يــــابوي !!

[جولييت]

http://3.bp.blogspot.com/-S1mYvlX6HxY/UdSpZAkzY8I/AAAAAAAADWs/JXSBf__AAs4/s320/4.jpg

يابوي وينك ترى خاطري ضاق
تعبت انادي والوصل صار معدوم
هجرك ترى يابوي ماعاد ينطاق
وماعاد قلبي يحتمل كثرة اللوم
اشكي من هموم وعذابات الفراق
اجامل الجلاس والقلب مضيوم
يابوي ماودي انا بكشف الاوراق
والبوح باللي داخل الجوف مكتوم
لكن عذابي فاح مع عطر الاشواق
وماظن سري بيغبى بعد هاليوم
الهم بعيوني مثل شمس الاشراق
اوضح من نجوم السما بحزة النوم
والناس يابوي ترى اشكال وارناق
احدن وانابضيقتي يفزعلي ويقوم
واحدن كفاك الله بلا دين واخلاق
يجرحني وياتي على الجرح ويحوم
يابوي محلى الجو ساعات لاراق
بيض السحايب صافيه مابها غيوم
حسبي على اللي للفرح دوم سراق
واللي يتمنى ان الجفا بيننا يدوم
ياواحدن ياوجهة القلب لاضاق
ياواضع الاقدار قاسم ومقسوم
راجيك ربي تنظر بعين الاشفاق
للي نصيبه وقسمته دوم مظلوم
يابوي دمعي حرق خدودي احراق
طفه قبل يزداد يومن بعد يوم
والحق على صاحبن لك دوم مشتاق
اضناه طول البعد واشقته لهموم
يابوي غير المر والويل ماذاق
وماغير ساهر ينتظر منك لعلوم
يابوي قلبه معانق الضيم اعناق
صابر وضيمه في حناياه مضموم
هذا القدر يابوي والدنيا ارزاق
وقدري اعيش بدنيتي منك محروم

[أوهــام]

هذا القدر يابوي والدنيا ارزاق
وقدري اعيش بدنيتي منك محروم


سلم احساسك ونقلك الرائع ،،
ودي لك ،،

[محمد الروقي]

نقل مميز وهادف وموجه لمن يستحقه

يسلم ذوقك وصح كلك عن كل شر
تقديري جوليت وعسى ماباس في الغياب ان شا الله

[النجلاء]

يعطيك العافيه جولي
قصيده مؤمه لما فيها من عتب للاب
ولكن المعاناه تجبر المشاعر بالبوح
تقديري لك
النجلاء

[سحاب]

راااااق لي انتقائك
دمتي بخير وئعاده دائمه