سلام على كل الحاضرين_ اقررررب يا غاااازي

[عبدالاله الحجيري]

سلام من هاجسٍ يطغى على كلّ الهواجيس=ابطش من الزير واقوى من ولد زيد الهلالي
الليله جنون كل الارض في يّديّه محابيس=تقنب قنيب الذيابه من على روس الجبالي

[غازي العتيبي]

يامرحبا ياهلا ترحيبتن فيها النواميس = اعرف ترانا عتيبه لاحظر صيت الرجالي
حنا صعوط الجنونه ياعميلي والمباليس = علم سليم القرا تقنع بفنجال الدلالي

[عبدالاله الحجيري]

والنعم فيكم وكل ارض بها سهل وتضاريس=اهم حاجه ليامنك وردت اشرب زلالي
ما ضرّ دار الغنا فالوقت يا كود الجواسيس=اللي تدور خفايا الناس من جالٍ لجالي

[غازي العتيبي]

ياسليم ونعم فيكم والبشوت الها مقاييس = وانا ليني اشريت اشري بمجوهدي ومالي
احدن بوضح النقا وحدن يجي خلف الكواليس = ولاخير فالمدرق والمدرق راع التوالي

[متعب العضياني]

الله على الابداع شعار مافيها كلام

[عبدالاله الحجيري]

حنا رجالٍ على الهيجا كما قدح المقابيس=نسقيك مرّ الصبر من بعد ما نعطيك حالي
القوم وقفوا لقوم الشر من خلف المتاريس=لو كان ما انته ولد عمي ولا انته ولد خالي

[طفشان]

مآ شاء الله عليك يا عبد الاله والله شااعرررر

[عبدالاله الحجيري]

هلا والله باخوي| متعب العظياني

مشكوووور على المروووور

تحيااااااااااتي

[عبدالاله الحجيري]

حياك الله اخوي/ طفشــــــان

بين اخوااااااانك يامرحبا تراحيب المطر

مشكور على المرووور والمجامله

[غازي العتيبي]

وقت السعه زين لاكن لاجرس صوت المجاريس = احدن صبر ياولد واحدن تلقا صمد خالي
والشر محدن يرومه غار ريجيلن مناحيس = والشعب واحد وحنا اخونا والمعبود والي

[غازي العتيبي]

متعب حياك الله
وصح ابدانك
وحيالله الجميع

[غازي العتيبي]

اخي الحجيري
صح الساانك ولاهنت
بيض الله وجهك وتصبح على خير
استودعك الله انت والجميع

[عبدالاله الحجيري]

اخوي /غااااااااااازي العتيبي

ووجهك ابيض

ماقصرت

تحياتي

[محمد الايداء المورقي]

الله الله


الليل الليل


متاااااااااااااااااااااااااااااابع

[بنت العود]

ماشاء الله عليكم

[محمد القسامي]

صحت ألسنتكم شعارنا كفيتو ووفيتو
واصلو متابعينكم
تراني بعيد لاني في صف غازي ولا الحجيري
بشوف اللي يبي يسري من الصفوف وأرجعه لكم

[محمد الروقي]

ونعم فيكم يالثنين

وصحة السنتكم وعذرا على عدم المتابعه من الاول

لضروووووووووووف تقديري

[غازي العتيبي]

صحت ألسنتكم شعارنا كفيتو ووفيتو
واصلو متابعينكم
تراني بعيد لاني في صف غازي ولا الحجيري
بشوف اللي يبي يسري من الصفوف وأرجعه لكم

حيالله الجميع
وسعدنا بمروركم
وتسلم يالقسااامي والصف يزهابك
لاعدمتك والله

[غازي العتيبي]

حياااااااااااااا الله يالروقي
وماعلك زود يالذيب
ومروورك شرف سابقن او لاحقن
مشكوووووووور