ديوان الشاعر محمد الروقي " أبن الباديه "

[أوهــام]

السلام عليكم ورحمة الله وبركاته


أحببت من خلال هذا الموضوع وفي هذا القسم


الذي يحوي على دواوين الــشعراء


أن أنقل لكم قصائد لشاعر من شعراء هذا الصرح الشامخ


يمتلك قوة الأبيات وجزالتها في المعنى واللفظ والمضمون



7


7


7



شاعر تميز بسمو اخلاقه ,,
وعذوبه مفرداته
عطاءه بلا حدود
لملكته الشعرية

أترككم في هذه الصفحات لتسمتعوا بقصائد ...

شاعرنا //محمد الروقي ×أبن الباديه ×

[أوهــام]

الـــــخــــــوه الـــــــــــي مــاتـــشـــيـــد عــــــلــــــى ســــــــــــاس
ودك عـــــواصـــــيــــــف الــــــــزمـــــــــان اتــــهــــدمــــهـــــا
وأيــــــامــــــك الــــــــــــي مـــاتـــبـــيـــن لــــــــــــك الــــــنــــــاس
اخــــــيــــــر مــــنــــهــــا يـــــــــــــا ابـــــــــــــن ادم عــــدمــــهـــــا
والـمـجـلــس الــــــي مــايــجــي فـــيـــه مـــجـــلاس
ربـــع(ن)ســــوالــــفــــهــــم مـــــــــعــــــــــك تـــحــــتــــرمــــهــــا
خــــلـــــه لــــيـــــا جـــــــــا فــــيـــــه واشــــــــــي وبــــــــــلاس
مــــالــــك بــــنــــاس(ن) طــيــبــهــا فــــــــي لــحــمــهـــا
ســج الـقـدم و انصـحـك لا تـرخــي الـــراس
الــــــــــــرازق الــــــــــــي جــــابــــهــــا مـــــــــــــن عــــدمــــهـــــا
وبعـض العـرب لا يعجبـك بـشـت ولـبـاس
مـــــاهــــــو بــــكــــفــــو الــــــــــــي اتــــــســــــرح غـــنـــمـــهـــا
وانصحك عن عذراً تجيب الك الافلاس
فـــــــــــي غــيـــبـــتـــك لـــلــــعــــود يـــقــــشــــر نـــســـمـــهـــا
لـلـبــاب عــــن ضـيـفــك تــحــط الــــف تــربـــاس
تــــخــــاف تــنـــقـــص لــقـــمـــة(ن) مــــــــن لــقــمــهــا
والـــجـــار لاتــنــســاه فــــــي ضـــيـــق الاتـــعـــاس
جــمــيـــلـــة(ن)تـــرفـــعـــك مـــــــــعــــــــــه اغــــتــــنــــمــــهــــا
وصــل القـرابـه لــو بـهــم بـعــض الانـجــاس
ابـــــــن الــمــواصـــل لـــــــو بـــهــــم مــــــــن هــدمـــهـــا
وســجـــد تـــــرى الـمـعـبــود قــطـــاف الانــفـــاس
عــــنــــده نــعـــيـــم ونـــــــــار(ن) انــــتـــــه وضـــمـــهـــا
قـــلــــتــــه بــــــعــــــد دلــــــيــــــت لــــلــــجــــم الامــــــــــــراس
مـــن وقـتــي الـــي حـــدب صــــدري حـطـمـهـا
يــلــعـــبـــي الـــهـــوجــــاس واســــــــــوق وســـــــــــواس
اســـمــــع ظــلـــوعـــي تــنـــصـــرم مــــــــن حــدمـــهـــا
لــــكـــــن مـــــــــن لاقـــــــــاس مــــاهـــــوب غــــطـــــاس
قــــــولــــــي وخـــطـــتـــبـــه يــــــــــــدي مــــــــــــع قـــلـــمـــهــــا
مــــــن نـــضـــم راســــــي والــطــواريـــق نـــومــــاس
لازانـــــــــــــــــت الــــقــــيـــــفـــــان لـــــــــلـــــــــي نــــضــــمـــــهـــــا
تضـحـك لــك السبـحـه ويـرضـاك قـرطــاس
ونــقــد(ن)عــلــى الـــــــــي قـــالـــهـــا مـاعــصــمــهــا
اخــلــط بــهــا الـريـحــان وانــثـــر بــهـــا الــمـــاس
ورقـــــــص لــــهــــا لاشــــفــــت ســيـــفـــي قــســمــهــا
تـــطـــربــــك لا جــــــــــا يـــمـــهــــا كــــــــــل عـــــســــــاس
وغــــنــــا ومــــــــن زيـــــــــن الــمــعــانـــي لـــزمـــهـــااااا

