مجــ تمتمات ـــرد

[محمد القسامي]

للأحرف قراشيع
وللهمس قرقعه
هنا سأبوح بكل قراشعي وقرقعة همسي
وجل الأمنيات بأن تحوز هذه القراشيع على إستحسانكم ورضائكم

[محمد القسامي]

إذا إحترقت بشوق ولا تعبك همك = تذكر الي مع الخطوه تحرالك



وإذا سواد اليل بهومه لفى وضمك = تذكر الي بصدره دوم منزالك



وإذا جروحك بصدرك جارت بخمك = تذكر الي بكبر الجرح داوالك



تخطي وانا العشق فيني عمي وعمك = بالحشمه الي بصدري دوم تزهالك



ماجيت شاري لعشق غايته ذمك =ولا جيت قاصد غرام عزه إذلالك



مبطي وأنا أخايلك أرجيك واهتمك = والعين عيت تهنى لحظة وصالك



لن جيت تلقاني سبوق بخطوتي يمك = أهلآ هلا فيك قلبي فز حيالك



وإن رحت راحو كثير الناس من دمك = ماني بروحتك متحسف ولا هالك



تكفيني الذكرى بوقت وزان به لمك =يوم الهوى مهرتي والشوق خيالك

[محمد القسامي]

وقفـــــــــــــه





كانو إثنين

وكنت واحد

راح واحد باقي واحد

الله يستر يازماني

لايكون الثاني جاحد

[محمد القسامي]

تنشد عن الأسم تنشد وين عنواني = وتنشد عن العمر وشهي قيمته فيني





ولا عن الحال تنشد ليه باحزاني = ولا عن أحوال جرحي تسأل سنيني





ولا عن الحب تنشد وين مسكاني = ولا على الطيب تنشد من يخاويني





أصبر دقيقه على نشدتك تلقاني = بأعظم إجابه قصيدة حب ترويني





أنا محمد و(مشفر) كل عنواني = تاخذ من العمر أغلا قيمته فيني





وأنا و(مشفر) سبة أحزاني = هي سبة الجرح دامك تسأل سنيني





وأنا وبيت الشعر مسكاني = وبيوت شعري ل(مشفر) من يخاويني





العمر فاني وكل إحساس به فاني = وإن مت لي عاشق ياليت يرثيني





لا تنشد الحال حلو الحال بالحاني = هذي حياتي وهذا الوضع مرضيني

[محمد القسامي]

ماهو بوقت الموادع أصبر شويه = لاحق على ضيقتي لاحق على أحزاني





مدامني أول غلا لاتقلب النيه = يالعنبو واحد مايرحم الثاني





كل يوم احس إنك أخر مابقي ليه = وشلون تقوى على الفرقا وتنساني





تموت الأحلام والذكرى معك حيه = شف عاد وشلون لامن طال حرماني





وشفيك ترفض غلاي وشرهة يديه = ماكنك اللي رقد ليله وصحاني





أشيل جرحك وأضمه فوق مافيه = هذا إحتضاني لجرحك وين وداني





لاصار ماتفرق الروحه عن الجيه = ماضنتي لو تلف الكون تلقاني

[محمد القسامي]

فصلة مخ







يامورد حبك على دبج وهماج = دبج الغلا ماسر عاشق غرسته





أصل المحبه همستين وإندماج = ثم إندماج أصل المحب لهمسته





وأصل المحبه مايجي فيها حراج = كذاب من ساوم خفوق ولهفته





عندي رفيقه بوحها فلة حجاج = يابخت من بوحه يخاوي دلته

[محمد القسامي]

لو تشبهنا وقلنا إقتباس = نقتبس من مين قلي نقتبس



دامها الضيقه تسبب إنحباس = لعنبو قلب لضيقه ينحبس

[محمد القسامي]

مجنونك اللي بكل أشواقه يصونك = المحتوي لك غلا في كل حالاتك





لو طال وقته معك ماخيب ضنونك = يدمح خطا زلتك ويسد خملاتك

[محمد القسامي]

لو وثقت فيك الليالي غرامي = ولقيت فيك إحساس وافي لخله





لهديك قدري مع كبير إحترامي = وأهديك قلب وعزتك غاية له





وإن كان شفتك والغلا فيك سامي = تبشر لعينك عاشق ماتمله





بتعب ولا آشوفك مع الناس ضامي = لو كانت ديار العمر مضمحله





وإن كان شفتك زايد بأهتمامي = ياهوه أنا شاريك بالعمر كله





هذا مقامك عاشقي من مقامي = إن ماعشقتك ويش أنا عاشق له

[محمد القسامي]

مقدسك قدس غلا النفس تقديـس =قدس غلاه انتي على كـل حالـه

كدس خفوقه لك مع الناس تكديس = تكديس مايعرف هـواه إستحالـه

قوست ضلع وضلع محنى بتقويس = تقويس من يبغى الغلا له لحالـه

غمس غرامك داخل الروح تغميس = دام الحلا ريقـي تقهـوى دلالـه

[محمد القسامي]

إجمع شتات إحساس نفسك وخصه = وحاول توازي في طموحك معاليك





عمرك إذا ماعشتبه ضاع نصه = في فلسفة عمرك وكثرة طواريك





إعشق وخذ عشقك بقلبك ورصه = ضمه وقل ضميت يالعمر غاليك





خله وحيد في حياتك وحصه = تلقاه أروع شي منك وسكن فيك





عقلك إذا إنغريت ضيعت فصه = قلي بليا عقل منهو يخاويك





وإن ضاع عمرك إصبع النص مصه = أحسن خوي أصبع تمصه ويعطيك

[محمد القسامي]

ماتغير شي لكن الجديد = جرح يحرقني وشوقك يدفعه

ساكن بالعمر مالك للوريد = كيف دمي عن عروقي تقطعه

تحسب إن الصد للعاشق يزيد = عشق صافي في فؤاده يجمعه

مادريت الجرح باسبابك يعيد = صوت دافي والدفى من مدمعه

أجمع الأمرين وأطرحها وأعيد = وأخذ أقرب شي فيني وأتبعه

مالقيت إلا جروح تحتويني ياعنيد = مالقيت إلا كلام سم دايم أسمعه

ماهقيتك لاهي بالشوق لو عني بعيد = لكن أبشر جرح فيني بقطعه

وإن بغيت الجد إسمع للأكيد = صاحب يرضى بذلي ماأتبعه

[محمد القسامي]

إستباح الهاجس لفكري وغنا = وأزعج المغنى مواويل وقصيده



يالغرام اللي له الخاطر تعنا = أسبق الدنيا عشانك لو مسافاتك بعيده



غن ياشعري وعادتك المغنا = غن في عمر يده تقطع وريده



في عيون اللي بعمري ماتثنا = في غرام اللي خذت قلب تريده



في غرام ماخذه ياكود حنا = يوم كنا في وطنا سيد يعشق وسيده



وين رحنا كيف صرنا وين كنا = أسئله في خاطري تبغى إجابات عديده



والوعد حلو الوعد يوم اتغنا = لحرق الدنيا ( لعشقي ) في مواويل جديده

[محمد القسامي]

لولا الغلا ماكتبت الوصل بغيابك = ولولا المحبه جزيت الصد بفراقك



ياهاجري خاطري لوتاب ماذابك = وأنا مع الوقت جرحي مونس إحراقك



أخر قصيدة غلا وتواسي أحبابك = وتبين اللي مضى في سيد أشواقك



والناس واجد تشين وتكسب إعجابك = وأحباب واجد تسمو بأسم عشاقك



وأنا من الناس محد قال وش جابك = والناس نيات بالنيات وش لاقك



عشقان طيبك وطيبي فالزمن طابك = من واقع أعماق قلب مات بأعماقك



وإن كان أحبك وحبي فيك ماعابك = عيبي مع الوقت خاطر حي مشتاقك



روح شباب شريته بالغلا شابك = يكرم عن العشق دامه حي ماذاقك

[محمد القسامي]

ياخواء الصدر وش يعني الخواء = وكيف قلبك في ضلوعك محتوى



جرح عشقك لو نزف وين الدماء = والدمى سبة جروح المهتوى



ياذكاء العشق في رحلة غباء = والغباء إحساس دون المستوى

[محمد القسامي]

