(( يــابــوي ))

[سطام الشمري]

لا جيت للساحل بكت فيه الأشناق = ولا رحت للدهنا تصيح البوادي
ولا سال دمعِ فوق الأوجان رقراق = صاحت بي ثيابي ولو هي جمادي
كل العرب يابوي للدار تشتاق = لاشك شوقي غير كل العبادي
الله من صدرِ من البعد لا ضاق = يشوف لون الشمس لون السوادي
وأمشي تقل مجنون مابين الأسواق = وكل العروق إللي بجسمي تنادي
أسمع صدى صوت تعزيه الأبواق = وأشوف زولِ من له سنين غادي
وأسري مع السارين عيني بالآفاق = تنظر سحابِ في شمال البلادي
أوميلها من بعد وأعانق إعناق = وأذرف دموعِ سيلن كل وادي
سلام يا حايل من الشرق مشراق = سلام يا ريحة هلي يا مرادي
رمّانةِ يوم أثمرت فيها الأوراق = تركتها يابوي وقت الحصادي
أركض مع الأيام يابوي بسباق = حار القدم والشوط لا زال بادي
حار القدم يابوي وأستاحش الساق = والنار خلّت جوف صدري رمادي
واااااااا شيب عيني غربتي صارت فراق = راحت سنين العمر تنقل شدادي
حايل وأهل حايل بقلبي بالأعماق = لو طال مشواري وطال البعادي


سطام الشمري

[الأصيلة بنت أبوها]

أركـض مـع الأيـام يابـوي بسبـاق=حـار القـدم والشـوط لا زال بــادي
حار القدم يابـوي وأستاحـش السـاق=والنار خلّت جـوف صـدري رمـادي




سطام الشمرى
يشرفنى اننى اول من يرد على ابياتك
قصيدة راائعة وابياتها قمة ولاهى غريبة على سطام الشمرى
فاصح لساااانك مددلاعدد
كفيت ووفيت يابن الاجواد
قول وفعل
فالله درك

[محمد القسامي]

سطام الشمري
يقولون المشتاق يزين طرقه
وانت هنا أبدعت وأبدعت وأبدعت
في تصويرك وفي جملة معانيك
وافيه وكايفه وتستاهل حائل كل هالزين
وتستاهل الشوق
صح كلك ياسطام
ودام هالكينون بكل خير وموده

[عبدالمحسن الحارثي]

صح السانك سطام
جزله من راس جزل
والله يردك لحايل واهلها سالم غانم
دمت بخير

[سامي الرقيب]

سطام الشمري
صح لسانك ولا هنت يالذيب
قصيده وافيه من شاعر وافي
تقبل مروري وتحياتي
ودمت بود

[ود الغنامي]

صح لسانك وتسلم يمناك ايها
الشمرى
والله حيه وحى ماجاب
تقبل مرورى
اخوك
ود الغنامي

[محمد الايداء المورقي]

سلطان صح لسااااانك مبدع بكل ما تعنيه الكلمه



لله درك


تقبل اعجابي بما كتبت


تحيتي

[حور]

صح لسانك مليون
حنينك آثار حنيني لديرتي بقوة
دمت بكل الود

حــــُور !

[عبدالرحمن الميموني]

صح لساااانك

أخوي والله يعطيك الف عافيه على هالشاامخه

ابياات جميله لله درك يا بعد قلبي

تقبل مروري أخوك


النداوي

[هزاع محمدالعاصمي]

لا جيت للساحل بكت فيه الأشناق = ولا رحت للدهنا تصيح البوادي
ولا سال دمعِ فوق الأوجان رقراق = صاحت بي ثيابي ولو هي جمادي
كل العرب يابوي للدار تشتاق = لاشك شوقي غير كل العبادي
الله من صدرِ من البعد لا ضاق = يشوف لون الشمس لون السوادي
وأمشي تقل مجنون مابين الأسواق = وكل العروق إللي بجسمي تنادي
أسمع صدى صوت تعزيه الأبواق = وأشوف زولِ من له سنين غادي
وأسري مع السارين عيني بالآفاق = تنظر سحابِ في شمال البلادي
أوميلها من بعد وأعانق إعناق = وأذرف دموعِ سيلن كل وادي
سلام يا حايل من الشرق مشراق = سلام يا ريحة هلي يا مرادي
رمّانةِ يوم أثمرت فيها الأوراق = تركتها يابوي وقت الحصادي
أركض مع الأيام يابوي بسباق = حار القدم والشوط لا زال بادي
حار القدم يابوي وأستاحش الساق = والنار خلّت جوف صدري رمادي
واااااااا شيب عيني غربتي صارت فراق = راحت سنين العمر تنقل شدادي
حايل وأهل حايل بقلبي بالأعماق = لو طال مشواري وطال البعادي


سطام الشمري

الاخ والشاعر المميز ...سطام الشمري
صح السانك وبدنك وكلك قصيدة بلا شك تروي المتذوق للشعر
اجدت العزف بطريقة رائعه بناء وتدرج وسلاسه وقافيه وحضور ابهرني
ارتويت شعر بصدق هنا اسجل اعجابي ومتابعتي وفي انتظارك دائماً فمثلك
يستحق المتابعه تقبل مروري المتواضع وتمنياتي لك بدوام التوفيق
دمت بخير

[فهم العتيبي]

واااااااا شيب عيني غربتي صارت فراق
راحت سنيـن العمـر تنقـل شـدادي
حايل وأهـل حايـل بقلبـي بالأعمـاق
لـو طـال مشـواري وطـال البعـادي


صح لسانك اخوي سطام الشمر
ابيات جزله شدتني كثيرا
تحياتي لك

[السيــ عمهوج ـف]

صح لسانك وسلم طرحك

كفيت ووفيت كفو

قصيدة جزله من رأس جزل

دمت ودام تواجدك