[أوهــام]

الــمــقــاصـــيـــد شــــــــــــدة والــــــحــــــروف ابــــجــــديــــة
مــــــن يـــفـــك الــطــلاســم قــــــدم راع الــطــلاســم
جــبــتــهـــا مـــــــــن هـــجـــوســــي بـــيـــنــــه ومــخــفـــيـــه
ويـــــش بــيـــن الــمـــوده والــحـــزن مــــــن قـــواســـم
لا تـقـولــون وشــهـــي كــيـــف صـــــارت كــذيـــه
الـــبـــلا لا غــــــدا تــرجــيــح الاهـــــــداف حـــاســــم
لاطــمــعـــبـــي ونــــــــــا نـــفـــســــي عـــــزيـــــزه عـــلــــيــــه
والطروب الكذوب مع اقشر الوقت راسم
وده انـــــي لــــــه انــــــزل عــــــن شــــــداد الـمـطــيــه
وصـبـح المـاطـر الــي فـــي جـمـيـع الـمـواسـم
قــــــــال ابــيـــهـــا تــصـــيـــر الـــقـــصـــه الــســرمــديـــه
تــنــشـــهـــر لا كـــتــــبــــت احـــداثــــهــــا بــالـــمـــراســـم
مـــــادرا انــــــي مــــــن الــــــي يـحـتــمــون الـحـمــيــه
مـــاطــــري لـــــــو تـــعــــدا وادي الــصــبـــر يــــاســــم
دام رجــلــي مــــع الـــــوارد عــلـــى جـــــال طــيـــه
مـاعـلـيــه ولــــــو هــبــهــب مــــــن الـــنـــاس نـــاســـم
ودام ضــــلــــع الــرغـــامـــه مــايـــلـــن مــــنــــه فــــيــــه
كيـف يقعـد عـلـى صــدري مــن الـهـم عـاسـم
افــهـــمـــوهـــا مـــــــــــن الــــــــــــي مــــايــــكــــدر خــــــويــــــه
شـابـع(ن)مــن ذراعــــه مــارجــا خــيــر جــاســـم
مــــا الـتـفــت يــــم جــــاره لــجــل شـــــوف الـبـنـيــه
الــــنــــقـــــا والــــطــــهـــــاره بـــالـــضــــلــــوع امـــتـــقــــاســــم
ابــــــــــــــدوي(ن) تـــــــهـــــــزه طـــــبـــــخـــــة الـــشــــاذلــــيــــه
بـــيــــن ربــــــــع(ن) تــــدســــم بــالــعــلــوم الــمـــداســـم

[أوهــام]

*




*



*



بسم الله الرحمن مبدا القصيده .
. واعوذ بالمعبود من كل شيطان .
. قلت انتقي بعض الحروف الفريده .
. وان جاء زلل مكتوب في كل انسان .
. ابا ابني المعنى على قول سيده .
. وبا اترك الهزلات لفلان وفلان .
. الشعر ماكل الاوادم تجيده .
. ومن لايجيده لو كتب قيل خسران .
. اقولها يااهل النفوس البليده .
. الشعر ماهو بس اكتب وعنوان .
. لكن كله منك يا اهزل جريده .
. يامشجعة حرمه وبوحي وورعان .
. امحررك يفرح ليا جاه صيده .
. تقول سلة مهملات(ن) ال نسوان .
. الشعر راح امع العصور المجيده .
. ماباقي الا شوي ويروح نسيان .
. قليل وان راحو حياته زهيده .
. يصير لعبه بين كوبه وكوبان .
. ياهيه وينك يالحروف المريده .
. الي تقول ابوزنها وزن نيشان .
. تاخذ سنين وكنها لك جديده .
. هذا يغنيها وهذاك طربان .
. منها العباد السامعه مستفيده .
. مدح وغزل واخبار وافراح واحزان .
. ماهيب مثل اليوم راحت شريده .
. شاعر على الريموت تحريك لحيان .
. هذي ترا بعض العلوم الاكيده .
. با النت شوفو جعل ماني بغلطان .