ياضلوعي هجدي قلب يصيح = لايبيح بي مع العالم خفاه





الهوا سلمه صريح مع صريح = ماهو إحساس نسي قلبه وراه





والمحبه موضع الوضع الصحيح = ماهو شويق يجيه اللي بغاه





ياضلوعي لو يصيح ولو يطيح = ماله إلا عشقه اللي قد زهاه





مسألة راحه مع إحساس المريح = بين راحة من معي ولا معاه





الغلا مكسب نصيح له نصيح = هو بلا قلب تعشم في بلاه

[محمد القسامي]

ماصابني منك شي إن قلت ماصابك = مادام لي خاطر لرضاك صداقك



قلب على العز وافي لو تعزوابك = يااطهر من النفس وقتي لحضة عناقك



تدري أنا أعشقك من رجلك لأهدابك = لكنك أحرقتني واجحفت بأحراقك



ماقلتلي بالجفا وش طول عتابك = وأنت الذي قد بكا في حزة إغراقك



مجنونك إن مات موته سبت غيابك = ومجنونك يعيش وصله لحضة إشراقك



تعبت عيوني تناضر بيتك وبابك = لدت لعمر الغلا من طعنة فراقك

[محمد القسامي]

أجيك أنا مشتاق وأروح مشتاق = وأعيش لحضاتي أسير إشتياقي



أقفي ولك شوق مع النفس حراق = وعلى أمل شوفك يزيد إحتراقي



يامغرقي شرع الهوا كله إغراق = وفيك أنت جايزلي غلاك وغراقي



كم كان ليلي راحته ضم وعناق = وأروع منه همسة غرام إعتناقي



ورغم إشتياق الوصل للوصل تواق = تواق وصلك يرتجيك التلاقي



ذكرى غراق بسبة أقدار وفراق = تبقى ويبقى للغلا عشق باقي

[محمد القسامي]

في ذوق ذوقك خافقي قد تذوق = ولاقد سكر في غير ذوقك دقيقه



وإنساق لك شوق الحنين يتشوق = شوقه ضنين خابر إنه رفيقه



رايق معك ومن الهوا فيك روق = ترويقة الخرمان لن بل ريقه



طوق غرامك خافقي ثم طوق = حاظر حياتي والعمر في طريقه



شف ذكرياتي حلم وصلك تتوق = توق الأماني حملها من يطيقه

[محمد القسامي]

كم يوم عانيلك غلا وأنتي بعيده كم يوم = وكم يوم نفسي في وصالك ترتجيك وتشتهي



وكم هي سنيني بالعمر أحيا وأزيد العمر لوم = لوهي دقيقه خاطري عن حلم وصلك يلتهي



يالهفة العاشق غلاه ولهفة الخفاق دوم = فيك القصيد اللي وصف روعة غلا ماينتهي

[محمد القسامي]

تخمني بقعا وأخم القوافي = أحيان صاحيبه وأحيان مجنون



همسة غرام وشيبت عقل وافي = حرقة صوابه جرها راعي لحون



شمعة غلا لو بيحت كل خافي = هي ذكريات عشقها عشق مضمون



عفيه ولو متنا عساها عوافي = من مات عشقه ماستر ثوبه طعون

[محمد القسامي]

على معنى يتغنى فيك حسي لو تغنى = يسطر لك حروفه في بيوت أشواق محبوكه



وعلى المغنى يتعنى خاطري لو لك تعنى = يسوق إلك الغلا لو دونه الأبواب مصكوكه



مدام إن التمني ماذبح نفس تمنى = ياكيف الناس خلت من أماني الناس أضحوكه



أكابر والصبر في داخلي لو ماتأنى = لقيت أشواقي لأشواق أرذل ناس مملوكه

[محمد القسامي]

أجمل الغايه وروعة مطلبي = أحتوي قلب لعشقي يحتوي



إن ملكني عشق هذا مكسبي = وإن ملكته روح هو نعم الخوي



تقبل بلهفه وأجاوب أرحبي = وأقبل بشوقي تجاوب برتوي



ضامية عشقي هلابك أشربي = الهوا يروي ضماه المهتوي

[محمد القسامي]

الغلا مابه تكلف وإصتناع = تعرف اللي يكرهك واللي يبيك



ولا خبرت العشق وصل للضياع = غير مع لهو الهوا بهذي وذيك



ولا أنا دايم سنيني لك جياع = لا أهتنى عشقي ولاني مهتنيك



بحت لك بالعشق وأعلنت إنصياع = خافق لو مافقدته هام فيك



مقتنع في كلمتي كل إقتناع = لاتشكك في كلام لي يجيك



صاحبي لاتمتحني بالوداع = الوداع أقشر عسى مايهتويك

[محمد القسامي]

يشك خله ليش أنا بالش فيه = ماني وكيل أدم على عيال حوى



من الغلا جيته وأنا حيل مغليه = أبرتويه بعشق لو ماتروى



والله ماأذكر كلمتي فيه تخطيه = لكن شكه طاوعه ثم هوى



لا ياجغيدات الغلا ماكتبتيه = هناك جالك قول ماينتسوى



مسموح شره مالحقت بمشاريه = لو إن قلبي من عناه يتكوى



والشاهد الله ماقصدت الغلط فيه = لكن باين قدري اللي تخوى

[محمد القسامي]

للغرور أهواء منها ماقمع







وللحديث أصداء منها مامنع







ليس فعلآ كل مايشدا سمع







بات حقآ كل مايضرب جمع







حان وقت فيه ماجرم صنع









إستفزازت ومغالطات وحكواتي لايجيد رواية الحكايات





بدأت هنا كي تستقر في أرق العبارات سحقآ لكل النهايات







يكن مالا يكن





ويسن مالا يسن





وكله من أجل فن





ليس من أجل من





أأشرع للوداد بجود عشق





ويجرح في الصميم فؤادي





أناس تدعي بالعشق رفق





عليها كيف لايرثو ودادي







إن جمعتك عشق ضيعت التعب = وإن لفيتك روح تملاني جروح





هقوة اللي لاتعنا مالعب = كيف في هقواته يشيد صروح





ناخت ركابه وليته ماشعب = ركبه اللي واصلك يحيي طموح





خطوة اللي لو مشالك ماارتعب = تستوي بكره لغيرك ياشحوح





لو مشيت بليل وأفنيت الصعب = كان غيرك لو يجيني ماأروح

[محمد القسامي]

الجيل الأول قالو أسمه عشاشيق = والجيل هذا أقسم إنه عدائي



جيل معه عشقه يجي بالتوافيق = وجيل إذا ناديت راعه ندائي



جيل الذكاء أحسنت جيل المطافيق = عشقك هباء وخاطرك إهتوائي



في وقتنا نفخر بعشق المطاليق = وفي وقتهم عشق العزيز إنطوائي



نبذه عن اللي صاير فالمخاليق = وأصل الوثيقه في يدين الروائي

[محمد القسامي]

أمس لغرامك جابني الحب جبرآ = واليوم ضيعت الغلا من دلالك





تبي الحقيقه ودي أقول شكرآ = عيت وجاتك جمل الله حالك





كذاب من قال الغلا فيه صبرآ = الحال مقفي والغرام متهالك





هذا خفوقي وإحتفظ فيه دهرآ = دامه خفوق بغايته لك عنالك





ولا أسقه من واهج الشوق جمرآ = دامه قنوع ومقتنع في وصالك





ياليت صدرك لي مدا العمر قبرآ = فيه أختمه عمر أحسه حلالك

[محمد القسامي]

الضيقه اللي محرقه خافقي حرق = هذي سبايبها ترا ذكرياتي



صاحي ونايم كلها مابه فرق = في علم ولا حلم تحرق حياتي



تسرق خيالي عن ملا مجلسي سرق = وأسج معها في زمان الفواتي



هم ينشدون بسالفه رايحه شرق = وأنا مغرب ملتهي في لهاتي



ياما طرقت بهاجسي شعرها طرق = طرقة بيوت قلتها في صلاتي



قدت وعنت خاطر تزرقه زرق = يازرق روح زارقت في وفاتي



وغنت قصيدي فالخلا نايح الورق = وعجزت انا ألقى في غناها غناتي



المعطي الله والهوى يمه وغرق = منه العوض باللي على الطيب ياتي

[محمد القسامي]

