~~~ أهدِ أبياتك لمن تحب !! ~~~

[خيال مطير]

قال ما تلقى سواتي قلت يا وجه الله
والجروح اللي لها عامين من راعيها

[الجووهره]

‏الحب نزعه عاطفه شوق وعناق
‏تحس به مثل الدفا فـي يدينك !
‏.
‏اجمل تفاصيل الهوى اثنين عشاق
‏واحد يغيب وواحد يقول : وينك !

وينك !؟

[هزاع محمدالعاصمي]

كل المشاعر يمك جيوش تنقاد = ولّها وفيها من الوله حس شاعر
كلي على بعضي ترى حساس وقاد=ماغيرك بهل يوم يسوى المشاعر

ظني كذى ههه (ر)

[عبدالله الصقري]

بـ اهديك من صآفي ضميري حروفه
و اعرِّفَك ما بي على قدّ عِرفي

لي قلب مدري ويش بآقي يلوفه
و آخآيل الأحزآن في حدّ طَرفي

[الجووهره]

جعل القلوب اللي لها القلب يشتاق
تصبح وتمسي .. بالهناء والسعاده .

وجعل النفوس اللي تحلّت بالأخلاق
تصبح وتمسي ماتشوف النكاده ،

[عبدالله الصقري]

يا هزاع صح لسانك لكن الصفحه غير
ههههههههههههههههه

[عبدالله الصقري]

تدري متى يا سآمعي في الحب تفقد سآحتك
لا قآل من حَبَّـك تراها عـآدي و خـذ رآحتـك
أو صـآر يـتفـآجــأ إذا شافك هَني في وآحتـك
تسقي ورود الفـؤآد
بـــ هَـمَّـك الـجــآري

[رحيل]

خليتك بصدري بعد خاطري طاب
ماهوب حب الحب راحت سنينه

تقدير للعشرة ولو ملحها ذاب
قد كان لك عندي مشاعر دفينه

بينك وبين القلب قفلت الأبواب
قلبـي يسار الصدر وانتي يمينه

[عبدالله الصقري]

تدميني بـ غبَّآت قلبي جروفه
غريق ادوِّر نوري بـ غبّ مطفي

و اذا رقيت لـ حلمي و قلت اشوفه
ما آشوف غير البيد للـ قيض تشفي

[الشامخه]

قمت اغني لك وانا اغني عليك
الاماكن كلها مشتاقه لك

[هزاع محمدالعاصمي]

يا هزاع صح لسانك لكن الصفحه غير
ههههههههههههههههه

يالصقر صح بدنك
جاتكم والله اعلم وعلى العموم كلي اسف
دام الجميع بخير وصحت الالسن والابدان

[عبدالله الصقري]

هلا بالغايب اللي في حضوره
شعور وشعر تصغي له القلوب

[عبدالله الصقري]

هلا بالغايب اللي في حضوره
شعور وشعر تصغي له القلوب

[الجووهره]

‏هات لي من جفنك المرخي نعاس
‏و اعتبرني حلم واسمح لي اجيك
‏-
‏كان يا ما كان به اشباه ناس
‏كان بين الناس شخصٍ .. يحتريك

[الشامخه]

في كل حاجه العوض ولا القطيعه
الا انت الله لا يعوض بدالگ

[عبدالله الصقري]

قلب ٍ تنآدم للمعآني رفوفه
جدآه طول الصبر و آظن يكفي

[هزاع محمدالعاصمي]

يازين وش روعة زماني بلياك =انت الحياة وخافقي في كفوفك
وأنت الغرام وروعة الحب وياك= في ليلي الثاير اسامر طيوفك

[الجووهره]

يمر النوم عيني في غيابك كنّه العسّاس ..
وأحاول أستبيح الغيب : هو ماصابني صابك !؟

وأنا لوني جهلتك ما جهلت بداخلي إحساس
معي من وين ما سجيت عن هالناس غنّا بك .. !

[هزاع محمدالعاصمي]

ذكرتك ليلة البارح وهاج بداخلي الإحساس=قعدت اقول وسولف على نفسي عن غيابك
حرام انك تجاهلني وتترك صاحبك منحاس = مابين البعد والونه تخلي اقرب احبابك

يجوز كذى ؟ هههههه

[نور]

لاتطالع في البعاد ولاتفكّر
‏ولا تفكّر بالبعاد ولا تجيه ..

‏ولاتغرك قسوة الدنيا ، وتذكّر
‏من مضى خله ولا تنادي عليه

[عبدالله الصقري]

آه من وقت ٍ به الوصل اختلف
و امس وآرف غصنه و ظلَّه ظليل

إبتعد نور العيون و ما لطف
و البلا ما له على ظنَّه دليل

الغرآم اللي من اعمآقي هتف
جآوبه يا معذّبي دآوي العليل

[عبدالله الصقري]

أقول عنّك سألني كل ما اشوفه
يا من غدى كل شي تشاهده عيني

[خيال مطير]

تضيق بي الدنيا بكبرها من معابيس الوجيه
وهذاك لامنه تبسم شفت للدنيا طرف
مني والي احببته, وهو حبني منه واليه
من غير لانا اعترف ومن غير لاهو يعترف
ليه آتحاكا و كل بوي يعرف غاية كل بيه
ليا فرح افرح ودمعه لاذرف دمعي ذرف

[ملكة الرواسي]

بين الرجا و الياس و الحلم و الموت
و بين الفرح و الحزن و الشمس والفي

أشتاق لك شـــــــوق ٍ عظيم و مكبــوت
شوق الضرير اللي تعانق مع الضــــي

[الشامخه]

تخطي واعذرك .. واتحمل خطاياك
هويت غلطاتك .. كثر ما هويتك

[عبدالله الصقري]

أنا ماني بـ محتــاجــك خيـال
أشـوفه بس ما تمْسـكه يـدِّي

أبي من قبلمــا أنطق : تعـال
تجي وتقـول يالملتـاع هـدِّي

أحبّك واعرف انّك لي محـال
وانّك ناويٍ هجري و صـدِّي

و لكنّ الهـوى يا ابن الحلال
يبيِّـح دمعتي من فـوق خدِّي

[الجووهره]

حلاوة الشوق مثل الشعر ما أمله
وانت غلآك مثل شعر الغزل رآقي
ان غبت يومين أو غبت العمر كله
يبقى الولا للمحبه دآخل أعمآقي

[خيال مطير]

ما يفيد الوجه لو فيه الجمال
إذا جمال الروح معدوم الأثر
وما يفيد القول من دون الفعال
ولا يكون الفعل إلاّ لو ظهر
ولا يفيد العقل لو ما به عقال
يعقله من قبل يوقع في الظرر
ولا تفيد الشمس لو ما جآ الهلال
ولا يطيب الليل إّلا بالقمر

[هزاع محمدالعاصمي]

أهديها للجميع

أنا همي علي كايد توارد مثل لطم السيل=مكن بقصى الحشاء معادلي قدرة ولاحيلة
نهاري بالشقاء شارد عشقت الحزن والتحليل=وليلي في رجاء برقٍ توارى في مخايله
أنا برقب فرج ربي عليه لعدل والتسهيل=ماغيره التجلي صوبة ولاحدٍ غيره اشكيله

[الجووهره]

صح لسانك هزآع
والله يبعد عنك الهم والحزن
وعن الجميييييع


كلامك اجمل من سكوتك اذا طال
اسمعك باحساسي ويضحك خفوقي

شفت المطر ، لابلل وجيه الاطفال
يشبهك ،، لابلل كلامك عروقي ..!