[أوهــام]

*


*


*





ياليتنـي جــزت مــن رجـمـي ولا جيـتـه
ولا عدت الرجل راس الرجم عصريه


عـــديــــت يـالـيـتــنــي مــــاكــــان عــديـــتـــه
مـــع كـــل خـطــوه يـبـيـن الـفـيـن مـاريــه


شــوق وغــرام وعــذاب وهم(ن)اخفيـتـه
يلـعـب بـصـدري تـقـول حـبـال مـطـويـه


يـلـوفـنـي وحــســب انــــي قـــــد تـنـاسـيـتـه
وثـــر الـبــلا راس رجــمــي فــيــه جـنـيــه


جــابــت بــدايــة لــحــن قــصــه وغـنـيـتــه
وجــــريــــت مــــــــوال قــصــتــنــا حـقـيــقــيــه


حـب النقـا مانخافـه لـو ضهـر صيتـه
ولاهـو بعيب(ن)يحـب الرجـل حـوريـه


الخـوف لا سافـر المحبـوب مـن بيتـه
وصبحـت اصـفـق عـلـى لامــاه بيـديـه


والعيـب لابـان سر(ن)فـي مــا ابديـتـه
خوف(ن)مـن النـقـد وعـلـوم السمـرديـه


والــصـــدق بــيـــن لــيـــا جـيــتــه ولاقــيــتــه
وبـيـنـت لــــه كــــل مـاجـانــي ومــــا فــيــه


وضـحـتـلـه مـوقـعــه مــــع قـــــول يـالـيـتــه
يحطلـي فــي حـشـاش الـصـدر مـاويـه


ويعيـد صيـت الغـلا يــوم انــي اغليـتـه
ويــحـــن مـثــلــي لــيـــا جـــولـــه بــطــاريــه

[أوهــام]

*


*


*


العصر مع غيمة ومدة نظر عين

جاش الضمير ابما يكنه ويخفيه

اجمع بنات الحور يطلع سلاطين

والساس من راس السلاطين ابا ابنيه

مرجان مع لؤلؤ وعود ورياحين

ورجم(ن) مع الشعار للمجد راقيه

غادين ياسراية الليل غادين

القاف سهل الماء ليا جيت اسويه

ماني بمن يسرق من الخلق قافين

قافي ليا جبته تفننت والويه

ياذاك يالي قلت وش قرب الشين

الكذب سهل وزينته فضح راعيه

شي بدون اثبوت كومه من الطين

وليتك بيمناك الكريمه تساويه

يابوك حنا في غرابيل الاثنين

ماعندنا الا من يبيعه ويشريه

شعار من داني وعرف وقوانين

وانته بهت الحي وميتك باليه

الكذب كبه وانتبه كان لك دين

قدام احدك لين ثو بك توطيه

يابوك انا طيب وشاعر ما ابا الشين

وكلن على عرفه وعقله يقديه

هذي نصيحه جات واختر بثنتين

ترا الخطا يرجع على راس راعيه

[أوهــام]

*

*

*

يـالــي مـسـافـر خـــذ مـعــك لـوعــة الـشــوق
وده وســـلـــمــــلــــي وقــــــــــــــل دوك عـــيــــشــــيــــه
حسي احساس الي من العـام محـروق
مـايــاكــل الـجــمــر الــحــمــر غـــيـــر واطـــيـــه
ثــــــم قــلــهــا فــــــوق ارفـــعـــي هــامــتــك فــــــوق
شـوفــي قمرخـمـسـة عـشــر فـــوق شـوفـيــه
الــــفــــرق واضــــــــح والــيـــالـــي بــــهــــا فـــــــــروق
والـــعـــمــــر يـــمـــشــــي يــــــــــم مـــــوتـــــه ونــتــلـــيـــه
ونــــا حـمـولــي صــــارت الــطــاق مـطــبــوق
والــحـــمـــل كــــايــــد والــــبـــــلا ويـــــــــن اوطــــيـــــه
مــزن(ن)ســرا مــــع هــبــة الــريـــح مـســيــوق
فــــــوق الــمــكـــان ومـــــــن مــكــانـــي مـنــاشــيــه
ونـــــــــا مـــغـــيـــر اخـــــايـــــل الـــــبـــــرق وســــــــــوق
قـــاف(ن)تـــســـوقــــه طــــاريــــاتـــــي وســـــــويـــــــه
احــــــــــــــرك الــــهـــــوجـــــاس بـــــالـــــقـــــاف وروق
وضحك وجرحي عن هل الشين كانيه
كــلــه مــــن اجــلـــك ولـــــك يــاعـــود زمــلـــوق
وشـــلــــون مـــابــــه صـــبــــر لــعـــيـــون غــالـــيـــه
لـــــكــــــن تـــكــــفــــا وطـــلــــبــــك دوك طــــــــــــاروق
قـــاف(ن)ولـــغــــزه فـــــيـــــك حـــــلـــــل مــعـــانـــيـــه
اســـمـــك وكـــانــــه بـــــــان مـــعــــدال وحـــقــــوق
حــــتــــى عــــــــن الــشـــعـــار يــــازيـــــن مــخــفــيـــه
بـــيـــن الــبــيــوت الاربـــعــــه فـــــــوق مـــرمــــوق
وفـــــســـــفـــــل بـــــيـــــوتـــــي بـــيـــنـــات(ن)مـــواريــــه
صرصـار نـار(ن) بـيـن شـريـان وعــروق
الاولـــــــــــــه هـــــــــــــي لــــــيـــــــه والـــثـــانـــيــــه لـــــــيـــــــه
الاولــــــــه فــــيــــك انــــــــت يــــاراعـــــي الـــــــــذوق
والـثـانــيــه مــــــن شــــــان خـــاطـــرك نــرضــيـــه
لا عـاشــق(ن) غـيــرك ولا فـيــه مـعـشـوق
ولـــــو قــيـــل اشـــوريـــا قـــلـــت يــخــيــه يــخــيــه
حـب(ن) لجابـي والحـشـا صــار مفـتـوق
عـــلـــيــــك يـــــالــــــي فـــــــــــي بـــــانــــــت دعـــــاويــــــه
هـــــذا ومـــــن هـــــذا وخـــــذ لــوعـــت الــشـــوق
ون شـفـتـهــا قــــــل دوك مـــاجـــاك عـيـشــيــه

