــه بـحـسـنـاتـه


الــوذ بــه واعــوذ مــن كــل شـيـطـان


و أهــــم مـاعـنــد الـبــنــادم صــلاتـــه

[سهم روق]

السلام عليكم وكل عام وانتم بخير
اقدم لكم قصيدتي ( قالوا عرب ) وارجو ان تحوز على رضاكم
مناسبة القصيده : عندما قام العراقي المدعو ( الزيدي ) بقذف ( جورج الابن ) بحذائه
اكرمكم الله ، في مؤتر صحفي . والعجيب ان بعض العرب فرحوا جدا وكأنهم حرروا
العراق او كأنهم انتصروا في معركه :)






في سوق ما أحد(ن) يفتح (السوم) بريال


والأرض (عُــمـــلـــه) والاوادم (عــمـــولـــه)


نــــاديــــت لـ(إثــنــيــنــه وعــشـــريـــن) دلاّل


مـــــن عــالـــم إثـنـيـنــه وعـشــريــن دولـــــه


مـعــي بـضـاعـه لـلـعـرب تُــضــرب امــثــال


لأوّل ســــــــلاح إســتــخــدمــوه بــســهــولــه


عـقــب الـســلاح الــمــزدوج ســيــئ الــفــال


هــــــذا (بــرخــصــة) ثــابــتـــة وامـحــمــولــه


راعــيــه الأول مـــــن مـشـاهـيــر الابــطـــال


فـايــز عــلــى (بــــوش الــولــد) بالـبـطـولـه


يــــوم الامـريــكــي قـــــام يــزهـــى ويـخــتــال


ســـــدّد لــخـــدّه وحـــــدة(ن) مـــــن نـعــولــه


وشـفـت الـعـرب مـــن كـثــر مـاذاقــوا إذلال


سـمّـوا عـلــى اسـمــه وارقـصــوا واهتـفـولـه


(أمحق) عرب و(امحق) طموحات وآمال


ان كـــان هـــذا نـصـرنـا الـلــي سـعــوا لــــه


وش عاد اقـول؟ ومـا بقـى شـيء ينقـال؟


الــهـــرج يــقــصــر والــقــوافــي خــجــولــه..


والـحــال مـايــل ..والــعــرب لـيـلـهـم طــــال


والـوضــع مـــزري ..والامـــور إمـعـفـولـه !


وحــنــا نــقــول انّـــــا طـحـاطـيــح وإرجـــــال


(حـسَــب) ، مـقـايـيـس الــعــرب لـلـرجـولـه


تـثــبــت رجـولـتـنــا (بــطــاقــات الاحــــــوال)


والــدّم راهــي فـيــه : ( جـيــن ) الفـحـولـه


وكــل(ن) عـلــى (لـيــلاه) يـســري بـمــوّال!


وكـل(ن) عـلـى (عمـيـاه) يشـعـب ذلـولـه!


مـتـى تـصـيـر اوضـاعـنـا عـالــي الـعــال ؟


ومـتــى الــكــلام الــلــي نـقـولــه نـطـولــه ؟


نحـتـاج حــلّ ولـــو حـصــل بـألــف حـــلال


مــن راس (عـبــدالله) تـــرى الـحــل حـولــه


والـــــلــــــي يــمـــيـــنـــه دام عـــــــــــزّه ولا زال


(سلطان) سيـف(ن) ماضيـات(ن) فعولـه


ان قـــــام قـمــنــا لـــــه خـفـيـفـيـن وإثـــقـــال


نــاخــذ عــلــى الــعــدوان صــولــه وجــولـــه


مـعـه مـثـل سـيـل(ن) مــن الـجـال لـلـجـال


مـــــن مـــــاه وديـــــان الـكــبــود مـغـســولــه


أمّـا انطلـق منّـا الوجـع (طلـقـة إعـقـال)؟


ومـــــا نــرجـــع الاّ والأمـــــور إمـحـلــولــه !