[هزاع محمدالعاصمي]

الله يسلمك الجوهرة من كل شر اللهم امين

انتي القمر لاغيب النجم نوره = بدرٍ بنصف الشهر للقلب سراق
من مثلك أسعى له وقدرحضوره=يادانةٍ بغلى الثمن سعرها فاق

[خيال مطير]

انتي بكف وباقي الخلق في كف
متعليه في وسط قلبي ولك شان
في غير وصلك مالقلبي ترى شف
محتاج لك يانور عيني وشفقان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزين عنوان
اريد انا قربك ترى ياغذا الحرف
وان ماحصل موتي ودنياي سيان

[هزاع محمدالعاصمي]

خيال انت عادك أقشر ههههههه طلال الرشيد مره وحدة
الله يرحمة رحمة واسعه شاعر لا يشق له غبار

جيت بهجير الليل يافرحتي بك=مثل القمر ضاوي على ليل الاحباب
ارفق بحالي كيف انا اليوم جيتك=ورحم خفوقي لايجي دونه الباب

[الجووهره]

‏ليت الاماني تنشرى باغلى .الاثمان
‏وفوق الثمن ندفع ضريبه .مضافه

‏وليت الظروف تطاوع احلام الانسان
‏وصدق الغلا يكسر حدود..المسافه

‏ماكان شفت قلوب تملاها .الاحزان
‏ولا كان ضاع العمر هم..وحسافه!!
‏

[الجووهره]

الصقري
ترا كنت مضيعه
ولحقت ع الموضوع
احسب اني بالمنتجع
هههههه
اقول عسا ما احد شاف
وحذفت وغيرت البيت
هههههههه

[عبدالله الصقري]

صح بدنك يالجوهره و سلمك ربي

لكن جدي في المنتجع ماهو هنا

شكل البرد نشَّف مخك
او حنيتي للكلبشات
ههههههههههههههههه

[عبدالله الصقري]

.

[الجووهره]

ههههههههههههه
أجل ما يمديني كشفتني
هههههههههههه

[عبدالله الصقري]

العيون اللي مددها ما وقف
أغرقتني كلما امسحها تسيل

[عبدالله الصقري]

هههههههههههههههههههههه
الله يسعدك

[هزاع محمدالعاصمي]

انتوا هنا ولاقلتوا لي يالله بالتوفيق هههه

مالوم قلبٍ هام في حب خله = مالوم عينٍ تبكي فراق خلان
لفراق مثل الجرح للقلب عله = الوصل طبة يشبه الغيم ودان
ياحلوها لاصرت له مثل ظله = الأحباب تسعد لالتقت مثل الاغصان
جمعا تسرك مثل غيمة مطله=في رشها لأهل الهوى زود سلوان

[هزاع محمدالعاصمي]

أقرب وقرب ياعسى الوصل ينعاد=ياغاية الداعي وصوت المنادي
أنا صبرت سنين راضي ومنقاد = لابحت مكنوني ولا الصبر فادي

[عبدالله الصقري]

ما باهدي ابياتي أبـ اهديك عمري

و ان ما كفاك اهديتك بجنبه ابيات

[ملكة الرواسي]

لا تمر بخاطري مثل الغريب
وانت صاحب دار وعيونك وطن ..

[الجووهره]

دايم على باب الوله شي يطريك​
كل مانسيتك .. طق بابي وذكرتك

[هزاع محمدالعاصمي]

علامةُ حُبِكُم قلبٌ لهيفُ = وعينٌ قد يُعَلِلُها البكاءُ
وجسمٌ من تباعدكُم نحيلُ=عليهِ من السقمِ لكم رِداءُ
ونطقٌ عن سواكم ذُو إنعقادٍ=وفِيكم كل حاصِلهِ الثناءُ

[الجووهره]

‏أهدي له ورد مــن النبض ماجف
‏عطر الغلا منثور باقـــصى الحنايا
‏.
‏يطول عمر القلب والشوق ماخف
‏بعض الأوادم فــي حياتي هــدايا

[هزاع محمدالعاصمي]

تعال ذوب في الهوى كل ساهر=العين عطشى منك ياصاحبي حيل
السحر خافي في عيونك وظاهر = لاجيت زان الحب وتعطر الليل

[الجووهره]

ستين دقه بحسبت عقرب الساعه
................ تعني دقيقه بعلم الوقت وحسابه

لكنها عام عند أشخاص ملتاعه
................ المغترب والسجين وفاقد أحبابه

[هزاع محمدالعاصمي]

يطري علي في حزت الشوق طاري=وعيش ذكرى حبنا كلي هيام
وتسريبي الأشواق وجيك ساري= أنا بقربك داخلي كله الهام

[الجووهره]

واحتري حكيك مثل لهفة مطر
في سماء هالكون كلٍ يحتريه

[هزاع محمدالعاصمي]

لو عنك دمع العين يمكن يسلي=لانوخ عيوني على جال فرقاك
أنا على خبرك تر ذا محلي = أنا وطيفك ما بقى بنتحراك

[عبدالله الصقري]

أشوف الغير يتهنى بوصلك
وانا الولهان لمعانق عيونك

[الجووهره]

‏لا جابوا اخباره و طروا سيرته ..
