اقبل يحرك خطوة الرجل برفوق

[بحر الشوق]

اقبل يحرك خطوة الرجـل برفـوق
والقاع لمصافـح خطـاه يتشـوق
مخلوق لكنه ماهو بـأي مخلـوق
علـى بنـات آدم وحـوى تفـوق
عليه لبس ٍ يجمع الوسع والضوق
موسع ٍ بعضه .. وبعضه مضـوق
مر .. وتعدا مابدا منـه منطـوق
الا انه بجيـش المفاتـن مطـوق
خلاني امشي واقضب الدرب واتوق
ماني بتايـق عقـل لكـن متـوق
تقول مرمي ٍ على الارض من فوق
والا من السم ﴿السقطري﴾ مذوق
يغفى علي شوي وشـوي ٍ افـوق
واقول لاستيقضـت والبـال روق
مدام لا معوق ولا صايبـه عـوق
وراه يمشي مثل مشـي المعـوق
اللي على حاله خطر من هل السوق
مفروض يمنع ما يـروح يتسـوق
الشاعر :لافي حمود الغيداني

[النجلاء]

الله الله
صح لسان الشاعر الغيداني
وتسلم يمينك وذوقك ع نقلها لنا
تقديري لك
النجلاء

[سحاب]

انتقاء جميل جداَ وذائقه راقيه
دمت بخير وسعاده دائمه

[عبدالرحمن الميموني]

الله الله غني عن التعريف هالجزل

لا هنت ع النقل وصح لسان شاعرنا القدير

محبتي