ولاّ تـــصـــيـــر افــعــالــنـــا دون الأقــــــــــوال


ونـبـقـى عـــن الـعـالــم شــعــوب امـعـزولــه


رجّــالــنــا .. مـــاعـــاد يـــشـــرب بـفـنــجــال


يصـبـح ويمـسـي عــورة(ن) فــي إهـمـولـه


قـلــتــه وعــنـــدي حـــــل واضــــــح وفـــعّـــال


نــتــبـــع كــــتــــاب الله وســــنــــة رســــولــــه


وانـــزيّـــن الــنــيـــاّت وإتـــزيــــن الاعـــمــــال


ويــصــيــر يـــــــوم بـــقــــوّة الله وحـــولــــه !


والمسـألـة لــو هـــي عـلــى حـذفــة إنـعــال


تـلـقـى الـعــرب كـــل(ن) مـضـيّــع نـعـولــه!

[سهم روق]

تواصليه

لعلها ترتقي للذائقه





ياهاجـسـي هــات عِـلـمـك لاتـلــفّ و تـــدور


فضفض هموم العنا .. يمكـن يقـلّ السهـر


إنـفـض غـبـار الحكـايـه عــن ثـلاثـة دهــور


سـاعـه بسـاعـه ويــوم بـيــوم لآخـــر شـهــر


مـاعـاد بـاقـي كـثـر مـاذاقـت الـنـفـس جـــور


ومـاعـاد بـاقــي كـثــر مـــا ذاق قـلـبـي قـهــر


مــــادام خـيــلــي تـســابــق لـلـفـنــا والـثــبــور


و أرض الامــانــي عـقـيـمـه مـاتـطـلّـع زهــــر


وشهولـه اجحـد صـوابـي وأدّعــي بالـسـرور


ووشـهـولـه ادفـــع سـكـاتـي للغـبـيـنـه مــهــر


ثـلاثـة اعـــوام .. اجـاهـدهـا بـقـلـبٍ صـبــور


ليـن انصهـر قلبـي الصابـر بجـوفـي صـهـر


وماعنـدي اغلـى مـن الغيـره بصـدر الغيـور


ولاعنـدي اطهـر مـن الدمـعـه يسـمّـى طُـهـر


وماشفت يبقى سواة النقش فوق الصخور


الاّ جـــروح الـبـنــادم مــــن طــعــون الـظـهــر


يالله دخيلـك مـن الحيـره و ضيـق الصـدور


ومــن الـسـراب إن تلـحّـف لــه عبـايـة نـهـر

[عبدالله بن طلال]

الف شكر لك يا سهم روق على المجهود الرائع

يعجز لساني عن ايجاد كلمات الشكر المناسبه لشخصك الكريم

فـ تقبل مني خالص الامتنان والتقدير

[محمد الروقي]

يبيض وجهك ياسهم
ويستاهل شاعرنا ملك الحرف عبد الله بن طلال
تقديري لك وصح لسان شاعرنا الى يوم يبعثون

[شاعرة نجد]

تسلم يمينك سهم روق
ويستاهل شاعرنا
صح لسانه
ديوان فااخر بسمو حرفه المميز

تقديري,’’

[عسولة مكه]

تسلم على جمال هالمتصفح الشعري الرائع
دمت باحترام

[سهم روق]

السلام عليكم


الشاعر القدير سعود بن عبيد العتيبي وجه لي 3 ابيات وخصني بها ويقول فيها :





في ضامـري ياعـود بنـك ن وصـراف


ولـيــا بـدعــت الـقــاف مـافـيــه خــلــه


انا شهيد الحب من ماض الاسلاف


اقـدم عـلـى الخـفـرات مــن دون ذلــه


علمن يبيـن وعلـم تخفيـه الاصـداف


وانـتـه جـبـل ظـمـن الجـبـال المـطـلـه





وجاريته بابيات ارجو ان تحوز على استحسانه واستحسانكم :