الوداع بعرفهم يعني وداع = قطع وصل وينتهيه اللي يعزه



والوداع بخاطري لو هو إنقطاع = كل غصن من المعزه مايهزه



جيتلك قاصد غلا حلو الطباع = والهدف طيبك وقدامي أرزه



كلمتك جرحي ولا فيها خداع = هي بلا خاطر مع أشواق تحزه



دامك أنت اللي تبيها مستطاع = الوداع وباقيك باقي أعزه

[محمد القسامي]

إحتكرتك بالغلا والشوق يعني إحتكرني = مابقى للعمر يوم فيه رجوى



وإعتبرتك في حياتي حب صادق وإعتبرني = أي شي في حياتك فيه جدوى



وإحتضنتك وسط عيني إحتضني = إحتضني دام أنا ماني ببلوى



إإتمرتك ليل عشق وإإتمرني = والعطا مني ولا أبغى منك عطوى



يارفيقي أسف أقصد قلبي اللي يحتضرني = لو أموت احسن من إني أتهقوى



إغتمرتك حب صادق إغتمرني = ليل موحش وأنت ليلك فيه سلوى

[محمد القسامي]

إن لم تدرك ماهي حاجتك بما تريد



فمذا تريد

























من تاق لوصل



لا يسلو عنه



ومن سلا عن وصلك



فأغفو عنه

[محمد القسامي]

ليس شرطآ أن تصدق كل ماأقول



وليس شرطآ أن تصدق بكل ماتقول



ولكن



سأحتفض بالذكرى



إن لم أجد مايغني عنها



فلست أحيا لشيئ أدرك أنه لن يأتي



وأدرك أن هنالك شيئ حتى وإن عاد



لن أكون له بذلك الإنقياد

[محمد القسامي]

أنت أكبر





وأنت أطهر





وأنت أفهم بالمعاني





وأنت عن كل الدواهي





بس في عقلك تباهي





وأنت سرجوف المشاعر





لو تغنى كل شاعر





وأنت محد صار زيك





لا شبيه ولا حليك





بس أنته بالأماني





فعلآ إحساسك يعاني





ولا أنا كلي صراحه





للوفا أبني براحه





خافق يشري إنشراحه





ماني بداخل بعقلك





ماني من اللي ضحكلك





ماني مجامل خفوقك





لجل ماإني أذوقك





يعني بكل الصراحه





والصراحه





والصراحه





ماني براجي مقفي





ولا ني بشاري معفي





ماأذكر إلا من ذكرني





ولا أحضر إلا من حضرني





يعني إفهمها ياسيد





وضعنا ماهو بجيد





كان رحت إلك المعزه





بس قلبي ماتهزه





من يروح بكيف كيفه





مالحقته ربع حيفه

[محمد القسامي]

النهج نهجي والغلا عنواني = وحروفي لساني وحكي شفاهي



أزهو بما يزهو ولا يزهاني = زهو زهتبه زهوته للاهي



كل يقول إنه رقص شيطاني = من سوء رقصه يعجبه متباهي



وأنا أقول إني على قيفاني = في سطر واضح ماوزاه الواهي



الحبر دم ينثره شرياني = من قبل أعرفك كاتبه للزاهي



واليوم أنته بكتبك وإنساني = ناضر بحرفي وأشرب من الشاهي



دامك نسيت إنك معك تلقاني = خلك بزهوة خافقك ياساهي

[محمد القسامي]

لو يقولون العرب بكره تموت = كان ماواصلت لك شخص متجافي



ليت عزرائيل في نفسي يفوت = كان واصلته جعل موتي يوافي



كان مايفهم مصيبه والسكوت = في سلوم العشق ماباح الخوافي



ماسقيت أغلا محبه عرق توت = ولا سقيت أغلا غرامي من سوافي



كان حلو العشق قلبك له يشوت = العوافي مايجي غير العوافي



دام حرفي شيخ تزهاه البشوت = شيخ يقصد في غلاه أطيب موافي



ليتها صدفه تجيني ولا تفوت = صدفة تجمع وفاي بقلب وافي



كان أنا أحيابه عمر لجله وأموت = وأعتنق فيه الغرام بلا تجافي

[محمد القسامي]

الله على اللي صافيات معانيه = يرتاح له منهو إشتكى وإلتجابه

عز المعاني محتوي في محانيه = يفقد ولو هو بالثواني غيابه

الفقر ماهو فقر مال بمخابيه = الفقر فقره طيب طيب الصبابه

بعض الغلا جرحه يجي في تواليه = وبعض الغلا ياسعد منهو حيابه

حر يتعثر والبلا في خطاويه = وحر يعز بليله اللي سرابه

وعمر تسوقه فدوه لعين غاليه = وعمر يعلك والبلا في غيابه

ومن لايقدر هيبته عند شاريه = ماهو بلاقي حشمته في عتابه

ومن لا يحس بقيمته عند هاويه = لارحم أبو حب مقامه سرابه

شخص يتصنع بالغلا لعب يعطيه = وشخص غلاه مبين في صوابه

هذي خوافي خافقي والمشاريه = وفي كل بيت من السؤال الإجابه

[محمد القسامي]

رح وتلقا بالغلا لك شخص قدك = واجد اللي يسكنون ويرحلون



ماني بميت غلا حدك وحدك = الغلا للي يجون وينتمون



لاهي بجزرك وميت فيك مدك = منهكتك أحلام تبنيها بضنون



أنت عشقك ماتعدى كف يدك = ولا أنا غلطه رمتني بك عيون



كنت أحسبك عشق ماشي يهدك = وأثرك إتشابه غلا اللي يلعبون



دام مالك بالعتب لا لا يردك = لو غرامك ضرب من ضرب الجنون



لو زهابك عشق ماني مستمدك = بعد كلمه جاتني بين المتون



وأنت نفسك عدها للي يعدك = مكسب فالوقت لو غيرك يهون

[محمد القسامي]

باقي بعزك باقيه كل هيبتك = باقي تساوين البشر في عيوني





كل الخلايق ماتجي ربع قيمتك = ياواحتي فالحب ياأعظم جنوني

[محمد القسامي]

إن كان ودك تعرف إحساس مغليك = حده على أقصى خاطره في كلامك





تعرف بعدها وشهو شعور غاليك = وتعرف بعد وشهو بقلبه مقامك

[محمد القسامي]

همسه







الغلا شرعه معزه مع معزه = والهوا سلمه صدوق مع صدوق





دام لك حب ملكني كل حزه = مالك إلا طيب يبل العروق





رحت روح مابقا للقلب فزه = رح فمان الله لو كلي حروق





ماني بتابع غلا الي مايزره = خافقي مابين ضلعين وخفوق

[محمد القسامي]

أخر همس الغلا





حييت ياوصل ذكرته مع الناس = كل ماذكرتك ذكرياتي زهتني



منت بعلاقه للغلا تحني الراس = أنته خفوق اللي هويت وعنتني



مكسب خفوق وغايه بعز نوماس = أحيا وتحيا بالغلا من حيتني



وصت خفوقي لايجي كل مجلاس = بأطيب وصيه فالوداع تركتني



نبذه فقط عن راعية شوق وإحساس = اللي قبل تنسى الغرام ذكرتني



ولا الزمن هذا زمن بين الأقواس = ياكثر مابه من مصايب نصتني



ولا أنت يامقصد قصيدي على ساس = مستودعك لو شرهتك ما لحقتني

[محمد القسامي]

مااستطيع لشي ماهو مستطاع = بين رغبات الغلا والذكريات



إن ذعنت لرغبتي بالإنصياع = خفت لا ضيع مقامي بشهوات



وإن نضرت لذكرياتي بأقتناع = أذكر سنيني وأخاف من الفوات



وجد قلب يبست عروقه وجاع = لاوصل جمه ولا ذاق ثمرات



لا ثنيه تنطحه لا لا رباع = منقطع ماحوله مقيم الصلاة



حافيه رجله برمضى وسط قاع = تحت شمس تحرم الطير الحياة



ماأحتسى في طرقته بأدنى متاع = يحتري موته من أيات الجهات



ذاك أنا أشبه خاطره بالإلتياع = منتضر موتي ولا ذقت الوفاة



ضايع مابين عشق وإنخداع = خاطري مابينهن صاير شتات



هوجسة خاطر على ذكرى وداع = كل ماقلت أدبرت حنت وجات

[محمد القسامي]

