الطيش طير .. الشاعره العنود العبدالله

[النجلاء]

الطيش طير وباقي اوجاعي / الريش
والريش يهوي كلّ مارفرف الطير
والآه تطلع لا تنفّست ب[شويش]
وشلون لو انثر همومي على الغير
اشتاق لك وادري تبي تقول: [بعْد ايش]
احتاج لك واتعب من فْراقك / كْثير
ياللي تطيش بعَقْل وتعقّل الطيش :
لا ترحل بْأرضي وتتركني آطير

شفني اموت ان مر طاريك وآعيش
وآعيش ثم آموت والقاني بخير
وراي بكرا [ مدرسه] اسْهَرَك ليش
واليا متى اوقف على شان [تأخير]
من علّمك تجمع محبه و تطنيش
ومن علّم [ الأغصان ] تجفى [عصافير]
الليل ماينكر وجود [الخفافيش]
والصبح يبقى صبح لو مات به [طير]
والعيش يومي ارتجي [لقمة العيش]
خبزة وصال وكُوب شوق وتعابير
عطني [ امل واحد ] يخليني آعيش
ولاتخنقه يدّك بحبل المعاذير
شفني بعد فرقاك آطيح بشويش
واخاف تصدِف طيحتي [جية الغير ]
ماطحت وآنا عزمي اصغر مِنَ الأيش
والحين طحت وللأسف عَزمي كْبير
ومن كثر مآنا ضعت واعماني الطيش
إذا سْألوني : [كيفك] آجاوب : [بْخير]



الشاعره العنود العبد آلله

[محمد الروقي]

صح قلبك ياااااااااااااااا؟؟؟ هههه
من جد يالنجلاء روووعه ذواقه يابنت
بس عارف انك شاعره خوافه من النقد

[النجلاء]

الروقي

شرفت ونورت يالغلا

يسعدني حضورك الجميل وردودك الذوق

والشعر لهله ياشاعرنا وبوجودك يكتمل الشعر يالغلا

تقديري لك

النجلاء

[أوهــام]

راآائعه ..

سلم أحساسكـ ونقلكـ يالغلا ..

ودي لكـٍ ..

[النجلاء]

وهومه
شرفتي ونورتي يالغلا لاخلا ولاعدم اجمل حضور

تحياتي لك

النجلاء

[جولييت]

قصيده رآئعه صح السآنك
أبدعت وأمتعت.