لاشـفـت لــي بالشـعـر بـاخـص وعـــرّاف


اغـــــوص فـــــي مـعــنــاه دقـــــه وجـــلّـــه


تـارد هواجيسـي وأهجـرس علـى القـاف


واحـــلـــل الــشــفــره عـــلـــى كــــــل مـــلّـــه


ياسعود كيف انت وعسى مابك اخلاف


لـــو كــــان مافـضـفـضـت بـالـعـلـم كــلــه


الـحـب يـابـو عبـيـد لــه عـــدّة اصـنــاف


مــــا يبـخـصـونـه غــيــر نــاســن مـقــلّــه


حـــبٍ عـلــى نـهــج الشـريـعـه وشــفّــاف


مــافـــيـــه لــلـــرجـــال تــــوعــــه و زلّــــــــه


علـى النقـاء نفـرش لـه افـراش ولحـاف


ســاســه جــويــد ومـايـجــي فــيــه خــلــه


وحـــبٍ مـاهــو مـتـبـادلٍ بـيــن الاطـــراف


خـــــلٍ عــنــيــد وعـــاشـــقٍ فـــيـــه عـــلّـــه


راعـيــه مـيــت حـــظ واسنـيـنـه اعـجــاف


عمـره قضـى واللـي يبـي مـا حصـل لــه


وحـبٍ سخيـف وفيـدة انفـوسٍ اضـعـاف


الله لايـــــــثـــــــري ثـــــــــــــــراه ويـــــبـــــلـــــه


كــوارثـــه بـالـخـلــق تــعـــرف وتــنــشــاف


وروابــعـــه تـرمــيــه مــــــع كــــــل شـــلّـــه


والله نهـى عــن ذل الانـفـس والاســراف


والـعــاقــل الــلـــي نـــــور عـقــلــه يـــدلـــه


ماهـوب عيـب نعيـش بقلـوبٍ اصخـاف


الــعــيـــب ســــــــوق قــلــوبــنــا لــلــمــذلّــه


هــذا وانــا فـيـمـا مـضــى كـنــت مـيــلاف


قلـبـي صخـيـف وقــد غــدى مــن محـلـه


قد خـذت لـي فـي ساقـة الحـب محـراف


وانـكـفــت مـابـاقــي مـــــن الــحـــب بــلّـــه


هيضتـنـي ياسـعـود فــي بـدعـت الـقـاف


وعـرفــت وضـعــك لـكــن ازريـــت احــلــه

[سهم روق]

الصوت من شاعرنا عبدالله :


( تكفون يا اهل المنتدى )





ابــا اركـــب الصّـعـبـه عـلـشـان مـوضــوع


لـــــو كـــــان مــانـــي هــاقــيــاً بـالـنـكـوفــه


تكفون .. يا اهل المنتدى جالي اسبوع


مــــا ارقــــد ولا اقــيّــل وأعــيــش بـكـلـوفـه


لا يـنــزل الـمـوضــوع .. خــلــوه مــرفــوع


مــن شــان محبـوبـي لـيـا جــاء يـشـوفـه


لـــي قـصّــةٍ صـــارت مـثــل حـبّــة الـكــوع


لاحـــــــدّت الـــرجــــال ســـطــــوة ظـــروفــــه


اغـوتـنـي الـدنـيــا عــلــى فــتــح مــشــروع


قــلــبـــي رسـامــيــلــه وهـــمّــــي قــطـــوفـــه


مـشـروع حــبٍ غـصـب عـنّـي بــلا طـــوع


انـقـدت لــه مـــن غـيــر عـــذر وحـسـوفـه


ورعٍ حــفـــر صـــــدري بـشـلـفــا وفــــــاروع


واخــلـــف كـيــانــي واعـــتـــذر بـمـعــروفــه


اعطـش لصوتـه ثـم علـى شـوفـه اجــوع


واحــــن لــــه مــثـــل الـخــلــوج الـعـطـوفــه


وارقـــد عـلــى طـيـفـه دقـيـقــه ثــــم افــــوع


واغــمّــض عـيــونــي واخــايـــل وصــوفـــه


بالله قـولــوا لــــه تــــرى الـقـلــب مـفـجــوع


واعـــــروق قـلــبــي صـايـبـتـهــا نِــشُــوفَــه


امّــــا يُــعُــود وكــــل مــــا فـــــات مــرجـــوع


ولاّ يــوادعـــنـــي .. بــلــمــســة كـــفـــوفـــه






والصدى من الشاعر القدير/ نايف العبيد :