أنا حبكتك للهوا طرق طاروق = حبه وحبه وإبتدبك محبه

ثم إنشيتك للغلا بلة عروق = يبتلبك خافق غلا ماتشبه

وأبا أتذكر عاشق لجله أروق = أبا أتذكر مالحقت بمسبه

تكفيك يالله والغلا كله فروق = حبه وحبه ماعرفنا مغبه

[محمد القسامي]

أص ياقلبي مشينا



وأص ياقلبي رحلنا



أص ماتسوى المناعه



دام مافيها قناعه



خذ بيوت طروق شعرك



خذ خواطر كل همسك



خلها بصمة مخاوي



في غريبين الهقاوي

[محمد القسامي]

حشمة الرفقه وحشمة كل طيب = وحشمة لأسمك وحشمات لغلاك



هذا أنا ماخاب ضني لو تخيب = دامي بضن الصدوق اللي بغاك



صدقي اللي ماخبرت إنه يعيب = هو بلا تفكيرك وسبة بلاك



لو قريب من خفوقي ياقريب = ماوليتك كان ماتضهر ولاك







لا تخاف قربت الرحيل وتركت إلك = شي يذكر كان تبغى تذكر



وصية ماهي تسبب تخاذلك = إشكر بها طيف لوصلك تشكر

[محمد القسامي]

هلوسة وداع







إن تكن أو لم تكن أو لن تكون = بي كذا أو هكذا وشهو بلاك



وإن أمن أولم أمن أو لن أمون = بك كذا أو هكذا قصدي غلاك



بك كفا قلت إكتفا كافي ضنون = كنت أو ماكنت يامكبر خطاك

[محمد القسامي]

الحب لو تقلب حروفه غدا بح = والبح حب تنتهيبه الولايف



بوح ومشاعر زايفه مابها صح = صح بعلاقه تنتهي وبحسايف



صحيح نعتب والعتب فاهمه شح = وماشح يعني بالغلا شي كايف



نح العتب في خاطرك والغلا نح = نحه لروس ماتعرف الضعايف



وأخر حروفي ينطقه صوتي البح = بحيت صوت مايبي فيك عايف



محد مكلف خاطرك شي إرتح = إرتح وجاذب صوتك لكل نايف



ومدام لك هيبه توجس للأصلح = أصلح أمورك وينها وأنت شايف

[محمد القسامي]

صحيح أشواقنا تأتي تباعآ

تحت مبدأ معزه مع توافق



لما نحتاج نحتاج إقتناعآ

بأن العشق عنوان الخوافق



رفيق فيه تحلولي طباعآ

به للعشق أشواق دوافق



متاعآ فيه يانفسي متاعآ

إلا أن ينجلي موتي موافق



لأشدو فيه ياقلبي وداعآ

وداعآ أنت ياقلب أرافق

[محمد القسامي]

إلى من ساوئت بالعشق ضني = وضنت غير ضن كنت أضنه



وإلى من ضنت بأني وأني = ومالت بالحنين اللي أحنه



لها شعري يرد القول عني = بأني كنت أو ماكنت إنه



زهاوي طيب في معنى يغني = يطيب بطيب منهو يستضنه



عزيز بعز مايعرف تدني = ولو يهدي خفوقه مايمنه



يبادل صدق مايعرف تأني = لعشقه عز مسنونه يسنه



ولا يجني ولا يعرف تجني = ولو جور الهوى قلبه يعنه



تمنى وإندثر وصل وتمني = وشاش لراس دندونه يدنه



وإذا من ساوئت بالعشق ضني = قنعت من الهوى اللي تستكنه



ماأعشق بالهوا كني وكني = ولا أعطي خافق كنه وكنه

[محمد القسامي]

إن جابها الطيب أجيها مندفع كلي = كلي بكل الوفى في غايته كله



وإن جات رغبه عن الرغبات أنا أولي = ماني بلاش على رغباته أقبله



أبنتقيله غرامي حر يهلي = حر على هيبته محد وصل ضله

[محمد القسامي]

همي اللي في مغباته سجني = غمي اللي ماتقاويت أمنعه

إمتحني بشي لو شالوه عني = صار قلبي مدمنه له يتبعه

عادته عني مع الوقت متعني = دايم وصدوف وقته تلفعه

كل مالديتله غصب طعني = طعنته كل الرجا به تقطعه

إن لعنته له صدا صوت لعني = وإن رفعته طاح ماأحتلت أرفعه

ياغرام فيك ياكثر التجني = في قضية خاطري مع مطمعه

إن صبرته يوم هاجوسه شحني = وإن وصلته يوم عشت بمعمعه

أشهد إني مبتلا عشق إمتحني = وأشهد إنه مبتلا بالزعزعه

أه ياليته يخيب كل ضني = وأسهره عمر مع إحساس أجمعه

ويتغنى شاعر لجله يغني = يجمعه ديوان عشق ويطبعه

[محمد القسامي]

أعلم

وأتجاهل وأنا أعلم

ولكن هو أنت

من إعتنق ذلك المبدأ

فكم من كثير يغني عنه القليل

وكم من قليل يعني لك المستحيل

فهل ستجيب بما أسأل

من أنت

وكيف أنت

ومما تكونت

ومالذي تبحث عنه

وماهو إسمك

وكيف هي قيمتك وتقييمك لنفسك

هنا أقف

وهنا أودع

علني اجدك غير ماأنت ياأنت

[محمد القسامي]

تكذب علي واقول عادي ومسموح = يمكن مع الأيام يصدق ويوفي



لني أبيك بهيبة تبني صروح = هيبة وفى وتبدد أحلام خوفي

[محمد القسامي]

جنبت عن رفقة رعاع وخثاريق = وعن واحد طيبه ردا مادرابه



وقفيت عن وجد الخطا والمطافيق = وعن من تجنى بالردا من هقابه

[align=center]

[محمد القسامي]

إكتفيتك عشق قلت أرجع رفيق = يمكن إني أقنعك وأكسب رضاك



وأرجعك وأسترجعك قدر وصديق = ثم أوضحلك صحيحك عن خطاك



وأبعدك عن خاتمة غل وحريق = وأستثيرك شوف هذا اللي زهاك



وعنك أعيق اللي خفوقه لك يعيق = ثم أقربك الغلا وأطرد بلاك



ماأرتضيك تعيش في واقع غريق = مازهابه عز لو كثر حلاك



ولا أرتضيك بحلم في صدمه يفيق = صحوة ماعقبها إلا لك هلاك



هذا أنا ولا أنت ماذبلت ريق = دايم وكذبك بداياته عطاك



رح فمان الله ياوسع الطريق = خاطري بالشيمه اليوم إكتفاك

[محمد القسامي]

هيه يلي قستك بذكرى قديمه = وشفتك أطمن من شموخ الذكريات



لنها ذكرى على قدر وحشيمه = ذكريات بس تعنيلي حياة



عشتها حب عرف معنى وقيمه = وإنتهت بأصدق غرام وأمنيات



بنت حر تنذكر قيمه وشيمه = تنذكر بأطيب عناوين وصفات



ماتعرف الكذب وأنواع النميمه = وأصلها في وصلها سكر نبات



ماتقسم عشقها مثل البهيمه = عزها عاشق تعزواها وجات



ولاتجاري بالغلا عقول سقيمه = حرة متربعه فوق البنات



كلها ذكرى وفى عز وغنيمه = محتفض فيها مثل حفض الوصاة



كيف لا وأنتي عن المعنى غشيمه = مكسبك كذبك على كل الجهات

[محمد القسامي]

لاتحزن على من لايريدك



ولاتذهب لمن يقطع وريدك



ففي حياتك حاول أن تكسب ماهو جميل



وتتجنب ماهو يميل



فأن ماتجده اليوم صعب



أن تجده غدآ



فأن لم تجد تقديرآ لما تفعل



فخير لك أن ترحل

[محمد القسامي]

ناكر المعروف أنا منك إكتفيت = وإكتفائي عنك يعنيلي أمان



إنتهى كل شي حتى أنت إنتهيت = مابقالك قدر ماباقي مكان



دامك أنت اللي عن الحشمه سهيت = من يلومك لو تحديت الزمان



كم كذبت وكم حلفت وكم شكيت = وكم فتحت الباب لكلاب رمضان



رح فمان الله لكن ماهقيت = يارفيع القدر ترجع للطمان

[محمد القسامي]

