ملك للغنامي

[ناصر الهواوي]

ادري انك يارواسي نجد ملك النجلاء=وكل جزلات القصايد ملك للغنامي
والبيوت اللي نعفتها بصدرك.وجلا=وكل قاف تروعه قيفان ما ينلامي
كنت ابا اكتب والقصايد لا نصتكم خجلا=بخاطري من عام الاول وصملت هالعامي
يامحمد لانخيت الربع قالوا عجلا=كلهم في هالليالي سجد وصيامي
يامحمد من لعينن مع رمدها سجلا=وثارت همومه ودكت كنها اتسونامي
وشك في قلب المغني رمش عينن نجلا=سهم سمٍ في السويدا ضيَّع الأنسامي
ياشعرها يامحمد ذيل شقراً حجلا=شعشعت واستبشرت في خوض يومٍ دامي
كلما قلت اختطفها فوق جيبي واجلا=وارغم برشاشي اللي يعترضها ارغامي
فالشمال اشوف داعش معه خيل ورجلا=وبالجنوب الحوثي الملعون جاء قدامي

[محمد الغنامي]

الله الله

صح لسانكـ مليون ولايسدون

جزل وممتع وشهادتي فيك مجروحه

شاعر يستمتع بالقوافي الصعبه ويمتع المتلقي بعذوبت سلاستها

ابداع في ابداع

>>>>>>>>>>>>>> بس الغنامي لايكون انا اللي تقصده ههههههههه


كنت هنا

الغنامي

[محمد الروقي]

ماشاء الله تبارك الله
ابيض وجه في مابدعت ., سجل اعجابي من مبداها الى منتهاها
يستاهلون الي ذكرتهم بالاشاده صح لساانك

[النجلاء]

كلمـا قـلـت اختطفـهـا فــوق جيـبـي واجــلا
وارغـم برشاشـي اللـي يعترضـهـا ارغـامـي
فالشمـال اشـوف داعـش معـه خيـل ورجـلا
وبالجـنـوب الحـوثـي الملـعـون جــاء قـدامـي


الله الله
ياسلام عليك يابو عبيد
جزل ورائع ولا فيك حيله دائماً تمتعنا بعذب القصيد اللي يطربنا
لاعدمنا وجودك الفاخر
تقديري وتقييمي لسموك
النجلاء

[محمد بن عمار]

ادري انك يارواسي نجد ملك النجلاء=وكل جزلات القصايد ملك للغنامي
والبيوت اللي نعفتها بصدرك.وجلا=وكل قاف تروعه قيفان ما ينلامي
كنت ابا اكتب والقصايد لا نصتكم خجلا=بخاطري من عام الاول وصملت هالعامي
يامحمد لانخيت الربع قالوا عجلا=كلهم في هالليالي سجد وصيامي
يامحمد من لعينن مع رمدها سجلا=وثارت همومه ودكت كنها اتسونامي
وشك في قلب المغني رمش عينن نجلا=سهم سمٍ في السويدا ضيَّع الأنسامي
ياشعرها يامحمد ذيل شقراً حجلا=شعشعت واستبشرت في خوض يومٍ دامي
كلما قلت اختطفها فوق جيبي واجلا=وارغم برشاشي اللي يعترضها ارغامي
فالشمال اشوف داعش معه خيل ورجلا=وبالجنوب الحوثي الملعون جاء قدامي


السلام عليكم
ارررحب يابو عبيد وحياك مولاك
العشر مباركة والساعة مباركة
اللي شفناك فيها ، والشكر موصول
لأخونا / محمد الغنامي ، اللي تسبب
في حضورك لاعدمناك ...
تحيتي لشخصك القدير أستاذي
.
وهذي بيتين كيبوردية ترحيبية ...
.
مرحبا باللي زجل ، منظوم قافه زجلا
شاعر ٍ نبراس وإسمه مثل رجم ٍ زامي
.
ما بكل ٍ لو نظم له ، بيت شعر وهجلا
صار له بالقاف باع وصارحرفه سامي
.
شاعر ٍ نزفه مثل نهر الفرات و دجلا
ُملهم الإبداع ، من رب العباد ، إلهامي
.
وشاعر ٍيذاع صيته بين زيف ودجلا
وما يميّز بالقصايد ، بين قاف ولامي
.
والهواوي منبع الجزلات شعره يجلا
للهموم اللي بها جرح المشاعر دامي
.
وتطمئن وتستريح ، الها قلوب ٍ وجلا
ويسعد البال المعنىّ من شقا الأيامي
.
والسموحة يالهواوي ، والعذر للنجلاء
والشكر موصول لك يا محمد الغنامي
.
تحيتي للجميع
.