‏لجت معاليق الضماير : مرحبا
‏
‏و جاني حنين المغترب عن ديرته ...
‏و الشايب اللي حن لـ أيام الصبا

[الجووهره]

تدفق شعوري كل ماجيت لي مشتاق
يشابه لزخات المطر كل ماطاحت

تعال استحل القلب واستوطن الاعماق
نسيم الغلا هب وبروق الوفا لاحت

[ملكة الرواسي]

اشتَقت لك .. واشتَاق لك وييين مَآرُوح

, ويزِيد شُوقِي كلّ ماطوّل الوَقت

ترَى الجسَد لَو غاب ماغَابت الروح

لِيتك تجِي وتشُوف وش لُون أنَا اشتَقتْ

[الشامخه]

ياصاحبي كل ما مريت في بالي
دعيت ربي عساه يمد في عمرك
.
غالي وتبقى على مر الزمن غالي
لو قل معك التواصل مانزل قدرك

[محمد الغنامي]

الله الله

[الجووهره]

تهديني الـوردات ؟!! أبهديـك باقـات
والورد لو مـا ينهـدا لـك ..حسافـه

لنّ الحقيقه .. أنت بالـذات .. بالـذات
بينك وبيـن النـاس يوجـد مسافـه

أنتـ هنـاك ومنزلـك بالسمـاوات
فـوق النجـوم ولـك مقـام النيافـه

[الشامخه]

ياضيق صدري الوسيع وياكبر حزنه
‏على فراق العزيز الهادي الطيّب
‏-
‏هذاك اللي فجعنا طاري غيابه
‏ليش الزمان الشحيح يودّع الطيّب ؟

[عبدالله الصقري]

ابابعد عن حديث الروح
و اداري حبك بروحي

[الشامخه]

عسى شوفتك تجيبها مقابيل الأيام
‏تجي صدفةٍ ماجا على البال طاريها

[خيال مطير]

عساني مانحرم شوفك وعسى عيني ماتبكيك
وعسى تفداك عيني لاأنك انت ياعمري نضرها
اهيم بغرامك واموت بحنانك واحبك يالغلاواغليك
و اعيش المحبه في حبك من أدنها لأ اقصاها
اناتحديت البشرلجلك وقلت ياروحي اموت فيك
وانت قلت احبهاحيل واعشقهاواموت في هواها
غياهيب المكلا

[الجووهره]

مثل " الامل " لاعاش في داخل , إنسان !
قدرك يعيش بصمت / .. داخل كياني ,
أشتقت لك حتى بكى الشوق وأشتاق
وحنيـت لك حتى الحنين / أشتكاني

[الشامخه]

تغيب ..
‏و أنت كل الناس فعيوني ..
‏أجيب منين كل الناس من بعدك ؟

[خيال مطير]

تغيب الشمس
بعيونك
ومن دونك
انا عمري ظلام وليل
تجيني طيف
وترحل طيف
وتتركني بهم وويل
تجيني نجم تظوي ايام
وتطفي ايام
وتنسى ان القمر بابك
عيونك تجمع احبابك
واظل انا انتظر
وعدك من اول امس
وتنساني وتغيب الشمس
بعيونك ينام الصبح
ولعيونك اصحي الليل
وبعيوني ذريت الملح
ولعيونك احبك حيل
بعيونك توديني
طريق الشمس
على غيمه
وبعيونك تواسيني
باصابع خمس
بها نغمه
تجي نجمه
ورى نجمه
وماتكفى النجوم عقود
بلا علمي ولا علمه
قطفت من القمر عنقود
على جيدك وفإيدك
رسمت عقود
وعلى جيدي وفإيدي
بقايا كحل
من عيون سود

https://www.alsh3r.com/assets/imgs/200x225/poets/83-66f72f20-5e8b-40dd-93cc-0c9cdb799799.png

مليحه الفودري

[الشامخه]

النصف .. ماعمره يكفّيني ب شـي
‏الا انت يكفي منك نصف ابتسامه:)

[الجووهره]

يكفيني أنك وافي - وقلبك بخير ..
........ حتى ولو مالي - نصيب أنتواجه .. !

مادمت في عيوني - عن احساسهم غير ..
............ مالي مع باقي - المخاليق حآجُه

[عبدالله الصقري]

ويش اقول و موج هذا اليوم جآرف
ويش اخلَي يوم كل ٍ يقول

وين الآقي في مدى صحرآي وآرف
وش أورّث غير احاسيس و جنون

[عبدالله الصقري]

ليتني في ظل عرش الحب وآقف
وسط قلبك لا عذآب و لا ظنون

[الجووهره]

يمر الوله واسايره .... لـ أخر : المشوار ،
‏ولا أحاتي اليا طال وياه ترحالي !
‏
‏على البال لك سجه ولك سيره وتذكار ،
‏أضيّعك بالواقع والاقيّك في بالي

[خيال مطير]

يطري عليه الوله وأطري على باله
يامرحبا لاضوى خلي على بابي
هجيت حدب الضلوع ونوخ جماله
لاجله بكت دمعتي ولأجله ضحك نابي
وكل ما ضحك لي لمحت النور في آماله
والى تجهم سترت السقم بثيابي
وكل ما شكى من عنى همه وغرباله
أقول لعل به جرح من أسبابي

[الشامخه]

نخفي الوله وقلوبنا كلها شوق
‏وعيوننا تِفضح غراماً خفيناه

[الشامخه]

‏عليك إستبدال حُزنك بإبتسامه عليك تقبُل هذه الحياة رُغم بؤسها وتجاهُل مايُغضبك وما يُؤلمك عليك التناسي لتمضي أيامك بشكلٌ جيد.

[عبدالله الصقري]

الله الله يالشامخه
من اروع ما كتبتي
الحمدلله فيه تقدَم
هههههههههه
يسعدك ربي و يرضى عنك ولا يوريك مكروه ابد

[الشامخه]

هههههههههههه الحمدلله..
شكلي مرا باثرتك ..(يعني مزعجتك):

[خيال مطير]

يالشامخه / يالفارقه / يالرزينه
يم الادب والذوق كلن تمناك
.
الله لايجعل حياتك حزينه
والله يجعل من يعاديك يفداك

[الشامخه]

...........

