المساعد الشخصي الرقمي

مشاهدة النسخة كاملة : ردة علي التحيه تقول شرطيه


سامي الرقيب
23-01-2009, 04:53 PM
السلام عليكم ورحمة الله وبركاته
اخواني الاعزاء تقبلوا مني هذه القصيده ودمتم ,,,


يا روح روحي على الي شاقة اعياني = البارحه يا هلي وانا فدوريه
من عند مشفى فقيهه وقفت وزاني = وناظرت فيها ولدت بالنظر فيه
ركزة فيها النظر قامة تحداني = حتى صرفة الها من قلبي تحيه
ياليتها ضابطتنا بكل ميداني = انا وهي يا هلي نعمل بورديه
قبل استلامي بساعه ونص تلقاني = محضر عليها بكاسة شاي معنيه
واجلس اسولف عليها واطلق لساني = في مكتب(ن) اغلب الانوار مطفيه
وليا بدا الاستلام اقوم عجلاني = واخلص لها بالعمل ما ارضى لها السيه
في كل ساعه بحاله لجل تلفاني = واقول هاتي معك يالضابطه مَيه
بالله اسعفيني تراني حيل عطشاني = واحلف لها ما اشرب الا لشربة هيه
وليا انصرفنا من الميدان تنداني = وتقول هيا ترى الدعوه شبابيه
نبغا انتعشى سوى لن كان جيعاني = ونبغا انتمشى ونبا السهره صباحيه
في ظهر موتر جديد الصنع ياباني = عليه شارة قوى الامن السعوديه
ووقت المشاريع فالميدان تنخاني = اسند لها ضهرها وحاجه طبيعيه
مدام حبه وركبة فوق نيشاني = تلقى الاصابه دقيقه ميه بميه
واروح للصاعقه بالحيل عشقاني = وهي معي ندخل بدوره مظليه
يعني بديها وهي بدي على شاني = اخاف تزحف مع الناس الحونشيه
وحفل التخرج تحط الونق بامتاني = واحط في صدرها الونقات بيديه
وناخذ اجازه سوى ونروح لبناني = ونشطح على سوريا بجوله سياحيه
منها انتمشى ومنها اغير اسناني = وهي بجنبي ترى الالآم منسيه
ما احتاج تخدير متخدر من ازماني = برموش عين(ن) على الاوداج مثنيه
وليا رجعنا تناولني شهر ثاني = اجازتن منها من دون حسميه
يعني كذا او كذا يا ناس كسباني = لو هو تقاعدة وانا اخدم بجنديه
ويمكن تجي منها توظف اخواني = هي واسطتنا ولا تحتاج ماهيه
خمسه وعشرين بيت بدون نقصاني = كل بيت عن عام خدمه للهواويه


اخوكم / سامي الرقيب

عناوين الشموخ
23-01-2009, 06:02 PM
سامي الرقيب

صح لسانك اخوي

ياليتهـا ضابطتنـا بـكـل ميـدانـي
انا وهـي يـا هلـي نعمـل بورديـه
قبل استلامي بساعـه ونـص تلقانـي
محضر عليهـا بكاسـة شـاي معنيـه


قصيده رائعه جزله فيها خيال جميل رومانسي

اسجل اعجابي بالقصيده ويعطيك الف عافيه

تقبل مروري

محمد الروقي
23-01-2009, 07:00 PM
صح لساااانك مقدماااا

ولكن ليست من قصايد سامي التي اعرفهاا

تقبل مروري وتقديري

إبراهيم صبحي العضيله
23-01-2009, 07:04 PM
صــــــــــــــــح

لسااااااااااااااااااااانك

اخي سامي

يعطيك العافيه

تقبل تحياتي

سكر نبات
23-01-2009, 07:33 PM
أخوي

يعطييييك العافية على

هالقصيدهـ

دمت








[[ الخياله ]]

محمد القسامي
23-01-2009, 09:27 PM
سامي الرقيب
صح لسانك وأتفق مع محمد
ليست من قصائد سامي اللتي نعرفها
دمت ولاهنت ياسامي

غازي العتيبي
23-01-2009, 11:29 PM
السلام عليكم ورحمة الله وبركاته
ركزة فيها النظر قامة تحداني = حتى صرفة الها من قلبي تحيه
بالله اسعفيني تراني حيل عطشاني = واحلف لها ما اشرب الا لشربة هيه

[center]اخوكم / سامي الرقيب

اخوي سامي صح السانك ولاهنت
والشطرين اللي لونتها بالاحمر اعتقد والله اعلم انها مكسوووره اوخطاء مطبعي منك
وتحيتي وتقديري لك