صحّيت ساحر عبقـر وجـاك مفـزوع


حـضـر عشـانـك والـخـنـازب تـحـوفـه


جمّع على شانك من الـوادي جمـوع


يـقــودهــم حـبــريــت يــقـــرع دفـــوفـــه


آمـــر تـدلــل أمـــرك الـيــوم مـسـمــوع


فـصّـل وحـنّـا نـلـبـس الـلــي تـشـوفـه


أبـــشـــر بـــعـــزك كــلــنــا لـــــــك دروع


الـلـي مـثـل شــرواك نـدعـم صـفـوفـه


كانـك شكيـت الليـل حنّـا لـك شمـوع


وكانك شكيت الحظ نصنـع ضروفـه


وكانك وقعت وطحت في حـب دلـوع


عـمــم علـيـهـا واعـتـبـرهـا مـخـطـوفـه


نجيـبـهـا لـــك لـــو حوالـيـنـهـا ربــــوع


وأخـوانـهــا تـشـهــر عـلـيـنـا سـيـوفــه


أو نستـرق أخبـارهـا ونـرسـل نـجـوع


تـنــقــل رسـايـلـهــا وتـنــقــل ظــروفـــه


الخـوف مـن قلـب العفاريـت مـنـزوع


لـعــيــون عــبـــدالله وحــــــبٍ يــلــوفــه


بس المهم تشرب من الريق قرطوع


وتكـحـل عـيــونٍ بالجمـيـلـة شـغـوفـه


الشـوق مثـل القيـظ والوصـل ينبـوع


والـحــاذق الـلــي فـرصـتـه ماتـطـوفـه

[سهم روق]

تواصليه ..
بيتين بالفصيح والباقي بالنبطي
ارجو ان تتقبلونها كما هي ..






يـضــيــقُ عَــلـــيّ الــبَــحْــرُ والـــبـــرٌ والآفــــــاقْ


فأُصـبـحْ كـمَــا أُمْـسِــي ويـــزدادُ بـــي ضِـيـقـي


ألا لـيـتَ شـعـري حـيـنَ تجتـاحـنـي الأشْـــواقْ


وحــيــنَ ســيـــوفْ الــوجْـــدْ تــبـــدأْ بـتـمـزيـقـي


قفـا !! ليـه نبكـي؟؟ مثـل مايبـكـي العـشـاق


نــحِـــبّ و نـصــيــح ونـشـتـكــي للـمـخـالـيـقـي


صحيح اني أونسْ شيء بالصدر ماينطـاق


لــكـــن كــلّــمــا يــــــزداد ، يــــــزداد تـشـويــقــي


وصحيح اني أعرف من نتلني من الأعماق


هـكــا النـتـلـه الـلــي مــزّعــت لــــي معـالـيـقـي


غــزال(ن) يجرّعـنـي عـذابــه بـــأدب وأخـــلاق


وهـــو مـــا يـهـمّــه غــيــر يـسـمــع طـواريـقــي


وأحبّـه بـكـل إســراف حــب(ن) مــن الـخَـلاّق


عـلــى طـيـفـه أغـمّــضْ ومـــع ذِكــــره أفـيـقــي


ابـا أصبـر علـى ماصابنـي وأحـفـظ الميـثـاق


لــو إنّــي عليـهـا نـاشــف(ن) دمّـــي وريـقــي


وعسـى مـا يجـي بيـنـي وبيـنـه زعــل وافــراق


وعـسـى مـــا يـطــوّل فـــي عـذابــي وتعلـيـقـي

[سهم روق]

السلام عليكم

ارجو ان تتقبلوا الصوت والصدى

الصوت بقلمي :