[الجووهره]

‏أهدي له ورد مــن النبض ماجف
‏عطر الغلا منثور باقـــصى الحنايا
‏.
‏يطول عمر القلب والشوق ماخف
‏بعض الأوادم فــي حياتي هــدايا

[الشامخه]

رح وإترك بقلبي لك أربع معازيب
‏معزتك .. طاريك .. حبك .. غلاتك

‏وإن شفتني أجمع شتاتي ماهو بعيب
‏باكر مع الايام .. تجمع شتاتك

‏وإن شفتني شايل جروحٍ معاطيب ؟
‏باكر يصير الجرح أكبر صفاتك
أكبر مصيبه في زمن العذاريب
إني أحبك وانت حُبك لذاتك.

[الجووهره]

‏الغصن .. عرقه خضّر ياقاطع الساقي
‏لايموت من سبتك. وتموت بـاسبابه

‏لا اتصدق اللي يقول الحي متلاقي
كم شخص حي ونحبه وما التقينا به

[الشامخه]

عساك ي وليدي تصير رجال
‏وتلفي علي ناوي النيّه
‏تقول يايمه تراني حاج
‏تجهزي كان لك نيّه

[الشامخه]

واهنيك ترقد الليل و عيونك تنام
‏ولا أنا يا بري حالي ويا كِثر تعبي .
‏

[الجووهره]

عساك ي وليدي تصير رجال
‏وتلفي علي ناوي النيّه
‏تقول يايمه تراني حاج
‏تجهزي كان لك نيّه
آمين يآرب
الله يحفظه ويخليه لك
ويرزقك بره

[الجووهره]

‏بعض البشر تغليه لو ما تشوفه
‏ يجذبك له شيٍ غريبٍ بالأحساس
‏
‏تسمع ( كلامه ) ثم تقرا حروفه
‏تبحر معه تنسى مشاكلك والناس

[عبدالله الصقري]

بعض البشر مهما يزيِّن حروفه
ما تجذبك مهما خذت لمعة الماس

هذا لأن احسآسه اللي يلوفه
مجرد احساس ٍ و رآعيه بلَّآس

و انا فؤآد ٍ ذآب من حر جوفه
يستآقه الهم و به الفين هوجآس

[الجووهره]

صح لسآنك الصقري ع المجآرآة




المحبه ماهي صفحة تنطوي مثل الزمان
المحبه شوق و احساس و معاني ساميه

تكبر بحضن الاماني و تطلب النفس الامان
و ما تعاند غير عشاق الخطايا الفانيه

صاحبي شفت المحبه ؟ خل لها فقلبكـ مكان
خلها تسعد و تنعم .. تروي عين ٍ ظاميه

[الشامخه]

غابت به الدنيا وخلت طيوفه
‏عزي لمن مثلي زمانه يعاديه

[الجووهره]

‏قل المواصيل ما تلغي رسول الغرام
‏و قلوب الاحباب رغم البعد متوالفة
‏-
‏البـارحة مـرني طـيفك بـ نص الكلام
‏واشتقت لك لين قالوا كمل السالفة .

[هزاع محمدالعاصمي]

نهديها للربع هنا ههههههه

بيني وبينك فارق السن موجود=وهذى ألذي مالي علية ستطاعة
ياليت عمري مثل عمرك بلى زود = السن واحد وصلنا من جماعة
لوني اشري فارق العمر بنقود=من شخص مافادة شبابة وباعة
وليا طمعتي في هوى الشايب العود=ياطالما صار الهوى كل بضاعة

وبس ههههههه

[الجووهره]

مين الربع ؟

لقااااافه هههههه

صح لسآنك شآعرناا

[عبدالله الصقري]

صح لسانك ملاييين ياهزاع
كلاام كلييم و ومعنى اليم
هههههههه

اكيد ما يرجع لك العمر و يعود
بس الاكيد الحب حرب و شجاعه

مادام قلبك نفحة المسك والعود
بـ يظل اخضر .. و لـ وقآرك شفآعه

وابيآتك اللي دآعبت ريشة العود
جابت لحن يسجيك حين استمآعه

و احسآسنا مهما وصف ليَن العود
قصير عن سآمي غلاه ارتفآعه

و بس هههههههه

[هزاع محمدالعاصمي]

هههههههه......
اعني من اللي كبر سنه وشايب = ومسويٍ زحمة بليا فوايد
يشكي من الايام فالحب ذايب=وصار الهوى بالشعر سلم وعوايد

هذى قصدي الجوهرة
وبس حلوه ظني بس هههههه
ولقافة على قولتك

[عبدالله الصقري]

ههههههه
والله حلوه مرررره
و النفوس نظاف من يومها فلا تستحي
ههههههههههههه

[هزاع محمدالعاصمي]

طيِّب أَثَرَك

ستذكُرك الأماكنُ ذاتَ يومٍ
إذا يمضِي بذكراكَ الزمانُ .

ويبقى طيّبُ الآثارِ عِطْراً
فخطّط كيفَ يذكُرك المكانُ .

[خيال مطير]

بان الجفا والحب بان إندثارة ...مانالني عقب الوصل غير هجران
ياعونت الله تحسبنها شطارة...عقب المودة صرت جاحد وخوان
ماعادبي والشوق قفى نهارة..ساحت معاني الشوق في قلب تعبان
حتى الشعر مابية جعلة ودارة ...معادلي في نظم الاشعار سلوان
أما يجيك الشعر ينطق وقارة ....ولابلاش الشعر من غير وجدان
حتى الغرام إللي تعنت قرارة ...مابية لو ليلي على الكوع سهران

[الجووهره]

هههههههه......
