][ ذكرى][ ~ قصة لم تنتهيـﮯ . . [الأرشيف] - شبكة رواسي نجد الأدبية

صـدووودٓ

02-09-2012, 04:48 PM

][ ذكرى][ ~ قصة لم تنتهيـﮯ . .

يا قلبـي .. هالدنيـا وش فيهـا [ عليـك ] ؟
أبفهم ! هي قوية والا انـت ماتقـدر عليهـا
غريب [ أمرك ] و الهم اذا ماجيته : يجيـك !
علاقة حب و وفا بينـك وبيـن ( بلاويهـا )
بحياتك هـذي ( وربـي ) جـاك مـا يكفيـك
و أخذت من حزنها ما عن [ فرحهآ ] يغنيـك
يا قلبـي تكفـى أهـدى عسـى الله يهديـك
أدري صـار الحـزن [ صاحبـكـ] و يغليـك
قلوب البشـر بألـف لـون و لـون تحييـك
وانـت .. علـى النيـة يـا قلبـي هقاويـك
علمني كم مـرة انصدمـت وزادت بلاويـك ؟
و ياما ،، سامحت ناس"ن وارخصوا طاريـك
يا أيمن ؟ على الحزن / اليوم من يجاريـك ؟
وأشوف الهم يحبك ، يحبك ، يحبك و شاريك
امسحها دموعك ، وخلهـا علـى [ باريـك ]
والدنيا طريق ، لابد ما تلقى مـن يداويـك !
واذا على ( الهم ) ، حبه انت بعد وش فيك ؟
كمل معه سنينك ، دامه هو [ مختصر ماضيك ]
،
الله المستعان ..
وبـ " الله " التوفيق ، وبذكرة العبد ما يهان !
الايام ترووح والعمر يمشي ،،
بدينا حلم العمر بـ " دقيقة " وصرنا في الـ 25 حقيقة ..
كبرنا وليتنا ما كبرنــا ..
كبرنا وزادت همومنا ..
وصار عندنا من الهموم " رصيد " وفائض سنوي " ونصدرة تصدير ..
يازيننا واحنا صغآر ..
ننشغل في العابنا وبس ، ما نحتار ..
على النيه عايشين ولا نختار ..
وبالاخير نكسرها ..
وبعد ما نكسرها نبكي عليها ..
براءة أطفال ..
ولا ندري عن الدنيا وتاليها ..
عايشين بسلام واحلام ..
مالكم بالطويله ..
كبرنا ودخلنا الجامعة ..
السنه الاولى والثانيه ..
وصرنا بـ الثالثة ..
الوالد ودهـ اني اتخرج واصير موظف ..
والوالدة ودها اني اتزوج ..
ودهم و ودهم ..
وانا ما ودي لا اتخرج ولا اتزوج
نجحنا من ثالثة ..
واول يوم بعد الاجازة ..
والواحد كسلان ..
للساعة ثلاثة سهران ..
واكيد طلع من البيت جوعان ..
والله المستعان ..
رحنا للجامعة .. ودقينا باب رئيس القسم .. ياثقل دمة !!
عصبي وما يتفاهم الله يعين ابوه وامة !!
سلام يا دكتور عبدالعزيز ..
هلا يا ايمن بدري !! بالله هذا دوووام !!
انت في جامعة والا في مدرسة !!
<< ما قلت لكم ما يتفاهم
ما لكم بالطويلة ..
بحكم تخصصي ودراسيتي ..
سنة رابعة لازم تكون ( ميداني ) يعني في المستشفى ..
اخذنا اوراقنا من رئيس القسم الله يذكرة بالخير ..
ورحنا للمستشفى ووقفت قدام الاصنصير !!
ياهي زحمة ..
ناس مريضة ..
وناس تحب الفرجة ..
انتظرت حوالي الربع ساعة ..
قالت مالها الا الدرج .. مع اني ما احبة ..
والمشكلة اني ابي الدور الرابع
وصلت الدور الرابع ..
من غرفة لغرفة ..
ومن دون استأذان طبعا ^__^
شوي وتطلع بوجهي ( وحدهـ ) !!
ياهي وحدهـ !!
اول كلامي لها / بسم الله عليك ..
وثاني كلامي لها / صباح الورد ..
وثالث كلامي لها / نزلت وجهي بالارض
ردت علي ,,