هذاك صدقي كاسر عين كذبه = لاجيت في موقف تلاشى وقفى



لنه حياوي منتهى الكذب لعبه = مايدري إنه بالخطا دوم وفى

[محمد القسامي]

ياحظ عين أمك روت من حلاياك = وأنا أموت وخاطري بس شوفتك



هي تنظرك ماهمها لحظة رضاك = وأنا أنظرك لهفة غلا في محبتك

[محمد القسامي]

إن تكلمت بغلا لافظ فوك = كم على هرجك خفوقي بك سرح

وإن تمايلت بدلع لارحم أبوك = هالدلع في كبريائي كم طرح

وإن ضحكت الله يالريم الضحوك = زانت الضحكه لهمي وإنشرح

وإن ضميت وضمني لك كلبوك = ضمتك تبديد حزني بالمرح

كني صغير معك يعني أخوك = مشتريله لعبة فيها فرح

[محمد القسامي]

فعلآ أنا أكبر خطاي وغلطتي إني = دعيت نفسي لمن لايدعو إحساسي

وأكبر مصيبه على إحساسي غلب ضني = يوم إحتضن خافقي مع لهفة أنفاسي

سقت الغلا والعتب له مندفع كني = مستوطن اللي شرا عزي ونوماسي

جاوب وكنه برمح الود يطعني = مالك مكان بغلاي ولا بمجلاسي

قولي بعد ماإكتفاني يسمعه مني = أبحسبه بالوفى من عارض الناسي

وإن كان جاني بدعوى عشق يسكني = إذا إرتضيته تراك اللاش ياراسي

[محمد القسامي]

أفضل شعور إنك تعيش وتختلي = لافلسفه لا كذب لاعشق وخداع

وأطيب شعور إنك تخاوي معتلي = في قيمتك مايوم يلبسلك قناع

بتعيش به واقع جميل وممتلي = حشمه وتقدير وغلا ماله ضياع

تقرب منه وتشوف صدره يصتلي = فايح غلا ماحط قدرك في متاع

ولا الردي غيمة سواد وتنجلي = ياخذ مراده وأخرت كذبه وداع

أقولها ولكل حر منزلي = إن ماأرتفع ولا ضرب في وسط قاع

[محمد القسامي]

بحثآ عن الحب



يقولون إن لم تعشق فأنت لاتحمل قلبآ



فتعجل العشق كي تنعم به



وأنا أقول إن لم تعشق فأنت تحمل قلبآ



فلا تتعجل العشق كي تحرم منه



فهم بالقول تعجلو



وأنا بالقول تيقنت



بأن لا أطقس للعشق سوى في عبارتهم



ولا حرمان من حب إلا بتفاهاتهم



فأنت تحمل قلبآ



وهم يحملون قلوبآ



فأي القلوب أنت



في عباراتهم وحضاراتهم



أم في قولي وعبارتي



فهم يريدون أن تعيش العشق مع كل كائن



حتى يكون لك ذلك القلب المشعور به



وأنا من يريدك أن تتأنى العشق كي يشعر به قلبك



فهل تريد أن تشعر بالعشق أم يشعر به قلبك



فمقولتهم لك إتباع رغبات



ومقولتي لك وضوح قناعات



فعشقهم ضياع



وعشقي إنصياع



فلا ضير بأن تعيش دهرآ باحثآ عن من تعشق



لا أن تعيش يومآ مع كل من يعشق ومع كل من يرغب

[محمد القسامي]

أقفيت عن منهو تناسى وجودي = وهونت عن رفقة متاع وفضاوه

أما إعتنق منهو بذكري يجودي = ولا أبتعد عن من يكيل بغبـاوه

طيبي معي متوارثه من جدودي = ماقد أكلت بعقل مسلم حلاوه

[محمد القسامي]

أستخلف الله في بقايا بقاياي = ولا الردى عنه أمتنع بالكسوفه

دام العطايا وافيه من عطاياي = ماني بملحق من عطيته حسوفه

[محمد القسامي]

حكمه

اللاش ماكبر مقامه كلامه = ربحه دنائه لو نطق در وألماس



مقبـــاس





اللي عطاهم دايم يسود الوجه = ياليتهم ماتو بليا عطاهم

[محمد القسامي]

إقتباس القول ماهو مثل بدعه = كان تفهم في مضامين الكلام



والكلام اللي بديت وبان صدعه = في مضامينه كتبنا لك ملام

[محمد القسامي]

إليك روح بدم القـــــــــلب قد كتبت = عجيب شــــعر لقلب فيك هيمــانا



وفدتك عين على فرقاك قد سكبت= أحـــــــــر دمع تأذت منه أوجانا



كأن في داخلي نيــــران قد نشبت = والدمع موقد هذه النيران أحزانا

[محمد القسامي]

الخاطر اللي تحرقه جمر الاشــــواق = والفرحه اللي موتها في وداعك



والذكريات ونخوة إحساس مشتاق = وأغلى محبه ذاقها عمر جاعك



هي مختصر شوق مع النفس حراق = حبيت أبينها وأشوف إنطباعك

[محمد القسامي]

أطيب قلوب الناس حنا سكنا = بأطيب أحاسيـس الغلا والأماره



بين الضــلوع مشيدينه وطنا = عنوان عشق وطيب مابه خساره



ماقد كذبنا والدموع إفضحنا = ولــو هـو فقدنا مايجينا جساره



مايشتري عمر الغلا غير حنا = ولانشتري غير الوفى مع طهاره



لا تصدق اللي قال عنا وعنا = ردد معـي ردد صـريـح الـعباره



كنا هنا بس الـزمان إمتـحنا = وذوق خواطـرنا الرحيل بمراره

[محمد القسامي]

ياساقي الحب كأسآ لست شاربه = أما إستقيت بكأس الحب حرماني



كررت لائي بوصل لست أعرفه = فلاء وصل بغير العشق ترعاني



فذاك كأس بغير الحب تملؤه = لا ترتوي منه غير الجن والجاني



لاأشتري الوصل إلا والغلا معه= قلب ينادي وإن فارقت ينعاني

[محمد القسامي]

السالفه طالت ولا باقـي إحتمـال = يالغايه العذبـه وياكـل الغـرام

قد طال صبري بس ماجالي مجـال = لانلت شف ولاحصلي مـن مـرام

تعبت أضمـك وأتضموابـك زلال = جميل حلم وينتهيبي فـي حطـام

مادام مالله جابـك بنـص الحـلال = هي خاربه ليتك تجين وبالحـرام

أحسن من إني أنتظر شي محـال = وأحرق خفوقي في مضامين الكلام

ياأطهررفيقه عشتها واقع خيـال = لاعادت الشرهـه ولاعـاد المـلام

[محمد القسامي]

يرطن وأنا ذايب غلاه إليا رطن = مجنون همس وخافقي متولههـ



ياحيلة الله كيف في همسه شطن = قلبي وأنا قبل الغرام مدلههـ



ياليت صدره لي مدا عمري وطن = ماكان صدري له هموم تشوههـ



وليته فطن لي مثل ماقلبي فطن = كان الذي فوه خفوقي فوههـ



يعطي ولكن الليالي ماعطن = مخطي وحبيت بخطاه أنوههـ

[محمد القسامي]

إن كان ماني لك على كل طاري = روح بامان الله لاتوجع الروح

هذا الغلا ماله طبيب إستشاري = يوزع الأشواق ويشافي جروح

ستر الغرام بعاشقه وانت داري = لو رحت غيرك مالنا فيه مصلوح

[محمد القسامي]

أنا وقلبي في بداية إصتدام = عسى الخساير ماتجينا فادحه



دام المشاعر ناويه بالإلتحام = ياخوف قلبي من نتيجه كاسحه

[محمد القسامي]

ماني براعي شعر يهوى المنابر = ولاني بشاعر جاهل في مقامه



أنا القصيده وأنتي إحساس شاعر = يكتب بلهفة خاطره في مرامه



عدد جماهيري فقط شخص حاظر = كله جماهيري يالبى غرامه

[محمد القسامي]

أقرب تراني من محبتك أقرب = لو بيني وبينك بعيد المسافه

مادام لي عين لشوفتك تطرب = لو ماوصلتك ياكثير الحسافه

[محمد القسامي]