اعني من اللي كبر سنه وشايب = ومسويٍ زحمة بليا فوايد
يشكي من الايام فالحب ذايب=وصار الهوى بالشعر سلم وعوايد

هذى قصدي الجوهرة
وبس حلوه ظني بس هههههه
ولقافة على قولتك

ههههه
صح لسآنك شاعرنا
وانا اقصد لقآفه مني أنا
لما سألت هههههه

[عبدالله الصقري]

أشوف الغير يتهنى بـ وصلك
وانا الولهآن لمعآنق عيونك

[خيال مطير]

لاصار وصلك من ذهب ومحبتك تنسام تسوم
رح أعشق ألي تبي تعشقه وأهمل ألي تهمله
لاشفتني ميت ضما وأشحذ من يدينك غيوم
في وقتها كل الكلام ألي تبي تقوله قله

[هزاع محمدالعاصمي]

صباح الخير وشلونكم

وين الرفيق اللي يدور رفيقه = يتعب علشانة ويبغاه يرتاح
هذاك والله نتبعه في طريقة = قلبي معه ياربعنا وين ماراح
مثل الذهب في زود يعجب بريقة=عزالله إنه مكسبي نعم الرباح
هذى كلامي فيه جل الحقيقه =مثل البروق الساطعه وين ملاح

ابيات على عجل للتواصل
بالتوفيق

[الجووهره]

صح لسآنك شآعرنااا



الصمت أجمل أحاسيس الغلا ذوق
و أحلى كلام الحب شعروخواطر
وأن مارتوينا من غمام المطر شوق
ﻻبد من وقت يجي به الشوق ماطر..

[الشامخه]

https://youtu.be/KBCR6DHVFTw

[الشامخه]

وإن بانت حدود الحزن في ملامحك
‏سرقت لك من وجه الأيام ضحكه

[الشامخه]

خذو معااكم . . طواريكم و خلوني
‏يا أحبابي الي جهلتو كلمة أحبابي .

[رحيل]

كن محجرها ليا رف بالرمش الظليل
فزعة العتبّان ساعة تسل سيوفها
:clap3:

[عبدالله الصقري]

في طريق الحب سرت بلا متآع
رآس مآلي قلب و احسآسي دليل

في صحآري الفقد شوف الروح ضآع
إنعمى كلي ،،، و ضيَّعت السبيل

[الشامخه]

‏و الصحّه احياناً على هيّـئة بِشر
‏لا شفت من تغليه شفت العافيه

[الشامخه]

ماهزّ ضلع الوجع إلا قصيدة شوق
‏جابت طواري غلاك وبيّحت سدي

[الجووهره]

على ضفاف الصمت لاتقتل البوح
خلّـه يسولـف عـن غـلاك بصراحـة

صوتك نغم ينساب دافيء ومبحوح
يسـعـد مـسـاه ويسـعـد الله صـبـاحـه

[هزاع محمدالعاصمي]

والله ماعندي من الشعر بهديه=بس المشاعر تنكتبلك قصيدة
أخذية مع قلبٍ نزفلك وريده =بحلى المعاني صاغها لك جديدة

[الجووهره]

‏عــرش آلـغلآ مآيدخله كل مخلوق

‏يآبلسم آلجرح ،،، آلموآلي وطبه

‏لولآ آلحنين ولهفة آلوجد و آلشوق

‏مآعآش حب ، ولآ آستمرت محبه !

[الجووهره]

عام جديد وحبه اكثر من العام
وعام مضى واستقبل العام حبه

ماهو بيوم بس في كل الايام
حبه بقلبي كل يوم احتفل به

[الشامخه]

والله انك فارق بالقلب جدا
‏حاجةٍ مالي بها قدره ومنّه
‏.ㅤ
‏لو أصد من الطواري وأتعدا
‏فيك شيٍ مايصَد القلب عنه

[الجووهره]

عسى الفرح دايم يغرد بدنياك ......
.. وجعل الحزن يمك يضيع طريقه

[الجووهره]

لا تفسر كــل [ صمتي ] لك جفـآ
..بعض الغلا ما يشرحه غير [ السكوت ]

[رحيل]

لا واهنيك ياقمر مرتفع فوق
وتشوف من ودي عيوني تشوفه

قله ترى عذبني البعد والشوق
ليته يحس وليت عنده مروفه

[الجووهره]

: لبيه لو تطلب من انفاسي انفاس
بالورد اغلف غالي العمر واهديگ

فدوه لعينك يابعد كل هـالنـاس
يابعد هالعالم وش تبي مني أعطيك

[الجووهره]

‏واعذر سكوتي .. ليا من زاد عن حده
‏بعض المشاعر كثير الصمت يشرحها

[الجووهره]

‏ما مرَّ ذِكرُكَ إلا وابتسمتُ

‏كأنكَ العيد والباقون أيَّـامُ

[هزاع محمدالعاصمي]

عشتِ على مر الزمن وسط قلبي=بين الحنايا منزلك سيد الاحباب
قلبي وعرفة لك حياتي يلبي = زود الوله جدد جروحة ولا تاب

[ملكة الرواسي]

أنا ماحب الي عليه الناس ملتمه
أحب النادر الي ماحدن حوله ..!

[عابـر]

‏الصبـح واصوات البلابل والازهار
‏ فيهم من حضورك على قلب مشتاق

‏ والليـل واسوار الزنازن والاخطار
‏ فيهم من غيابك اذا خاطري ضـآق
‏ عابـر

[رحيل]

ياحديث الشوق للقلب الھواوي
بلغ اللي بَ الحنايا شب ضوه

الغلا لا صار ما هو. بَ التساوي
كيف نقدر نفھمه ونعيش جوه

[عبدالله الصقري]

و لو يسمح بـ مزَّة ريق فمه
لـ ينسى ما زرعه و ما جنآه

نعم واسقيه صآفي كل جمَّه
فلا يذبل و لا يشكي ظمآه

[خيال مطير]

ياصاحبي مــاصارمن يمي قصور..=جيتك غلا..للــود مهـدي وشاري..
ومشيت لك بخطاي راضي ومسرور..=لآخر حدود الصبر..رغم إنكساري..
لنفسي عليه حق..واشبعتك غرور..=لاني أحبك وانت بالحب داري..
إن رحت مقفي قلت مانته بمعذور..=وان جيت مقبل صرت لك نهرجاري..

[عبدالله الصقري]

جيتك وانا حالتي حاله
مظلوم مهموم متعني

الطِّيِب ملّيت من فآله
بكَّآني و ذآك متهني

[الشامخه]

لـ تركـي(ولدي).:
طفلن صغير ماخذ القلب كله
‏لا يابعد كل المخاليق عندي.