[أوهــام]

*

*

*




مــرحــبــا يـــابـــاذر الـــبـــذر مـــــــن نـــــــو الــخــيـــال
سـلـسـبـيـل(ن)طـعـمـهــا والـــعــــســــل بــعـــذوقـــهـــا


مـن هجوسـك يـوم غنيـت والـطـاروق عــال
عـلـة(ن)بــيــن الـضـمــايــر فـــضـــح طــاروقــهــا


يـالـجــهــيــم يــمـــكـــن الـــغـــنـــج لـلــمــشــكــي دلال
والــــجــــواهـــــر مــــاتــــقـــــدر يــــــاكـــــــود بـــســـوقــــهــــا


مـــالـــك الا يـالـجـهـيــم عـــقـــال وطـــيــــب فـــــــال
بـــــذلـــــت الــمــجـــهـــود والـــكـــايــــدات انــعـــوقـــهـــا


مـانـخـيـت الا جــبــل يـاجـبــل جــتــك الـجـبــال
كـــانـــهــــا بـــالـــمــــال بـــــكـــــره مـــــعـــــك مــفــروقـــهـــا


وكانها بالجول والصول في عرق الرمال
بـــــعــــــد بـــــكــــــره يــاعــمــيــلـــي نـــجــــيــــك بــنـــوقـــهـــا


والــهـــويـــه فــــــــي مـقــاديــمــهــا والــــبـــــس شـــــــــال
لــيــن روحــــك تـشـتـفــي مـــــن قــديـــم حـروقــهــا


اركـــهــــا والله عـــويــــن عـــلــــى زيـــــــزوم جــــــــال
جــــات غــصــب وحــــط كــفـــك ورا زمـلـوقـهــا


وكـانـهــا قــــد رفــــت الــريــش والـمـزبــن هــيـــال
حــبــلــهــا مــــــــع ســبــلــهـــا عـــطـــرهـــا مـنــشــوقــهــا


صــب كــاس الزعفـرانـه وهـيـل مـــن الـــدلال
اخـــذهـــا يــاســيــف رزقــــــه وجــــــت مــرزوقــهــا


مـاقــف مــنــي ونــــا مـعـرب(ن)جـد(ن)وخـال
والــحــمـــول الــكــايـــده ســهــلـــة(ن) ونــطــوقــهــا


جـــعــــل مــاقــلــتــه كــفـــانـــي وزال الــــشــــك زال
وحـــرتـــك يــاســيــف جــــــود جــمــيــع اسـبـوقــهــا


الــغــلا صــــدق ونــقــا مـايـجــي فــيـــه احـتــيــال
ونـــــــت بـــيــــن بــــــــن ذوقــــــــك يــخـــالـــط ذوقــــهــــا


والختامـه منـي احلـى مـن الصـاف الـزلال
صــحــبــة مــــــع نـــخــــوة جــاتــنـــي مـــــــا ابــوقــهـــا

[أوهــام]