تعال أنا مافيه غيرك نخيته = خلك أسير الشوق لعيون مشتاق

مافيه غيرك بالحنايا لقيته = واحد وكنك عن ملايين عشاق

[محمد القسامي]

قلطت في قلبي تربع وانثبر = محد بواصل في غرامك غيرتي



مدام دمي صار لأبياتك حبر = محد مشفر لك ربع تشفيرتي

[محمد القسامي]

بز دمي من عروقي بز بز = بز مطعون الهوى من خنجرك

ياوليف حز شوقي حز حز = حز شوق اللي بعينه ينظرك

[محمد القسامي]

حلاة وصلك زودت حلو ذكراك = وطيفك يكفي لو بعد ماأشوفك

كم ليلة زان الهوى وقت ماالقاك = وكم ليلة سكرتها من وصوفك

[محمد القسامي]

شوقي على شوفتك ماكنه ألا = شوق الضرير مشاهد الكون كله

وقدرك معي في مرحلة ليس إلا = واحد يموت إذا إنحرم شوف خله

[محمد القسامي]

أبلغ القول



عالم دنيه من يخاويها دني = فيها الرجال أزوال والرفقه زوال

تتعب ولا تلقابها حر هني = وإليا لقيته ينقلب في كل حال

[محمد القسامي]

من بنى له صرح عالي من غرام = مايبيع الحب لو منه إنعدم

ومن بنى له قدر عالي بأحترام = مايكب الطيب لو فيه إنصدم

ومن عشق بالكذب والمقصد مرام = لو كبر عشقه بتاليه إنهدم

ومن يغش العاشق بواحد جرام = ماله إلا تالي العشره ندم

قلتها في بيت واحد والسلام = يالنقاش اللي على الصدر إحتدم

مايطيب الطيب في ضنوة حرام = ولايطيب العشق في معدوم دم

[محمد القسامي]

كل صدمه في مضامين الرفاقه = كنها كيه من يدين الرفيق

وكل هرجه تنكتب لهو وطفاقه = كنها خطوه وتبعد لك صديق

وكل عز يستوي من غير فاقه = مايسر ولو يطول به الطريق

[محمد القسامي]

ماقلتلك ترا الرفاقه كايده = وإن الرفاقه عزها حفض الرفيق

وماقلتلك من دون عزه وش تحصل فايده = غير التعب ونهايه وشبت حريق

هذا أنا لك قلتها والزايده = إن الدروب أحيان ملقاها طريق

[محمد القسامي]

يالعنود اللي غيابك رغم أنف = رغم أنف العشق والله مانسيت

كيف انا أنسى والجفا والعشق صلف = والحنين مبيدي مهما إتقيت

[محمد القسامي]

حنا كذا عشنا وحنا كذا نشيب = حرار قوم ولانعرف الخدايع

مانمنع الطيب عن مواصل الطيب = عاداتنا الرفقه وحلو الطبايع

ولا نلحق الخيب ولو ضنه يخيب = هذي مبادينا بليا ضوايع

نعطي ولو حدر عطانا مع شعيب = ولا قد حسبنا حسبة للطمايع

نفقد بشر والواقع أصل وتجاريب = والوقت ينبي عن خفي الصنايع

نمشي ولا أحد (ن) له علينا مطاليب = ومن فضل ربي حافضين الودايع

حنا كذا عشنا زمان التعاجيب = حرار قوم ماعرفنا الهزايع

[محمد القسامي]

يتسع بؤبؤ عيون الأدمي = لاصدف غرو يبيه ويشتهيه

ويعمى ولو هو وزانه حاتمي = مايشوفه لو يلد العين فيه

[محمد القسامي]

ضعف المخيخ يسبب أزمه للنخاع المستطيل = يشوش التفكير ويسبب روايح فايحه

ينتج غباوه وإتباع لمعتقد أصله هزيل = ويسن سنه للغرور بعز بنفس طايحه

وأقل شي أأكده دايم يثرثر بالحصيل = كنه جمع له زبدة قبل أمس كانت سايحه

يعني كذا في مذهبه لو قلت أقل من القليل = انه مساؤ عز فالدنيا ركابه رايحه

[محمد القسامي]

أطرق هواجيسي لحالي لحالي = مالي ومال الرفقه اللي بلا طيب
ولو اتجرع مرها قلت حالي = حتى لو أني حادر لي مع شعيب
بعض الرفاقه يشتريها ريالي = وبعض الرفاقه فلسفة وقت ويغيب
اكتب لهم واللي طرالي طرالي = الله يلعن مبدعين الألاعيب

[محمد القسامي]

هنا وبعيدآ كل البعد
عن الشعر
عن الخاطره
وعن جميع العناوين
أنطوي على نفسي
لعل الإنطواء يكون الدواء
من عشق الداء
فأنا المفتقد
وانا المحب
وانا الهاوي المهتم الهايم
كم أشتاق إلى ملهمتي
وكم أشتاق إلى عشقي
ولكن أنا هو أنا
أحب القرب
أحب اللهفة والحب
عندما أرافق أسأل لا أهمل
عندما تنتهي بي مرحلة عشق جنونيه
أحاول الجهد وأشحذ الهمه
وأبتعد عن مالايريدني
سوا بسؤالي
سوا بأهتمامي وخوفي
نعم أنا هو انا
يازمن ضاع فيك الإنصاف
وتبدل العشق إلى أنصاف بل فتافيت
أحيان تحيا وأحيان تميت
في قلب لعشقه يستميت

كنت هنا ببداية الذكرى
وسأبتعد بالذكرى عن ماينكر وجودي
ويحاول جحودي

[محمد القسامي]

الحبيب إن طال هجره ينسى = ينسى عشقه ولهفة عاشقه
لو يرددها أحبك في صباح وفي مسى = عاشق يعشق عشيق يرافقه

هنا إعتراف صغير

رأيت ورأيت وسمعت في أهوال العاشقين

كلمات وتمتمات ولغات وشعر

جنون وخواطر ولهفة وشوق

ولكن لم أرى من يدفن العشق في أضلعه

حتى لايراه أحد غيره

رأيت من يريد أن يلهو بروح ويتودد لروح

ويستنزف روح أخرى

فله ولي وللجميع

حب بلا كرامة ولاقيمه يساويك بالبهيمه

[محمد القسامي]

الغلا عشق وتواصل وأمنيه = وإحتفاض وحفض محبوب وحبيب

مع خلاصة روح دايم مفنيه = مفنيه للبعد في وصل القريب

يعني الزبده ولاده مضنيه = لا أنولد للجرح مرهم مع طبيب

[محمد القسامي]

أسدلي ليل المحبه ولعي = ولعي شمعة حنينك للحبيب
وإن غرقتي فالمحبه طلعي = طلعي شي نسي وصفه طبيب
والله إني في حراك مولعي = ولعه نضرة غريب مع غريب

[محمد القسامي]

طق أصبعك
طق أصبعي
يالله مشينا نتقهوى


يامولعي بالدس في قلبي إندس = وأرمس بهمسات الغلا لاتجافي
حس وتحسس عاشق مابعد حس = إلا بعشقك باح سد وخوافي


فصلة مخ


يامتلفآ روحآ لشوقك قد عنت = مالذنب إلا في الغرام مجازُ
في وصل روح لروحك قد دنت = موتآ فأن الموت فيك مفازُ

بلسمة روح


هذي يدي بسم المحبه وتمتد = تمتد لك وتشيل في كفها روح
لا لا يجي سهم الغلا منك مرتد = وأعيش بك يامتلف الروح مجروح

[محمد القسامي]

بين الثقة واللاثقه شيئ بسيط
فحينما يكون المرء كبيرآ بأخلاقه وقناعاته
فهو الثقه بعينها
وحينما يختلف فأن الصدمة ستكون أعضم
فلازلت الواثق ولازلت المتأمل بالخير


ماكذبت إن قلت لك مصدر ثقه = وأفتخر بك في حضورك والغياب
بس بين الحب والصد ورقه = مثل لحضه تفرق الفرح وعذاب
إن قطعتيها بخيانه وطفقه = مابقى في داخلي لجلك عتاب

أنت الثقه
وانت الذكرى الجميله
فلاتزعزعها

[محمد القسامي]

لم يتبقى سوى القليل

فقد مللت

فذات يوم سأعلن


,

,

,

,

,

,

,

,

,

,

,

,

,

,


الرحيل

[محمد القسامي]