[خيال مطير]

الله يخليه لكِ ^

ياضلوعي هجدي قلب يصيـح = لايبيح بي مـع العالـم خفـاه
الهوا سلمه صريح مع صريـح = ماهو إحساس نسي قلبـه وراه

[عبدالله الصقري]

آه وين ايام ضمَّتنا سوا
كل شيّ ٍ في نوآظرنا حِلي

لا ظمى قلب ٍ من الثاني روى
ما يفرِّقنا سوى أمر الولي

و افترقنا بس قلبي ما قوى
يومه اللي مات واحد من هلي

[الشامخه]

خيال تسلم ويحفظ لك ربي غاليك،،
صح لسانك خيال وصح لسانك عبدالله أبدعتم:)
يقول مدغم أبو شيبه :

‏وأحبه وأعرف أن سلطة الحب جبارّهه
‏تجيه العرب صاحين وتروح منهبلهه .

[الجووهره]

هلا بك شمووخه
منووره ياحلووه
والله يحفظه ويخليه لك ويرزقك بره

‏كلامك اجمل من سكوتك اذا طال
‏اسمعك باحساسي ويضحك خفوقي

‏شفت المطر ، لابلل وجيه الاطفال
‏يشبهك ، ، لابلل كلامك . . عروقي

[هزاع محمدالعاصمي]

الله يصلحة ويوفقه ويخلية لك ......

اقرب وقرب ياعسى الوصل ينعاد=ياغاية الداعي وصوت المنادي
أنا صبرت سنين راضي ومنقاد = لابحت مكنونِ ولا الصبر فادي

[الشامخه]

ي عمري ي جوج هلافيك انتي،،
والله انتي نور المنتدى كله،،
اميييين يارب ويحفظلك غاليك،،
امييين يااارب ويحفظلك غاليك هزاع،،
ابدعتم والله الله يديمكم ويديم ابداعكم،،

[الشامخه]

ليتك تمر العين و تفارق البال
‏حسدت بالي من كثر مـاتمرهه

[رحيل]

عادك من اللي يفرحني بجياته
والله المرحبا بك كل وقت وحين

[عبدالله الصقري]

أحبك و ادري اني لك محال
و انّك ناويه هجري و صدّي
و لكنّ الهوى المر الزلآل
يبيّح دمعتي من فوق خدّي

[الجووهره]

تغيب الصوره بس عمر المشاعر ما تغيب
كم عزيز ما نشوفه وهو من الخاطر قريب

[رحيل]

هبت النود العليله وطاب الكيـف طاب
يـوم جابتك المقادير والحظ العفر

مرحبا ترحيبة البدو ببـروق السحاب
لابرقت واستبشرو بالبرد قبل المطر

[الشامخه]

ياحلم الحياة أنا بدونك بدون أحلام
‏ياوييلك من الله كيف تصبر على فراقي !
‏ٰ
‏أنا معك مثل الطفل أبو خمس ست أعوام
‏على ادناة حاجه تقدر "تزيّن أخلاقي"

[رحيل]

لا تاخذ بخاطرك يا مال الغناه
ما عاش من يزعلك . . لو انه انا .

[هزاع محمدالعاصمي]

ادور لي أوراق بالسيارة ولقيتها كانت موجهه للأخ ناصر الهواوي

الليل في حضرت الاحباب يسعدني=الله على الليل محلاها تعاليله
أهيم وسرح وصوت الطير يجذبني=لاشال بالصوت تسعدني مقابيله
وهنا حمامٍ بحس الصوت يسرقني=كل المشاعر تراقصله وتدعيله
حسيتها بعذب الألحان تقصدني=ياروعة الصوت محلاها تراتيله
قمت أتمثل وروح الشعر تنهمني=من قلب جيته تعانقني تهاليله
مادام شوقي حضر والليل مسعفني=مالوم ناصر ولو كثرت غرابيله

وسلامة قلوبكم

[الجووهره]

الله يسلمك وصح لسآنك شآعرناا



على البال دايم جعله فداك من ينساك
‏وانا خابــرٍ ان طيبــك ينسيك تقصيري

‏وقدرك بقلبي فوق غرّ السحاب هناك
‏وانا ضامن ٍ عندك مقامــي و تقديري

[حمد الخالدي]

خفق قلبي وانا اخبر الشعور وخابر القصه
واخاف الوقت موجه ما يقديني على الساحل

معي قلبٍ به اللهفات والآمال مرتصه
ومعي روحٍ من صدوف الليالي جسمها ناحل

[الجووهره]

صح لسآنك الخآلدي


‏صاحبى محــتاج لك شعر وشعور
‏ وإحتـــياجى شى ماكان إختيارى

‏من متى والغصن يخـــتـآر الطيـور
‏من متى و الـــبآل يختـآر الطـواري

‏لا تســـمى صمتـــى الـــبارح غرور
‏انكســارى خلف هالصّمت متوارى

‏فى غياب الشمس وش ذنب الزهور
‏والمطـــر لاشح وش ذنب الصحارى

[خيال مطير]

مبدعين

[الجووهره]

‏امانه كل مامرت سنين العمر.... والأيام
‏اخذني معك.. سافر بي.. لدار الشوق ووطانه

‏ابيك أقرب من رموش العيون اللي هدبها نام
‏على جفن السهر* قبل الصباح يفج بيبانه


عبدالله العضيآني

[الجووهره]

‏يمر الوله وأسايره لـِ اخر المشوار
‏ولا احاتي اليّا طال وياه ترحالي
‏ㅤ
‏على البال لك سجة ولك سيّره وتذكار
‏أضيعك بالواقع والاقيك في بالي

[رحيل]

الله من عينٍ ليا عسعس الليل
‏عافت لذيذ النوم ما تهتني به

‏يا وين أبلقى من يحب التعاليل ؟
‏يبدي بـ زين القول ولا ابتدي به

[الجووهره]

ياللي بشوفك كل مافيني يروق
ونفسٍ تحبك كل دربٍ عنت له

غلاك لاعانق سما الوجد من فوق
تعلقت روحي بسماه ورقت له


يطرى علي بكل الأوقات وأتوق
فيني غيومٍ أبرقت وأرعدت له



الله يجيب المطر
ههههههههه

[عبدالله الصقري]

إهدي ابياتك لمن حبيت
هذي ابياتي . و الاحباب وين؟!