*

*

*
ارقي بالظماير حطي السلم وعدي
لا يردك غير غرفة نومك الي بالظماير
انزلي في شرق قلبي ون بغيتي غرب شدي
ملك ون عدل به الملاك مايكتب خساير
ان بنيتي في حلالك من يلومك لو تهدي
كيف بس الوم خل ٍ رايح ٍ عنده كساير
مالك عقلي وروحي والفؤاد وكتب يدي
كل حرف ٍ يوم اقوله فيك يعطي للبشاير
كاملة والكامل الله واصل ٍ فيها لحدي
كل زين ٍ غير زينك في نظر شاعرك باير
لو اقول الك القمر مابان قلتي وين خدي
اصنعي من رمش عينك للخدود احلى ستاير
كل ماهب الهوى قلتي هوايه جيب ودي
عود راك مع طروب النود مكشوف السراير
والعيون ان جيت اوصفها عجزت وباح سدي
استدير ابكل عين ٍ بالقلم واقول حاير
اطلبك باعز ماعندك على المشتاق هدي
لين يكتبلك قصيدة واطلقي كل الذخاير
ون توفا اكتبي فوق النصايب ما انت ندي
ون بكوني اضحكيلي وسأليهم ويش صاير
قولي انه قال عدي ومتلكت وهيك بدي
اشتكوني في حلالي راجعو كل الدواير
وتركيهم عند قبري وخذي السلم وعدي
لا يردك غير غرفة نومك الي بالظماير .

[أوهــام]

*


*


*


هــيــه يــالــي فــيــك وصف(ن)مالـقـيـنـا وصــوفــه
طـالـبــك وقــفــة دقــايــق لــيـــن اجــيـــب وصــوفـــك
ويــــــــش جــــايـــــك يــاغــنــوجـــه دايـم(ن)مــكــســوفــه
عـلـمـيــنــي كـــيــــف ابـــبــــدا وشـايـف(ن)مـعــروفــك
لــيــش وقــــف كــــل مــــن شـافــك؟عــرب مـلـقـوفــه
اخ يـــامـــكــــبــــر خــــطـــــايـــــه وثـــــــرنـــــــي مـــلــــقــــوفــــك
فـيــك لـون(ن)لــو يـشـوفـه مـــن تـقـاصـر شـوفــه
كـــــان عــلـــم مـــــن عــيــونــه مــاتــشــوف ايــشــوفــك
لـــــــو مــنــتـــي بـــنــــت شـــكــــو فـــيــــك يـالـغـضــروفــه
بــــــــــس زم الـــنـــهــــد بـــــيــــــن والـــشــــعــــر وردوفـــــــــــك
ضـامـره مــن فــوق صــح ومـــن تـحــت ملـفـوفـه
وفي خدودك لون(ن)احمر زايد(ن)لكسوفك
داخــــــــل الله ثــــــــم عــــلـــــى الله ونـــــــــت يـانــفــنــوفــه
لاتـــــجـــــرح ســـــاقــــــه الـــــــــــي يـــجــــرحــــه مــلـــفـــوفـــك
خـــــــــلــــــــــك احــــــنـــــــيـــــــن عــلــيــهــاطــفــلــة(ن)مــالــوفــه
مـطــلــبــي تــكــفـــا دخــيــلـــك لا يـــجــــي ويــطـــوفـــك

[أوهــام]

*

*

*


ما اقسم قسم بالله رب الكون والعرش العظيم
=اني اضيع كلمتي لاشفـت ضحكـة مبسمـك
انت الغلا والحب والعشق الجديد امع القديـم
=لو قلت لك انت القمر اخاف ياحلـو اظلمـك
فيك الحلا كله ولا باقي حلى عنـد الحريـم
=الله رب الكون من هـذا الدلـع لا يحرمـك
يقول قيس ابن الملوح بين زمـزم والحطيـم
=ونا اقول ان الهوى خايـف بخـدك يؤلمـك
اكيد بك سر(ن)ايلاهي من قديم(ن)بك مقيـم
=في خطف قلب المغرم الولهان مثلي يلهمـك
وكبر دلليل انـي سجينـك يامدلـع ياوسيـم
=القلب ذا قسمك ومن لحم الجسـد ذا مقسمـك
اما بقية مابقا نـار(ن) وشبـت فـي هشيـم
=ارحم مدام ان الجسد عاري عسى الله يرحمك
قد قيللي من قبل اقول كم واحد(ن)قالو سقيـم
=اسباب سقمه مثل سقمي منك جعلي ما اعدمك
ماقلتها قصدي كذا انا كـذا شاعـر غشيـم
=اكرر النظرات وغمزلك وتضحك ما احلمـك
لانك وحيدي وعتبرني بالهوى رجل(ن) يتيم
=يتيم ماله مطلب الا بـس ضحكـة مبسمـك

[أوهــام]

