المساعد الشخصي الرقمي

مشاهدة النسخة كاملة : اجمل محاوره بين حبيب وسفر ؟؟؟


غازي العتيبي
08-02-2009, 10:26 PM
بســم الله الرحمــن الرحيــم


السلام عليكم


بصراحه اعجبني طاروق بين حبيب العازمي وسفر الدغيلبي في المغترة

وحبيــت آنـقل لـكم هــذا اللقــاء الي آكثــر من رآئــع في كـل شي

( الكـلمه + الطـاروق + المـعنى )
حبيب



سلام رديه لها نور ... نورن يغطي كل الانوار = بوجود من نسري بنوره ... سلام رديه لها نور

سافر سفر قدام عاشور ... وقت الضحا والطير ماطار = تحت السما والارض كوره ...سافر سفر قدام عاشور
سفر

يامرحبا عن محكم الشور ... حرن طلع من ماكر احرار = سليل مقرن واخو نوره ...يامرحبا عن محكم الشور
سافر سفر والبال مسرور ... وانته توقفت اعن الاسفار = العازمي وشلون اموره ...سافر سفر والبال مسرور
حبيب

قبل الزمان يلف ويدور ... اباتحزم واشعم النار = والكي جايز فالضروره ...قبل الزمان يلف ويدور
العازمي شاعر ودكتور ... مايختلف لوصار ماصار = وانكان في كبدك حروره ...العازمي شاعر ودكتور
سفر

شاعر ولك بصمه وجمهور ... لاكن لانافع ولا ضار = عليك قوسين محصوره ... لو كان لك بصمه وجمهور
يمينك اللي فكت الكور ... طاحت بحفره زيتها حار = بعض التفاكير محظوره ... يمينك اللي فكت الكور

حبيب

اسمي على الضلعان محفور ... مايمحي لوكان تنهار = ماني مفتش فالقبوره ...اسمي على الضلعان محفور
ترا السنام اللي على الثور ... لازم يميل ايمين ويسار = وابوك يادنيا الدبوره ... مثل السنام اللي على الثور
سفر

هذاك قبل اسنين وشهور ... قدام تتبع مكر مكار = حدك على حفر الجحوره ...هذاك قبل اسنين وشهور
منت بعلى العيلات مجبور ... لاكن صارت والقدر فار = ظحك الوجه ولت عصوره ...منت بعلى العيلات مجبور
حبيب

اليا مشينا بثر ماثور ... في سد مارب خرب الفار = والطيب اتكمل قصوره ... اليا تبعته بثر ماثور
ترا الجمل ماهوب مخشور ... لوصارله ذبحه وجزار = من حظكم فوح القدوره ... مار الجمل ماهوب مخشور
سفر

السد عام العام معمور ... مار انكسر والسد هدار = ويدينكم سبت كسوره ... والسد عام العام معمور
انت ابن عمي منت محقور ... والمعظلات اكبار وصغار = مار استروها ستر عوره ... وانت ابن عمي من محقور

هذا اللي قدرت انقله والله اعلم باقي ابيات لم تنسق




للاستماع والتحميل

http://www.freewebtown.com/aboujory/hbibsafar.wmv



منقــولـ للا ستمتاع بالفن الجميل
تحياتي للجميع

إبراهيم صبحي العضيله
09-02-2009, 08:38 PM
صــــــــــــــــح السنت الشاعرين وفعلاً من اجمل المحاورات

يعطيك العافيه على النقل الجميل

تحياتي