هل تعلم متى تمتلك الكرامه

وقيمة النفس

,,

,,

,,

,,

,,

,,

,,

,,

,,

,,

حينما تستطيع الإنتصار على رغباتك

وما يهين ذاتك

[محمد القسامي]

إذا لم أحتفض بالعشق دهرآ = فما جدوى غرامي مع حنيني

لأن العمر للمعشوق مهرآ = لقلب واحد يعني ضنيني

أعترف إني أكاااااااد

أطق

[محمد القسامي]

يقولون دعها تضيق

فستعرف مع الضيق من هو الرفيق


ضيق الزمن مايكشف إلا صديقك =يكشف لك الوافي ويكشف لعوبه

[محمد القسامي]

يقولون الرفيق أو الصديق دائمآ مايكون قلبآ وقالبآ معك

ولكن

إلى اليوم أجده قلبآ لا قالبآ

[محمد القسامي]

يكفي تغيب تروح لاتوجع الروح = أرجع ترا روحي لقت فيك راحه

راحة غلا راحة هوا راحة وضوح = راحة فؤاد منك يشكي جراحه

[محمد القسامي]

والله إن إتيان حبك مشكله = دامك إشكال تضيع إبه الحلول
دام عشقك في حياتي معضله = ثق ثقه لو زنت تعني لي ذبول

[محمد القسامي]

إن مالقيت اللي يخاويني بوفاه = ولا تركتك يالردى لأهل الردى
وإن مالقيت اللي يجملني بغلاه = ولا تركت العشق لو طال المدى

[محمد القسامي]

إن كان في عشقي تتالت ذنوبك = وأزريت لا توفي غرامي مقامه
بستغفر الله عن غرامك وأتوبك = وأرحل ولا تنشد غرامي علامه

[محمد القسامي]

ماأعتزت من طيبي ولاني بمعتاز = غير الكريم اللي يقدر خويه
ولا أنحزت لكني عن العالم أنحاز = في عشق ماوالله يوجد حليه

[محمد القسامي]

يتضور لك حنيني والهيام = جوع عشق شبعته حالي غلاك
ياكبير القدر ياعالي المقام = في غرامك سعد منهو إلتقاك

[محمد القسامي]

إعيــــ وإجهاد ـاء
حينما ترتقي بشيئ فيأتي من يهدمه
إلى متى

متى يروى الحنين ويرتوي من ريقها راعيه = متى شمل المحب يتم مع خله ويهنابه

مخــ الذكــرى ــاوي

[محمد القسامي]

فضفضه


آآآآآه من صدر يأَوههـ الحنين = وآآآآآه من عمر بغيبتك أحتضر
وآآآه من ضلع حسبة إنه متين = أنعوج من دك قلبي والقهر
كل ماتطري عسى ربي يعين = أنتحيت وذقت لي موت حمر
كيف لو شوفك تهيا يالضنين = كان كلي عقب صدتك أندمر

تقسيمة غلا


الصد كافر والجفا أحيان بوذي = والبعد فنكوشي عن اللي يحبك
قد صاح لك في داخلي قلب موذي = عشقه يصيح وحاجته دوم طبك

مخـاوي الذكرى

[محمد القسامي]

معذرةً

,,
يا
,,

أنت

,,

لم أهتم يومآ بما تقول

,,

ولن أهتم

,,

فأنت من قوم قالو ولم يفعلو

[محمد القسامي]

http://www.l44l.com/upfiles9/O6r39454.jpg (http://www.l44l.com/)

[محمد القسامي]

أرتفع عن هرج بلاس وكذوب = وأحتشم بالطيب والعزه سوى
ماأواطن ضحكة السن اللعوب = وإن لقيته هجرتي عنه الدوى
ولا أخون العهد لو كله عيوب = ولا أرتوي من عد غيري به روى
قلتها والقصد ماهو بمحجوب = من سمع غاوي تركته في غوى

[محمد القسامي]

أفلقيني لو علمتي ما الحنين = ولو عرفتي يوم معنى للسهر
وعلميني لو بكيتي من أنين = لو فقدتي عشق وأبكاك القهر
لن معنى الحب إحساس دفين = مايجيبه حرف واهي أو مهر
الغلا الصادق شبيه الأكسجين = وإحتياجه فالعمر يوم ودهر

مخاوي الذكرى

[محمد القسامي]

ثلث ليلي معك في ضم ونعيم = وثلث بعد فراقك أشواق وأرق
ياحبيب في وصالـه أستهيم = شف حروف الشوق يشكيها الورق
دام لك عشق فخفاقي مقيم = لا تلم قلبآ من الشوق أحترق
مخــاوي الذكـرى

[محمد القسامي]

ههههههه
لاشيئ سوى أني لم أعتقد قول أنا وأنا
وأتعدد بمحاسن الصفات


العمر أحسه وقف في لحضة فراقك = والهم فيني ملكني وانهك طموحي
أقفيتي عني وراحت روح مشتاقك = ولحد من الناس عقبك حس في روحي
وأعانق الوجد فاقد لحضة عناقك = وأسلي النفس وأعيي غالي جروحي







مخاوي الذكرى

[محمد القسامي]

شيعت ميت دمعته دم تبكيك = قلب توفى والسبب من غرامه
أحيه من جرح ذبح عمر مغليك = يعز جرحك وإلتهى عن حطامه
يكفيك مات وكل وقته بطاريك = واراه جرحك عن تتمت مرامه

للحديث بقيه

مخاوي الذكرى

[محمد القسامي]

الصبر جميل
,
,
ولكنه
,
,
سيصل منتهاه ذات يوم

[محمد القسامي]

وخالقي
لم
ولن
ألتفت
لصغائر الأمور
أو تفهاء تكلمو في الخفاء

[محمد القسامي]

بدون مقدمات


يامولهه نفسي عليك أما كفاك = إني إكتفيتك حلم وأحيابك خيال
وأهديت لك تاج مع العالم زهاك = تاج تتوجتيه يضرب به مثال
هذا أنا والعمر فدوه ولرضاك = والمقصد المقصد تتمين الوصال

مخــاوي الذكرى

[محمد القسامي]

أسلي خاطري وأرثي حنيني = بعد مامات عشقك وأنتهيته

وأسلي خاطري وأكتم أنيني = على قلب أبيه ولا لقيته

[محمد القسامي]

لاشفت صدري دكه الهم وأعياه = أعرف ترا السبه بقايا غرامك
لنك يامفني من خلق حلم وأحياه = وأنا الصدوق اللي يحلل حرامك

مخاوي الذكرى

[محمد القسامي]

ماكن فالطايف بشر يوم والله = من يوم غبت ولاطرت لك طواري
لكن عزاي أقول أنا حسبي الله = لا الليل ليل ولا نهاره نهاري

[محمد القسامي]

أوعزت عيني لقلبي وأرتعش = والسبب نضرة هنوف يامعين
كل مافيني لنضرتها أنتعش = قلت ليت القلب لرضاها رهين
ليتها بالصدر سوتلي نعش = وأختفي مابين ........ ماأبين


للتكمله بإذن الله

[محمد القسامي]

للتاريخ فقط
.
.
ولمتأرجحي الأشواق
.
.
.