*


*


*



هـــز يــاعــود الـنـصـيـه مــــع طــــروب الـصـلـفـه
والله انـــــــــــي مــاعـــلـــيـــه لــــــــــــو تــــــهــــــز بــــــعــــــودك


ابـــــدويـــــك مـــايـــحــــب الا الـــــطـــــروب الـــولــــفــــه
ونـــــت وش عــنـــدك تــوضـــح لـلـمـغـنـي زودك


الـمـغـنــي مـــــن نـهــار(ن)جــات طـقــطــق بـلــفــه
ويـوم قالـت قـال منـك ومـن بيـاض خــدودك


دام حط السين من ضاعت جداه عن الفه
وردي ذودك عــــلــــى هــــــــداج وســــقـــــي ذودك


بــــس ابــــا مــنــك الامــانــه مــــات ولــــد الـخـلـفــه
خـــايـــف الـتـقـلـيــد وهـــجـــد يـاغــنــوجــي عـــــــودك


خــايـــف(ن) يـطــلــع عـلــيــه مـــــن يـكــثــر حـلــفــه
وفــضـــح الـقــصــه وعـــلـــم والـسـبــايــب ســــــودك


والـغــريــبــه ضـــــــل قـــــــدك لـــيــــش دايـــــــم خــلـــفـــه
الـســواد الــــي غــطــا هــــو ضــــل ولا جــعــودك


ويــــش رايــكــك فــــي اشــوريـــا زيـــــن؟الا جـلــفــه
كيـف ابـا انكـر زيـنـك الــي والدلـيـل شـهـودك


واخـــــر الـمـكـتــوب مـــنـــي يــالــحــروف الـكـلــفــه
ويــالــيــالـــي وصــلــيــهـــا غـــايـــتـــي مــــــــــع نــــــــــودك

[أوهــام]

*

*

*


عزيز ماعينت حي(ن)لجابي
وده ولج معلقات الغلا لج
سبب ضمايه وقتفيت السرابي
اتبع سراب(ن)قايله ودرقه عج
ابعد خطايه وختفا ضحك نابي
ون قلتلي قلتلك ماخاطر(ن)سج
ونا الحقيقه سج فكر(ن)غدابي
وشعل لهب ناره ورج الحشا رج
كله سبايب من صدقت وصطابي
ون قلت ابا استرحم يعارض ويحتج
وشتلت خرجي والحنش في قرابي
ودعج غنج يفتل لذبحي وينسج
اول تمسك لين قفا شبابي
واليوم قال اسمع نبا نتوب ونحج
وشهو حرامي لجل احسب حسابي
حرام مازليت للدرب الاعوج
غير الهوى الي ذوبه في شرابي
زج المولع في هوى لاعبه زج
هذا الحصيل ويالله اكتب ثوابي
يافارج الكربات يارب الافرج
تعيد قلبي ويتعافا صوابي
بالي ليا ناديت بسمه تغنج

[أوهــام]

*


*


*



يـــابــــدر يــالـــيـــت الــمــوالــيــف يــــــــدرون
عـن علـة(ن) وسـط الضمـايـر كوتـنـي


كـويـة جـمـر سـمـرٍ عـلـى راس غلـيـون
فــــــي كــــــف عــــــودٍ شــوفــتــه روعــتــنـــي


كـبـيـر ســـن ويـشـفــط الـعـضــم بـالـهــون
يــكــويــبــهــا عـــــلـــــة جــــــــــروحٍ خــفــتـــنـــي


ونــــــا كـــوانـــي يـــابـــدر ونــــــت مــمــنـــون
لـو جبـت علـم(ن)بـس لـيـش احرقتـنـي


انــا اعــرف ان الـقـتـل حـق(ن)وقـانـون
ولاش اعتراض(ن) لو خطا وظلمتني


انـــــــا رجـــايــــه نـظــرة(ن)مــنــه تــكـــفـــون
ويـالـيـتــهــا قــــبــــل الــــوفــــاه احـضـنــتــنــي


ابـــا اروح الـــي بـــزرق الـعــود مــدهــون
وكـــــــون شــــاكــــر لــــــــو بــــعــــد قـبـلــتــنــي


ومــــوت وحــيــا بــيــن الاثـنــيــن مــدفـــون
حـــتـــى لـــيـــا قـــامـــت تـــهـــز اطـربــتــنــي


هـــــذا رجـــــا وبـلــيــس لا شـــــك مـلــعــون
ذكــــــــراً تــــراودنــــي عــســـاهـــا ذكــرتـــنـــي

[أوهــام]