[محمد الغنامي]

ياهجوسي ذاخرك للصدق قبل الدجلا=جاء نهار الموقف الغصاب والألزامي
كبي اللي يلعبون الضومنه والمجلا=وأنحري ناصر زبون الشارده لاقامي
شاعرٍ هرجه يشادي در بكرٍ هجلا=كل ماجاله بعلم يبل كبد الضامي
دون حقه عاصبٍ راسه عصابة رجلا=والهواء ماعيب الحكام والخدامي
العشاء عندي ليامنك خطفته عجلا=ولا تضايق لو درا عنك المقام السامي
كل ضيقٍ يالهواوي يجتمع ثم يجلا=مثل مايجلا السحاب من الهبوب الشامي
مازرعنا الباميه ولا زرعنا الفجلا=نزرع الموت الحمر لاجاء النهار الحامي
كل شيٍ له بدايه له نهايه وأجلا=والحضيض المسلم اللي طبق الاسلامي

[~ألٌوتُيْنَِ~]

حرف بآذخ
سٌلمت يدآك
دمتَ

http://www.r111n.com/showthread.php?t=26985

[جولييت]

صح لسسسانك مدد بلا عدد
شااعر كل يوم يزيد ابداع
وكل قصيدة اجزل من سابقتها الله يوفقك...

[سحاب]

صح لسانك ملايين
شاعر مميز استمتعت بتواجدي في متصفحك
ننتضر جديدك بكل الشوق
دمت بخير وسعاده دائمه

[عسولة مكه]

ماشاء الله ممممميز وراقي كالعاده
الله لايحرمنا فخامة وجودك بيننا
تقديري لسموك الكريم

[أوهــام]

صح لسانك وسلم أحساسكـ ..

تقديري لكـ ..

[عاشقة القصيد]

ادري انك يارواسي نجد ملك النجلاء=وكل جزلات القصايد ملك للغنامي
والبيوت اللي نعفتها بصدرك.وجلا=وكل قاف تروعه قيفان ما ينلامي
كنت ابا اكتب والقصايد لا نصتكم خجلا=بخاطري من عام الاول وصملت هالعامي
يامحمد لانخيت الربع قالوا عجلا=كلهم في هالليالي سجد وصيامي
يامحمد من لعينن مع رمدها سجلا=وثارت همومه ودكت كنها اتسونامي
وشك في قلب المغني رمش عينن نجلا=سهم سمٍ في السويدا ضيَّع الأنسامي
ياشعرها يامحمد ذيل شقراً حجلا=شعشعت واستبشرت في خوض يومٍ دامي
كلما قلت اختطفها فوق جيبي واجلا=وارغم برشاشي اللي يعترضها ارغامي
فالشمال اشوف داعش معه خيل ورجلا=وبالجنوب الحوثي الملعون جاء قدامي




لله دررررك يالقرم
مبدددددع لاعدمناك
نص راقي لا يكتبه الا الهواوي وامثاله
اسجل اعجابي

وانتظر الطرقا ... بوصوفها ومعانيها

[ناصر الهواوي]

الغنامي/اخي محمد وسبعين نعم فيكم والمعذره على اقحامك في معمعة القصيد لكن لعلمي بما عندك منت عليك وصح الله لسانك ولا فض فوك لاتحتاج لشهاد احد في تميز مفردتك وقوة عبارتك وجمال سبكك للبيت ولكني احب دائما ان اخذ مع عمالقة الشعر كورس
شاكرا ومقدرا وبيض الله وجهك

[ناصر الهواوي]

اخي الشاعر محمد الروقي صح الله بدنك وانت الرائع ولاهنت وبيض الله وجهك

[ناصر الهواوي]

النجلا سلمتي ودمتي وصح بدنك ولاهان راسك وبيض الله وجهك

[ناصر الهواوي]

ابو عبد العزيز يابعدي يالقرم وتسلم على هالترحيبيه المعلقه وصح الله لسانك وبدنك
دائما تتواجد حيث نريدك ونطحتاج اليك سلمت وبيض الله وجهك

[ناصر الهواوي]

الاخوات الفاضلات
عسولة مكه
الوتين
الريم
جولييت
ياهلا وغلا ودمتن وسلمتن وصحت ابدانكن وطهرت اردانكن

[ابوفارس]

صح لسانك شاعرنا
قصيده مميزه من شاعر مميز
متصفح يثري بالجزاله دائماَ اشتاق الى ماتجود به قريحتك العذبه
دمت بود وتقدير

[عبدالله بن طلال]

صح لسانك يابو عبيد

قرم وجزل ومافيك حيله لاعدمناك

ويستاهل الرواسي وآل الرواسي هذه القصيده العذبه

وصح لسان بن عمار ولسان الغنامي على المجاريات الرائعه

تقبل خالص الود والتقدير