[خيال مطير]

عزاه ياقلبن من الحب محـــــــــــروق =جفت جروحه والهنوف أنقضتــــــها

اصبح من الراحه معذب ومســـــروق = راحته بيدين الهنوف وخــــــــــذتها

متولعن باللي بها الحسن والــــذوق = اللي تواصيف المها من صفـــــتها

زين الوصايف ساقته بالهوى ســـوق =وصابت معاليق الحشاء واعطبـتها

حبه تغلغل داخل الجسم بعــــــــروق =ذيك العروق اللي لجسمي غذتها

[عبدالله الصقري]

اهديك كلي
يالغلا
اهديك روحي و مهجتي
قالوا الحلا يدفع بلا
قلت الحلا هي منوتي

[عبدالله الصقري]

انتي غلاي .. انتي منى روحي
وش ذنبي ان كان القدر ما رضى

[عبدالله الصقري]

يالعاصمي
صبحك اخذ روحي
مدري شموس او نجمه تعانق فضا

[عبدالله الصقري]

يبقى منارك شف روحي و بوحي
و ابقى الذي يرضى بشيٍ ما رضى

[عبدالله الصقري]

ان قلت اخوي اقول ياروح روحي
ان قلت ماتدري تراك اللي رضى

[عبدالله الصقري]

والله احبك و انت طب الجروحي
والله مدري ويش اقول من القضا

[هزاع محمدالعاصمي]

صباح الخير

حمامةُ الأيك من بالشجو طارحها=ومَن وراءَ الدجى بالشوق ناجاها
ألقت إلى الليل جيدا نافرا ورمت=إليه أذنا وحارت فيه عيناها
وعادها الشوق للأَحباب فانبعثت=تبكي وتهتف أحيانا بشكواها

[الجووهره]

‏غربة مشاعر والمواني حزينه
‏والليل مايغريه ضي القناديل

‏والخطوة اللي بالمشاعر دفينه
‏تكتب على صدر المسافه مواويل

‏يامركب البحار مرساك وينه
‏لاصارت الرحله عذاب وغرابيل

‏إنت وأنا مثل العذاب وسنينه
‏مثل الدموع اللي تضم المناديل

‏مثل الشعور اللي قتلني حنينه
‏لاخانت الخطوه دروب المواصيل

[عبدالله الصقري]

إنتي صميم القلب و انتي وتينه
لك دآخله تسبيح وتكبير وتهليل

[هزاع محمدالعاصمي]

مما قلت والله يمسيكم بالخير والعافية متهيض الليلة ههه

أجــاوب الـورقـا عـلـى نـايــف الـعــود=وسأل عليـك بلهفـة الشـوق ويـنـك
مثل السماء في داخلي مالك حدود= تملك تعابيري بـنـظـرات عـيـنـك
وولـــه عـلـيــك ولاطـلـبـتـك بــمــردود=اموت وحـيــا بـــس اعـانــق سنـيـنـك
وغـيـب لـكـنـك مـــع الـقـلـب مـوجــود=بين الضلـوع العـوج تسـكـن خديـنـك
لا تسمـع الـواشـي ولاهــرج مـقـرود=اللي علـى الفرقـا سعـوا مقتفيـنـك
والكلمة اللي جات من غيـر مقصـود=خلاص مـنـهــا بـالـوفــاء خـابـريـنــك
حبـل الـوصـل مــا بينـنـا دوم مـمـدود=لوحاول الاعــــذال بـيـنــي وبـيــنــك
واخــر كـلامــي كـــل مـاهـبـت الـنــود=اسأل عليـك بلهفـة الـشـوق ويـنـك

بالتوفي للجميع

[عبدالله الصقري]

لو كان قلبي يعلم الغيب يـ سعود
ما كان جرَّب من عنا الوقت شينه

و لا كان بالي بالتفاكير مجهود
و الا عن الحيلآت قصرت يدينه

ينوح من فرقا الموآليف محدود
عزآه بيَّن بالشقا وسط عينه

[الجووهره]

أجمل سوآليف المُحبين بـ الصمت
لآ صــآر كلن ينظر بعـين مغليه !

أبغيـك تفھمني وأنـآ مـآ تكلمت !!
في خآطري لك شيء ما أقدر أحكيه

[هزاع محمدالعاصمي]

ياكاتب المعنا تباريه بالصمت = دارك على قلبٍ برى حال راعيه
من كثر مافكر سرا الليل مانمت = فيه القصايد ماتعديت طاريه

[عبدالله الصقري]

يا صاحبي عن درب من عافنا شمت
الليل يسري بي و انا العام ساريه

[عبدالله الصقري]

إن همت به خسران و ان طحت ما قمت
و ان لمت لومي في المحبه مشاريه

[الجووهره]

‏ليِت الأماني كل ماجّت على البال
‏يضحك لها الحظ الجميل وتحقق

[الشامخه]

لا ذكرت الشوق .. و آيامي معاك
‏تدمع عيوني ..! و آكابر و ابتسم

[الجووهره]

‏ميل مع النود لاذعذع علينا هواه
‏اللي ليا هب ولع في ضميري جمر

‏يجتاحني طاري الفرقا بكل اتجاه
‏والهم ضيف َ مسير فـ الحنايا سمر

‏ترى الليالي بدونكك ماعليها طراه
‏لو كان فيها قمر ولا بليا قمر

‏انته شعور السعاده كلها والحياه
‏تشفي مريض الهواء وتزيد عمره عمر

[الشامخه]

كل صبحٍ جاب لي حسّك تبارك
‏كيف لو تشرق على جيتك عيني

[خيال مطير]

لو تغيب الدهر ما مــات الوداد – أنت روحي وفي عيوني موطنك

لاتظن القـــــــلب يجفاه الــبعاد -- ولا تظنني يـوم أهجر وأضعنك

للمفارق شـــــوق ماشاله بــلاد-- يا ودادي كــــــان ودي أحضنك

كل ما ناديت من كـــثرة السهاد – جاش قلبي هـــاج عاود مسكنك

[الجووهره]

تموت المعانيّ عند غيرك وتحيا فيك
‏وتبقى المعاني ميزتك وأنتَ راعيهـا ..

[رحيل]

اتعبو لـ اهدافكم ياهل الحلم الشغوف
عنفوان زهور الاعمار قافيها المراح

[مشاعر ساكنه]

سبحآن من ميَّزك عن كل جيلك
خلاك فيهم ضي شمعه و نبراس

[هزاع محمدالعاصمي]

مما قلت ....
