اقرب جهاز

[منور العوني]

اقرب شاعر من الموجودين



يا اهل رواسي نجد والدنيا رحاها تستدير=واللي معه حيله على طول الزمن يحتالها
سلام تسليم الرجال اللي لهم قدرً كبير=لاصحابنا العتبان والدنيا تغيّر حالها

[نايف العصيمي]

يامرحبا يااصحابنا ياهل الشجاعه يامطير = ترحيبةٍ من ربعي العتبان جيت اشتالها

درات رحاء الدنيا على العدوان وعتابه بخير = ماضامها جور الزمن يوم العرب تبرالها

[منور العوني]

دام البقا بك يالعتيبي وانت رجالٍ خبير=والله يخلي ياعميلي للرجال ارجالها
الله يديم الامن في ظل الحكومه والامير=ميّز وفرّق فالعلوم ادقاقها واجلالها

[الأصيلة بنت أبوها]

اقرب شاعر من الموجودين



يا اهل رواسي نجد والدنيا رحاها تستدير=واللي معه حيله على طول الزمن يحتالها
سلام تسليم الرجال اللي لهم قدرً كبير=لاصحابنا العتبان والدنيا تغيّر حالها




حى اللى بدى بالمحاورة ونادى وشالها

كفو وعسااك على القوة

وصح لساانك

وسجلنى مع اول الصفوف اللى تشيل لك يا ولد العونى

[منور العوني]

الاصيله بنت ابوها


صح بدنك

والله يقويك

وانتي تشرفين الارض اللي تمشين عليها ماهو بس محاوره فالنت


اخوك

[الأصيلة بنت أبوها]

يامرحبا يااصحابنا ياهل الشجاعه يامطير = ترحيبةٍ من ربعي العتبان جيت اشتالها

درات رحاء الدنيا على العدوان وعتابه بخير = ماضامها جور الزمن يوم العرب تبرالها




صح لساانك يانايف العصيمى
ووين صفوفكم يالعتبان
ههههههه

وبقول خلوهاا ،، وولد العونى يقول البيت لاعدمناااه

[الأصيلة بنت أبوها]

دام البقا بك يالعتيبي وانت رجالٍ خبير=والله يخلي ياعميلي للرجال ارجالها
الله يديم الامن في ظل الحكومه والامير=ميّز وفرّق فالعلوم ادقاقها واجلالها




صح لسااااااااااااااااااااانك / يالعونى
والحين تعزويت انا اخت منور ،، ولعيناك ذبيت البرقع
وعسااك على القوة ياااخوى

[محمد القسامي]

صحت ألسنتكم شعرائنا
مبدا كايف ورد كايف
واصلو متابعينكم متابعينكم
الصفوف ياعيال

[نايف العصيمي]

حنا نعرف العلم يالعوني وحكم الله يسير = وقيود بقعا ياصحيبي مقفله باقفالها

الله يعز الدين والدوله تحت ضل المدير = عبدالله الي حط كل الشعب تحت ضلالها

[محمد الروقي]

ايه ايه ايه

كذا ومنو العوني يعود الى القاعده سالم غانم

وحياه الله في محله وراعي واجب وصح لسانه

وصح لسااانك ياذيب الهيلاااا تقديري لكم جميع

[منور العوني]

محمد القسامي


صح بدنك


والكايف حضورك يابرنس

[منور العوني]

محمد الروقي

الله يبقيك ويسلمك

وصح بدنك

ورواسي نجد ماعليها خلاف وانت الريس

[منور العوني]

الاصيله


لاهنتي يالسنافيه

وعساك دايم فالوجود

[منور العوني]

صكات بقعا باقيه فالوقت الاول والاخير=واهل العلوم الوافيه كلن يبا منزالها
ياذيب ياذيب الفيافي استرح فوق الحصير=خل الدروب الكايده لاتبتلش فأميالها

[نايف العصيمي]

الذيب في راس الجبل مشتال له سيفٍ شطير = ماهاب بقعا يوم جته ولا بلش بعيالها

ودام الطيور الطايره بارزاقها لازم تطير = حظ الحمام امن الصقور عشوشها وجبالها

[الأصيلة بنت أبوها]

صحت ألسنتكم شعرائنا
مبدا كايف ورد كايف
واصلو متابعينكم متابعينكم
الصفوف ياعيال



صف العونى وقف
وانت من اى الصفوف يالقسامى ؟؟ حدد لاعدمناك
ههههههههههه

[الأصيلة بنت أبوها]

ايه ايه ايه

كذا ومنو العوني يعود الى القاعده سالم غانم

وحياه الله في محله وراعي واجب وصح لسانه

وصح لسااانك ياذيب الهيلاااا تقديري لكم جميع



مديرنا لاهنت خلك بوسط الصفوف واللى تشوفة يتقدم رجعة بعصاك
ههههههه
وشجع واحذف العقال على الشعار لاعدمناهم

[الأصيلة بنت أبوها]

الاصيله


لاهنتي يالسنافيه

وعساك دايم فالوجود




وعسااانى ما خلا منك // كفو وقدها
وانا اخت منور ،، اعسف لنا زين القواافى ولا تخاف صفك معتدل ويشيل وراك
ههههههههه

[منور العوني]

الاصيله بنت ابوها


عسانا ماننحرم من هالتواجد اللي اضاف للمحاوره الشي الكثير

[منور العوني]

الذيب لاشاف الاسد وضعه يجي وضع(ن) خطير=يرخي رويسه والحقيقه حالته يرثالها
مافيه احد وسط السفاره يقدر يضد السفير=يامر وينهى فالامور اقصارها واطوالها

[خالد العتيبي]

صحت ألسنتكم شعرائنا

[نايف العصيمي]

..,, والله وسبعت انعاام يالسفيـــــــــــــر ,,..



مال الحمول الكايد يالاجودي غير البعير = الي ليا ضاقت على العالم يفك حبالها

...........

ان طعت شوري لاتجيب العيد وذراعك قصير = قبلك كثير رجال يالعوني شربت دلالها

[منور العوني]

خالد العتيبي


صح بدنك


واسعدنا تواجدك

[منور العوني]

والسبعين نعم يالمـديــر


استلم يانايف وصح لسااانك

ياحليلك حليلاه يانايف تبي تصبح شوير=وانته تصفّق ياعميلي فاليمين اشمالها
من عادتي في ساحة الميدان ماطيع النذير=وانته صغير ولاعرفت المعركه واهوالها

[نايف العصيمي]

يامنور ان دارت راحانا تطحنك مثل الشعير = ولاتطحن امن القوم غير زحولها وابطالها

...

حتى ايش لو سني مابين الناس يالعوني صغير = كم من صغيرٍ طش روس شيوخ تنفخ حالها

[غازي العتيبي]

الله الله الله
صحت السنتكم
شعرانا
وياحلالاه ليتنا لحقنا المحاوره من بدري
لاكن خلوها بظروفها
على العموم
محااااااااااوره كايفه من شعراء كايفين وتوااااجد رائع
يعطيكم العاااااافيه ولاهنتم
سجلو اعجاااابي وثنااااائي على مااااااقمتم به
لاهنتم ومشكوووورين
ولاتحرمونااا من مثل هاذي الامسياااات
لكم جزيل التحااااااااااياااااااا

[منور العوني]

غازي العتيبي


صح بدنك


والجايات اكثر ان شاء الله