اول كلامها لي / ابتسامة خجولة !!
والثاني كلامها لي / صباح الخير ..
وثالث كلامها لي / اي خدمة ؟؟
قلت / المعذرة والسموحة .. ممكن اعرف مكتب مدير شؤون الموظفين وين !!
قالت / ثاني مكتب على ايدك اليمين !!
قلت / شكرا سامحيني تراني طالب تدريب مسكين !!
قالت / ولا يهمك ترا على مثلك متعوديــن !!
رحت للمكتب وقابلت مدير شؤؤن الموظفين !!
ياهالادمي يا هو شين !!
ذكرني في ابو عبدالعزيز
سلام عليكم .. وعطيتة اوراقي ..
وعليكم السلام .. وشعندك يا ابني ؟؟
قلت انا طالب وعندي تدريب في هالمستشفى ..
وهو يناظر في ارواقي .. ما شاء الله معدلاتك مرتفعة !!
(( وهي على الحافحة .. بس يجامل ويقول في نفسة .. خليني امدحة يمكن احتاجة !! ))
قالي خلاص .. خذ اوراقك ورح للدكتور هشام .. رئيس قسم الصيدلة !!
وقلة يسلم عليك ابو سامي .. وانا بكلمة واخلية يتوصى فيك كأنك ولدي سامي !!
والله الله بالانظباط .. والالتزام ..
وانت في قسم هام ..
شد حيلك يالله الهمام !!
رحت لقسم الصيدلة .. للدكتور هشام !!
حبوب وطيب ودمة خفيف كانه عادل امام ..
قالي خلاص ابداء عملك من الان ..
رح للشباب وما راح يقصرون .. !!
رحت وانا مثل الاطرش بالزفة ..
كسلان .. وجوعان .. والله المستعان ..
جلست على الكرسي ..
انتظر واحد يعطيني وجه
فجاة ينفتح الباب .. واشم عطر جنااان ..
والا هذيك البنت .. اللي قابلتها بالدور الرابع !!!!
قالت / خير اي خدمة اخوي ..
قلت / ابد الله يسلمك .. انا طالب متدرب عندكم بهالقسم ..
(( وبديت عليها اثار الانزعاج ))
قالت ومن كلفوا من الشباب في الاشراف عليك ..
شوي ويدخل علينا عادل امام ..
اقصد الدكتور هشام .. !!
وبسرعة و وباين انه مستعجل ..
قال / يا ندى ..
بالله اشرفي على الطالب الجديد / ايمن !!
وتراه من اليوم تحت مسؤوليتك !!
(( قالت ان شاء الله يا دكتور .. وباين في عينها الشرار ))
قالت انا اتعب طول النهار .. وبعد اشرف على الطلاب ..
لا وطلاب ما عندهم سالفة ..
لا دراسة ولا علم .. وانا فيهم أتورط ..
الله المستعان ,,
وضحكت ..
وانا على بالي صادقة الملعونة ^__^
ياني استحيت يومها ..
ومرت الايام ..
يوم ورا يوم ..
كل يوم مع بعضنا .. وحدنا .. هي وانا ..
يوم ورا يوم اكتشف اني (( أحبها )) !!
كل ما ابعد عيوني عنها ..
تجي في بالي ..
وان راحت من بالي ..
اشوفها قدامي ..
لا رحت البيت اتذكر كلامها وطيبها ..
وريحة عطرها ..
وانام واحلم فيها ..
واصحى الصبح واركض ودي اشوفها ..
واشم عطرها .. واسمع صوتها
بس ما كنت ادري !!
هي مثلي والا لا ..
تحبني والا لا ؟؟
اهـ ياهي ايام ..
مرت على حبي لها سنة ..
وجاء يوم التخرج ..
تحديدا يوم النتائج ..
الساعة 2 بعد الظهر ..
طلعت النتائج ..
كالعادة ناجح وعلى (( الحافة )) !!
شوي والا جوالي يدق !!
على بالي ابوي اللي يبي الوظيفة !!
والا امي اللي تبي تورطني وتزوجني !!
من صاحب هالرقم الذوووق !!
.
.
.
رقم مميز ..

