المساعد الشخصي الرقمي

مشاهدة النسخة كاملة : علمونا المدارس!!!!


السيــ عمهوج ـف
29-01-2009, 09:31 PM
بسم الله الرحمن الرحيم




السلام عليكم ورحمة الله وبركاته


أسعد الله مساكم بكل خير

هذي قصيدة نالت عجابي ونقلتهاالكم

لكي تشاركوني الأعجاب

وهي للأسف الشديد لم أتمكن من معرفة شاعرهاا

وترككم مع القصيدة






علمونا في المدارس كيف نقـرا هالحـروف..
علمونا كيف نرسم كيـف ننقـش بالنحـاس..
علمونا كيف نكتب كيف نبـدع بالوصـوف..
كيف نبحر بالمعاني كيف ناخذهـا إلتبـاس..
علمونا كيف نصبر كيف نقـوى هالظـروف..
كيف نبني هالمواقـف استجابـه للحـواس..!
والحقائـق علمونـا كلهـا سمـع و شــوف..
علمونـا وعلمونـا كــل شــي بالمـقـاس..
و إن حفظنا كافئونا و إن نسينـا بالكفـوف..
كل موقف له طريقة و الجـزاء هـو الأسـاس..
فوق هـذا سلمونـا و لامنعـوا عشـق يلـوف..
ولاعطونا درس قاسي يمنع القلـب النعـاس..!
يمنع القلب يتمـادى ثـم ياخذنـا الحتـوف..
بين موت و بين شوق وبين لذة سـم كـاس..
اتركونـا للمشاعـر نحتـرق لوعـة و خـوف..
نحترق بطول المسافة كلهـا شـوك يـداس..!
و اتركونا في الصحاري ثوب مشقوق الكتوف..
يحتوينا "قيظ حب" فـي عذابـه مـات نـاس..
ليتهـم ماعلمونـا بـس عطـونـا بالـوقـوف..
درس ماشي به نماشي قسوة الحـب و يبـاس..
ليتهم بس علمونا كيـف نطفـي نـار جـوف..
كيف نمنع ذا الخفوق ونتركه بأرض مساس..
مايجيبـه الـود لحظـة و لا نغنـي بالحسـوف..
و لانقول شلون عشنـا و العمـر مالـه قيـاس..
هي أماني و الأمانـي حلمهـا فينـا يطـوف..
إن خذتنـا بالحقيقـة مـا خذتنـا بإخـتـلاس..
وليتهم وسط المـدارس ماعطونـا هالحـروف..
ولا عطونا كيف نرسم كيف ننقش بالنحـاس..!

محمد الروقي
29-01-2009, 10:15 PM
تسلم

على النقل المميز صح لسان شاعرها ولسانك يالسيف

إبراهيم صبحي العضيله
29-01-2009, 11:14 PM
صــــــــــــــــــح لساااااااااااااااااااان الشاعر

الله يعطيك العافيه على النقل الرائع

تقبل تحياتي

عناوين الشموخ
05-02-2009, 01:00 AM
صح لسان شاعرها راقت لي كثير

ويعطيك العافيه اخوي السيف

لاعدمنا جديدك احترامي لك

غازي العتيبي
05-02-2009, 01:53 AM
سلمت يالذيب وبيض الله وجهك على النقل
وصح السان شاعرها
وسلم قاريها وسامعها