يـــا راكـــب الـلــي مـــا دخـــل فالصـيـانـه


ولا ســاقــه الـهـنــدي لـبـنــده و كــرفــور


ومـــا شـغـلّــه ورعــــن بــراســه شـطـانــه


ورعٍ عـلــى التـفـحـيـط مــيّــت ومـقـهــور


عـلــيــه قــــــرمٍ مــــــن صــتــايــم زمـــانـــه


طـلــيــق وجـــــه ولـلـمـواجـيـب مــذخـــور


مــــن لابـــــة الــروقـــه وســيـــعٍ بـطــانــه


مــع سرعـتـه يـسـمـع حـبـيـب ومـسـتـور


روقـــي ومـــن طـلـحــه وراعــــي مـكـانَــه


ومـنـصـاه لـلـروقـه قـبــل طـلـعـة الــنــور


يـنـصــى الــهـــواوي والـتـحـيــات امــانـــه


ويحبّ راس اللي علـى الطيـب مخبـور


نـاصــر جـزيــل الـهــرج يـنـقـى إسـمـانـه


مــا قــطّ ورّدهــا عـلــى الـعِـمِـي والـعُــور


قــل لــه تــرى قـلـبـي مـخـلّـص ضـمـانـه


واخــــاف لاتـفـتِِــق تـيـازيــره الــحُـــور


قـنـاتــنــا تـــعـــرض لــمــيــس وجــمــانـــه


وانـــا عــلــى الـتـلـفـاز مــغــرم ومـجـبــور


وابـلـيــس يــعـــزف فـالـمـحـانـي كـمــانــه


ومــاعــاد ينـفـعـنـي مـحــامــي ودكــتـــور


و اسـمـح لـنـا ياشـيـخ بـعـض المـيـانـه


ما خاب من يطلب من الشايب الشور






الصدى من الشاعر القدير ناصر الهواوي العتيبي :





ياراكب اللي تو وقِع ضمانه


في ربع مليون ودفعها على الفور


فاكس ار صدره ما خثع بالطمانه


وعليه من مزحم شلاقي وممرور


عزيز نفس ولا يحب الاهانه


فكره ذكي والراس صاحي ومسطور


منصاه ابو مشعل امبين مكانه


بيته امشيد للنشاما ومخبور


ان قلت وينه كل احد قال عانه


ماهو عن اللافي مخبى ومستور


ان وافق لسانه لما في جنَانه


عليِّ امانه لا اسحبه عند دكتور


واقول بالله صنِّفه باي خانه


يفرح شعور بقوله ويجرح شعور


حتيش لو لاميس والبرتكانه


شعت بنور وجيههن لا انطفى النور


زينات مظهر والبلى( بالبطانه)


مار استمع لي كان لي تقبل الشور


ولا ودي اسمع منك ياليلدانه


ما دامني مغضي وراضي ومسرور


من الكبر صاير بقلبك ليانه


وخابرك من عامين والقلب معصور


وعلى ابليس من الله الاستعانه


اللي خلق ذاك الملك نافخ الصور

[سهم روق]

اختـفـت شـمـس الـمـرام وبـانـت التكـشـيـره
وانتـهـى حـلـم الـغـرام وطـــارت العـصـفـوره
ضاع مني شيء غالـي مـا يعـوّض غيـره
وراح مـنـي حـاجـةٍ كـانـت مـعـي مـيـسـوره
ولّ يــاحــلــمٍ يـــراودنـــي عـــلـــى تـفــســيــره
فــي طــرف سبـورتـه يعطيـنـي الطـبـشـوره
والله إنّــي مابـغـيـت افـــضّ لأجـلــه سـيــره
مير ابا افضفض بشعري وأمسح السبوره
والـسـبـب كـلّــه مـنـيـره يــــا فــديــت مـنـيــره
طـفـلـةٍ فـــي جـامـعـة نـــوره فـدتـهــا نــــوره
تـوهـا بالمسـتـوى الثـانـي يــادوب صـغـيـره
بس/تعطينـي وانـا فـي سـن ابوهـا/ دوره!
كـم عطـيـت الـدايـر الشـرقـي مـيـة تـدويـره
لأجل اقابلها علـى المخـرج وهـي مذعـوره
ودّهـا فـي شوفتـي ، وإتمـوت فينـي غِـيـره
و مـن بعيـد إتلـوح يمناهـا وهـي مسـتـوره
لعنبو حظّـي متـى ؟ يكفـخ بريشـه طيـره؟
و ألتقـي معهـا قبـل راســي يضـيّـع طــوره