رجعت السيارة بسرعة ..

انا / الو ..
هي / مرحباااا ،،
انا " وبين نفسي : / وش هالصوت هالصوت كمنجه الله لايضر صاحبه ؟!!
انا / هلا وغلا ..
هي / سلام عليكم ..
انا / وعليكم السلام ..
هي / الاخ .. ايمن ..
انا / نعم امريني ..

هي / معك ندى !!
انا / هلا والله ندى ..
يالله حيها

هي / " وباين الخجل بصوتها " .. هاهـ بشر .. كيف النتيجة !!

انا / والله الامور ما تسر ياندى ..
هي / وصوتها ارتفع .. افا وش صار ..

انا " وبكل برودة " / ابد الله يسلمك نجحت ^__^

هي / حسبي الله عليك .. خرعتني ..

انا / والله ما كان ودي انجح ياندى !!

هي / ليه ياغبي ؟؟

انا / بصراحة وما تزعلين ..

هي / قول ما ازعل انت تعرفني << يالبيه بس ,,

انا / لاني ما ودي افارقك ..

ندى انا بصراحة (( احبك )) و (( فيك ميت )) .. لاتزعلين علي هذي الحقيقة وش اسوي ..

الو .. الو .. ندى ندى ..

ردي علي وريحيني .. قولي والله ما ازعل .. وعد مني ما تشوفين وجهي بعد اليوم !!

هي / وانا بعد !!!!!!!!!!!!!

انا / وش تقولين ما سمعت ؟؟ انتي بعد وشو ؟؟

هي / بلا استهبال خلاص سمعت .. يالله مع السلامة ..

انا / الو يا بنت ؟؟

وسكرت الخط ..

:

وبتــدأ المشوار ..
على نياتنا .. ما ندري عن اقدارنا ..
ما ندري عن حظنــــا العاثر وش نهايته معنــــا ..

وصلنا لمرحة غريبة !!

ما اقدر على بعادها وهي ما تقدر ..

واتفقنـــا على (( الزووواج )) بالطيب بالغصب .. لازم نتزوج !!

كلمت الوالد .. ما صدق ..
يقول انت بتتزوج .. الله هدااااك يعني ؟!!

ابشر يا اولدي .. منهي بس علمني ..

قلت له فلانه بنت فلان الفلاني

قال / ونعم ..

خلاص ما يصير خاطرك الا طيب ..

علمت امي .. امي اللي عايشه منتظرهـ هالكلامة ..

يادموعها ذيك الليلة ..

اخواني الكبار والصغار .. و خواتي ..

علمت ندى .. يا هي فرحت ..

علمت امها ,,

يمه في بنت عندنا بالمستشفى .. اعرفها من زمان ..
تقول نبي نجيكم ليلة الخميس .. ما ادري وش عندهم ؟؟

<< حركات هالبنات

ضحكت امها !! وقالت يصير خير يا ابنيتي ..

انتشر الخبر ..

وكثرت الاتصالات .. والتبريكات !!

جاء يوم الخميس ..

وجت ليلته .. اهـ ياهو خميس !!

الفرح هو حالناااااا

الحب هو جونااااااا

اتفقنا ..

اتفقنا بكل شي الا الزمن عيا الزمن لا نتفق << الله ياعبادي ..