طيرُ الهوى غنى لكِ الألحانا=وشدى فرقت حوله الأغصانا
في لحنهِ غنا لنا انشودةً = كم طائرٍ في ايكهِ أشجانا
حتى النجوم بدت لنا في حفلنا=عقدٌ تناثر يعتلي نشوانا
وتفتح الورد الندي بروضهِ=أمسى يداعبُ ليلنا الفتانا

وسلامة الجميع

[خيال مطير]

اعـرف تـرى سـر الـغـلا فـيـك صـوتـك .. ياللي بصوتك تسحـر قلـوب الاحبـاب
هـذي البلابـل فــي نغمـهـا تعـيـدك .. وكل المشاعر تاخـذ الصوتـك حسـاب
وهــذى حنـانـن عـطـره لـــي ربـيـعـك .. يوم العواذل ما درت ويش الاسبـاب
تـرى الـهـوى ينقـصـه نفـحـة عبـيـرك .. يـالـلـي بـقــدك اســـرٍ كــــل الالــبــاب
جـيـت بهجـيـر اللـيـل يافـرحـتـي بـــك .. مثل القمر ضاوي على ليل الاصحاب
ارفـق بحالـي كيـف انـا اليـوم جيتـك .. ورحـم خفوقـي لا يجـي دونـه البـاب

[هزاع محمدالعاصمي]

مساء الخير...... يقول الشاعر في حال الأمة.

حسبي من الجهلِ علمي أن آخرتي=هي المال واني لا اراعيها
وأن دُنييا دارٌ لاقرار بها = وما أزال معنا في مساعيها
كذالك النفس ما زالت معللةً =بباطنِ العيشِ حتى قام ناعيها
يا أمةً من سفحٍ لاحلومَ لها = ما انتي إلا كضانٍ غابَ راعيها
تُدعى لخيرٍ فلا تُصغي لها أذنٌ =فمن ينادي لغير الشر داعيها

[الشامخه]

ياخذكم الوقت وماياخذكم الطاري
‏يبقى لكم في الأماكن ضحكه وسيره ..

[الشامخه]

والله إنّا من درينا .. في مجيّك
‏ما بقى في البيت باب إلا مشرّع..

[ناصر الهواوي]

انا اقول يا دقات قلبي وش اللي صار
عليك الله اهدي خففي شي من ضغطه

تداعي معاني مرمسه ترهق الافكار
بها اقفت حظوظٍ تالي الوقت منحطه

بعد شعللت بين الرهاف النحاف النار
وقلبٍ بعد ما وازن الجدي به/قطه

[الشامخه]

أبيض وجه وأبيض قفا مثل ثوبك
‏أكرم نبا وأكرم عطا مثل مخباك..

[ناصر الهواوي]

وش عاد لو لي قلت انا اخطيت وآسف
ما للاسف معنى مادام انك اخطيت

قصه حقيقيه وراحت سوالف
ياليتها ما جت على البال ياليت

[الشامخه]

‏عزايّ إنك بخير و ضحكتك عذبه
‏و أنك على وسع صدري ساكنٍ صدري

[ناصر الهواوي]

روعه يالشامخه وهلا بك
ــــــــــــــــــــــــــــــــــــــــــــــــــ ــــــــــــــــــــــ
حرارة الصدر مع حر الهجير يزيد حره
اقفاية اللي من اول يبرد حرورك قباله

من راح ما احد عنه خبَّر ولا له شيف جره
انشقت الارض وبلعته ولا يعرف (مئآله).....كذا صح والا خطا ههههههههههههه

[الجووهره]

صحح
هههههههههه
وصح لسآنك شآعرنا

[ناصر الهواوي]

ما احب السهر وانعس وجفني غشاه النوم
بس الجوهره لي صححته وذهب نومي

ياحامض عنب يقوله اللي منه محروم
ما طاله وعنقود العنب بالشجر يومي

[خيال مطير]

معك السوالف غير ومقابلـك غيـر
الله عطاك مـن السوالـف حلاهـا

لك في خفوقي حبّ ثانـي وتقديـر
ومكانةٍ تصعب علـى مـن بغاهـا

[الشامخه]

سقى الله وصالك ويوم درَب المواصُل سمح
‏ ياطيب الزمان اللي مضى بك ويا طيبك

[الشامخه]

يتعّبني اللي كل ما جيت اجاريه
‏بالطيب يسبقني ثمانين خطوة .

[ناصر الهواوي]

لو هان في تقدير حضرتك ما فات
ولا صار عندك له كما قلت قيمه

عندي انا دقيقته عشر ساعات
واشتاق له شوق النديم الـ نديمه

على حكاياً فيه ما زلت انا اقتات
ومشاعري له والجوارح مهيمه

[نهر]

يااخواني و ياخواتي في رواسي زمان
نبغى سنين سمان لجل تحيي العجاف

[ناصر الهواوي]

حرك رواسي يانهر نا من الآن
ما فات مات وجهدك اليوم كافي

بسمٍ صريح وبينه واعلن اعلان
وبالحالتين انت البطل يالسنافي

[محمد الغنامي]

جعل وقت فات يرجع لو دقايق
ابا اعلمهم بشيٍ في ضميري

[نهر]

حرك رواسي يانهر نا من الآن
ما فات مات وجهدك اليوم كافي

بسمٍ صريح وبينه واعلن اعلان
وبالحالتين انت البطل يالسنافي


تمطر قنوف الخير وتسيل وديان
وتحيا بعد وبله سنين عجافي

ناديتني يانهر أو قلت يافلان
الناس ماهي تشوف شي ما يشافي

[ناصر الهواوي]

بامحمد عاد علم بالحقايق
وش بغيت اتقول ولماذا تشيري

الهبايب بارده والفكر رايق
والمراصد تخبر بجوٍ مطيري

[ناصر الهواوي]

هذا صحيح وداريٍ به وفهمان
ولاني عليه مطولٍ بالوقوفي

لكن هجوسٍ لي على المزح شفقان
ومن لايلقي بحجم حضرتك خوفي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

[نهر]

وش يبعدك وانتي وانا روحين يحملها نفر
وقلوبنا فيها حنان أم تضم صغيرها

[ملكة الرواسي]

لا تمد رجليک ولحإفک قصير
ولا تنإظر فوق تتعب بإلنظر

القناعه كنز لو حلمك كبير
والحياه دروس والدنيا عبر