يجبر عزى المشتاق تأبين الأشواق = في دفتر يرثي غلاه وحنينه
ينعي بها حب سكن وسط الأعماق = ويسطر الذكرى وفى في ضنينه

[محمد القسامي]

خربشه في عالم الخرفشه
أبيات تعبر عن نفسها



لاتولي التقدير إلا ذو قدر = من ذي معزة نفس أو من ذا مقام
ولاتؤتي أشواقك لذو جرح وغدر = لاتؤتها إلا لذي عشق وغرام
ولاتبدي سرآ كان يخفيه الصدر = لاتُبدهِ إلا لمن حاز الهيام
لاترتضي في العشق إلا من نَدُر = أو عش بلاعشق وحز كل إحترام

[محمد القسامي]

هرج القفى ماهزني ياصاحبي = لو نقنق النقنوق يزري بالنعيق
قدري كبير وبالمعزه شاح بي = ماأنزل لنقنوق بسواليفه وأويق

[محمد القسامي]

إن جيت أبكتب لقيتك حرف يكتبني = وأمنت أنا إني من الأعماق غشاشك
مدري ولع يوم أحسك نبض يسكبني = ولا أن طبعك تطبع فيه من عاشك

[محمد القسامي]

تستلذك عين يطرب بك خفوق = وينكتب بك شعر من زينك يزين
ويرتشف من مبسمك شاعر يذوق = حلو ريق ينتشي به كل حين
ذاك أنا يالفتنه وكلي شفوق = أفتخرك بعشق وأرويك بحنين

[تلميذة الايآم]

نورت بعودتك ي القسامي
و ي هلا

[محمد القسامي]

نورت بعودتك ي القسامي
و ي هلا

هلابك أكثر ياتلميذة الأيام

نور من نورك يزهو به المكان ويحلو الزمان هو نورتواجدك والترحيب

دمتي بخير ياعزيزه

[محمد القسامي]

دام أنت أنا هالبيت من قلب هاويك= كتبته بدمي ولك فيه أماره
كل يوم في عمرك بعمري بخاويك =وكل يوم في عمري بدونك خساره

[محمد القسامي]

:sm3:


حاولت أخفف في غرامي تعاطيك = لقيتني في نشوتك دايم أطلب
ياآلذ لذه والطعم حلو طاريك = أغلب بشر بس الحلا فيك ماأغلب

[محمد القسامي]

أمنية أن يغير العنوان من قراشيعي إلى مجــ تمتمات ـــرد

[مصرية وافتخر]

هلا بك يالقسامي
نورت مكانك

[محمد القسامي]

حنا عرب نرزح تحت ذله وعار = وأفعالنا حبر وورق شجب تنديد
حكامنا لجل العرب دايم صغار = يروعهم من أحقر الخلق تهديد
مافيهم اللي بالفعل ياخذ الثار = إلا بأمرٍ فيه ريبه وتحديد
ياسوريا عذرآ على كل ماصار = كل العرب تحتاج وقفه وتجديد

[محمد الروقي]

سلمت ودمت يامحمد وصح كلك

كلام في الصميم

[محمد القسامي]

تسبقني الشهوه على صوته البح = وأصيح له ياصوت خذني لعينه
خذني لمن بالود والعشق ماشح = مشتاق للي سقت عمري لزينه

[محمد القسامي]

تعال ولا روح وش عاد باقي = فالحالتين الروح غصبٍ لك تروح
يلي بفقدك والوجود إحتراقي = قد مت فيك وقلت يازين مسموح

[محمد القسامي]

ماهمني منهو بهرجه ضلمني = ولاهمني من باع عشقي ولا آوفاه
هذاك من طيبي ترا ماحرمني = وهذاك ماأوجع قلب بالصدق يرفاه

[محمد القسامي]

البارحه فيه أفكر كيف آنا أفكر =ولقيت وضعي يعاكس حيل تفكيري
كم مرةٍ باب وده ودي أسكر =وألقاني أطق بابه في مشاويري

[محمد القسامي]

أعشق بطيب وفارق بطيب يافلان = هذا ترا فعل النفوس النقيه
بالطيب لك عِزه ولك هيبه وشان = ولا الردى منبوذ بين البريه

[النجلاء]

القسامي

صح لسانك

مدونه رائعه بروعة وجمال حضورك

تقديري لك

النجلاء

[لهفة شوق]

يذهلني قلمُك ويستوُقفني دآئمآً

[محمد القسامي]

القسامي

صح لسانك

مدونه رائعه بروعة وجمال حضورك

تقديري لك

النجلاء

الرائع تواجدك وتشريفك يالنجلاء

لاهنتي ودام الوجود والحال بكل خير ومعزه وتقدير

[محمد القسامي]

يذهلني قلمُك ويستوُقفني دآئمآً



شكرآ للإطراء وحسن التواجد يالهفة شوق

ولاهنتي على المرورك الكريم ياكريمه

ودام الوجود والحال بكل خير ومعزه وتقدير بإذن الله

[محمد القسامي]

قالت لك الذكرى وقلت أجمل العشق = محبة الذكرى بعد زاهي الحب

.

.


قالت لك الذكرى وقلت أجمل العشق = محبة الذكرى بعد زاهي الحب

[محمد القسامي]

ياليلُ خٌذني إلى من تشتهي روحي = وقُل لها قالَ خٌذ روحي إلى روحي
فما يطيق المحبٌ الوالهٌ الألمَ = في فقدِ من وصلُها إبراء مجروحِ

[النجلاء]

محمد القسامي

صح لسانك
وكل عام وانت بخير ومنور رواسي والمدونه بوجودك
يشرفنا ويسعدنا حضورك المميز

تقديري لسموك

النجلاء

[محمد القسامي]

من يَقتِلٌ الحٌبَ يومآ سوفَ يقتلهُ = قلبُ ُ شبيهٌ ٌ لقلبٍ فيه قَتالٌ

.

وبصيغةٍ أخرى
.


من يَخذلٌ العِشقَ يومآ سوفَ يخذلهٌ = قلبٌ ٌ لهُ الطبعُ في الأشواقِ خذلانٌ

[محمد القسامي]

ياقلبي الوافي .. فداك

مليون خاين .. لو جفاك

..

أنا نذرتك للوفا

.. غصبٍ على هذا .. وذاك

[محمد القسامي]

الغرام إحساس والوصل أغنيه = لحنها يزدان في لحظة عناق

.

.


الغرام إحساس والوصل أٌغنِيه = لحنها يزدان في لحظة عناق

[محمد القسامي]

ياغلى مغليك من غالي وفاك = لا تعاتب غاليٍ بك يفتخر
إن سلاك الحرف والله ماسلاك = قلبٍ يهيمك ووصلك ينتضر

[محمد الروقي]

هلا والله

وصح لسااانك لين ترضاء ونت لا ترضاء خلني ارددها
الايام هذي شارلي سيكل وحب اسوي شيلات ونا اشوقه


جزل يامحمد

[النجلاء]

القسامي

صح السانك ودام نبض احساسك الراقي

تمتمات رائعه راقت لي ونالت اعجابي

دمت ودام رقي قلمك الشامخ متابعه بكل شوق

تقديري لسموك

النجلاء

[النجلاء]

http://up.3dlat.com/uploads/138158368513.gif (http://up.3dlat.com/)

[محمد القسامي]

http://up.3dlat.com/uploads/138158368513.gif (http://up.3dlat.com/)

وأنتي بخير وصحة وعافية يالنجلاء

وعاد العيد وأنتي ومن تحبين بخير وأتم صحة

[محمد القسامي]

ماهمني منهو بهرجه ضلمني = ولاهمني من باع عشقي ولا آوفاه
هذاك من طيبي ترا ماحرمني = وهذاك ماأوجع قلب بالصدق يرفاه

[محمد القسامي]

عن داءُ قلبي كريمُ ُ من يعللني = فلا دواءً لدائي غيرُ تعليلي
تلك الغرامُ إليها الشوقٌ يقتُلني = وفي مسراتها أٌنسي وتفضيلي

[محمد القسامي]

ما أطيع انا الوقت فيك ولا يطاوعني = وإن لامني في غلاك بحقك آلومه
مرات للواقع بفقدك يطوعني = ومرات بالذكريات أضيع علومه

[النجلاء]

ياهلا وآلله شاعرنا محمد القسامي
الحمدلله على السلامه ونورت روآسي نجد بوجودك
وأن شاء آلله اخر الغيبات
تقديري لسموك
النجلاء

[محمد القسامي]

https://www.youtube.com/watch?v=oOhv_Q2JtJA&spfreload=10

[محمد الغنامي]

محمد القسامي
هلا وغلا مرحبا مليون
نورت رواسي نجد بقدومك
ان شاء الله اخر الغيبات

[جوري]

ما أطيع انا الوقت فيك ولا يطاوعنيوإن لامنـي فـي غـلاك بحقـك آلـومـه
مـــرات لـلـواقــع بـفـقــدك يـطـوعـنـيومــرات بالذكـريـات أضـيـع عـلـومـه

اعذرني على الرد فلم اكتفي بالاطلاع
تحياتي

[ملكة الرواسي]

صح لسانك ولا هنت محمد
كنت هنا

[مجيد الجنابي]

اسعدني الكوث بين ثنايا مدونتك الجميله

التي تعطر بشذا اريج احرفك الرقيقه

اعطر وارق التحايا لسموك