*


*


*


يــابــنــت يــــــا ام الــعــيــون الـــســــود يـانــكــبــه
لحضه ترا الحض قبل اعرفك ناكبنـي
حبك دخل في حشاء الصدر وتملكبه
عــطــيـــتـــه الـــقـــلــــب كـــــلـــــه وبـــــتـــــدا يـــبــــنــــي
ثـبـت رسـومـه مــن الجبـهـه الـــى الـركـبـه
ملـكـة مسيـحـي بـصـك المـلـك قاضـبـنـي
لــــــكـــــــن يــــاحـــــلـــــو قــــلـــــبـــــي لا تـــشـــاركــــبــــه
تـــــــرا الــشــراكـــه حــــــــرام الــــحــــرم تـتـعــبــنــي
درب الحيالات مابه خير وش لـك بـه
خـــلــــك مـــعــــي دام يــامــرغـــوب راغــبـــنـــي
عــالــج جــــروح الـقـديــم الــــي تـشــابــك بـــــه
الـــــي مــثـــل تـــــوم مـــــع جــيـــري يـلاعـبــنــي
لــــــو,ان شــكــلــه ومـلـبــوســه بـــعـــد ســكــبـــه
انا ما ابي غيـر صـدق الحـب يجذبنـي
ابــي طـريــق صـحـيـح صـــدق نـسـلـك بـــه
حــب النـقـاء والـوفــاء مـحــد(ن) يراقـبـنـي

[أوهــام]

*


*


*

حرام لو الود بالعين ينشاف
اني بكل اهل البلد لستعيني
وحطلي قبه على راس مشراف
رسم(ن)لمابي ودرجي ياسنيني
مع واحد(ن)خده كما لون شفاف
الدم خطر(ن)من وراها يبيني
والبطن ضامر والبلا زام الارداف
الساق منها قال يامستعيني
تكشف لستره لو لبس كل نفناف
شالت عن اسفل ساقها طرقتيني
والعين عين الي ضمن كل الاوصاف
حر(ن) وحش مابرقعوه القطيني
والعنق عنق امذيرة كل حواف
بالريح قبل تشوفهم تستبيني
والعود راك سانده عود صفصاف
خوف(ن) عليه من الهبايب يليني
والمشي منها فرخ طير القطا خاف
يروح مشيه عند خضب اليديني
وكن المبيسم لحمر الدم رشاف
وراه من لؤلؤ عدن رصتيني
والصدر طلعه مايبا كود قطاف
كنه من الرمان (لا)خوختيني
من طهرها ماهيب للسوق مهياف
ولا شيلت جوالها باليميني
يا ويش اقول ويش يرما وينعاف
من راسها لسفل قدمها ثميني
والله لو الي على الكيف ينضاف
بالكرت لكتبها وقول اكتبيني
عاشقج يام عيون يابنت الاشراف
يالي سلاتي يوم طيفك يجيني
وحط خط وكلمتين(ن)للاسلاف
الحب بلوا) يادلع سامحيني
انكان جاء نقص(ن) بما قلت وخلاف
قولي خطا بالقاف ماهوب فيني
ونا اعترف للناس في هزعت القاف
ولا الوصايف صدق بينك وبيني
ياما نحبت الها كما نحبت الهاف
مع بندر بن سرور هاك السنيني
لا حوله بالعرق والليل ينخاف
وهل البلاجك بالوطا جالسيني
ثم عشقه بثنين ثم لف ونلاف
صوت التواير كنها المارتيني
هذه انا يافاهم كل ماطاف
ربك على طيب العلوم ايهديني

[أوهــام]

*


*


*



هـــو هـــذا مــلــح الــعــذاراء والـحـلــى والــزيــن كــلــه
والله انـــــــــــي شــــايــــفــــه بـــعـــيـــونـــي الــثــنــتـــيـــن ذيــــــــــــه


يـابــعــد قـلــبــي وروحـــــي يـــــادوى عـــــن كـــــل عـــلـــه
لــو سئلـنـي مـــن سئـلـنـي مـــن تـحــب اقـــول هـيــه


ياحلو جسمك وصدرك وشقر(ن) لجلي تفلـه
يــاقــمــر مــــــدري شـبـيــهــه يــاقــمـــر مـــــــدري ســمــيـــه


ياغـصـيـن الـبــان يـالــي قـبــر قـلـبـي تـحــت ضـلــه
لايـــــروح الــضـــل عــنـــي وحـتـسـبـهــا لــــــك خــطــيــه


كــــــان مـــاتـــدري تــــــرا قــلــبـــي ونـــــــا راضـــــــي تــتــلـــه
لـــــو اشـــــوف الــجـــرم فــيـــه قـــلـــت زيــــــدي يــابــريــه


