ياساعتي لو مات نبض المواقيت

[النجلاء]

ياساعتي لو مات نبض المواقيت = وقت الفرح تكفين.. لاتنكرينه
من عام مابيـّـن ولو بان سجيت = يبين لي لحظه وثم تسرقينه
ياما من دلال التعاسه تقهويت = وفنجال فرحي لالفى تاخذينه
ياساعتي واللوم مَبني على (ليت) = وياليت حلم وأعتقد.. تعرفينه
حلمي لقا اللي بعدها ما تهنيت = النوم جافي والليالي تعينه
بنتٍ لها بين الحنايا (مية بيت) = يعني لها في جوف صدري ( مدينه)
سكانها من يوم راحت.. (عفاريت) = صارت خراب ومن بَـعَـدها حزينه
في كل بيت بجوف صدري لها صيت = ( الحاكمه../ وام البلد../ والسجينه )
احيا واموت الفين مرّه ليا جيت = حبلٍ معه وادعت (متن السفينه)
ياما كتمت اشواق قلبي وهلـّيت = دمعٍ تَرَك (صكـّـات بقعا) لعينه
ياما بكيت من القهر ماتباكيت = ( ودمع العزيز بعين ربعه غبينه )
الضيم مجرم والمشاعر طواغيت = والدمع والي والسعاده رهينه
من يوم راحت بالهوى ماتمنيت = الا الحياة بدون بنت وخدينه
مليت عمري والدفاتر ومليت = ضحكٍ يجي من دون صدقٍ وزينه
كن البشر قدام عيني (توابيت) = سودٍ تنادي للنَفـَـسْ قبل حينه
اوحيت لكن من همومي فلا اوحيت = عندي تساوى كل زينه وشينه
ان غنـّـت الورقى على الغصن غنيت = صوتٍ يغشّي بالشقى سامعينه
الليل (ياليلي) تعاسه وتشتيت = والصبح ينهش بالخفوق ويهينه
(ياساعتي) لو مات نبض المواقيت = فرحي فديتك للحشا تتركينه
من يوم راحت غايتي ماتهنيت = القلب تايه.. والدقايق حزينه

احيا واموت الفين مره ليا جيت = حبل ٍ معه وادعت (متن السفينه)

[محمد الروقي]

صح قلبك ولسان من قالها

سجلي اعجابي وتقديري

[النجلاء]

الروقي

شرفت ونورت يالغلا

اسعدني تواجدك المشرف

لاخلا ولاعدم اجمل حضور

تقديري لسموك

النجلاء

[أوهــام]

راآائعه ..

صح أحساسكـ ونقلكـ يالغلا ..

[زهرة توليب]

النجــــــــــلاء
ويهطل حرفك ببرذاذ الأبداع
لقد كتبتِ بكل رقي
كم كانت كلمات رائعه في معانيها
لروحك الجوري وعطره

[عسولة مكه]

بنتٍ لها بين الحنايا (مية بيت) = يعني لها في جوف صدري ( مدينه)
سكانها من يوم راحت.. (عفاريت) = صارت خراب ومن بَـعَـدها حزينه

الله الله ابدااااااع لامحدود ’,’,’, صح لسان شاعرها وصح قلب ناقلها

يسسسلموووو على السطور الرااائعه بكل ماتحتويه الكلمة من جمال

واااااصلي يامبدعه بالانتقاااء الفاخر

تقبلي خاالص حبي واحترااامي لشخصك الراقي