[سهم روق]

مــرّت سـنـه والقـلـب (مِـحْـرِمْ وصَـايـم)
يِـخـيـلْ بَـــرْقْ الـوصــل حـولِــك ويــمّــكْ
أحــيــان جــــوّه عَــــجّ واحــيــان غــايـــم
وحـاديــه وقـتــه عــــن مــواريــد جــمّــكْ
مـيّــت عـلــى شــوفــك ومــغــرم وهــايــم
ودّه بــقــربــك ، و إيـتـمــنّــى يــضــمّــك
وإن طـعـتـنــي دامـــــه يـــــردّ الـنـســايــم
(إلحق عليه) ان كان وضعـه يهمـكْ؟
مــا عــاد يسـمـع فـيــك نـاصــح ولايِـــم
اهـــــل الـــــدوادي و الــكـــلامْ الـمـنَــمّــكْ
انــــا و عــذّالـــي مـــــا غــيـــر إنـتــزايــم
ولا أسمـح لأحــد منـهـم بكلـمـه يـذمّـكْ
وان قـلــت دلّــونــي عــلــى حــــلّ دايــــم
قالوا لي: (إنسه والعوض بنت عمّكْ)
مـتـى عـلــى الله يـصـبـح الـحــظ قـايــم
بــقـــدرة كــريـــم انــــــه عــلــيّــه يــلــمّــكْ
بأمـره .. يسوقـك مـن يسـوق الغمايـم
مــن بـعـد مانـبـدي عـلـى أبــوك وأمّـــكْ
بالمـال , وإن عيّـوا , حَذفْـنـا العَمـايـم
تـجــي مـعــي لازمـــك بــأطــراف كِــمّــكْ
نــفـــرح بـجـمـعــة شـمـلـنــا و إنـتــلايــم
وننـسـى الـعــذاب وكـــل هـمّــي وهـمّــك
كنّـي بيـوم (النصْـرْ) وأنــت (الغنـايـم)
لاصِـرت فـي بيـتـي .. بلحْـمِـك ودمّــك

[سهم روق]

اخي
عبدالله
تم ختم ديوانك
تشرفت بالنظر الى شعرك الجزل
تعلمت من احرفك ماهو المعني وماهو الوصف والتشبيه
وماهي الجزاله في تركيب البيوت وسردها
اخي اقف وقفت احترام امامك
واطلب منك وضع ماهو جديد هنا
احترامي

[مهرة يام]

متصفح راقي واكثر من راقي
يعطيك العافيه سهم روق
متميز كعادتك
تقبل مروري

[ملكة الرواسي]

ما أجمل نبض قلبك وتطريز قلمك
حروف نثرتها شفتاك وخطتها أناملك
فلحنتها سطورك وغناها متصفحك
وبثتها مشاعرك فاستقبلتها قلوبنا
وتراقصت لها مشاعرنا وسعدنا بحضورنا
واستمتعنا بعزفك الراقي

[هزاع محمدالعاصمي]

ماذا اقول ومهما قلت فلن افيك حقك رحمك الله وتجاوز عنك
وادخلك من اوسع ابواب رحمتة كنت الاخ والصديق والقريب للقلب
رحمك الله كلمات نابضه واسلوب مميز صح السانك وجمعنا الله وياك في مستقر رحمتة

[نهر]

يامال الجنه يابومشعل

أسأل الله في هذه الجمعة المباركة ان يسكنك فسيح جناته وان يجمعنا معك في مستقر رحمته

[ريم الفلا]

الله يرحمه رحمه واسعه ويغفرله


..