عــــاش حــبــك فـــــي فـــــؤادي حـــــط بـسـتـانــه وفــلـــه
وسمعـيـنـي ياعـسـانـي مـــا افـقــدك بـــاق الـوصـيـه


ايــه احـبـك ثــم احـبـك ثــم احـبــك وشـهــد(ن) لـــه
يـاظــلــوعــي بــالــغـــرام الـــــــي مـــثــــل مــقــلـــع طــمـــيـــه


وفـرحــن بـــه ياعـيـونـي ونــظــرن لــــه وغــمــزن لــــه
غصب عنك(ن) اغمزن له لان مايوجد حليه


وسمـحـيـلـي يـاغـنـوجـه كــــان جــــاء بـالـقــاف زلـــــه
وخـذي الـحـب الحقيـقـي والقصـيـد احـلـى هـديـه

[أوهــام]

*


*


*


يـــاكـــثـــر ظــــلـــــم الــــنـــــاس لــــنـــــاس كـــــثـــــراه
وياصبر بعض الناس لاصار مظلوم
احـــد(ن)عــــن الـــــــزلات والــشــيـــن نــــرفــــاه
الـــــيـــــا تــخــاويـــنـــا ولـــــوهـــــو مــــــــــن الـــــقـــــوم
وحد(ن)سكـن بـيـن الضـلـوع وحفضـنـاه
مــــاغـــــاب عــــنـــــا لــــــــــو نـــســـانــــا ولا يــــــــــوم
وحــد(ن) يـبـي مـنــا الـرضــاء ماعطـيـنـاه
مـالــه مـــع الـــي داخــــل الـقـلــب مـقـســوم
وحــد(ن)يــجــي ون صــــــد عـــنـــا نـسـيــنــاه
مـرحــوم يـامـثـلـي مــــع الــصــدق مــرحــوم
بالله وشــــــــهــــــــو بــــــــاقــــــــي(ن) مــــابــــذلــــنـــــاه
كــلـــي وفـــــاء يـامـلـحــق(ن) قــلــبــي الــــــوم
مـــاهـــي كــثــيــره لـــجـــل حـلـو(ن)عـشـقـنــاه
بــس الكـرامـه كـــوم والـــي حـصــل كـــوم
حـلــم(ن) قـديــم لـجــل شـخـصـه حـلـمـنـاه
لـيـلـة فـــرح زفـــه ونـصـحــا ء مــــن الــنــوم
الــقـــا غـــرامـــي لــلــيــل والــصــبــح مــاالــقــاه
اثـــــــر الـمــحــبــه كـــــــذب ووهـــــــام وهــــمــــوم
الـبـعـض طـبـعـا والـبـعـض ربـــي اعــطــاه
ماهـوب مثـلـي صــادق الـحـب مـحـروم
يالله يــــــالــــــي كـــــــــــــل عــــــبـــــــد(ن) تــــــرجـــــــاه
تـرزقـنــي الـمـقـسـوم فـــــي وقـــــت مــعـــدوم

[أوهــام]

بالفعل قصائد خاطفة تجبرنا على التوقف لتأمل ماتحمل من معاني راقية

..........

هذا وسيتم أضافه كل جديد لشاعرنا // محمد الروقي إلى ديوانه الخاص

والعــذر والسمــوحه ع القصور ..

تحياتي للجميع ..

"أوهــام"

http://www.t3alil.net/vb/images/smilies/flawr000.gif

[مدغش نصار]

اوهام شكر جزيلا لك على مثل هالمجهود يعطيك العافية على مثل هالقصايد جميلة ومعانيها حلوة وحبيت اسجل مرورى وشكرا.

[محمد الروقي]

وش سويتي يا اوهام
ماهو الجزاء الذي تستحقينه على هذا الجميل الذي سيطوقني
اوهام حروفي تقف عاجزة امام جميلك فليس لدي الا ان اقول اتمنى من الله ان يجملني معك

[بنوتة برقة]

يــــــــــآلله
تَزَاحَمَت مُفْرَدَاتِي لَتُلْقِي الْتَّحِيَّة لعَبِيرْكَلِماتِك
الَّتِي كـإِيْقَاع الْمَطَر بِالْرَّوْعَة
ربي يسعدكـ آوهــآمـ


محمد آلروقي
آلله علـــيكـ وعلى هذة آلآحآسيس آلجمــيلة آلتي تحمــلهآ
آلله يحميكـ ويسعدكـ
ديوآن رآقي جداً