بحر الشوق
21-02-2014, 10:33 AM
يابري حالي ويامابي وياوجدي
ياما بقلبي وياما اكثر غرابيله
على وليفٍ غرامه محرقٍ كبدي
لاعاد جيته ولاجتني مراسيله
العام حبل الرجاء والوصل ممتدي
واليوم قطع الرشا واخطا محاحيله
ياوين بلقا قطيب السد لاودي
يجيب منه الخبر ولا يودي له
ويعد ماشاف من دمعٍ على خدي
يهل هل المطر لارخى هماليله
ياللي تجونه تراني واصلٍ حدي
وانا دخيل الغضي من قتلة الغيله
يا زين حظي على شوفتك متردي
واللي بلا حظ يالمجمول عزي له
صبرت صبرٍ على فرقاك متعدي
والصبر لاعاد لاطيقه ولااشيله
آجي لاجل شوفتك يازين وآصدي
من شان ناسٍ تراعيني على الزيله
ماغرني ياوليفي وقفتك قدي
لكن ياحيلة الله مامعي حيله
معزتي عند ربعك وقفت ضدي
آشوف برق الحيا وآصد ماخيله
ياعين حرٍ على اول طلعته هدي
موحشٍ توصادنه محابيله
وياعنق ريمٍ بعد شم التفق ردي
يوم التفت وكد الرماي يكمي له
والخد براق ليل نوه مسدي
عن لاهب الشمس غطنّه مضاليله
ياناعس الطرف يامتباهي القدي
يامعزل الجسم موتي من تعازيله
يا بودليقٍ على دمث النحر رجدي
عن داجي الليل ماتفرق مجاديله
عليك قلبي يلوفه لايف الودي
لوف الهوى العشب لاباحت محاصيله
والله مااقدم هوى غيرك ولابدي
عليك دام الهوى تورد مناهيله
ارفق بروحي تراني بايح سدي
ويكفيك موجز غرامي عن تفاصيله
الشاعر محمد عباد السلوسي
ياما بقلبي وياما اكثر غرابيله
على وليفٍ غرامه محرقٍ كبدي
لاعاد جيته ولاجتني مراسيله
العام حبل الرجاء والوصل ممتدي
واليوم قطع الرشا واخطا محاحيله
ياوين بلقا قطيب السد لاودي
يجيب منه الخبر ولا يودي له
ويعد ماشاف من دمعٍ على خدي
يهل هل المطر لارخى هماليله
ياللي تجونه تراني واصلٍ حدي
وانا دخيل الغضي من قتلة الغيله
يا زين حظي على شوفتك متردي
واللي بلا حظ يالمجمول عزي له
صبرت صبرٍ على فرقاك متعدي
والصبر لاعاد لاطيقه ولااشيله
آجي لاجل شوفتك يازين وآصدي
من شان ناسٍ تراعيني على الزيله
ماغرني ياوليفي وقفتك قدي
لكن ياحيلة الله مامعي حيله
معزتي عند ربعك وقفت ضدي
آشوف برق الحيا وآصد ماخيله
ياعين حرٍ على اول طلعته هدي
موحشٍ توصادنه محابيله
وياعنق ريمٍ بعد شم التفق ردي
يوم التفت وكد الرماي يكمي له
والخد براق ليل نوه مسدي
عن لاهب الشمس غطنّه مضاليله
ياناعس الطرف يامتباهي القدي
يامعزل الجسم موتي من تعازيله
يا بودليقٍ على دمث النحر رجدي
عن داجي الليل ماتفرق مجاديله
عليك قلبي يلوفه لايف الودي
لوف الهوى العشب لاباحت محاصيله
والله مااقدم هوى غيرك ولابدي
عليك دام الهوى تورد مناهيله
ارفق بروحي تراني بايح سدي
ويكفيك موجز غرامي عن تفاصيله
الشاعر محمد عباد السلوسي