حددنا موعد الزواج .. يوم 5/5/1425 هـ ..

يعني تقريبا بعد كم شهر ..

:

في يوم اغبر ..
وانا في دوامي ..
وقاعد ارتب اغراضي ..

توي موقع اجازتــي ..
وركبت سيارتي ..

طالع رايح لبيتنا ..
بعد كم يوم يبدا فرحناااا

يومها .. وللصدفة السخيفة ..
كان لنا مع القدر موعد ..

:

يومها وانا بطريق السفر ..
عريس جديد وفرحاااان ..

ما دريت عن القدر ..
اهـ وللاسف ما منه مفر ..

كان يبيني ..
يبي يهديني ..
هديه على ذوووقة ..
هديه لعريس ..
قبل زواجة بكم يووووم !!

شوي وانا قريب من بيتنا .. واتخيل استقبال اهلي واخواني ..

يالله حيه العريس .. !!

وفي بالي وش صار على بطاقات العرس !! اللي قالي اخوي انها هديه منه لي !!

وش صار على الصالة اللي اختي قالت / تكاليف القاعة علي ..

ياترا وش صار .. على الذبايح وباقي الترتيبات ؟!

وانا سارح .. وبالفكر شارد !!

(( عريس وعلى نياتي )) !!

نسيت ان القدر و (( هديته )) يحتريني .. قبل اخواني وربعي !!

:

فجاءة وعلى غفلة ..
حادث مروي .. اسعافات .. وسيارات .. وتجمعات !!

طابور سيارات مقفل الشارع !!

الوقوف اجباري !!

نزلت وانا على نياتي .. !!

خطواتي ثقلت ..
احس بجسمي " ثقيل " ..

ما ودي اروح ..

بس القدر يقول .. تعاااال ياعريس !!
تعااااال خذ هديتك !!

امشي ولا ادري وش السالفة ..

احس صدري ضااااق ..

وصدااااع مفاجىء ..

قربت من الحادث ..

بيني وبينه خطواااات ..

كم خطوهـ !!

خطوتين ..

بس ما اشوف من الناس ..

متجمعين ..

(( وبيني وبين نفسي ))

كأن السيارة مو غريبة علي ..

وين شايفها يا ايمن ويــن ؟؟

احس صداعي زااااد ..

ضجة .. وصراااخ .. وزحمة ..

ياناس وش السالفة ؟؟

احد يجاوب ؟؟

السيارة في بالي ..

من سيارته هذي ..

تذكرت !!

سيارة اخو ندى !!

يا ساتر ..

حاله غريبه لا توصف ..

هيجان .. استغراب .. استهجان ..

قربت من السيارة ..

هذي هي قدامي اللحين ..

ما فيها احد ..

كومة حديد صارت ..

شوي واسمع صوت حزيـن ..

انيـــن .. والم ..

ادور حول السيارة !!

الناس تبعد ..

وتغطي وجيه الصغااار !!

وش السالفة يا بشر ؟؟

اشوف جسم نحيل ..

مختلط في كومة حديد ..

اشم عطر(ن) ماهو غريب ..

صوت البنت ما هو غريب ..

كفها .. ودمها .. ونفَسها .. ماهي علي غريبة ..

ساعتها .. بيمينها ..

جوالها على الارض ..

ااااااااهـ ياراسي ..

صداعي زاااااااد !!

عيوني .. جسمي .. راسي ..

وش السالفة ..

شوي والا اخو ندى وراي ..

يقولي يا ايمن / هذى ندى ..

ساعدوهأ يا ناس .. ياعالم !!

كومة حديد مختلط في جسم(ن) نحيل !!
كومة حديـد تلونت بدم ( عفيف ) !!

صوت الانين فجاءة وبقوة يزيد ..

وللابد يختفي ..

يقول المسعف .. هذي روووحها !!!!!

خلوها بتمووووت !!

ماتت !!

ماتت !!

ماتت !!

ماتت !!

ماتت !!

ماتت !!

