هجوس الشعر

[ناصر الهواوي]

السلام عليكم وطابت اوقاتكم
مقطوعه توقيع حضور فقط

ياهجوس الشعر يوم العواده نايمين=والشياطين بناهرٍ كهذا نايمه
سلني من قبلها تاصل لحبل الوتين=دام نفسي في هوا ام النواعس هايمه
لاتلف ايسار والا تحادا لليمين=الظروف بهالضحى للقصيد ملايمه
وجد حالي يالمصرقع وجود ام الجنين=يوم بيديها عليه اربطت عمايمه
ولف باكفانه بعد غسلوه مغسلين=وبينت فيها عقب ما اندفن ثلايمه
وان تخلوت وحدها صار لبكاها حنين=وتكتم العبره وصوت النحيب اتزايمه
وجدها ياذعار وجد العيون لفقد عين=اشقرٍ تل المسابيق من قوايمه
اذكر الله واستعيذه من بليس اللعين=كلما ونيت لاذعذت نسايمه

http://www.r111n.com/images/stamps/khtmpoem.png

[محمد الروقي]

صح لسااانك وعتلا شانك
جزل ولا يجي منك الا كل الجزاله

[~ألٌوتُيْنَِ~]

لاعدمنا هالابدااع ورووعة الحضوور
شكرا لك من القلب على هكذا ابداع
ودي وتقديري لشخصك الكريم

[النجلاء]

ياسلام عليك يابو عبيد

صح الله لسانك يالجزل

استمتعت بتواجدي بمتصفحك الرائع

تقديري لك

النجلاء

[خيال مطير]

صح لسانك يابو عبيد

[عبدالله الصقري]

شايبنا ابوعبيد

صح لسانك اخوي و سلم بنانك

تقبّل مروري المتواضع

وكل الود والتقدير و الاحترام

[مهرة يام]

صح لسانك شاعرنا
نص جزل وفخم
يعطيك العافيه
تقديري لسموك

[محمد الغنامي]

الله الله
ناصر الهواوي
صح لسانك واعتلا شانك
جزاله غير مستغربه من شاعرنا
نشكر اللي طلع لنا هالشامخه
مروري وتقديري
لاهنت

[رحيل]

الله الله على الإبداع
صح لسانك لين ترضى شاعرنا
لاهنت