أوهــام
14-03-2012, 12:40 AM
ياعين لو طال السهر ماظنتـي حولـك منـام
الهـم جانـي مبتـداه ورحمـة الله شامـلـه
تلعب بي الدنيا وأنا كنت أحسب أن الحظ قـام
الله يعوض خير فـي جهـد الأيديـن العاملـه
مثل العقيم اللي رزقـه الله ف أحلامـه غـلام
من فرحته مـا فارقـت راس الغـلام أناملـه
ماتمت الفرحة وراحت روحه في سن الفطـام
الله عطـا والله خـذا فرحـة ولاهـي كاملـه
أقدار سوت بي سوات الشلف عجلات الـولام
تبطش ويبطش فالحشا صيب الجروح الداملـه
والحظ مايسمـع ولا ينطـق ولاعنـده نظـام!
أظن لو يعـرف شقـا راعيـه فـز وقاملـه
ما فات مات ويبتدي مادام لـي شـف ومـرام
دام الأمل موجود ف قلـوب الوجيـه الآملـه
اللي زرع يحصد وانا بالنور واجهـت الظـلام
واللي يكـرر غلطتـه بانـت عليـه الخاملـه
ياسيف انا سقت القـدم يمـك ولا فيهـا كـلام
خل النظر حول النظر تلقـا علومـي صاملـه
الذيب ما هرول عبث والطق فالميـت حـرام
والحـر تكفيـه الإشـاره لابغيـت تعامـلـه
أنا ما أسج الرجل للي يرتخي وقـت الزحـام
أسجهـا للـي علـومـه طيـبـه وأزامـلـه
لا من صحبنا ما صحبنـا إلا رفيعيـن المقـام
الكير نحرب نافخه والمسك نصحـب حاملـه
ما هانت العشره يا أخوك إلا على عيال الحرام
اترك سميلات الجداد البـس اجـداد الساملـه
اللي مايعنيني مايعنينـي ولا أعطيـه اهتمـام
كوامـلـه نواقصه..نـواقـصـه كـوامـلـه
قلنا ذلـول حـزام مردوفـه وزعلنـا حـزام
يحسب ذلول احزام له مدري يحسب احزام له!!
أقدام سيقـان النعـام اتأثـر بـروس النعـام
أثر النعامه راسها لا طـال تصبـح ثاملـه؟!
حمل الرسايل والمسافه فوق جنحـان الحمـام
الطير بالمكتوب حايم للوطـن مـا حـام لـه
روس الحبال معقده مابين جـوخ وبـز خـام
الموقف الغصـاب سلـم لـي علـى قراملـه
{الطيبين مصدريـن العلـم قصـاص العظـام
الطيب لو مـا جاولـه جاهـم يغنـي زاملـه}
وإن ضاعوا أهل المعرفه قلنا على الدنيا السلام
أصـل الأصايـل يحتويهـا ماتعـود هاملـه
يعنها اللي فاللقا ضـاري علـى ورد الحيـام
يزعزع البيدا ولا جـار الضمـا فـي زاملـه
وكان الزمن عيا يطيـع فخلهـا راس وسنـام
وأخوك من بعد التعب عبـر ابتسامـه جاملـه
للشاعر : عبدالله بن عماره
الهـم جانـي مبتـداه ورحمـة الله شامـلـه
تلعب بي الدنيا وأنا كنت أحسب أن الحظ قـام
الله يعوض خير فـي جهـد الأيديـن العاملـه
مثل العقيم اللي رزقـه الله ف أحلامـه غـلام
من فرحته مـا فارقـت راس الغـلام أناملـه
ماتمت الفرحة وراحت روحه في سن الفطـام
الله عطـا والله خـذا فرحـة ولاهـي كاملـه
أقدار سوت بي سوات الشلف عجلات الـولام
تبطش ويبطش فالحشا صيب الجروح الداملـه
والحظ مايسمـع ولا ينطـق ولاعنـده نظـام!
أظن لو يعـرف شقـا راعيـه فـز وقاملـه
ما فات مات ويبتدي مادام لـي شـف ومـرام
دام الأمل موجود ف قلـوب الوجيـه الآملـه
اللي زرع يحصد وانا بالنور واجهـت الظـلام
واللي يكـرر غلطتـه بانـت عليـه الخاملـه
ياسيف انا سقت القـدم يمـك ولا فيهـا كـلام
خل النظر حول النظر تلقـا علومـي صاملـه
الذيب ما هرول عبث والطق فالميـت حـرام
والحـر تكفيـه الإشـاره لابغيـت تعامـلـه
أنا ما أسج الرجل للي يرتخي وقـت الزحـام
أسجهـا للـي علـومـه طيـبـه وأزامـلـه
لا من صحبنا ما صحبنـا إلا رفيعيـن المقـام
الكير نحرب نافخه والمسك نصحـب حاملـه
ما هانت العشره يا أخوك إلا على عيال الحرام
اترك سميلات الجداد البـس اجـداد الساملـه
اللي مايعنيني مايعنينـي ولا أعطيـه اهتمـام
كوامـلـه نواقصه..نـواقـصـه كـوامـلـه
قلنا ذلـول حـزام مردوفـه وزعلنـا حـزام
يحسب ذلول احزام له مدري يحسب احزام له!!
أقدام سيقـان النعـام اتأثـر بـروس النعـام
أثر النعامه راسها لا طـال تصبـح ثاملـه؟!
حمل الرسايل والمسافه فوق جنحـان الحمـام
الطير بالمكتوب حايم للوطـن مـا حـام لـه
روس الحبال معقده مابين جـوخ وبـز خـام
الموقف الغصـاب سلـم لـي علـى قراملـه
{الطيبين مصدريـن العلـم قصـاص العظـام
الطيب لو مـا جاولـه جاهـم يغنـي زاملـه}
وإن ضاعوا أهل المعرفه قلنا على الدنيا السلام
أصـل الأصايـل يحتويهـا ماتعـود هاملـه
يعنها اللي فاللقا ضـاري علـى ورد الحيـام
يزعزع البيدا ولا جـار الضمـا فـي زاملـه
وكان الزمن عيا يطيـع فخلهـا راس وسنـام
وأخوك من بعد التعب عبـر ابتسامـه جاملـه
للشاعر : عبدالله بن عماره