ماتت !!

ماتت !!

ماتت !!

ماتت !!

ندى ماتت !!

بكل بساطة ..
بكل برووود ..
بكل هدوء !!

ندى ماتت !!

واسمع القدر يكلمني ..
يقول / ايمن !!

وش رايك بهديتي ..

لا تقول ماهي حلوهـ ..

يالله افرح ياعريس ..

(( اقصد )) احزن ياللي كان بيكون عريس !!

تعيس من يوم يومك تعيس ..

:

ندى ماتت وليتني قبلها ..
ندى راحت وانا بالمنصة انتظرهاااا !!

يالليلة العرس ..

اقصد يالليلة الحادث !!

ليه يا قدر ..

ليه اخذت ندى ؟؟

طيب وانا .. خذني معها .. طلبتك .. نخيتك ..

بعد ندى لا تخليني ..

اصلا كيف تخليني وليه ..؟؟

انا بدونها ما اعيش ..

وكيف اعيش .. وليه اعيش .. !!

استغفر الله العظيم !!!!

استغفر الله العظيم !!!!

يأقبرها !!
يآ قبرها طلبتك ، من هالبرد ضمة بقوووة !!
بقوووة دفيه ، أحميه ..
يا قبرهآآ ..
يا اللي صرت أقرب " مني " لهآآآ
يا قبر خل بالك عليها !
برد المقبرة لا يجيها لا يجيهآ ..
يآندي امنتك الله ..
امنتك للي ماتنام عينه ..
امنتك للي يسمع شكوتي له ..
امنتك للي ما يخيب من يدعي له ..

/

http://www.dfa-7lm.com/up//uploads/images/dfa-7lm-a13f4e2e5e.jpg

بختصار .. هـ السالفة هي نهاية قلب !
وقفت دقاته ، وجفت سيول شريانه ..

~ بختصار ~

مــات في عز شبابه ..
البقى بـ راس ( أحزانه ) ، هي الباقية بعدهـ !
من كثرهآ حتى ( قبرة ) ما حملها ، البقى براس أحزانه !

على ذاك الطريق ، مشى لحاله / وأحزانه ظلاله !
على ذاك السور ، كتب ذكرياته / نقشها بـ أهــآته !

كان يمشي ( ثقال ) خطواته ، سآرح ( البال ) .. الله أعلم بـ حاله !
كان يحكي شوي و ( يطول ) سكاته ، كان ( منظر ) عيونه / أبلغ بـ وصف الحاله !

مرات نسمع زفرآته ، يآآآآآهـ ياهي زفراتـ أليمه !
حتى من سمعها ، قال .. يآآآآهـ : ( .. الله يعينه !

ومرات نشوف ضحكته ، من ورا ألف ( دمعه ) طالعه !
ومع هذا نقول / يووووهـ وش قد هـ الضحكه مكسورة !

وبـ النهاية ..

شفناهـ بذاك الطريق طآايح ، ومنظرة من بعيد وآضح !
ايدهـ على ذاك الجدار الشامخ ، يبي يكتب شي لكن مو وآآضح ..

خلوهـ يكتب حروفه ، حرف ورا حرف .. بـ القوة يربّطهآ !
آخر حرف .. معاهـ تطيح ايدهـ المشلوله ، ومع ( حبر دمه ) اختلطت الطبشورة !

كتب جمله .. بحروف صغيرة بـ القوة منقوشة !

(( حالي من بعدك أليم / وينك ؟ ليتك مني قريب !
اما تجي .. وتشوف حال حبيبك ! والا هذا ( أنــا ) كلي جيتك )) !
الحزين 5/5/1429 هـ

وبـ كلمه ( الحزين ) وقع كلامه ..
رآح راعي ذاك الطريق بـ حاله !
و انت يـآ هـ السور ( شاهد ) باللي جراله ..
الله يرحمه راح ، راح بـ حاله !

الـــنــ ه ــــــااايــ ه